Հենրիխ Մխիթրայան, Նոբել Առուստամյան

Մխիթարյանի կողքին. Հայաստանի հավաքականը կարող է համալրվել 2 «ռուս հայով». Առուստամյան

106
(Թարմացված է 12:14 08.05.2020)
Կորյանի կարգավիճակը Ռուսաստանում չի փոխվի. նոր մրցաշրջանից սկսած հայ ֆուտբոլիստները դադարում են Ռուսաստանում լեգիոներներ համարվել:

ԵՐԵՎԱՆ, 8 մայիսի — Sputnik. «Խիմկիի» հարձակվող Արշակ Կորյանը հանդես կգա Հայաստանի հավաքականի կազմում։

Տեղեկությունը իր տելեգրամ-ալիքում գրել է հայտնի հեռուստամեկնաբան Նոբել Առուստամյանը։

«Կհիշեք, որ Արշակ Կորյանը «Լոկոմոտիվի» հույսն էր դեռ «Վիտես» տեղափոխվելուց առաջ: Այժմ նա «Խիմկիի» հետ նվաճել է ՌՊԼ-ի ուղեգիր, և ավելի հետաքրքիր է, որ նա որոշել է խաղալ Հայաստանի հավաքականի կազմում»,–գրել է նա:

Ազգությամբ հայ Կորյանը խաղացել է Ռուսաստանի պատանեկան հավաքականների կազմում և խաղացել է ընդհուպ մինչև Մ21 հավաքականը: Առուստամյան խոսքով` վերջերս Արշակը զրուցել է Հայաստանի ֆեդերացիայի և նոր գլխավոր մարզիչ Խոակին Կապարոսի հետ։ «Հնարավոր է, որ շուտով Կորյանը խաղադաշտ դուրս գա Հենրիխ Մխիթարյանի հետ»,–գրել է Առուստամյանը:

Կորյանի կարգավիճակը Ռուսաստանում չի փոխվի. նոր մրցաշրջանից սկսած հայ ֆուտբոլիստները դադարում են համարվել լեգիոներներ Ռուսաստանում: «Կարծում եմ, որ նման նախադեպերը կդառնան կանոնավոր, և Կորյանը վերջին «ռուս հայը» չէ, ով կընդունի Հայաստանի հավաքականի հրավերը»,–գրել է մեկնաբանը:

Ալեքսանդր Կարապետյանը Հենրիխ Մխիթարյանին «Սոչի» է հրավիրել

Նրա տեղեկություններով` Խորեն Բայրամյանը նույնպես կարող է նույն ճանապարհով գնալ: «Ռոստովի» խաղացողն արդեն առաջարկ է ստացել Հայաստանից և մտածելու ժամանակ է խնդրել:

Առուստամյանը փոքրիկ վերլուծությամբ է ավարտել իր խոսքը` նշելով, որ Հայաստանի հավաքականը կարող է լրջորեն ուժեղացնել կազմը և առաջընթաց գրանցել Ազգերի լիգայի հաջորդ խաղարկությունում:

106
թեգերը:
հայ, ռուս, Հայաստանի ազգային հավաքական, ֆուտբոլիստ, ՀՖՖ, ֆուտբոլ, Հենրիխ Մխիթարյան
Ըստ թեմայի
Դոնեցկի «Շախտյորը» չի մոռանում Հենրիխ Մխիթարյանին ու նրա «թնդանոթային» հարվածները
Հենրիխ Մխիթարյանը, Արթուր Աբրահամն ու Վիկ Դարչինյանը միացել են կորոնավիրուսի դեմ պայքարին
«Եթե անունս տաս, հաշիվդ կկրկնապատկեն»․ Հենրիխ Մխիթարյանի ու Նոբել Առուստամյանի հանդիպումը
Դոնալդ Թրամփի ելույթը

ԱՄՆ-ում COVID-19-ից ավելի քան 100 հազար մարդ է մահացել․ նոր տվյալներ ամբողջ աշխարհից

36
Միացյալ Նահանգները, Բրազիլիան ու Ռուսաստանը շարունակում են առաջատար դիրքեր զբաղեցնել կորոնավիրուսի տարածման տեմպերով։

ԵՐԵՎԱՆ, 27 մայիսի — Sputnik. Աշխարհում կորոնավիրուսով հիվանդացության բացահայտված դեպքերի ընդհանուր  թիվը գերազանցել է 5.6 մլն–ը: Տեղեկությունը հայտնում է Worldometer համաշխարհային վիճակագրության կայքը։

Աղբյուրի համաձայն` մայիսի 27-ի դրությամբ, աշխարհում COVID-19–ի հաստատված 5 685 938 դեպք կա։ Համավարակի զոհ է դարձել 352 227 մարդ։

Վարակի տարածման ցուցանիշներով առաջին եռյակում են ԱՄՆ-ն, Բրազիլիան ու Ռուսաստանը։

ԱՄՆ–ում կորոնավիրուս է ախտորոշվել 1 725 275 մարդու մոտ։ Մահացել է 100 572 վարակված անձ։

Երկրորդ տեղում Բրազիլիան է։ Այստեղ վարակը հաստատվել է 394 507 մարդու մոտ, մահվան ելքերը 24 593–ն են։

Համավարակի տարածման ցուցանիշներով երրորդ հորիզոնականում է Ռուսաստանը։ Կայքի համաձայն` ՌԴ-ում բացահայտված դեպքերը 362 342 –ն են, մահացել են 3 807-ը։

Տարածման ցուցանիշներով առաջին տասնյակում են նաև Իսպանիան, Մեծ Բրիտանիան, Իտալիան, Ֆրանսիան, Գերմանիան, Թուրքիան և Հնդկաստանը։

Չինաստանը, որտեղ առաջինն էր գրանցվել կորոնավիրուսի բռնկումը, 14-րդ տեղում է։  Այս պահի դրությամբ ՉԺՀ-ում բացահայտված դեպքերի թիվը 82 993 է, մահվան ելքերինը՝ 4634։

COVID 19-ով հիվանդներից 250-ը գտնվում են ծանր վիճակում. նախարարը նոր տվյալներ է հրապարակել

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։

36
թեգերը:
վարակ, աշխարհ, Բրազիլիա, Ռուսաստան, Չինաստան, համավարակ, ԱՄՆ, կորոնավիրուս
թեմա:
Կորոնավիրուսը Չինաստանում և աշխարհում
Ըստ թեմայի
«Այդ ընթացքում կհասցնեմ առողջանալ». կորոնավիրուսի կասկածներ ունեցող Մարիամի պատմությունը
Որն է «խոզի գրիպի» ու կորոնավիրուսի տարբերությունը
«Միակ ելքը կանխարգելիչ միջոցներն են». կորոնավիրուսի դեմ պայքարող բժիշկի խորհուրդները
Լաբորատորիա. արխիվային լուսանկար

Որն է «խոզի գրիպի» ու կորոնավիրուսի տարբերությունը

92
(Թարմացված է 22:15 26.05.2020)
Կորոնավիրուսի դեպքում վարակակիրը կարող է վարակել մարդկանց ախտանիշների ի հայտ գալուց երկու օր առաջ, իսկ «խոզի գրիպ» ունեցողները մեկ օր առաջ էին մարդկանց համար վտանգ ներկայացնում։

ԵՐԵՎԱՆ, 27 մայիսի - Sputnik. Կորոնավիրուսի հիմնական տարբերությունն այսպես կոչված «խոզի գրիպից» այն է, որ առաջինի ինկուբացիոն շրջանն ավելի երկար է տևում, և այն ավելի երկար է «գոյատևում» արտաքին միջավայրում։ Այս տեղեկությունը ՌԻԱ Նովոստիի հետ զրույցում ասել է բժիշկ թերապևտ, Վոլինսկի հիվանդանոցի բաժնի վարիչ, նախագահի գործերի կառավարիչ Անդրեյ Նագովիցինը։

Եթե խոզի գրիպի ախտանիշներն ի հայտ են գալիս վարակվելուց 2-4 օր անց, ապա կորոնավիրուսի դեպքում ինկուբացիոն շրջանը 6-14 օր է տևում։ SARS-CoV-2-ի դեպքում վարակակիրը կարող է վարակել մարդկանց ախտանիշների ի հայտ գալուց երկու օր առաջ, իսկ խոզի գրիպ ունեցողները մեկ օր առաջ էին մարդկանց համար վտանգ ներկայացնում։

Նագովիցինն ընդգծել է, որ COVID-19-ը ավելի «կենսունակ» է․ այն կարող է բավականին երկար ժամանակ պահպանվել գույքի, կենցաղային օրերի, դռների բռնակների վրա և օդում։

«Ո՞րն է այդ հիվանդության դժվարությունը։ Մենք այն չենք ճանաչում։ Նոր–նոր, ախտորոշման տարբերակներ են հայտնվում, բուժման միջոցներ են մշակվում», - ասել է բժիշկը։

Նա վստահ է, որ միայն կարգապահությունն ու բնակչության տեղեկացված լինելը կարող են օգնել վերահսկել կորոնավիրուսի տարածումը։ Մասնագետն ընդգծել է, որ ինքնամեկուսացումը զանգվածային բռնկումը կանխելու միջոց է, այն միտված չէ վարակը հաղթահարելուն։

Նշենք, որ 2009 թվականին խոզի գրիպը համավարակի պատճառ էր դարձել։

COVID 19-ով հիվանդներից 250-ը գտնվում են ծանր վիճակում. նախարարը նոր տվյալներ է հրապարակել

92
թեգերը:
վարակ, համաճարակ, համավարակ, գրիպ, կորոնավիրուս
թեմա:
Կորոնավիրուսը Չինաստանում և աշխարհում
Ըստ թեմայի
Թորոսյանի մոտ թթվածնի սատուրացիան դեռ 98% է. կորոնավիրուսին բնորոշ ախտանշանները
ԱՀԿ-ն ուսումնասիրում է առանց ախտանշանների մարդկանցից կորոնավիրուսով վարակվելու դեպքերը
ԱՆ-ն փոխում է COVID 19-ի դեմ ռազմավարությունը. թեթև ախտանշաններ ունեցողները կմնան տանը
Արայիկ Հարությունյան. ախիվային լուսանկար

Սպիտակի մատուռի մոտ շրջանավարտների մեծ կուտակումներ են գրանցվել. ո՞վ է պատասխան տալու

0
(Թարմացված է 12:11 27.05.2020)
Կորոնավիրուսի համավարակի օրերին դպրոցներում կազմակերպվող միջոցառումների ու էքսկուրսիաների համար պատասխանատվությունը կդրվի դպրոցների տնօրենների ու համայնքների ղեկավարների վրա:

ԵՐԵՎԱՆ, 27 մայիսի — Sputnik. ՀՀ ԿԳՄՍ նախարար Արայիկ Հարությունյանն այսօր կառավարության նիստում հայտարարեց, որ չնայած համավարակի տարածման ակտիվացմանն ու դրա դեմ պայքարի խստացմանը, դպրոցներում ուսումնական տարվա ավարտին շարունակում են լոկալ միջոցառումներ կազմակերպել:

«Մենք զգուշացրել ենք, որ նման բան չանեն: Բայց նման տեղեկություններ ունենք ու հիմա նույնպես աշխատանքներ ենք տանում այդ ուղղությամբ: Օգտվելով այս հնարավորությունից, ուզում եմ կոչ անել, հորդորել, նաև պահանջել դպրոցական հաստատություններից ու ծնողական խորհուրդներից, որ զերծ մնան նման միջոցառումների կազմակերպումից»,- ասաց Հարությունյանը:

Նա հիշեցրեց, որ շրջանավարտներին խոստացել է «Վերջին զանգի» միջոցառումների համար համավարակի հաղթահարումից հետո մեկ օր նշանակել ու ամբողջ երկրի տարածքում նշել: Բայց այս պահին նախարարը հորդորեց զերծ մնալ միջոցառումներ կազմակերպելուց ու հատկապես առաջիկա 4 հանգստյան օրերին սրբավայրեր այցելելուց: Նախարարն այս հանգամանքի վրա հրավիրեց ՀՀ ոստիկանապետի ուշադրությունը:

Արայիկ Հարությունյանը հայտնեց, որ անցյալ շաբաթ հատկապես մեծ կուտակումներ են գրանցվել Սպիտակի Սբ. Հովհաննես մատուռի մոտ:

«Հսկայական կուտակումներ են եղել և սոցիալական ցանցերում, մամուլում այդ նկարները կան: Ես կխնդրեի, որպեսզի ոստիկանությւնը նաև այստեղ հսկողություն իրականացնի և առնվազն թույլ չտանք նման կուտակումներ, որոհետև դրանք դառնում են համավարակի տարածման մեծ աղբյուրներ»,- ասաց նախարարը:

ՀՀ վարչապետ Նիկոլ Փաշինյանն առաջարկեց հնարավոր դեպքերի համար պատասխանատվությունը դնել դպրոցների տնօրեններին ու համայնքների ղեկավարների վրա:

«Երբ որ մենք տեղեկատվութսյունը կհավաքենք, թե ովքեր են նման միջոցառումներն արել՝ կանոնների խախտմամբ, կարծում եմ` դա որոշակի կոնկրետ հետևանք կունենա դպրոցների տնօրենների և համայնքների ղեկավարների հետագա գործունեության գնահատականի վրա»,- ասաց Փաշինյանը:

Նա նաև հանձնարարաեց ոստիկանությանը հավաքել տեղեկատվություն այն մասին, թե ովքեր չեն ենթարկվում կանոններին:

Նշենք, որ մայիսի 27–ի տվյալներով` Հայաստանում կորոնավիրուսով վարակվածների թիվը 7774 է։ Այս պահին փաստացի բուժում է ստանում 4377 մարդ, կատարվել է 53678 թեստավորում, առողջացել են վարակվածներից 3255–ը։ Մեկ օրում գրանցվել է մահվան 7 դեպք։

Վերջին մեկ օրում վարակը հաստատվել է 372 մարդու մոտ, փաստացի առողջացել են 35–ը։

Դատարկվող գյուղի միակ շրջանավարտը. Չինչինում եկող տարի այդ մեկն էլ չի լինի

0
թեմա:
Կորոնավիրուսը Հայաստանում և Արցախում
Ըստ թեմայի
«Միակ ելքը կանխարգելիչ միջոցներն են». կորոնավիրուսի դեմ պայքարող բժիշկի խորհուրդները
Հայաստանում կորոնավիրուսով վարակվածների թիվն ավելացել է 372-ով և դարձել 7774
Աննախադեպ ցուցանիշ. Հայաստանում մեկ օրում կորոնավիրուսից 7 մարդ է մահացել