ԱՊՀ ԱԳ նախարարների հանդիպումը. արխիվային լուսանկար

Կյանքը կարանտինից հետո. ԱՊՀ արտգործնախարարները կքննարկեն համագործակցության ծրագրերը

96
(Թարմացված է 16:16 05.05.2020)
ԱՊՀ երկրների Արտաքին գործերի նախարարների վիրտուալ հանդիպման օրակարգում են տուրիզմի զարգացումը, երիտասարդների շփման ակտիվացումը, սպորտի և մշակույթի ոլորտում համագործակցության ընդլայնումը։

ԵՐԵՎԱՆ, 5 մայիսի – Sputnik. ԱՊՀ արտաքին գործերի նախարարների խորհրդի (ԱԳՆԽ)  նիստը տեղի կունենա մայիսի 12-ին, տեսակոնֆերանսի ռեժիմով։

Չնայած միջոցառման հեռավար բնույթին, արտաքին քաղաքական գերատեսչությունների ղեկավարները կքննարկեն ծրագրեր և նախագծեր, որոնց իրագործումը կազմակերպության պետությունների քաղաքացիների անմիջական շփում է ենթադրում:

Այսպես, ԱՊՀ Գործադիր կոմիտեի մամուլի ծառայության տվյալներով` ԱԳՆԽ նիստի օրակարգի նախագծում ներառված փաստաթղթերի զգալի մասը վերաբերում է հումանիտար թեմաներին։ Խոսքը 2021-2030թթ. ԱՊՀ անդամ պետությունների Միջազգային երիտասարդական համագործակցության ռազմավարության նախագծի մասին է։

Գլխավոր նպատակը ԱՊՀ երկրների երիտասարդների շփման ակտիվացումն է։ Նախարարները կքննարկեն նաև 2021–2025 թվականների մշակութային համատեղ միջոցառումների ցանկը։

Եվս մեկ նախագիծ է Անկախ պետությունների համագործակցության ցանցային համալսարանի հիմնադրման և գործունեության մասին համաձայնագիրը։ Բուհն իրենից ներկայացնելու է համատեղ ուսումնական ծրագրերի իրականացման կրթական կազմակերպությունների ցանց։

Բացի այդ, ԱՊՀ արտգործնախարարների խորհրդի նիստում կքննարկվի 2021-2030 թվականների զբոսաշրջության ոլորտի զարգացման ռազմավարությունը։ Փաստաթուղթը կնպաստի կազմակերպության անդամների պետական իշխանության մարմինների, ազգային զբոսաշրջային կազմակերպությունների և զբոսաշրջային ոլորտի այլ սուբյեկտների ջանքերի համախմբմանը։

Ինչպես է Ռուսաստանն օգնում ԱՊՀ երկրներին կորոնավիրուսի դեմ պայքարում

Երկարաժամկետ է (2021-2030 թթ) նաև ֆիզիկական կուլտուրայի և սպորտի ոլորտի զարգացման ռազմավարությունը։

Այն նպատակ ունի ընդլայնել գործընկերային հարաբերություններն ազգային կազմակերպությունների միջև։

Նախարարները նաև կարծիքներ կփոխանակեն միջազգային օրակարգի արդիական խնդիրների վերաբերյալ, ինչպես նաև կհաստատեն 2020 թվականի համար նախատեսված միջգերատեսչական խորհրդատվությունների ծրագիրը։ Այն ենթադրում է գերատեսչությունների համակարգում միջազգային տարբեր հարթակներում:

Ինչո՞ւ են Հնդկաստանում Հայաստանը համարում «ԱՊՀ–ի Սիլիկոնյան հովիտ»

ԱՊՀ արտգործնախարարները կքննարկեն կոռուպցիայի դեմ պայքարում փոխգործակցությանն ու Համագործակցության անդամ պետությունների ԶՈւ կապի համատեղ համակարգի ստեղծմանն առնչվող հարցեր։ Ռուսական կողմի առաջարկով` ԱՊՀ արտգործնախարարների խորհրդի նիստի օրակարգում լրացուցիչ հարց է ներառված միջազգային իրավունքի դերի ամրապնդման մասին ԱՊՀ անդամ երկրների արտգործնախարարների համատեղ հայտարարության վերաբերյալ։

96
թեգերը:
տեսակապ, կորոնավիրուս, համավարակ, Նախարար, Անկախ պետությունների համագործակցություն (ԱՊՀ)
Ըստ թեմայի
Սիրիայում գտնվող գրոհայիններն իրական սպառնալիք են ԱՊՀ երկրների համար. Պուտին
Աշխատավարձերի վարկանիշն ԱՊՀ–ում. Հայաստանը 5-րդ հորիզոնականում է
Հայաստանը վավերացրել է տվյալների փոխանակման մասին ԱՊՀ հակաահաբեկչական համաձայնագիրը
Էմանուել Մակրոն. արխիվային լուսանկար

​​«Սրճարանների, ռեստորանների բացումը հուշում է երջանիկ օրերի վերադարձի մասին». Մակրոն

3
(Թարմացված է 15:57 02.06.2020)
Մակրոնը կարծում է, որ սրճարաններն ու ռեստորանները քաղաքին կվերադարձնեն ուրախ մթնոլորտը։ Իսկ Հայաստանում հանրային սննդի օբյեկտների բացումը համաճարակաբանական նորմերի զանգվածային խախտումների է բերել։

ԵՐԵՎԱՆ, 2 հունիսի - Sputnik. Ֆրանսիայի նախագահ Էմանուել Մակրոնը հայտարարել է, որ կորոնավիրուսի համավարակի պատճառով երկարատև հարկադիր պարապուրդից հետո սրճարանների ու ռեստորանների բացումը վկայում է, որ ուրախ օրերը վերադառնում են:

«Ուզում եմ, որ Ֆրանսիան միշտ սիրի Հայաստանն այնպես, ինչպես Հայաստանը՝ մեզ»․ Լաքոտ

«Սրճարանների, հյուրանոցների և ռեստորանների բացումը հուշում է երջանիկ օրերի վերադարձի մասին։ Ոչ մի կասկած չկա, որ ֆրանսիացիները կհաճախեն սրճարաններ և ռեստորաններ, որովհետև այդ ամենը ֆրանսիական ոգու, մեր մշակույթի ու մեր արվեստի մի մասն են կազմում։ Այդ դժվարին շրջանում պետությունը կշարունակի աջակցել տուժած այդ սեկտորին», - գրել Է Մակրոնը Twitter-ի իր միկրոբլոգում։

Ֆրանսիայի ամբողջ տարածքում COVID-19-ի պատճառով մտցված սահմանափակումների շրջանակում մարտի 14-ից փակված հանրային օբյեկտներն այսօր առաջին անգամ բացել են իրենց դռները։

Պատասխանը` 1 ժամում. Ֆրանսիայում COVID-19-ի նոր էքսպրես թեստ են մշակել

Հիշեցնենք, որ մարտի 16-ից Հայաստանում ևս գործում է արտակարգ դրության ռեժիմ, որը երկարացվել է մինչև հունիսի 13-ը: Մայիսի 18-ից հանրապետությունում աշխատում է հասարակական տրանսպորտը, բայց գործում են որոշակի սահմանափակումներ. ուղևորներն անպայման պետք է լինեն դիմակներով և ձեռնոցներով։ Բացվել են նաև առևտրի կենտրոնները, ամբողջությամբ չեղյալ է հայտարարվել հասարակական սննդի օբյեկտների աշխատանքի արգելքը։

Սակայն պարետատունը հաճախ խախտումներ է արձանագրում տարբեր հանրային օբյեկտներում և 24 ժամով դադարեցնում դրանց աշխատանքը։

3
թեգերը:
Twitter, Ռեստորան, սրճարան, կարանտին, կորոնավիրուս, Ֆրանսիա, Էմանուել Մակրոն
Ըստ թեմայի
Հայ-ֆրանսիական առևտրաարդյունաբերական պալատն անհանգստացած է Ucomի շուրջ ստեղծված իրավիճակով
Ֆրանսիացի բժիշկները պարում են «Ով սիրուն, սիրուն» երգի ներքո. տեսանյութ
Ֆրանսիայում մահացել է կորոնավիրուսի հետ կապվող հիվանդության համախտանիշ ունեցող երեխան
Լաբորատորիա. արխիվային լուսանկար

Ռուսաստանում COVID-19–ի դեմ սկսել են «յոգուրտանման» պատվաստանյութ մշակել

30
(Թարմացված է 14:49 02.06.2020)
ՌԳԱ փոխնախագահի խոսքով` վիրուսանման մասնիկների հիման վրա Կենսաօրգանական քիմիայի ինստիտուտի և Չումակովի անվան պոլիոմիելիտի ինստիտուտի համատեղ ջանքերով պատվաստանյութ է ստեղծվում։

ԵՐԵՎԱՆ, 2 հունիսի – Sputnik. Ռուսաստանի գիտությունների ակադեմիայի փոխնախագահ Վլադիմիր Չեխոնինը ՌԳԱ պրեզիդիումի նիստի ժամանակ ասել է, որ ներկա պահին Ռուսաստանը մշակում է կորոնավիրուսի դեմ պատվաստանյութ, որը հնարավոր կլինի ընդունել կաթնամթերքի տեսքով։ Տեղեկությունը հայտնում է «Նաուչնայա Ռոսիան»։

Նրա խոսքով` պատվաստանյութը նախակլինիկական փորձարկումների փուլում է։

«Այս պատվաստանյութը խորհուրդ է տվել ՌԴ առողջապահության նախարարությունը, ներկա պահին իրականացվում է դրա ստեղծումը։ Սանկտ Պետերբուրգի փորձառական բժշկության համալսարանի հարթակում աշխատանք է տարվում նաև պատնեշային պատվաստանյութերի ստեղծման ուղղությամբ։ Այս պատվաստանյութը հնարավոր կլինի ընդունել որպես կաթնամթերք և այսօրվա դրությամբ այն նախակլինիկական փորձարկումներ է անցնում»,–հայտնել է Չեխոնինը։

Մերկելն ասել է` որքան գումար է պետք կորոնավիրուսի դեմ պատվաստանյութ ստեղծելու համար

ՌԳԱ փոխնախագահի խոսքով` վիրուսանման մասնիկների հիման վրա պատվաստանյութ է ստեղծվում Կենսաօրգանական քիմիայի ինստիտուտի և Չումակովի անվան պոլիոմիելիտի ինստիտուտի համատեղ ջանքերով։

«Ֆարմսինթեզ» ընկերության հետ համատեղ ՌԳԱ–ի Կենսաօրգանական քիմիայի ինստիտուտի հարթակի վրա ՌԳԱ ակադեմիկոս Ալեքսանդր Գաբիբովի ղեկավարությամբ մշակվում է նաև կոմբինացված ԴՆԹ պատվաստանյութ։

Ռուսաստանում աշխատում են կորոնավիրուսի դեմ 47 անուն պատվաստանյութի ստեղծման վրա

30
թեգերը:
Ռուսաստան, պատվաստանյութ, կորոնավիրուս
Ըստ թեմայի
ԱՀԿ–ն COVID-19–ի պոտենցիալ պատվաստանյութերի ցանկ է ներկայացրել
«Կորոնավիրուսը չի վերանա, քանի դեռ պատվաստանյութ չկա». Փաշինյան
Չինաստանում ասել են` երբ պատրաստ կլինի կորոնավիրուսի դեմ պատվաստանյութը