Վիեննա

Փորձագետները պարզել են՝ որն է աշխարհի ամենաէկոլոգիական քաղաքը

192
(Թարմացված է 23:36 30.04.2020)
Վարկանշային սանդղակը կազմվել է օդի աղտոտվածության աստիճանի, ինչպես նաև քաղաքում կանաչապատ տարածքների հիման վրա։

ԵՐԵՎԱՆ, 30 ապրիլի – Sputnik. Lonely Planet-ը գրում է, որ Ավստրիայի մայրաքաղաք Վիեննան ճանաչվել է աշխարհի ամենականաչ և էկոլոգիապես մաքուր քաղաքը։

Վարկանշային ցուցակի առաջին հորիզոնականում Վիեննան հայտնվել է այգեպատ տարածքների առատության, ինչպես նաև էկոլոգիական տրանսպորտի շնորհիվ։

Ցուցակը կազմել է «Resonance Consultancy» խորհրդատվական ընկերությունը՝ օդի աղտոտվածության աստիճանի, ինչպես նաև քաղաքում կանաչապատ տարածքների քանակի հիման վրա։

Գերմանական Մյունխեն և Բեռլին քաղաքները զբաղեցրել են համապատասխանաբար երկրորդ և երրորդ տեղերը։

«Ինչպես հայտնի է՝ Բեռլինի բնակիչները Եվրոպայում մեկ անձի համար նվազագույն քանակությամբ ջուր են օգտագործում»,- նշված է ուսումնասիրության մեջ։

Իսպանիայի մայրաքաղաք Մադրիդը՝ մեծ քանակությամբ հետիոտնային գոտիներով, վարկանշային ցուցակի չորրորդ տեղում է։

Միայն թե չքանդվի. Թիֆլիսի հայկական այս շենքը բազմաթիվ գաղտնիքներ ունի

Հինգերորդ հորիզոնականում բրազիլական Սան-Պաուլուն է․ այն վերականգնվող էներգիայի ամենամեծ սպառողներից մեկն է աշխարհում։

Տասնյակում են նաև բրիտանական Մանչեսթրը, պորտուգալական Լիսաբոնը, Սինգապուրը, Նիդեռլանդների մայրաքաղաք Ամստերդամը և Վաշինգտոնը (ԱՄՆ)։

192
թեգերը:
փորձագետ, էկոլոգիա, Վիեննա
Ըստ թեմայի
Հայտնի է` որոնք են անցած տարվա ամենաշահութաբեր ֆիլմերը
Մոլորակի ամենացնցող առաջին տիկինը 50 տարեկան է. Մելանյա Թրամփի վառ լուսանկարները
«Ամենալավ բարձը մաքուր խիղճն է». ինչ են հուշում հին հայկական ավանդույթները
Գլենդելի ամենագեղեցիկ փաստաբանը, կամ ինչպես հայուհին իրականացրեց ամերիկյան երազանքը
Սպիտակ տուն

Արտառոց դեպք Սպիտակ տան մոտ․ գաղտնի ծառայությունը կրակ է բացել

3
(Թարմացված է 09:58 11.08.2020)
Ավելի վաղ անվտանգության աշխատակիցները մամուլի ասուլիսից հեռացրել էին ԱՄՆ նախագահ Դոնալդ Թրամփին։ Մի քանի րոպե անց, վերադառնալով ասուլիսի սրահ, Թրամփը հայտնել է Սպիտակ տան մոտ տեղի ունեցած կրակոցների մասին։

ԵՐԵՎԱՆ, 11 օգոստոսի – Sputnik. ԱՄՆ Գաղտնի ծառայությունը մանրամասներ է ներկայացրել Սպիտակ տան մոտ տեղի ունեցած միջադեպի մասին։ Տեղեկությունը հրապարակվել է Գաղտնի ծառայության Twitter-յան էջում:

«51-ամյա տղամարդը մոտեցել Է Սպիտակ տան մոտ կանգնած գաղտնի ծառայության սպային և հայտարարել, որ իր մոտ զենք կա: Այնուհետև շրջվել է, հագուստի տակից ինչ-որ առարկա դուրս բերել ու շարժում է արել։

Ապա տղամարդը պատրաստվել է կրակել։ Սակայն գաղտնի ծառայության սպան կրակել է տղամարդու ուղղությամբ»,- նշված է հաղորդագրության մեջ։

Թրամփը զորքը դուրս է բերում Գերմանիայից` ի բարօրություն ԱՄՆ–ի ու ամբողջ աշխարհի

«Հրաձիգին» առաջին օգնություն է ցուցաբերվել, ինչից հետո նրան տեղափոխել են հիվանդանոց։

Ավելի վաղ անվտանգության աշխատակիցները մամուլի ասուլիսից հեռացրել էին ԱՄՆ նախագահ Դոնալդ Թրամփին։ Մի քանի րոպե անց, վերադառնալով ասուլիսի սրահ, Թրամփը հայտնել էր Սպիտակ տան մոտ տեղի ունեցած կրակոցների մասին։

Դեպքի առթիվ ընթանում է հետաքննություն։

Ամերիկացի գեներալները Բեյրութի պայթյունը հարձակում են որակել. Թրամփ

3
թեգերը:
Վաշինգտոն, Սպիտակ տուն, հրաձգություն, գնդակահարություն, կրակոց, Դոնալդ Թրամփ, ԱՄՆ
Ըստ թեմայի
Թրամփն առաջարկում է հետաձգել նախագահական ընտրությունները
Թրամփը մտադիր է ԱՄՆ–ում արգելել TikTok–ը
Ինչպես Թրամփը պատժեց Մերկելին
Դոնալդ Թրամփը հիմա էլ հայտարարել է, որ չի ուզում հետաձգել ընտրությունները
Բելառուս, արխիվային լուսանկար

Մինսկում ձերբակալվել է նաև RT-ի թղթակիցը

43
(Թարմացված է 21:42 10.08.2020)
ՕՄՕՆ-ի աշխատակիցները շարունակում են մարդկանց ձերբակալել, ստուգում են բոլոր անցորդների փաստաթղթերն ու ուսապարկները։

ԵՐԵՎԱՆ, 10 օգոստոսի – Sputnik. Բելառուսում իրավապահները սկսել են ձերբակալել «Մինսկ՝ հերոս քաղաք» կոթողի մոտ տեղի ունեցած ակցիայի ենթադրյալ մասնակիցներին։ ՌԻԱ Նովոստիի փոխանցմամբ՝ ձերբակալվել է նաև RT-ի թղթակից Կոնստանտին Պրիդիբայլոն։

Դեռ օգոստոսի 9-ին բողոքի ակցիաներից հետո Բելառուսի քրեական օրենսգրքի 293 հոդվածով քրեական գործեր էին հարուցվել զանգվածային անկարգություններ կազմակերպելու ու դրանց մասնակցելու փաստերով։

Այսօր ՕՄՕՆ-ի աշխատակիցները շարունակում են մարդկանց ձերբակալել, ստուգում են բոլոր անցորդների փաստաթղթերն ու ուսապարկները։ Քաղաքի այդ շրջանում հավաքվել են ոստիկանության ուժերը, երկու հրշեջ մեքենա է հերթապահում։

Ավելի վաղ Sputnik Բելառուսը հայտնել էր, որ Մինսկում գիշերային անկարգություններից հետո ձերբակալել են թղթակից Եվգենի Օլեյնիկին։ Բացի այդ, RT-ն տեղեկացնում էր, որ ձերբակալվել է «Ruptly Ruptly»–ի հետ համագործակցող թղթակիցը։ Նա մեկուսարանում է։ Մինչ այդ ընտրատարածքների բացման նկարահանման ժամանակ ձերբակալվել էին «Ruptly»-ի ևս երկու սթրինգերներ։

RT-ի ու «Ռոսիա սեգոդնյա» ՄՏԳ-ի գլխավոր խմբագիր Մարգարիտա Սիմոնյանը Բելառուսի իշխանությանը կոչ է արել ազատել ռուսաստանցի լրագրող Սեմյոն Պեգովին։

Ալեքսանդր Լուկաշենկոն նախագահական ընտրություններից հետո առաջին հայտարարությունն է արել

Պաշտոնական տվյալների համաձայն՝ Բելառուսի նախագահի ընտրություններում հաղթել է գործող նախագահ Ալեքսանդր Լուկաշենկոն, նրա օգտին է քվեարկել ընտրողների 80,23 տոկոսը:

Նախագահի թեկնածու Սվետլանա Տիխանովսկայայի շտաբը չի ընդունել ընտրությունների արդյունքները:

Մինսկում և Բելառուսի այլ քաղաքներում զանգվածային ցույցեր են սկսվել, ցուցարարների և ոստիկանության միջև բախումներ են եղել։ Իրավապաշտպանները հայտնում են, որ դրանց հետևանքով մեկ մարդ է մահացել։

«Ես նրան բաց եմ թողել»․ Մինսկի իրադարձությունների խոսուն լուսանկարն ամեն ինչ ասում է

43
թեգերը:
Ձերբակալում, Լրագրող, Մինսկ, Բելառուս
Ըստ թեմայի
Նիկոլ Փաշինյանն Ալեքսանդր Լուկաշենկոյին շնորհավորել է վերընտրվելու կապակցությամբ
Մինսկում բողոքի ակցիան վերածվել է ՕՄՕՆ –ի հետ բախումների․ կան տուժածներ
«Վահանները ցա՛ծ դրեք». ինչ էր կատարվում գիշերը Մինսկում. տեսանյութ