Լաբորատորիա. արխիվային լուսանկար

Չինաստանը նոր միջոց ունի, որը մակերևույթները COVID-19-ից ախտահանված պահում է մինչև 90 օր

142
(Թարմացված է 11:57 30.04.2020)
Միջոցի մշակումը տևել է 10 տարի։ Այն ստացել է MAP-1 անվանումը։ Նյութը կարելի ցողել մակերևույթներին, որոնց մարդիկ հաճախ են դիպչում, օրինակ՝ վերելակի կոճակներին, շքամուտքերի բազրիքներին և այլն։ Այս ախտահանող միջոցը, սակայն, բավականին պատկառելի գումար արժե։

ԵՐԵՎԱՆ, 30 ապրիլի – Sputnik․ Հոնկոնգի համալսարանի գիտնականները նոր ախտահանող միջոց են ստեղծել, որը, նրանց պնդմամբ, ի վիճակի է մեկուկես ամիս շարունակ պաշտպանել վտանգավոր մանրէներից և վիրուսներից, ներառյալ COVID-19-ը։ Նոր ախտահանիչը ստացել է MAP-1 անվանումը, հայտնում է Հոնկոնգի գիտության և տեխնոլոգիայի համալսարանի (HKUST) կայքը։

Նշվում է, որ ախտահանիչը մշակել են 10 տարի շարունակ։ Այն կարելի է ցողել մակերևույթներին, որոնց հասարակական վայրերում մարդիկ հաճախ են դիպչում, օրինակ՝ վերելակի կոճակներին, շքամուտքի բազրիքներին և այլն։

«Այդ տեղերը հաճախ են օգտագործվում և միաժամանակ հիվանդությունների փոխանցման համար շատ արդյունավետ միջավայր են հանդիսանում»,-ասել է HKUST-ի պրոֆեսոր Ջոզեֆ Քվանը՝ նյութը մշակող թիմի գլխավոր հետազոտողներից մեկը։

Միջոցը ցողելուց հետո առաջացող ծածկույթը միլիոնավոր նանոսրվակներ է պարունակում, որոնց մեջ ախտահանիչ նյութ կա։ Քվանի խոսքով՝ դրանք բակտերիաների, վիրուսների և սպորների ոչնչացման հարցում արդյունավետ են մնում անգամ ծածկույթը չորանալուց հետո։

Ի տարբերություն մանրէազերծման այլ մեթոդների, ինչպիսիք են քլորը և սպիրտը, MAP-1-ը լրացուցիչ ուժեղացված է ջերմազգայուն պոլիմերներով, որոնք պատիճավորվում են և մարդու մաշկի հետ շփման ժամանակ առանձնացնում ախտահանիչ նյութերը։

Հետազոտողները հավատացնում են, որ այն թունավոր չէ և անվտանգ է մաշկի և շրջակա միջավայրի համար։

Այս տարի Հոնկոնգի հիվանդանոցում և ծերանոցում անցկացված կլինիկական փորձարկումներից հետո միջոցը գնել է Germagic-ը։

ԱՀԿ–ն COVID-19–ի պոտենցիալ պատվաստանյութերի ցանկ է ներկայացրել

Այն փորձարկվել է դեռ փետրվարին, վաճառքը պետք է սկսվեր մարտից։

Բարեգործական ընկերության աջակցությամբ ախտահանիչ միջոցը ցողել են ցածր եկամուտ ունեցող հազարավոր ընտանիքիների տների շրջակայքում։

Բացի այդ, միջոցը փոխանցել են առևտրի կենտրոնների, դպրոցների և մարզադահլիճների մշակման համար։

Այս միջոցով մեկ դպրոց ախտահանելը կարժենա 2,6-ից մինչև 5 հազար ԱՄՆ դոլար՝ կախված ցողման տարածքից։

Կորոնավիրուսի թվի ռեկորդային աճը հուղարկավորության մասնակցելու հետևանք է. Թորոսյան

142
թեգերը:
կենսալաբորատորիա, լաբորատորիա, գիտնական, տեսանյութ, կորոնավիրուս, պատվաստանյութ, ախտահանում, Չինաստան
Ըստ թեմայի
Ինչպե՞ս խուսափել COVID-19-ի բռնկման երկրորդ ալիքից
ԱՄԷ-ն COVID-19-ի դեմ պայքարի համար դեղորայք է ուղարկել Հայաստան
Գիտնականները հայտնել են COVID-19–ի ժամանակ թոքերի ախտահարման պատճառը
Հաքեր

Հաքերները ռուսական բանկերի վրա յուրօրինակ հարձակում են գործել. ԶԼՄ–ները խուճապի են մատնվել

16
(Թարմացված է 23:45 14.08.2020)
Նամակներ են ուղարկվել են հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։

ԵՐԵՎԱՆ, 14 օգոստոսի – Sputnik. Կիբեռհանցագործները լրագրողների անվան տակ գրոհել են Ռուսաստանի բանկերի վրա։ Ինչպես գրում է ռուսական մամուլը, որոշ տվյալներով` TinyScouts խմբավորման հաքերները հաղորդագրություններ էին ուղարկում հարցազրույցի առաջարկով և համավարակի երկրորդ ալիքի մասին նախազգուշացումներով։

«Ռոստելեկոմի» կիբեռսպառնալիքների մոնիթորինգի և արձագանքման կենտրոնի մասնագետներին հայտնի է դարձել, որ կիբեռհանցագործները հարձակման համար ծրագրային նոր ապահովագրում են կիրառում։ Բանկերի վրա առանձին հարձակումներն իրականացվել են ապրիլին։

Նամակներ են ուղարկվում հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։ Հաղորդագրության մեջ բանկի աշխատակիցներից մեկին առաջարկվել է հարցազրույց անցնել։ Հարցերին պատասխանելու համար կից ներկայացված հղումով անցնելու դեպքում բեռնվում է վնասակար ծրագրի հիմնական բաղադրիչը, և կիբեռհանցագործները հեռավար հասանելիություն ու վերահսկողություն են ստանում օտար համակարգիչների նկատմամբ։

Չինացի հաքերները թիրախավորել են Նուբար Աֆեյանի ընկերության COVID-19–ի դեմ պատվաստանյութը

Եթե սարքի վրա որևէ կարևոր տեղեկություն ստանալ չի հաջողվում, այլ ծրագիր է տեղադրվում, որը կոդավորում է համակարգչի ողջ կոնտենտը, այնուհետև գումար պահանջում այն ապակոդավորելու համար։

16
թեգերը:
ԶԼՄ, Ռուսաստան, Բանկ, հաքեր
Ըստ թեմայի
Սին «հերոսություն» է. մասնագիտական ապտակ ադրբեջանցի հաքերներին
«Մենք թիկունքում ենք և ձեր մեջ». հայերը պատասխան հարված են հասցրել ադրբեջանցի հաքերներին
Հայերը կոտրել են ադրբեջանցիների գլխավոր հաքերական կայքը. համացանցում «փոխհրաձգություն» է
Ալեքսանդր Լուկաշենկո

Լուկաշենկոն բելառուսցիներին խնդրել է «գլուխները տնից դուրս չհանել»

22
(Թարմացված է 23:19 14.08.2020)
Լուկաշենկոն տեղի ունեցող իրադարձություններում մեղադրել է «դրսի մարդկանց»` հայտարարելով, որ առաջին շարքում «քրեական անցյալ» ունեցողներն են, որոնց հետևից են գնում «մեր երեխաները»։

ԵՐԵՎԱՆ, 14 օգոստոսի – Sputnik. Բելառուսի նախագահ Ալեքսանդր Լուկաշենկոն քաղաքացիներին հորդորել է «գլուխները դուրս չհանել տնից»։ Նախագահի խոսքերն է մեջբերել «Բելտան»։

 «Հասկացե՛ք` ձեզ և մեր երեխաներին հիմա նրանք օգտագործում են որպես «թնդանոթի միս»։ Նրանք այստեղ են եկել Լեհաստանից, Հոլանդիայից, Ուկրաինայից, Նավալնիի բաց Ռուսաստանից և այլն։ Մեր երկրի դեմ ագրեսիա է իրականացվում», - ասել Է Լուկաշենկոն։

Նա կարծում է, որ երկրում «ոչ թե ինչ–որ աղետ է կամ գերլարված իրավիճակ», սակայն խոստովանում է, որ խնդիրներ ու հարցեր կան, որոնք պետք է լուծել։

 «Մենք այսօր արդեն շատ հստակ տեսնում ենք, թե ինչ  է կատարվում», – հայտարարել է նախագահը։

Լուկաշենկոն տեղի ունեցող իրադարձություններում մեղադրել է «դրսից եկած մարդկանց»` հայտարարելով, որ առաջին շարքում «քրեական անցյալ» ունեցողներն են, որոնց հետևից են գնում «մեր երեխաները»։

Բելառուսի նախագահը նշել է, որ դեռ որևէ մեկին պահանջ ներկայացնել չի կարող։

«Չեմ կարող, քանի որ տեսնում եք` ինչպես է իրավիճակը զարգանում։ Միակ բանը, որ խնդրում եմ նախարարից և մյուսներից` մենք ամեն դեպքում սլավոն ենք, եթե մարդն ընկել է և պառկած է, նրան ծեծի ենթարկել պետք չէ։ Այսինքն` պետք է որոշակի արգելակ լինի», – ընդգծել է Ալեքսանդր Լուկաշենկոն։

Բելառուսում ՕՄՕՆ-ը ծեծել է տարեց տղամարդուն. տեսանյութ

Օգոստոսի 9–ին Բելառուսում կայացան նախագահական ընտրություններ։ ԿԸՀ–ի տվյալներով` Ալեքսանդր Լուկաշենկոն հավաքել է ձայների 80,1%–ը, երկրորդ տեղում է Սվետլանա Տիխանովսկայան` քվեների 10,12%։ Ընդդիմությունն այս արդյունքները չի ճանաչել, իսկ Տիխանովսկայան մեկնել է Լիտվա։

Վեցերորդ օրն է  երկրում չարտոնված բողոքի ցույցեր են տեղի ունենում, սակայն դրանք ճնշվում են ուժայինների կողմից։ Ցուցարարների դեմ արցունքաբեր գազ, ջրցաններ, լուսաձայնային նռնակներ և ռետինե փամփուշտներ են կիրառվում։

Մինսկում ուժայինները ծեծի են ենթարկել ՀՀ քաղաքացու

Պաշտոնական տվյալներով` ձերբակալվել է շուրջ 7 հազար մարդ։  Բելառուսի ՆԳՆ–ի փոխանցմամբ`  անկարգությունների ժամանակ տուժել են հարյուրավոր մարդիկ, այդ թվում` իրավապահ մարմինների 103 աշխատակից։  ՆԳՆ–ի տվյալներով` ցուցարարներից մեկը զոհվել է` փորձելով ոստիկանության ուղղությամբ ինքնաշեն պայթուցիկ սարք նետել։

22
թեգերը:
Ընտրություններ, Արևմուտք, Մինսկ, Բողոքի ակցիա, Բելառուս, Ալեքսանդր Լուկաշենկո
Ըստ թեմայի
Բելառուսի ԲելԱԶ և ՄԱԶ գործարաններում բողոքի ակցիաներ են ընթանում. տեսանյութ
Բելառուսի ՆԳՆ ղեկավարը ներողություն է խնդրել ցույցերի ժամանակ պատահաբար տուժած մարդկանցից
Տիխանովսկայան կոչով դիմել է Բելառուսի իշխանությանը․ նոր տեսաուղերձ