Հարրին ու Մեգանը

Հայտնի է` արքայազն Հարրին ու Մեգան Մարքլը որտեղ և ինչպես կնշեն իրենց երկրորդ հարսանիքը

163
(Թարմացված է 16:34 28.04.2020)
Զույգի առաջին հարսանիքը, որն անցկացվել է թագավորական ավանդույթներով, տեղի է ունեցել 2018 թվականի մայիսի 19-ին Վինձորում։

ԵՐԵՎԱՆ, 28 ապրիլի - Sputnik. Մեծ Բրիտանիայի արքայազն Հարրին ու Մեգան Մարքլը պատրաստվում են իրենց երկրորդ հարսանիքին։ Տեղեկությունը հայտնում է Heatworld պարբերականը` հղում անելով իր աղբյուրին։

Զույգը որոշել է կյանքը սկսել նոր էջից, Մեգանն ուզում է մոռանալ իր առաջին շքեղ ու չափազանց պաշտոնական հարսանիքը, որը տեղի էր ունեցել 2018 թվականի մայիսի 19-ին Վինձորում։ Արարողությունն անցկացվել էր թագավորական ավանդույթներով:

Պարբերականը գրում է, որ չնայած կորոնավիրուսի համավարակին, Մեգանն ու Հարրին որոշել են հավատարմության ևս մեկ երդում տալ Կալիֆոռնիայում: Արարողությունը շատ ռոմանտիկ կլինի. նրանք մայրամուտին կպսակադրվեն օվկիանոսի ափին` առանց հյուրերի։ Կլինեն միայն Մեգանը, Հարրին ու քահանան:

Դրանից հետո զույգը երեկույթ կկազմակերպի ընկերների համար։

«Երեկույթին մոտ 20 մարդ կլինի` միայն մտերիմ ընկերներն ու ընտանիքը։ Մեգանի մայրը` Դորիան, նույնպես կլինի հրավիրյալների թվում։ Հարրին ու Մեգանը հավանաբար կհրավիրեն Ջորջ և Ամալ Քլունիներին, հնարավոր է ՝ տոնին մասնակցեն Անջելինա Ջոլին ու Սերենա Ուիլյամսը», - պարբերականին պատմել է աղբյուրը:

Չի բառացվում ՝ Ուիլյամսը թագավորական զույգի երեկույթին մասնակցի ամուսնու ՝ ամերիկացի գործարար Ալեքսիս Օհանյանի հետ։

Նշենք, որ Մեգանը լարված հարաբերություններ ունի հոր, եղբոր և քրոջ հետ, նա շփվում է միայն մոր` Դորիա Ռոգլանդի հետ: Ամբողջ ընտանիքից միայն Դորիան է տեսել Հարրիի ու Մեգանի երեխային` Արչիին:

Հիշեցնենք` ապրիլի 1-ից արքայազն Հարրին ու Մեգան Մարքլը դադարեցին կատարել բրիտանական թագավորական ընտանիքի անդամների պարտականությունները և սկսեցին ինքնուրույն ապրել: Նրանք որոշեցին տեղափոխվել ԱՄՆ, աշխատել և զբաղվել ձեռնարկատիրական գործունեությամբ, հանուն դրա հրաժարվեցին «Ձեր թագավորական մեծություն» տիտղոսից, պետական ֆինանսավորումից և Sussex Royal ապրանքանիշից։ Սակայն առաջին 12 ամիսները փորձաշրջան են համարվելու։ 2021 թվականին զույգը կկարողանա վերադարձնել իր թագավորական կարգավիճակը և վերականգնել նախկին կենսակերպը ՝ կատարելով թագավորական ընտանիքի անդամների պարտականությունները:

Մեգան Մարքլի հայրը պատրաստ է դստեր դեմ ցուցմունք տալ. ԶԼՄ

163
թեգերը:
հարսանիք, Արքայազն Հարրի, Մեգան Մարքլ
Ըստ թեմայի
«Վայր ենք դնում բոլոր լիազորությունները». արքայազն Հարրին և կինը հայտարարություն են արել
«Վերադարձրեք Մեգանի ոճաբանին». դքսուհին վերագտել է իր ժպիտը Կանադայում
Այրել է կամուրջները. Մեգան Մարքլն աշխատանքից ազատել է անձնակազմին
Մևլութ Չավուշօղլուն

Հայաստանի նոր ղեկավարությունը պետք է դասեր քաղի անցյալից. Թուրքիայի արտգործնախարար

206
(Թարմացված է 14:21 20.06.2021)
Թուրքիայի արտաքին գործերի նախարարն ընդգծել է, որ Անկարան արտահերթ ընտրությունները Հայաստանի ներքին գործն է համարում։

ԵՐԵՎԱՆ, 20 հունիսի -Sputnik. Թուրքիան հույս ունի, որ Հայաստանի նոր ղեկավարությունը դասեր կքաղի անցյալից։ ՌԻԱ Նովոստիի փոխանցմամբ՝ Թուրքիայի արտգործնախարար Մևլութ Չավուշօղլուն նման կարծիք է հայտնել՝ մեկնաբանելով Հայաստանում ընթացող խորհրդարանական ընտրությունները։

«Մենք Հայաստանում ընտրությունները համարում ենք այդ երկրի ներքին գործը։ Հայաստանի նոր ղեկավարությունը պետք է դասեր քաղի անցյալից», - ասել է Չավուշօղլուն՝ ելույթ ունենալով Անթալիայում կայացած դիվանագիտական համաժողովում, որը հեռարձակել է նրա Twitter-ում։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

206
թեգերը:
Ազգային ժողովի ընտրություններ, Թուրքիա, Հայաստան
թեմա:
ԱԺ արտահերթ ընտրություններ 2021
Ըստ թեմայի
Արզաքանցյանն ահազանգում է, որ ընտրատեղամասերից մեկում բացակայում են ՀԴԿ ընտրաթերթիկները
Ոստիկանությունը նյութեր է նախապատրաստում Հայկ Սարգսյանի հրապարակած լուսանկարի փաստով
Ամենայն հայոց կաթողիկոսը կատարեց իր ընտրությունը
Կանադայում հայերն ու հույները բողոքի ակցիա են արել

Կանադայում հայերն ու հույները բողոքի ակցիա են արել` պահանջելով վերադարձնել հայ գերիներին

29
(Թարմացված է 12:16 20.06.2021)
Ցուցարարները Տորոնտոյի կենտրոնական փողոցներ են դուրս եկել «Ադրբեջան, դուրս բեր զորքերը» պաստառներով։

ԵՐԵՎԱՆ, 20 հունիսի - Sputnik․ Ադրբեջանում պահվող հայ գերիները պետք է անհապաղ ազատ արձակվեն, իսկ ադրբեջանական զորքերը՝ դուրս բերվեն Հայաստանի տարածքից։ Նման պահանջներով ցույց են անցկացրել Տորոնտոյի հայ և հույն համայնքների ներկայացուցիչները, հայտնում է Free Armenian POWs Global network-ը Facebook-ի իր էջում։

Ցուցարարները կոչ են անում Կանադայի վարչապետ Ջասթին Թրյուդոյին և արտգործնախարար Մարկ Գարնոյին ճնշում գործադրել Ադրբեջանի վրա ՝ գերիներին ազատ արձակելու համար:

«Ադրբեջան, դուրս բերիր զորքերը», «Հարգեք միջազգային իրավունքը!» և նման այլ ցուցապաստառներով ցուցարարները դուրս են եկել քաղաքի կենտրոնում գտնվող փողոցներ։

Հիշեցնենք, որ Ադրբեջանը շարունակում է 200-ից ավելի հայ ռազմագերիների և քաղաքացիական անձանց պահել՝ խախտելով 2020-ի նոյեմբերի 9-ի եռակողմ հայտարարությունը։

ՊՆ–ն մայիսի 12-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 13-ից ադրբեջանցիների հետ բանակցություններ են անցկացվում։

Մայիսի 20-ին էլ Սյունիքի մարզի Խոզնավար գյուղի հատվածում ՀՀ և ԱՀ ԶՈւ-երի զինծառայողների միջև ծեծկռտուք է տեղի ունեցել։ 11 հայ զինծառայող տեղափոխվել է հիվանդանոց։

Նշենք, որ Հայաստանում արտահերթ խորհրդարանական ընտրությունները կկայանան հունիսի 20–ին։ Դրանց մասնակցում է 21 կուսակցություն և 4 դաշինք։

29
թեգերը:
Սահման, Հայաստան, Ադրբեջան, ռազմագերի, գերի, հույն, հայ, Կանադա
թեմա:
Հայ գերիներ, անհետ կորածներ
Бюллетени для голосования

Աբովյանի ընտրատեղամասերից մեկում ընտրողը փորձել է դուրս հանել քվեաթերթիկը

0
(Թարմացված է 16:41 20.06.2021)
Գոռ Աբրահամյանն ընտրություններում ներգրավված սուբյեկտներին կոչ է անում զերծ մնալ ընտրողի ազատ կամարտահայտման վրա ազդելուց։

ԵՐԵՎԱՆ, 20 հունիսի – Sputnik. Աբովյան քաղաքում թիվ 29/20 ընտրատեղամասում մի ընտրողի կողմից քվեաթերթիկը դուրս հանելու դեպք էր արձանագրվել, որը կանխվել էր ոստիկանության աշխատակիցների կողմից: Տեղեկությունը հայտնում է գլխավոր դատախազի խորհրդական Գոռ Աբրահամյանը` Facebook–ի իր էջում գրառում անելով։

«Դեպքի առթիվ ՀՀ քրեական օրենսգրքի 154-րդ հոդվածի 1-ին մասի հատկանիշներով (քվեարկության գաղտնիությունը խախտելը) քրեական գործ է հարուցվել, իրականացվում են անհրաժեշտ գործողություններ: Դրանց շրջանակներում կպարզվեն բոլոր հանգամանքները, այդ թվում՝ հանցավոր արարքում, սխեմաներում ներգրավված այլ անձանց հնարավոր ներգրավվածությունը»,–գրում է Աբրահամյանը։

Նա կոչ է անում ընտրություններում ներգրավված սուբյեկտներին զերծ մնալ ընտրողի ազատ կամարտահայտման վրա ազդելու, նրան ուղղորդելու, նրա քվեարկությունը որևէ ձևով վերահսկելու և այդ նպատակով որևէ սխեմա կիրառելու փորձերից: Աբրահամյանը վստահեցնում է` բացահայտված դեպքերն անհետևանք չեն մնալու և պատասխանատվությունից խուսափել չի լինելու:

Հայաստանի Հանրապետությունում ժամը 08:00-ից մեկնարկել է արտահերթ խորհրդարանական ընտրությունների քվեարկությունը. ընտրատեղամասերը կփակվեն 20։00-ին: Ընտրություններին մասնակցում է 25 քաղաքական ուժ՝ 21 կուսակցություն և 4 դաշինք: Ընտրությունների ընտրողների ցուցակներում ժամը 09։00-ի դրությամբ ընդգրկված է 2 միլիոն 593 հազար 572 ընտրող։ Քվեարկությունը կազմակերպելու նպատակով կազմավորվել է 2008 ընտրական տեղամաս։

 

0