Դեյր էլ Զոր

Գրոհայինները հայկական թաղամասերի վրա են կրակել․ ինչ է կատարվում հիմա Դեյր էլ Զորում

2207
(Թարմացված է 17:26 26.04.2020)
Ահաբեկիչները մի քանի տարի շարունակ քաղաքը շրջափակման մեջ են պահել։ Հիմա, ըստ էության, այն պետք է հիմքից վերակառուցել։

ԵՐԵՎԱՆ, 26 ապրիլի – Sputnik․ Դեյր էլ Զորի (Սիրիա) կենտրոնը վերջին կատաղի մարտերի պատճառով գրեթե ամբողջությամբ ավերվել է։ Տեղեկությունն այսօր հայտնել է ռուսական «Զվեզդա» հեռուստաալիքը:

Նշվում է, որ ահաբեկիչներն ականներով և հրթիռներով առաջին հերթին հարվածներ են հասցրել հայկական և քրիստոնեական թաղամասերին, որտեղի բնակչությունը երբեք չի աջակցել իսլամիստ գրոհայիններին:

Այդ թաղամասերի բազմաթիվ շինություններ ոչնչացված են։ Ընդհանուր առմամբ շենքերի գրեթե 85% -ը քանդված է։ Այն շինությունները, որոնք հնարավոր չի լինի վերականգնել, կքանդեն։ 

Վնասված տաճարներից մեկում բարբարոսները խոշոր տրամաչափի գնդացրից գնդակոծել են բեմը, և հենց այստեղ էլ հետո իրենց համար ուտելիք են պատրաստել։ Գրոհայինները եկեղեցուց տարել են բոլոր թանկարժեք իրերը, անգամ փորձել են քանդել գերեզմանները՝ զարդեր փնտրելով։ Տաճարի պատերին ամենուր արաբերեն գրություններ են թողել` սպառնալիքներով։ Բացի այդ, այրել են եկեղեցուն կից կիրակնօրյա դպրոցը։

«Հայերն այս դժվար պահին մեր կողքին են». ՀՀ հումանիտար խումբը օգնել է Հալեպի հոսպիտալին

Այդ տաճարից ոչ հեռու գտնվում են ավերված Սրբոց Նահատակաց վանքը և Օսմանյան կայսրությունում Հայոց ցեղասպանության զոհերի հիշատակին նվիրված հուշակոթողը։ Դեռ նախորդ դարի սկզբին Դեյր էլ Զորի թուրքական համակենտրոնացման ճամբարում հազարավոր հայեր էին սպանվել։

Սիրիայի նախագահ Բաշար Ասադը խոստացել է վերականգնել եկեղեցին։

Ահաբեկիչները քաղաքը փաստացի շրջափակման մեջ էին պահում մի քանի տարի շարունակ։ Այժմ` ազատագրումից հետո, Դեյր էլ Զորը ըստ էության նորից  պետք է կառուցվի։ Սիրիայի իշխանությունները քաղաքի վերականգնման նախագիծ են մշակել։ Հիմա այստեղ շատ ավելի քիչ մարդ է բնակվում, քան պատերազմից առաջ։ Եթե առաջ քաղաքի բնակչությունը կազմում էր ավելի քան 200 հազար մարդ, ապա այսօր ընդամենը մի քանի տասնյակ հազար բնակիչ կա։  

Հակամարտող կողմերի հաշտեցման և փախստականների տեղաշարժի վերահսկողության ռուսական կենտրոնի փորձագետներն առաջին հերթին դպրոցները, հիվանդանոցները և այլ կարևոր ենթակառուցվածքները վերականգնելու համար անհրաժեշտ միջոցների գնահատում են իրականացրել: Այս պահին Դեյր էլ Զորին շինարարական տեխնիկա, նյութեր և աշխատող ձեռքեր են հարկավոր։

Հալեպի արվարձանում վերականգնում են Էլ Համդանիա շրջանը. լուսանկարներ

Քաղաք վերադարձած բնակիչներին իշխանություններն օգնություն են ցուցաբերում։ Շատերը սկսել են սեփական ուժերով վերակառուցել իրենց տները։

2207
թեգերը:
Եկեղեցի, Ահաբեկչություն, ահաբեկիչ, սիրիահայ, Սիրիա
Ըստ թեմայի
Մեր նախնիների կառուցած Թուրքիան. ինչո՞վ պատասխանեցին թուրքերը հայերին
Թուրքիան մենակ է մնում ժխտման մեջ. ֆրանսիական պարբերականը Սարգսյանի հոդվածն է հրապարակել
Մոռացված պատմություն. Հայաստանի և Թուրքիայի հարաբերությունները Ցեղասպանությունից հետո
Իբրահիմ Կալին

Թուրքիան հայտարարել է Ադրբեջանին աջակցելու մասին

230
(Թարմացված է 12:20 27.09.2020)
Էրդողանի ներկայացուցիչը լիովին վերարտադրել է Բաքվի դիրքորոշումը, թե Հայաստանը «հարձակվել է քաղաքացիական բնակավայրերի վրա»։

ԵՐԵՎԱՆ, 27 սեպտեմբերի– Sputnik. Թուրքական իշխանություններն աջակցում են Լեռնային Ղարաբաղում Ադրբեջանի ագրեսիային։ Ինչպես հայտարարել է Թուրքիայի նախագահի պաշտոնական ներկայացուցիչ Իբրահիմ Կալինը, Անկարան վճռականորեն դատապարտում է «Հայաստանի հարձակումն Ադրբեջանի վրա»։ Տեղեկությունը հայտնում է ՌԻԱ Նովոստին։

Էրդողանի ներկայացուցիչը լիովին վերարտադրել է Բաքվի դիրքորոշումը, թե Հայաստանը «հարձակվել է քաղաքացիական բնակավայրերի վրա»։ Նա հայտարարել է, որ այդ պատճառով էլ այս կոնֆլիկտում Անկարան աջակցում է Բաքվին։

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

Ինչպես է հայկական զինուժը ոչնչացնում ադրբեջանական տանկերը. տեսանյութ

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

230
թեգերը:
Ադրբեջան, Ռեջեփ Թայիփ Էրդողան, Թուրքիա, Հայաստան
թեմա:
Ադրբեջանական ագրեսիա Արցախում. 2020
Վլադիմիր Ջաբարով. արխիվային լուսանկար

«Կրակը պետք է դադարեցվի». Ջաբարովը կողմերին բանակցություններ սկսելու կոչ է արել

144
(Թարմացված է 12:00 27.09.2020)
ՌԴ Դաշնային խորհրդի առաջին փոխնախագահը հիշեցրել է, որ ԼՂ հակամարտության կարգավորման համար գոյություն ունի ԵԱՀԿ Մինսկի խումբը:

ԵՐԵՎԱՆ, 27 սեպտեմբերի - Sputnik. Լեռնային Ղարաբաղի հակամարտության կողմերը պետք է դադարեցնեն կրակը և նստեն բանակցությունների սեղանի շուրջ, հակամարտությունը չպետք է լուծվի կռվի դաշտում: Այս մասին ՌԻԱ Նովոստի լրատվական գործակալության հետ զրույցում հայտարարել է ՌԴ Դաշնային խորհրդի առաջին փոխնախագահ Վլադիմիր Ջաբարովը:

«Պետք է ամեն բան տեղափոխել բանակցությունների սեղան, կրակը պետք է դադարեցվի»,-հայտարարել է Ջաբարովը:

Նա շեշտել է, որ հակամարտության կարգավորման համար գոյություն ունի ԵԱՀԿ Մինսկի խումբը:

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Գործողությունները վաղուց պլանավորված են եղել. Շուշան Ստեփանյան

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները:

Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

Ադրբեջանի լայնածավալ հարձակումից վնասներ են կրել քաղաքացիական անձինք. ՀՀ ՄԻՊ

144
թեգերը:
Արցախ, Հայաստան, Ադրբեջան
թեմա:
Ադրբեջանական ագրեսիա Արցախում. 2020
Ըստ թեմայի
Արցախում ռազմական դրություն և համատարած զորահավաք է հայտարարվել
Մարտերը շարունակվում են. հայկական կողմը խոցել է 2 ուղղաթիռ, 14 ԱԹՍ, տանկեր. տեսանյութ
Ինչպես է հայկական զինուժը ոչնչացնում ադրբեջանական տանկերը. տեսանյութ
Армянский военнослужащий на боевой позиции

Արցախում թեժ մարտերը շարունակվում են, կորուստները ճշտվում են. Հովհաննիսյան

54
(Թարմացված է 13:29 27.09.2020)
Արծրուն Հովհաննիսյանը հայտնել է, որ հակառակորդը շատ տեղերում հետ է շպրտվել՝ կրելով զգալի կորուստներ:

ԵՐԵՎԱՆ, 27 սեպտեմբերի - Sputnik. Արցախում այս պահին էլ մարտերն ընթանում են, դրանք բավականին թեժ են: Այս մասին այսօր հրավիրված ասուլիսում հայտարարեց ՀՀ ՊՆ ներկայացուցիչ, ռազմական փորձագետ Արծրուն Հովհաննիսյանը:

«Ադրբեջանական զինված ուժերը օդային և ցամաքային զորքերով անցել են լայնամասշտաբ հարձակման: Հակառակորդը շատ տեղերում հետ է շպրտվել՝ կրելով զգալի կորուստներ, հասցրել է հրթիռային և ավիացիոն հրթիռային հարվածներ՝ ՊԲ զորամասերի տեղակայման տարբեր նշանակության օբյեկտներին, կան որոշակի ավերածություններ, կորուստներ, դրանք հիմնականում չնչին են»,- ասաց Հովհաննիսյանը:

Կորուստների ճշգրիտ չափերն այս պահին ճշտվում են: ՊՆ-ն դրանք կներկայացնի ավելի ուշ:

Հայկական կողմից զինվորականների մահվան մասին լուրերն Արծրուն Հովհաննիսյանը ևս չմեկնաբանեց՝ հորդորելով սպասել պաշտոնական տեղեկատվությանը՝ կեղծ լուրեր չտարածելու համար:

Ինչ վերաբերում է խաղաղ բնակչության կրած կորուստներին, Հովհաննիսյանը հայտնեց, որ արդեն կան տեղեկություններ շենք-շինությունների զգալի ավերածությունների մասին՝ Արցախի փոքր բնակավայրերում ու Ստեփանակերտում:

«Արդեն մեր ձեռքի տակ կան որոշակի տեսանյութեր, ամփոփում ենք, օրվա ընթացքում կհրապարակենք»,- նշեց նա:

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։ 

 

 

54