ԵՐԵՎԱՆ, 23 ապրիլի –Sputnik. ԱՄՆ նախագահ Դոնալդ Թրամփը հրամանագիր է ստորագրել, համաձայն որի երկրի տնտեսության վրա կորոնավիրուսի համավարակի ազդեցության հետևանքով ժամանակավոր կասեցնում է ներգաղթն ԱՄՆ։ Այս մասին ԱՄՆ առաջնորդն հայտարարել է Սպիտակ տանը հրավիրված ճեպազրույցի ժամանակ։
«Սա երաշխավորում է, որ հասարակության բոլոր շերտերի գործազուրկ ամերիկացիներն առաջինը կլինեն աշխատատեղերի հերթում հընթացս մեր տնտեսության աճի»,–գրված է Սպիտակ տան Twitter–ի էջում հրապարակած հայտարարության մեջ։
President @realDonaldTrump just signed a proclamation temporarily suspending immigration into the United States.
— The White House (@WhiteHouse) April 22, 2020
This will ensure unemployed Americans will be FIRST in line for jobs as our economy re-opens and preserve our healthcare resources for American patients.
Նշվում է նաև, որ այս միջոցը կօգնի ԱՄՆ–ին խնայել բժշկական ռեսուրսները։
Միևնույն ժամանակ ԱՄՆ նախագահը ընդգծել է, որ հրամանը կարող է երկարաձգվել կամ փոփոխվել։
«Մենք կանենք դա հարկ եղած ժամանակ», - ասել է Թրամփը։ Նա նաև նշել է, որ փաստաթղթի դրույթները կարող են ինչպես խստացվել, այնպես էլ մեղմվել։
Բացառություն կարվի բուժաշխատողների և այն աշխատավորների համար, որոնց օգնությունն անհրաժեշտ է կորոնավիրուսի բռնկման դեմ պայքարում, ԱՄՆ քաղաքացի հանդիսացող անձանց ամուսինների և անչափահաս երեխաների, ինչպես նաև «որոշ այլ քաղաքացիների» համար։
Ավելի վաղ հայտնի էր դարձել, որ կորոնավիրուսի համավարակի բացասական տնտեսական հետևանքների պատճառով ԱՄՆ–ն կկասեցնի ներգաղթը 2 ամսով։ 60 օր անց երկարաձգումը կամ փոփոխությունները կուսումնասիրվեն` տնտեսական իրավիճակը հաշվի առնելով։
Ներգաղթյալների հոսքը դադարեցնելու իր մտադրության մասին Թրամփը հայտնել էր ապրիլի 21-ին։ Խոսքը «գրին-քարտի» տրամադրումը կասեցնելու մասին է, որն ԱՄՆ–ում բնակվելու և աշխատելու իրավունք է տալիս այլ երկրների քաղաքացիներին։ Թերթը հայտնել է, որ գրին–քարտերը հասանելի կլինեն միայն ամերիկացիների ամուսիններին և երեխաներին։ CNN–ը, հղում անելով աղբյուրներին գրել է, որ իշխանությունները կարող են երկարաձգել աշխատանքային վիզաների տրամադրման արգելքը 120 օրով` գործազրկության հետ կապված իրավիճակը շտկելու համար։
Ասո Թավիթյանի մահը ցնցել է ՀՀ արտգործնախարարին, ԱՄՆ նախկին դեսպանին ու կաթողիկոսին
Ջոնս Հոփքինսի համալսարանի տվյալներով` ԱՄՆ–ում կորոնավիրուսով վարակվելու ավելի քան 837 հազար հաստատված դեպք կա, մահացել է 46 հազար մարդ։
