COVID-19

ԱՀԿ–ն COVID-19–ի պոտենցիալ պատվաստանյութերի ցանկ է ներկայացրել

161
(Թարմացված է 19:31 16.04.2020)
COVID-19–ի դեմ մշակված բոլոր պատվաստանյութերը մեկ բազայում հավաքելու համար ԱՀԿ–ն միջազգային հարթակ է ստեղծել։

ԵՐԵՎԱՆ, 16 ապրիլի – Sputnik. Ներկա պահին աշխարհում կորոնավիրուսի նոր տեսակի դեմ շուրջ 70 պատվաստանյութ է ստեղծվում. իմունոլոգիական դեղամիջոցների ցանկը ներկայացրել է ԱՀԿ–ն։ Ի դեպ, դրանցից երեքն արդեն կլինիկական փորձարկման փուլում են։

ԱՀԿ–ի տվյալներով` ամենից շուտ կավարտվի Հոնկոնգի CanSino Biologics Inc. ընկերության և Պեկինի կենսատեխնոլոգիայի ինստիտուտի մշակած պատվաստանյութի փորձարկումը։ Հակավիրուսային պատվաստանյութն արդեն մարդկանց վրա փորձարկելու հավանություն է ստացել, և այս պահին ընթանում է կլինիկական ստուգումների երկրորդ փուլը։

Պատվաստանյութեր են մշակել նաև ամերիկյան Moderna Inc. և Inovio Pharmaceuticals Inc. ընկերությունները։ Հետաքրքրական է, որ նախկինում այս կազմակերպություններից ոչ մեկը նման դեղամիջոցների արտադրությամբ չի զբաղվել։ Միևնույն ժամանակ, ԱՀԿ–ի տվյալներով, երկուսն էլ բաց են թողել այլ դեպքերում պարտադիր` կենդանիների վրա թեստավորում անցկացնելու փուլը, որը երբեմն տարիներ է տևում, և անմիջապես սկսել են փորձարկել մարդկանց վրա։

Բժիշկները հայտնել են կորոնավիրուսի անսովոր ախտանիշի մասին. թիրախում նաև դեռահասներն են

Հատկանշական է, որ պատվաստանյութի ստեղծման ուղղությամբ ամենատարբեր կազմակերպություններ են աշխատում` խոշոր դեղագործական ու փոքր կենսատեխնոլոգիական ընկերություններից մինչև ուսումնական կենտրոններ ու ոչ կոմերցիոն խմբեր։ Նախակլինիկական փուլերում գտնվող պոտենցիալ պատվաստանյութեր ունեն նաև Pfizer Inc., Johnson & Johnson և Sanofi ընկերությունները։

Գլխավոր մարտահրավերը միայն պատվաստանյութ ստեղծելը չէ, պետք է պատրաստ լինել նաև, որ հաջող փորձարկման դեպքում կարողանան արագ և մեծ ծավալով արտադրություն սկսել։

ԱՀԿ–ն խոստովանում է, որ այսօր աշխարհի գիտնականներն աննախադեպ մասշտաբներով են աշխատում կորոնավիրուսի դեմ պատվաստանյութերի ստեղծման վրա։ Հասկանալի է, որ սա բավականին թանկ և երկարատև գործընթաց է։ Սովորաբար նոր պատվաստանյութը շուկա հանելու համար 10 կամ նույնիսկ 15 տարի է պահանջվում։ Սակայն հիմա պատվաստանյութի արտադրողները մտադիր են այդ ժամկետը կրճատել մինչև 1-1.5 տարի։ Պատճառը կորոնավիրուսի հետևանքով մահացածների թվի աճն է։

Ու թեև COVID-19 համավարակը SARS և MERS–ից հետո XXI դարում կորոնավիրուսի երրորդ բռնկումն է, ինֆեկցիոն այս հիվանդությունների դեմ, ցավոք, պատվաստանյութեր չկան։ Հույսը ապագա դեղամիջոցն է։

Ինչպես է կորոնավիրուսը տարածվում հազալիս. տեսանյութ

COVID-19–ի դեմ մշակված բոլոր պատվաստանյութերը մեկ բազայում հավաքելու համար ԱՀԿ–ն միջազգային հարթակ է ստեղծել, որպեսզի այնտեղ գրանցվեն կլինիկական փորձարկումները, իսկ գիտական հետազոտությունների լիարժեք պատկերը հասանելի լինի գործընթացի բոլոր մասնակիցներին։

Հայաստանում գրանցվել են կորոնավիրուսի նոր դեպքեր․ վարակվածների թիվը հասել է 1159-ի

161
թեգերը:
Առողջապահության համաշխարհային կազմակերպություն (ԱՀԿ), կորոնավիրուս
թեմա:
Կորոնավիրուսը աշխարհում (851)
Ըստ թեմայի
Ռուսաստանը սկսել է կորոնավիրուսի դեմ պատվաստանյութ փորձարկել
Ե՞րբ հնարավոր կլինի կորոնավիրուսի պատվաստանյութ ստեղծել․ ԱՀԿ–ում ժամկետներ են նշել
Ինչ տեսք ունի կորոնավիրուսը, որի մասին խոսում է ամբողջ աշխարհը. լուսանկարներ
Բեյրութ

Բեյրութի պայթյունի հետևանքով 5 հայ է մահացել. Դելիա Փափազյանը 2 երեխաների մայր էր

73
(Թարմացված է 11:16 05.08.2020)
Սարսափելի պայթյունի հետևանքով մահացած հայերի վերաբերյալ նոր տեղեկություններ են հրապարակվել։

ԵՐԵՎԱՆ, 5 օգոստոսի – Sputnik. Բեյրութի պայթյունի զոհ է դարձել նաև Դելիա Փափազյանը։ Տեղեկությունը հայտնում է «Արևելքը»` նշելով, որ նա պայթյունի հետևանքով մահացած 5-րդ հայն է։

«Երկու երեխաների մայր Դելիա Փափազյանն ընտանիքով բնակվում էր նավահանգստին շատ մոտ թաղամասում»,– գրում է կայքը։

Ավելի վաղ հայտնի էր դարձել քաղաքական գործիչ Նազար Նաջարյանի, քաղաքի կենտրոնի հիվանդանոցներից մեկի բուժքույր Ջեսիկա Բեզջյանի մահվան մասին, ևս մեկ հայի՝ Ժակ Բարամաքյանի մահվան մասին հայտնել են հայկական լրատվամիջոցները: Ազգությամբ հայ է նաև զոհերից Ալինա Զաբրին:

Օգոստոսի 4-ին Բեյրութում հզոր պայթյուն է որոտացել նավահանգստի շրջանում։ Վերջին տվյալներով՝ պայթյունի հետևանքով 78 մարդ է մահացել, տուժածների թիվը հասել է 4 հազարի: Լիբանանի վարչապետ Հասան Դիաբը հանձնարարել է հետաքննել պայթյունի պատճառները և 48 ժամվա ընթացքում պատասխանատվության ենթարկել մեղավորներին:

Նշենք, որ պայթյունից հետո հիվանդանոցները լեփ-լեցուն են տուժածներով։ Վնասվել են հայկական թաղամասերը, այդ թվում՝ Սուրբ Գևորգ հայկական եկեղեցին։ Հայտնի է նաև, որ վնասվել է Լիբանանում ՀՀ դեսպանության շենքը։ Բեյրութում այսօր սուգ է հայտարարվել:

Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին

73
թեգերը:
պայթյուն, հայ, Մահ, Բեյրութ
թեմա:
Պայթյուն Բեյրութում
Ըստ թեմայի
Բեյրութում հզոր պայթյուն է որոտացել. տեսանյութեր
Պայթյունը որոտացել է Բեյրութի հայկական թաղամասի հարևանությամբ. Վարդինե Օհանյան
«Ցնցված եմ». Փաշինյանը ցավակցել է Բեյրութի պայթյունից զոհվածների հարազատներին
Մեծի Տանն Կիլիկիո կաթողիկոսարան

Ինչ վնասներ է հասցրել պայթյունը Մեծի Տանն Կիլիկիո կաթողիկոսարանին. լուսանկարներ

29
(Թարմացված է 10:23 05.08.2020)
Լուսանկարներում երևում է, թե հզոր պայթյունից հետո ինչ է կատարվել Մեծի Տանն Կիլիկիո կաթողիկոսությունում։

ԵՐԵՎԱՆ, 5 օգոստոսի – Sputnik. Լիբանանի մայրաքաղաք Բեյրութում տեղի ունեցած սարսափելի պայթյունի հետևանքով վնասվել է Մեծի Տանն Կիլիկիո կաթողիկոսարանը։

«Վնասվել են Անթիլիասի Մայր Տաճարի, Վեհարանի, հայագիտական և մանկավարժական կենտրոնների, ինչպես նաև «Կիլիկիա» թանգարանի դռները, պատուհանները, ջահերը»,- հայտնում է կաթողիկոսարանի մամուլի ծառայությունը։

Օգոստոսի 4-ին Բեյրութում հզոր պայթյուն է որոտացել նավահանգստի շրջանում։ Վերջին տվյալներով՝ պայթյունի հետևանքով 78 մարդ է մահացել, տուժածների թիվը հասել է 4 հազարի: Լիբանանի վարչապետ Հասան Դիաբը հանձնարարել է հետաքննել պայթյունի պատճառները և 48 ժամվա ընթացքում պատասխանատվության ենթարկել մեղավորներին:

Նշենք, որ պայթյունի հետևանքով քաղաքի կեսը տուժել է։ Հիվանդանոցները լեփ-լեցուն են տուժածներով։ Վնասվել են հայկական թաղամասերը, այդ թվում՝ Սուրբ Գևորգ հայկական եկեղեցին։ Հայտնի է նաև, որ վնասվել է Լիբանանում ՀՀ դեսպանության շենքը, իսկ զոհերի թվում է լիբանանյան «Քաթայիբ» կուսակցության գլխավոր քարտուղար Նիզար Նաջարյանը:

Լիբանանի պաշտպանության գերագույն խորհուրդը Բեյրութն աղետի գոտի է հայտարարել։

29
թեգերը:
պայթյուն, Բեյրութ, Լիբանան
թեմա:
Պայթյուն Բեյրութում
Ըստ թեմայի
«Ցնցված եմ». Փաշինյանը ցավակցել է Բեյրութի պայթյունից զոհվածների հարազատներին
Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին
Ամերիկացի գեներալները Բեյրութի պայթյունը հարձակում են որակել. Թրամփ
Բեյրութի պայթյունից հայ երիտասարդ բուժքույր է մահացել
Բեյրութի պայթյունից հետո շատ հայեր ուզում են տեղափոխվել Հայաստան. պատգամավոր