Քիմ Քարդաշյան

Քիմ Քարդաշյանը ջերմորեն շնորհավորել է հորեղբոր` Թոմ Քարդաշյանի հոբելյանը. լուսանկարներ

347
(Թարմացված է 14:46 09.04.2020)
Թոմը Քիմի հոր ՝ Ռոբերտ Քարդաշյանի հարազատ եղբայրն է։ Ռոբերտ Քարդաշյանը մահացել է 2003 թվականին ։ Քարդաշյանի նախնիները 20-րդ դարի սկզբին ԱՄՆ են գաղթել Արևմտյան Հայաստանի Կարս նահանգից։

ԵՐԵՎԱՆ, 9 ապրիլի – Sputnik. Ամերիկահայ հեռուստաաստղ Քիմ Քարդաշյանը ջերմորեն շնորհավորել է Թոմ Քարդաշյանին` իր հարազատ հորեղբորը ՝ ծննդյան 80-ամյակի առթիվ: Թոմը Քիմի հոր ՝ Ռոբերտ Քարդաշյանի հարազատ եղբայրն է։ Instagram-ի իր էջում Քիմը երեք լուսանկար է հրապարակել։

Քիմ Քարդաշյանը պարզել է` քանի տոկոսով է ինքը հայ. նա վերհիշել է հայաստանյան այցերը

Առաջին լուսանկարում Քարդաշյան եղբայրներն են, երկրորդում ՝ նրանք արդեն ծնողների հետ են, իսկ երրորդ լուսանկարում, որը ժամանակագրական առումով  ամենաթարմն է, Թոմ Քարդաշյանը կնոջ, Քիմի և Քիմի  չորս զավակների հետ է:

«Շնորհավորում եմ 80-ամյակիդ առթիվ, իմ սիրելի հորեղբայր։ Ես սովորաբար սոցցանցերում չեմ գրում Ձեր մասին, քանի որ գիտեմ` Դուք չեք սիրում նման աղմուկը։ Բայց այսօր ես պարզապես պարտավոր եմ գոռալ` Ծնունդդ շնորհավո՜ր: Հորեղբայր Թոմի, ես քեզ շատ եմ սիրում և հպարտանում եմ մեր ընտանիքով և այն ամենով, ինչ դու սովորեցրել ես մեզ: Մենք շատ լավ հիշողություններ ունենք, և ես չեմ համբերում, թե երբ ենք կարաղանալու հանդիպել, որպեսզի տոնենք ծննդյանդ օրը», — լուսանկարները մակագրել է Քարդաշյանը։

Կորոնավիրուսի համաճարակի պատճառով ԱՄՆ-ի շատ նահանգներում կարանտին է հայտարարված, այդ թվում ՝ Կալիֆոռնիայում։ Աստղը, հավանաբար այդ պատճառով չի կարող այցելել հորեղբորը, չէ որ նա ռիսկի խմբում է. 60-ից բարձր տարիքի մարդիկ համաճարակի ժամանակ ամենախոցելի խումբն են համարվում:

Մեկնաբանություններում շատերը միացել են Քիմի շնորհավորանքներին։ Նրա զարմիկը ՝ Նարբե Քարդաշյանը, նույնիսկ հայերեն «հոպար» բառն է օգտագործել իր շնորհավորանքում։

Ռոբերտ և Թոմ Քարդաշյաններն Արթուր Քարդաշյանի և Հայկուհի (Հելեն) Քարդաշյանի զավակներն են: Արթուրի և Հայկուհու ծնողները 20-րդ դարի սկզբին` Ցեղասպանության ժամանակ, Կարսից և Էրզրումից ԱՄՆ փախել են։ Քիմն իր ազգանունը ժառանգել է Սահակ Քարդաշյանի նախապապից։

347
թեգերը:
Instagram, Լուսանկար, շնորհավորանք, ծնունդ, Քիմ Քարդաշյան
թեմա:
Ամերիկահայ հեռուստաաստղ Քիմ Քարդաշյան (188)
Ըստ թեմայի
«Երկու ուժեղ հայ կանայք». Շերը իրականացրել է Քիմ Քարդաշյանի երազանքը
Անչափ հուզիչ էր. Քիմ Քարդաշյանի և Քանյեի դուստրը նորաձևության մրցույթում ռեփ է կարդացել
Եվ կրկին Քիմ Քարդաշյանի շնորհիվ. սինգապուրյան ամսագիրը խորհուրդ է տալիս Հայաստան այցելել
Միխեիլ Սաակաշվիլի

Վրաստանն ասել է` որ դեպքում իր դեսպանին Կիև կվերադարձնի

12
(Թարմացված է 17:33 25.05.2020)
Գերատեսչությունում ընդգծել են, որ դեսպանին հետ կանչելը դիվանագիտական հարաբերությունների խզում կամ ռազմավարական գործընկերության վերանայում չի նշանակում։

ԵՐԵՎԱՆ, 25 մայիսի – Sputnik. Վրաստանը Կիևին հայտնել է, թե որ դեպքում կվերադարձնի իր դեսպանին, որն ավելի վաղ հետ էր կանչվել բարեփոխումների ազգային խորհրդում Միխեիլ Սաակաշվիլու նշանակման պատճառով։

Ըստ Interpressnews–ի` Վրաստանի ԱԳՆ–ն հայտարարել է, որ հետևելու է Սաակաշվիլու գործունեությանն ու գնահատելու է այն քայլերը, որոնք Ուկրաինայի կառավարությունը կձեռնարկի հարաբերությունները կարգավորելու համար։ Նախարարությունում չեն ասել, թե Թբիլիսին կոնկրետ ինչ քայլեր է ակնկալում Կիևից, բայց ընդգծել են, որ դեսպանին հետ կանչելը դիվանագիտական հարաբերությունների խզում կամ ռազմավարական գործընկերության վերանայում չի նշանակում։

Թբիլիսին դեսպան Թեյմուրազ Շարաշենիձեին Կիևից հետ կանչեց, երբ նախագահ Վլադիմիր Զելենսկին ստորագրեց բարեփոխումների ազգային խորհրդում Սաակաշվիլու նշանակման հրամանագիրը։ Վրաստանում Սաակաշվիլին հեռակա կարգով երեք տարվա ազատազրկման է դատապարտված Միացյալ բանկի աշխատակից Սանդրո Գիրգվլիանիի սպանության գործով և վեց տարվա ազատազրկման` պատգամավոր Վալերի Գելաշվիլիին ծեծելու գործով։ Թբիլիսին Կիևից պահանջում է արտահանձնել քաղաքական գործչին։

Զելենսկին Սաակաշվիլուն փոխվարչապետի պաշտոն է առաջարկել

Հիշեցնենք` Պյոտր Պորոշենկոն 2015թ․-ին Սաակաշվիլուն հրավիրեց Ուկրաինա, քաղաքացիություն շնորհեց նրան և նշանակեց Օդեսայի մարզի ղեկավար։ 2017թ․-ի հուլիսին Պորոշենկոն նրան զրկեց քաղաքացիությունից, իսկ որոշ ժամանակ անց Սաակաշվիլին ընդհանրապես արտաքսվեց Ուկրաինայից։ Զելենսկին ընտրվելուց հետո չեղարկեց նախորդ նախագահի որոշումը։

«Դե, փառք Աստծո»․ Պեսկովը Սաակաշվիլուն «վատ նախանշան» է անվանել

12
թեգերը:
Միխեիլ Սաակաշվիլի, Ուկրաինա, Վրաստանի Հանրապետություն
Ըստ թեմայի
Ի վերջո Սաակաշվիլին հա՞յ է, թե՞ վրացի. պատասխանում են հայ և վրացի մասնագետները
Սաակաշվիլին բացատրել է` ինչու էր փողկապը ծամում 2008 թ–ի իրադարձությունների ժամանակ
Սաակաշվիլու մատը խա՞ռն է. Բեսելիայի ինտիմ տեսանյութի հետ կապված նրա անունն է շրջանառվում
Օլգա Բուզովա. արխիվային լուսանկար

Բուզովայի «երկրպագուն» երկու ամսով կալանավորվել է. լուսանկար

16
(Թարմացված է 17:25 25.05.2020)
Մոսկովյան բանկ ներխուժած տղամարդն այսպիսի գրություն էր թողել․ «Ինձ ձեզնից ոչինչ պետք չէ, միայն ճշմարտությունը»։

ԵՐԵՎԱՆ, 25 մայիսի - Sputnik. Երգչուհի Օլգա Բուզովայի «երկրպագուն», որը սպառնացել էր պայթեցնել Մոսկվայի «Ալֆա–բանկի» բաժանմունքը, երկու ամսով կալանավորվել է: Տեղեկությունը հայտնում է tv360ru տելեգրամ ալիքը։

Ավելի վաղ հայտնել էինք, որ երիտասարդ տղամարդը ներխուժել է բանկ և հայտարարել, որ ականապատված է։

Տղամարդն աշխատակիցներից խոշոր գումար էր պահանջել ու բանկի մասնաճյուղում գրություն թողել․

«Ինձ ձեզնից ոչինչ պետք չէ, միայն ճշմարտությունը»։

Բացի այդ, նա պահանջել էր բանկ բերել Օլգա Բուզովային։ Հանցագործի խոսքով՝ նա ուզում էր զրուցել երգչուհու հետ, քանի որ վերջինս նրանից «ինչ-որ բան է գողացել»։

Հիշեցնենք` բանկ ներխուժած տղամարդը պատանդ էր վերցրել բանկի աշխատակիցներից մեկին, ժամանել էին հատուկ ջոկատայիններ և դիպուկահարներ ու վնասազերծել չարագործին։ 

Տղամարդու մոտ պայթուցիկ սարք չէր հայտնաբերվել։ Նախնական տվյալներով՝ նրա մոտ մուլյաժ՝ կեղծ զենք էր եղել։

Մոսկվայում սննդի առաքիչի պայուսակով երիտասարդը հարձակվել է բանկի վրա և պատանդներ վերցրել

16
թեգերը:
կալանավորել, տղամարդ, Բանկ, Մոսկվա, Օլգա Բուզովա
Ըստ թեմայի
«Գժվե՞լ ես, ինչ է». Բորոդինան Բուզովային խորհուրդ է տվել զգուշանալ հայ տղաներից
«Տղամարդու խոսք եմ տվել, պիտի անեմ»․Դավա Մանուկյանը Բուզովային հավերժացրել է մաշկի վրա
«Ձեզ դուր չի գալիս, մի նայեք»․ Դավիթ Մանուկյանը քննադատություններից պաշտպանել է Բուզովային
Մահճակալ

Կորոնավիրուսով հիվանդների մահճակալային ֆոնդն ավելացվել է ևս 102-ով. լուսանկարներ

0
(Թարմացված է 17:57 25.05.2020)
Երևանի «Սուրբ Աստվածամայր» ԲԿ-ի ինֆեկցիոն մասնաճյուղում շահագործման է հանձնվել 102 մահճակալային ֆոնդով նոր մասնաշենքը:

ԵՐԵՎԱՆ, 25 մայիսի - Sputnik. Այսօր շահագործման է հանձնվել «Սուրբ Աստվածամայր» ԲԿ-ի ինֆեկցիոն մասնաճյուղի նոր մասնաշենքը, որն օգտագործվելու է կորոնավիրուսով հիվանդների բուժման նպատակով: Տեղեկությունը Facebook-ի իր էջում հայտնել է Այրվածքաբանության կենտրոնի տնօրեն Գևորգ Սիմոնյանը:

Նոր մասնաշենքը հավելյալ 102 մահճակալի հնարավորթյուն է տալիս կորոնավիրուսով հիվանդների բուժման համար:

«COVID19-ի դեմ պայքարի շրջանակում այսօր շահագործման հանձնվեց Սուրբ Աստվածամայր ԲԿ ինֆեկցիոն մասնաճյուղի նոր մասնաշենքը, որը մեր մահճակալային հզորությունը 147-ից կհասցնի 249-ի»,- գրել է Սիմոնյանը:

Հիշեցնենք՝ առողջապահության նախարարության տվյալներով, այժմ Հայատանում COVID19-ի դեմ պայքարի նպատակով առանձնացված մահճակալների թիվը շուրջ 1550 է, իսկ ամբողջ երկրի մահճակալային ֆոնդը՝ մոտ 12.000: Ընդ որում՝ այս վերջին ցուցանիշում հաշվառված են նաև ՄՀՀ-ում ու մարզասրահների տարածքներում պատրաստված մահճակալները, որոնք ներկա պահին, բարեբախտաբար, դեռ չեն օգտագործվել:

Առողջապահության նախարար Արսեն Թորոսյանի դիտարկմամբ՝ այդ լրացուցիչ կարողությունները նախապատրաստվել են հնարավոր ամենավատ սցենարի դեպքում օգտագործվելու համար, այն դեպքում, եթե վարակի հաստատված դեպքերի ընդհանուր թիվն անցնի 524.000-ը, որից ծանր հիվանդների թիվը կլինի 26.202, իսկ պահանջվող մահճակալների թիվը հիվանդության տարածման պիկի ժամանակ՝ կհասնի 12.445-ի։

Ի՞նչ կլինի, եթե վարակի տարածման այս տեմպը պահպանվի. Թորոսյանը խոսեց անցանկալիի մասին

0
թեգերը:
հիվանդանոց, կորոնավիրուս, համավարակ, մահճակալ, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսով հիվանդների համար նախատեսված մահճակալային ֆոնդի կեսն արդեն զբաղված է
Համավարակի վերջը կլինի ոչ շուտ, քան 5 տարի հետո. Թորոսյան
Ինֆեկցիոն հիվանդանոցը շարունակում է վերազինվել. Թորոսյանը լուսանկարներ է հրապարակել
Թորոսյանն այցելել է ԲԿ, որտեղ ամենածանր հիվանդներն են. ինչ են պատմել բժիշկները