ԵՐԵՎԱՆ, 7 ապրիլի – Sputnik. Ամերիկյան ոստիկանությունը հայտնաբերել է սենատոր Ռոբերտ Քենեդիի կորած թոռան` Մեյվի մարմինը, փոխանցում է CBS Baltimore հեռուստաալիքը։
Աղբյուրի համաձայն` 40 տարեկան Մեյվն ու նրա 8 տարեկան որդին` Գիդեոն Ջոզեֆ Քենեդի Մաքքինը, կորել էին ապրիլի 2-ին Չեսապիկի ծոցում` կանոեով շրջելու ժամանակ։ Ինչպես հայտնել է Մեյվի ամուսինը` Դևիդ Մաքքինը, ծովի ափին գտնվող տանը հանգիստն անցկացնելու ժամանակ երեխաները բակում գնդակ էին խաղում, և այն ջուրը գլորվեց։ Նրա կինն ու որդին նստել են կանոե` գնդակը հանելու համար։ Մաքքինի կարծիքով` նրանք շատ հեռու են գնացել ափից և չեն կարողացել հետ վերադառնալ։
Ապրիլի 5-ին ոստիկանությունը դադարեցրել է որոնումները` նրանց մահացած ճանաչելով։ Մեյվի մարմինը գտել են երկուշաբթի երեկոյան, իր մոր տնից 4 կմ հեռավորության վրա։ Տղային հայտնաբերել դեռ չի հաջողվել։
Մոսկվայում մահացել է հայտնի ֆիզիկոս, պրոֆեսոր Միշիկ Ղազարյանը
Ապրիլի 7-ին ոստիկանությունը կվերսկսի որոնողական աշխատանքները։
Մեյվ Քենեդին սենատոր Ռոբերտ Քենեդու` ԱՄՆ 35-րդ նախագահ Ջոն Քենեդու եղբոր թոռն է։
Համոզեց Մոսկվային, Քենեդուն ու Կաստրոյին. ինչով ավարտվեց Բաղրամյան-Միկոյան «պայքարը»
Հիշեցնենք, որ 2019 թվականի օգոստոսին մահացել էր Ռոբերտ Քենեդու մյուս թոռը` Սիրշան։ Նա մահացել է թմրանյութի չարաշահումից, 22 տարեկան հասակում ։ Ոչ պաշտոնական տեղեկության համաձայն` աղջիկը մահացել է Մասաչուսեթսում գտնվող ընտանեկան կալվածատանը։ Նրա մարմնի մոտ ցավազրկող է հայտնաբերվել և թմրանյութերից կախվածությունը բուժող դեղամիջոց։