Դիմակով տղամարդ. արխիվային լուսանկար

Ճգնաժամի հակառակ կողմը. ո՞ւմ է հարստացնելու կորոնավիրուսը

230
(Թարմացված է 14:55 06.04.2020)
Սովորական ժամանակներում ամենաբարձր արժենշումն ունենում են բարձր տեխնոլոգիական հսկաների արժեթղթերը։ Ճգնաժամի ժամանակ ամեն ինչ փոխվում է․ ինչպես ցույց տվեց 2008թ․-ի փորձը՝ շահում են ոչ թանկ խանութների ցանցերը և նույն բարձր տեխնոլոգիաները, բայց արդեն բժշկական։

ԵՐԵՎԱՆ, 7 ապրիլի – Sputnik. Շատերն են մտապահել ՀՀ վարչապետ Նիկոլ Փաշինյանի խոսքերն այն մասին, որ կորոնավիրուսից հետո համաշխարհային տնտեսությունը վերակառուցվելու է, և որ Հայաստանը պետք է պատրաստ լինի դրան։

Բենզինի գնի նվազումը չի օգնի Հայաստանի տնտեսությանը. ինչո՞ւ

2019թ․-ին, ըստ S&P 500 և Dow Jones-ի ցուցիչների, աշխարհի ամենաեկամտաբեր ընկերություններն էին Apple-ը և AMD-ն(միկրոէլեկտրոնիկա արտադրող խոշոր ընկերություն, Intel-ի գլխավոր մրցակիցներից մեկը)։ Բայց այս տարի ամեն ինչ կարող է փոխվել․ նոր այֆոնը կամ վիդեոքարտը կարող են սպասել, իսկ սննդի ու բուժման հարցում սպասել հնարավոր չէ:

2008թ․-ի ճգնաժամի փորձը ցույց է տալիս, որ, ինչպես և սպասելի էր, ամենապահանջվածը դառնում են առաջին անհրաժեշտության և հնարավորինս էժան ապրանքները։ Ինչպես նշում է պորտալի վերլուծաբան Գեբրիել Էլպերտը՝ S&P 500-ի ողջ ցուցակից ընդամենը 34 ընկերության արժեթղթերն են աճել։ Ո՞ր ընկերություններն են դրանք։ 

ԱՄՆ-ում ամենաշատն աճել են Dollar Tree-ի արժեթղթերը: Դա խանութների ցանց է, որտեղ բոլոր ապրանքների գինը մեկ դոլարի սահմաններում է։ Դժվար ժամանակներում մարդիկ ցանկանում են հնարավորինս շատ ապրանք ձեռք բերել, այդ պատճառով էլ ոչ թանկ խանութներում գնորդների թիվն ավելանում է։ Արդյունքում՝ ճգնաժամի ժամանակ այդ ընկերության արժեթղթերն աճել են ավելի քան 60 տոկոսով։ Նույն պատճառով այդ տասնյակում է հայտնվել նաև մեկ այլ խոշոր բյուջետային մանրածախ ընկերություն՝ Walmart-ը։

Ավելի քիչ, բայց այնուամենայնիվ, աճել են նաև հանրային սննդի էժան ցանցերի՝ McDonalds-ի և Darden Restaurants-ի արժեթղթերը։ Անգամ ամենաբարդ ժամանակներում մարդիկ չեն դադարում ընդմիջման գնալ կամ ընթրել, պարզապես այստեղ ևս ջանում են խնայել։

Բժշկական ծառայությունները նույնպես հետաձգել չի կարելի. դրանց վրա մենք միշտ ենք գումար ծախսում, անգամ երբ ի վիճակի չենք։ Այդ պատճառով 2008-2009թթ․-ին դրական ցուցանիշ ունեցան միանգամից յոթ բժշկական ընկերություն, իսկ եկամտաբերության լավագույն տասնյակում հայտնվեցին երեքը․ երկու դեղագործական ընկերություն՝ Vertex-ը և Amgen-ը, և սրտի արհեստական փականներ արտադրող Edrawds Lifescience-ը։

Ամենաեկամտաբեր ընկերությունների տասնյակում հայտնվեց նաև Ross Stores հագուստի խանութների ցանցը։ Դրանում նրան շատ օգնեց off-price ֆորմատը, երբ հայտնի բրենդներից գնվում է նրանց ապրանքի այն «մնացորդը», որը նրանք չեն կարողացել վաճառել ավելի հայտնի խանութներին։ Արդյունքում այս խանութում վաճառվում է բրենդային հագուստ՝ սովորական հագուստի գնով, ինչը հատկապես ճգնաժամի օրերին հետաքրքիր է գնորդի համար։

«Թող Փաշինյանը խաբար լինի` մեր օրը օր չի». կորոնավիրուսը գյուղացիներին շվարած է թողել

Տասնյակում չեն հայտնվել, բայց տարին օգուտով են փակել նաև ավտոպահեստամասեր վաճառող խոշոր ընկերություններն ու շինարարական և այգեգործական նյութերի խանութները։ Այստեղ ևս պատճառն ակնհայտ է․ դժվար ժամանակներում մենք համաձայն ենք լինում ինքնուրույն անել որոշ մանր(իսկ գուցե և խոշոր) վերանորոգումները։

Ինչպես կփոխվեն հայաստանյան սպառողի նախընտրությունները՝ առայժմ դժվար է ասել։ Բայց ակնհայտ է, որ կկրճատվի ոչ առաջին անհրաժեշտության ապրանքների սպառումը։ Ավելի շատ գումար կխնայվի «սև օրվա համար», իսկ մնացած գումարը միջին վիճակագրական հայը, ինչպես և միջին միճակագրական ամերիկացին, փոքր-ինչ ավելի շրջահայաց կծախսի։ Հարցն այն է, թե որքան երկար կձգվի այս ամենը, և թե երբ այժմյան ցնցումները գոնե մասամբ կմոռացվեն։

Արդուկով պայքար կորոնավիրուսի դեմ, կամ վրացական Փոթիում «կողոպտում» են մարդկանց

230
թեգերը:
Apple, տնտեսություն, Հայաստան, կորոնավիրուս
Ըստ թեմայի
Հայաստանում գործարկվել է կորոնավիրուսի հայտնաբերման բջջային հավելվածը
Հայաստանում կորոնավիրուսով վարակվածների թիվն ավելացել է 11-ով. ևս մեկ մարդ մահացել է
Կորոնավիրուսը աշխարհում․ ԱՀԿ-ն նոր տվյալներ է հրապարակել
 Ջեններ քույրերը, արխիվային լուսանկար

Կորոնավիրուսային սկանդալ․ Ջեններ քույրերը ժխտել են աշխատակիցների շահագործման մասին լուրերը

18
(Թարմացված է 00:50 07.07.2020)
Ակտիվիստներն ու իրավապաշտպանները կարծում են, որ ինչ-որ բան այն չէ և այս գործի բոլոր մասնակիցները ինչ-որ բան են թաքցնում։ Նրանք պահանջում են թույլ տալ իրենց մուտք գործել Բանգլադեշում գտնվող գործարաններ։

ԵՐԵՎԱՆ, 7 հուլիսի – Sputnik. Աշխարհահռչակ Քիմ Քարդաշյանը քույրերը՝ սուպերմոդել Քենդալ Ջենները և աշխարհի ամենաերիտասարդ միլիարդատեր Քայլի Ջենները պատասխանել են իրավապաշտպանների մեղադրանքներին։

Посмотреть эту публикацию в Instagram

Публикация от Kendall + Kylie (@kendallandkylie)

Բանն այն է, որ հունիսին ԶԼՄ-ներում տեղեկություն հայտնվեց, որի համաձայն Kendall + Kylie ապրանքանիշն իբրև թե պատկանում է Global Brands Group (GBG)-ին, որը Բանգլադեշի իր ֆաբրիկաների աշխատակիցներին չի վճարում փետրվար ամսից՝ կորոնավիրուսի համավարակի պատճառով սկսված ճգնաժամի պատճառով։

Նշվում էր, որ GBG-ի հետ բրենդները շահագործում են աշխատողներին։ Միաժամանակ Ջեններ քույրերի ապրանքանիշը ներկայացված է եղել GBG-ի կայքում։ Այժմ Քենդալն ու Քայլին որոշել են հանդես գալ հայտարարությամբ։ Քիմ Քարդաշյանի քույրերը ժխտում են, թե որևէ կապ ունեն GBG-ի հետ։

«Kendall + Kylie ապրանքանիշը պատկանում է Canada Inc.-ին։ Նախկինում բրենդը համագործակցել է GBG-ի հետ, բայց միմիայն վաճառքի և բիզնեսի զարգացման ոլորտներում»,-հայտարարել են քույրերը։

Այդ ընթացքում GBG-ն իր կայքից հեռացրել է Ջեններ քույրերի ապրանքանիշի լոգոտիպը։ ԶԼՄ-ների տվյալներով՝ լոգոն հեռացրել են հունիսի 24-ին։ Դրա հետևանքով սկանդալն ավելի է բորբոքվել, քանի որ ակտիվիստները և իրավապաշտպանները կարծում են, որ ինչ-որ բան այստեղ այն չէ և այս գործի բոլոր մասնակիցներն էլ թաքցնելու բան ունեն։ Նրանք պահանջում են իրավապաշտպան ընկերությունների ակտիվիստներին թույլ տակ մուտք գործել Բանգլադեշում գտնվող ֆաբրիկաներ։

Посмотреть эту публикацию в Instagram

Публикация от Kendall + Kylie (@kendallandkylie)

Հիշեցնենք, որ Քայլի Ջեններն ունի սեփական Kylie Cosmetics բրենդը, որը հիմնել է 2016թ․-ին։ Կարճ ժամանակում նա վաստակել է մեկ միլիարդ դոլար։ 2019թ․-ի մարտի 5-ին Forbes պարբերականը Քայլիին ճանաչեց աշխարհի ամենաերիտասարդ միլիարդատեր։ Այդպիսով 21-ամյա Ջեններն առաջ անցավ Facebook սոցիալական ցանցի հիմնադիր Մարկ Ցուկերբերգից, որը միլիարդատեր էր դարձել 23 տարեկանում։

18
թեգերը:
աշխատավարձ, կորոնավիրուս, ապրանքանիշ, գործարան, Քիմ Քարդաշյան
թեմա:
Կորոնավիրուսը Չինաստանում և աշխարհում
Ըստ թեմայի
Քիմ Քարդաշյանը կթողարկի իր սեփական պոդկաստը․ այն գլամուր կյանքի մասին չի լինելու
Քիմ Քարդաշյանի քրոջ` Քայլի Ջենների ավտոմեքենաների տեսականին
Քիմ Քարդաշյանի ամուսինը «Արարատ» անվանումով կոշիկ է արտադրել. լուսանկար
Քիմ Քարդաշյանի ու նրա քրոջ ռեփեր ամուսինները տեսահոլովակ են նկարահանել
Եվգենի Պետրոսյանն ու Տատյանա Բրուխանովան, արխիվային լուսանկար

Իզո՞ւր է նեղացել երիտասարդ կնոջ պատճառով․ ինչո՞ւ է Պետրոսյանը դատի տվել Կոկլյուշինին

31
(Թարմացված է 00:43 07.07.2020)
Կոկլյուշինը Եվգենի Պետրոսյանի շատ մենախոսությունների հեղինակն է, նրանք բազմիցս հանդես են եկել նույն բեմում, այս թվում՝ «Ծուռ հայելի» հաղորդման ընթացքում՝ համատեղ համարներով։ Բայց երիտասարդ կնոջ պատճառով նրանց միջև սև կատու է անցել։

ԵՐԵՎԱՆ, 6 հուլիսի – Sputnik. Հայտնի հումորիստ Եվգենի Պետրոսյանը դատարանում գրող-երգիծաբան Վիկտոր Կոկլյուշինի դեմ հայց է ներկայացրել սխալմամբ։ Այդ մասին ՌԻԱ Նովոստիին հայտնել է ինքը՝ Կոկլյուշինը։

Ավելի վաղ հայտնի էր դարձել, որ Եվգենի Պետրոսյանը որոշել է պաշտպանել իր երիտասարդ կնոջը՝ Տատյանա Բրուխունովային և պատասխանատվության կանչել գործընկերոջը՝ Վիկտոր Կոկլյուշինին։ Բանն այն է, որ Տատյանան շարունակ խիստ քննադատությունների կիզակետում է հայտնվում։ Մեկ նա բոլորին դուր չի գալիս, մեկ նրա ընտրությունները դուր չեն գալիս, հագուստը չի սազում և այլն։

Մի քանի օր առաջ ԶԼՄ-ները հայտնել էին, որ նրա հասցեին ոչ կոռեկտ է արտահայտվել երգիծաբան Վիկտոր Կոկլյուշինը։ Ռուսական պարբերականների տվյալներով՝ Կոկլյուշինը հայտարարել է, որ Պետրոսյանը դադարել է հայտնվել հեռուստաէկրաններին, իսկ Տատյանան բոլորովին այն մարդը չէ, որը պետք է լինի հումորիստի կողքին։

Դրանից հետո Պետրոսյանը սկսեց պաշտպանել կնոջը և որոշեց պատասխանատվության կանչել Կոկլյուշինին։ Արտիստի փաստաբան Սերգեյ Ժորինը համապատասխան հայց ներկայացրեց դատախազություն։ «Պետրոսյանը խիստ վրդովված էր, մենք էլ որոշեցինք անպատիժ չթողնել այս ամենը և պաշտպանել Տատյանային։ Նշված արտահայտությունները միանշանակ վիրավորական են, քանի որ ուղղված են նրա արժանապատվությանը և պատվին»,-մեջբերում է պարբերականը արտիստի ներկայացուցչի խոսքերը։ Կոկլյուշինին սպառնում է մի քանի հարյուր հազար ռուբլի տուգանք։

Եվգենի Պետրոսյանի երիտասարդ կինը փոխել է «այրու կերպարն» ու որոշել գիրք կարդալ

Մեկնաբանելով այդ զարգացումները, Կոկլյուշինն ասել է, որ իր խոսքերում որևէ վիրավորական բան չի եղել։ Հուլիսի 6-ին նա հանդիպել է փաստաբան Ժորինի հետ և բացատրել է թյուրիմացության պատճառները։

««Собеседник» պարբերականում հոդված էր հրապարակվել, որը երկու մասից էր բաղկացած։ Առաջին հատվածում ես էի պատասխանում թղթակցի հարցերին, երկրորդում՝ մի արտիստ, որը չէր ցանկացել իր անունը հրապարակել։ Եվ ահա, երկրորդ մասը բավականին կտրուկ է, այնտեղ արտահայտություններ կան, որոնք չեն կարող դուր գալ։ Իսկ երբ տարբեր այլ պարբերականներ սկսեցին արտատպել, ուրիշի խոսքերը վերագրեցին ինձ»,-ասել է Կոկլյուշինը։

Կոկլյուշինը Եվգենի Պետրոսյանի շատ մենախոսությունների հեղինակն է, նրանք բազմիցս հանդես են եկել նույն բեմում, այդ թվում՝ «Ծուռ հայելի» հաղորդման ընթացքում՝ համատեղ համարներով։

Հիշեցնենք, որ անցած տարվա դեկտեմբերին Եվգենի Պետրոսյանն ամուսնացել է իր օգնականի՝ Տատյանա Բրուխունովայի հետ։ Հանուն Տատյանայի նա 30 տարի համատեղ կյանքից հետո  բաժանվել է իր չորրորդ կնոջից՝ Ելենա Ստեպանենկոյից։ Մամուլը բազմիցս գրել է, որ Պետրոսյանն ու Բրուխունովան երեխա ունեն, սակայն առայժմ կողմերից ոչ մեկը չի հաստատել այդ տեղեկությունը։ 74-ամյա երգիծաբանը հասուն դուստր ունի՝ Վիկտորիան։ Կարանտինի պատճառով վերջինս մնացել է Մոսկվայում է ինքնամեկուսացել է Ստեպանենկոյի բնակարանում, որին աջակցում է ամուսնալուծությունից հետո։

«Երջանկության ալբոմ»․ Պետրոսյանի երիտասարդ կինը նրան սեր խոստովանելու նոր ձև է գտել

31
թեգերը:
փաստաբան, դատ, Տատյանա Բրուխունովա, Եվգենի Պետրոսյան
Ըստ թեմայի
«Իհարկե օրիգինալն է»․ Եվգենի Պետրոսյանի երիտասարդ կինը պարծեցել է Dior-ի գլխարկով
Եվգենի Պետրոսյանի երիտասարդ կինը փոխել է իմիջը. տեսանյութ
Եվգենի Պետրոսյանն առաջին ընտանեկան լուսանկարն է հրապարակել Տատյանա Բրուխունովայի հետ
«Բոլորը կպատժվեն ըստ արժանվույն». Եվգենի Պետրոսյանի կինն արձագանքել է մեղադրանքներին