«Եվրատեսիլ»

«Եվրատեսիլը» կկայանա, բայց օնլայն համերգի տեսքով

165
Ոչ մրցութային օնլայն-ռեժիմով համերգին ելույթ կունենան ինչպես 2020 թվականի, այնպես էլ նախորդ տարիների լավագույն մասնակիցները:

ԵՐԵՎԱՆ, 1 ապրիլի – Sputnik. Կորոնավիրուսի պատճառով «Եվրատեսիլ 2020» երգի միջազգային մրցույթի չեղարկումից հետո կազմակերպիչները որոշել են այն անցկացնել օնլայն համերգի տարբերակով։ Ինչպես տեղեկացնում է միջազգային մրցույթի պաշտոնական կայքը, օնլայն համերգը կկայանա մայիսի 16-ին և կտևի շուրջ 2 ժամ:

Ոչ մրցութային օնլայն-ռեժիմով համերգին ելույթ կունենան ինչպես 2020 թվականի, այնպես էլ նախորդ տարիների լավագույն մասնակիցները: Շոուն ստացել է Eurovision: Europe Shine A Light (Եվրոպան փայլում է լույսով) անվանումը:

Համերգը կհեռարձակվի Եվրատեսիլի YouTube-ի պաշտոնական ալիքով: Նման ձևով կազմակերպիչները ցանկանում են փոխհատուցել մրցույթի չեղարկումը, որը պետք է կայանար Ռոտերդամում:

«Մենք ուզում ենք միավորել Եվրոպան հեռուստատեսային յուրահատուկ այս թողարկմամբ: Կոչ ենք անում հեռարձակող ընկերություններին և մյուս երկրներին ցուցադրել այն՝ միասնության և միավորման ոգով»,- գրել են կազմակերպիչները:

Այլ մանրամասների մասին տեղեկություններ կփոխանցվեն առաջիկա շաբաթների ընթացքում:

Հիշեցնենք, որ «Եվրատեսիլ 2020» երգի մրցույթը չեղարկվեց կորոնավիրուսի համավարակի պատճառով։ Մարտի 17-ին «Եվրատեսիլի» կազմակերպիչները Twitter-ի իրենց պաշտոնական էջում հայտնեցին, որ հետևում են կորոնավիրուսի տարածման հետևանքով աշխարհում անընդհատ փոփոխվող իրավիճակին և շուտով որոշում կկայացնեն։ Ավելի ուշ հայտարարվեց, որ մրցույթը չեղարկվում է։

165
թեգերը:
կորոնավիրուս, Նիդեռլանդներ, Համերգ, Եվրոպա, Եվրատեսիլ
Ըստ թեմայի
Երևանի մետրոպոլիտենը փակ է. 39 տարվա մեջ առաջին անգամ այն չի գործում
ՀՀ նախագահը ստորագրեց վիճելի օրենքը
Կորոնավիրուսով վարակված վրացի վարորդին հնարավոր է` տեղափոխեն Թբիլիսի. մանրամասներ
Սուրեն Պապիկյան

Հայաստան–Իրան 3-րդ ԷՀԳ շինարարությունը նախատեսվում է ավարտին հասցնել տարեվերջին. Պապիկյան

5
Նախարարը նշել է, որ մի քանի ամսվա հարկադիր պարապուրդի պատճառով Էլեկտրահաղորդման գծի շինարարության աշխատանքները կարող են հետաձգվել:

ԵՐԵՎԱՆ, 27 մայիսի – Sputnik. Հայաստանի և Իրանի միջև 3-րդ  էլեկտրահաղորդման գծի (ԷՀԳ)  շինարարությունը նախատեսվում է ավարտին հասցնել 2020 թվականի վերջին: Տեղեկությունը հայտնեց ՀՀ տարածքային կառավարման և ենթակառուցվածքների նախարար Սուրեն Պապիկյանը։

«Ծրագրով նախատեսված է աշխատանքներն ավարտել մինչև 2020 թվականի վերջը։ Մի քանի ամսվա պարապուրդը (կորոնավիրուսի պատճառով – խմբ.) ժամկետների հետ կապված խնդիրներ կառաջացնի, սակայն մենք կանենք ամեն ինչ և հույս ունենք, որ կհասցնենք աշխատանքներն ավարտին հասցնել նախատեսված ժամանակահատվածում»,– ասաց Պապիկյանն ԱԺ–ում` պատասխանելով պատգամավորներից մեկի հարցին։

Նա հիշեցրեց, որ կորոնավիրուսի համավարակի և երկու երկրների կիրառած սահմանափակումների պատճառով իրանցի գործընկերներին երեք ամիս չէր հաջողվում Հայաստան ժամանել։

«Սակայն այսօր (շինարարությունն իրականացնող – խմբ.) ընկերության նախագծի մենեջերը արդեն Հայաստանում է: Հունիսի 1-ին Հայաստան կժամանեն ևս 5 ինժեներներ, իսկ երկու շաբաթվա ընթացքում նախատեսվում է, որ ամբողջ թիմը, շուրջ 60 հոգի, տեղում կլինեն, և շինարարական աշխատանքները կշարունակվեն»,– նշեց նախարարը։

Ի՞նչ է լինելու Հայաստան–Իրան էլեկտրագծի հետ, եթե սահմանը երկար փակ մնա

Նախարարը հավելեց նաև, որ ՀՀ կառավարությունը  իրանցի մասնագետներին ազատել է վիզայի վճարներից։

Ավելի վաղ Հայաստանի իշխանությունները հայտարարել էին, որ 400 կիլովոլտանոց 3-րդ ԷՀԳ–ի շահագործումը թույլ կտա եռակի ընդլայնել հայ–իրանական՝ «գազ` էլեկտրաէներգիայի դիմաց» ծրագիրը։

Հայաստանում պաշարների բազան ընդլայնելու համար 2007թ-ին բացվել է Իրան-Հայաստան գազատարը։ Երկու երկրների միջև համաձայնագրի համաձայն` 20 տարվա ընթացքում Իրանը Հայաստան կմատակարարի 36 մլրդ խմ բնական գազ` պայմանագրի գործողության ժամկետը 5 տարով երկարացնելու և գազի առաքումների ընդհանուր ծավալը մինչև 47 մլրդ խմ ավելացնելու հնարավորությամբ։
Կորոնավիրուսն օգնել է Իրանին. Հայաստանի հետ էլեկտրահաղորդման գծի շինարարությունը կվերսկսվի

5
թեգերը:
կորոնավիրուս, Սուրեն Պապիկյան, Իրանի Իսլամական Հանրապետություն, Հայաստան
Ըստ թեմայի
Ինչու է հետաձգվում «Իրան-Հայաստան» էլեկտրահաղորդման գծի կառուցումը. պարզաբանում
Հայաստանը նոր նախագիծ կկազմի էլեկտրահաղորդման կարևորագույն գծի համար
Հայաստան-Իրան էլեկտրահաղորդման նոր գծի կառուցումն ուզում են մինչև 2021 թվականն ավարտել
Դավթյան. «2020թ–ի առաջին կիսամյակում կունենանք 15-20% էլեկտրաէներգիայի անկում»
Airbus A320

Մոտ 200 ռուսաստանցիներ արտագնա չվերթով Հայաստանից Ռուսաստան են վերադարձել

24
Քաղաքացիների գրանցման և նստեցման գործընթացն անցել է բնականոն ռեժիմով՝ պահպանելով Հայաստանի պարետատան սահմանած անվտանգության բոլոր միջոցները:

ԵՐԵՎԱՆ, 27 մայիսի – Sputnik․ ՌԴ քաղաքացիների՝ հայրենիք վերադառնալու համալիր աշխատանքների շրջանակում մայիսի 27-ին Երևան-Նովոսիբիրսկ-Եկատերինբուրգ արտագնա չվերթով 195 մարդ է մեկնել: Տեղեկությունը հայտնում է Հայաստանում ՌԴ դեսպանատունը։

Չվերթն իրականացրել է «Ուրալյան ավիաուղիներ» ինքնաթիռը։ Դեսպանատան հյուպատոսական բաժնի դիվանագետները «Զվարթնոց» օդանավակայանում համակարգել են ուղևորների գրանցման և նստեցման գործընթացը և քաղաքացիներին անհրաժեշտ աջակցություն ցուցաբերել։ Ողջ գործընթացն անցել է բնականոն ռեժիմով՝ պահպանելով ՀՀ պարետատան սահմանած անվտանգության բոլոր միջոցները:

«Ռուսաստանցիներին տուն վերադարձնելու ուղղությամբ աշխատանքները շարունակվում են»,- նշված է դեսպանատան հայտարարության մեջ։

Վերջին ամսվա ընթացքում Հայաստանից Ռուսաստանի տարբեր մարզեր մեկնել է ընդհանուր առմամբ 637 ռուսաստանցի։ Արտագնա չվերթներ են կազմակերպվել դեպի Վորոնեժ, Սանկտ-Պետերբուրգ, Մոսկվա և այլ քաղաքներ։

«Արմենիա» ավիաընկերությունը չեղարկել է առաջիկա բոլոր կանոնավոր չվերթերը

Հիշեցնենք, որ կորոնավիուսային իրավիճակով պայմանավորված՝ Հայաստանում մարտի 16-ից արտակարգ դրություն է հայտարարվել, որն արդեն երկու անգամ երկարաձգվել է։ ՀՀ կառավարությունը վերջերս որոշում ընդունեց, որի համաձայն՝ արտակարգ դրությունը կգործի մինչև հունիսի 13-ը։

Օրը հայտնի է. ՀՀ քաղաքացիներին Երևան կտեղափոխեն Մինսկից, Դամասկոսից ու Սանկտ Պետերբուրգից

24
թեգերը:
դեսպանատուն, չվերթ, Ռուսաստան, Հայաստան
Ըստ թեմայի
Հայաստանի և այլ երկրների քաղաքացիներ Կահիրեից թռել են «Բելավիայի» չվերթով
Հայաստան-Ռուսաստան կանոնավոր չվերթերը կբացվեն. ինչ են պարտավոր անել Հայաստան եկածները
Ryanair պատրաստվում է հուլիսի 1-ից վերականգնել իր չվերթերի 40%-ը
Ռուսաստանի տարբեր քաղաքներից 6 չվերթ է նախատեսվում դեպի Երևան. երբ են դրանք կայանալու
Տիեզերագնաց

Մարդկության պատմության մեջ առաջին անգամ տիեզերագնացներին ուղեծիր կհասցնի մասնավոր հրթիռը

0
(Թարմացված է 20:57 27.05.2020)
Եկեք անկեղծ լինենք։ Ընդամենը մի քանի ժամից՝ մեր ժամանակով մոտավորապես կեսգիշերին, նշանակալի իրադարձության կարող է տեղի ունենալ։ Մարդկության պատմության ընթացքում առաջին անգամ տիեզերագնացներին ուղեծիր դուրս կբերի մասնավոր ընկերության ստեղծած հրթիռը։
Մարդկության պատմության ընթացքում առաջին անգամ տիեզերագնացներին ուղեծիր դուրս կբերի մասնավոր հրթիռը

Այո, խոսքը ամերիկացի հայտնի գործարար Իլոն Մասկին պատկանող «Սպեյսիքս» ընկերության մշակած «Քրյու Դրագոն» հրթիռի մասին է։ Ինչու եմ ասում, որ հրթիռի արձակումը կարող է տեղի ունենալ, այլ ոչ թե տեղի կունենա՝ եղանակն է պատճառը, մինչև հիմա Քանավերալ հրվանդանի շրջանում շարունակվում է ուժգին ամպրոպը՝ չընդհատվող կայծակներով։ Բոլոր դեպքերում, եթե այսօր հրթիռը չարձակվի, թռիչքը կհետաձգվի մինչև այս ամսվա վերջը։

Ամերիկացիների համար սա կրկնակի նշանակալից իրադարձություն է՝ սա նրանց քամբեքն է, վերադարձը, չէ՞ որ վերջին տասնամյակում միայն ղազախստանյան Բայկոնուրից էին թռչում տիեզերք։ Շատ հակիրճ ներկայացնեմ պատմությունը։ Հիշում եք, իհարկե, որ այսպես կոչված մաքոքային տիեզերանավերի օգտագործման 30 տարիների ընթացքում նրանցից երկուսը պայթել էին՝ 86 թվականին «Չելենջերը», իսկ 2003 թվականին` «Կոլումբիան»։ Այս ողբերգություններից հետո էլ ամերիկյան տիեզերական գործակալությունը՝ ՆԱՍԱ-ն, չհրաժարվեց բազմակի օգտագործման հրթիռների շահագործումից, բայց երբ 2011 թվականին պարզվեց, որ «Դիսքավերի» տիեզերանավից արձակման պահին մասեր են պոկվել, որոշվեց վերջնականապես հրաժարվել մաքոքներից։

Ֆաթիմայի հրաշքը․ հավատա՞լ, թե՞ ոչ

Մնաց երկու տարբերակ՝ ամերիկացի տիեզերագնացներին ուղեծիր ուղարկել կա՛մ չինական, կա՛մ ռուսաստանյան հրթիռներով։ Չինական տարբերակից Կոնգրեսը հրաժարվեց 2011 թվականին` վախենալով այսպես կոչված արդյունաբերական լրտեսությունից։ Ընտրվեց ռուսաստանյան տարբերակը, մանավանդ որ ռուսների հետ համագործակցելու փորձ ամերիկացիներն ունեին դեռ խորհրդային տարիներից։ Մեր նոր սերունդն, իհարկե, տեղյակ էլ չէ, որ ժամանակին նույնիսկ այդպիսի սիգարետներ կային, որոնց տուփի վրա գրված էր՝ «Սոյուզ-Ապոլոն»։ Այո, 70-ական թվականներին սովետական «Սոյուզի» և ամերիկյան «Ապոլոնի» անձնակազմերը համատեղ թռիչքներ էին իրականացնում։

Ովքե՞ր են թռչելու այսօր կեսգիշերին։ Երկու փորձառու տիեզերագնացներ՝ Դագ Հերլին և Ռոբերտ Բենքենը։ Հետաքրքիր է, որ նրանք ոչ միայն մտերիմ ընկերներ են, այլև երկուսն էլ ամուսնացած են, եթե կարելի է այսպես ասել, տիեզերագնացուհիների հետ։ Հերլիի կինը երկու անգամ է եղել ուղեծրում, բայց հիմա արդեն հրաժարվել է տիեզերագնացի կարիերայից, տնային տնտեսուհի է դարձել և դաստիարակում է 10-ամյա որդուն, իսկ Բենքենի կինն ընդհակառակը` ընդգրկվել է այն անձնակազմում, որը մտադիր է 2004 թվականին վայրէջք կատարել լուսնի վրա։

Ինչու ամերիկացիներն ի վերջո որոշեցին հրաժարվել ռուսաստանցիների ծառայություններից։ Որոշ փորձագետներ պնդում են՝ հենց ռուսաստանցիներն էլ մեղավոր են։ Զգալով, որ ունեն դեպի միջազգային տիեզերակայան թռչելու մենաշնորհ, նրանք սկսեցին բարձրացնել գինը։ Կոնկրետ թվեր բերեմ։ Մոտ 10 տարի առաջ ՆԱՍԱ-ն մեկ տիեզերագնացի համար ռուսներին վճարել էր 20 միլիոն դոլար։ Այս տարվա հոկտեմբերին արձակվելիք հրթիռում տեղ զբաղեցնելու համար Ռուսաստանի իշխանություններն ամերիկացիներից պահանջում են 90 միլիոն։ Այնինչ իրականում այսպես կոչված տիեզերական զբոսաշրջիկների համար նախատեսված սակագները գնալով պիտի նվազեն։ Տեսեք։ 2008 թվականին միջազգային տիեզերակայանում երկու շաբաթ մնալու համար ամերիկացի գործարար Ռիչարդ Գերիեթը վճարել էր 30 միլիոն դոլար։ Իսկ հիմա Իլոն Մասկի ընկերությունն ասում է՝ եթե ամեն ինչ հաջող ընթանա, ապագայում տիեզերական զբոսաշրջիկից մի օրվա համար կպահանջենք ընդամենը 35 հազար դոլար։

Մի խոսքով, եթե տիեզերական տուրիզմը Իլոն Մասկի շնորհիվ զարգանա, ամենևին չի բացառվում, որ իրականություն կդառնա նաև Հայաստանի նախագահի երազանքը։ Հիշենք, որ այս տարվա սկզբին Աբու Դաբիում կայացած համաժողովում Արմեն Սարգսյանն ասել էր. «Երբ ես շատ փոքր էի, առաջին մարդը թռավ տիեզերք։ Նրա անունը Յուրի Գագարին էր։ Թվում էր, որ դա գիտական ֆանտաստիկա է։ Ինչպե՞ս կարող է մարդը գնալ տիեզերք։ Սակայն այդ օրվանից ես սկսեցի երազել տիեզերք թռչելու մասին։ Եվ կյանքիս ընթացքում անընդհատ մտածում եմ՝ կկարողանա՞մ իրականացնել երազանքս, թե ոչ։ Սկզբում ես գիտնական էի, իսկ տիեզերք գնալու համար պետք է ֆիզիկապես ամուր լինել, պատրաստված, լինել աստղագետ, իսկ դա նշանակում է, որ երիտասարդ մաթեմատիկոսը չէր կարող դա անել։ Հետո ես դարձա դիվանագետ, ապա վարչապետ, հետո դարձա ազատ մարդ, գործարար, սակայն երազանքս շարունակում է մնալ։ Երբ շատ մոտ էի երազանքիս իրականացմանը և ունեի բավարար գումար տիեզերք մեկնող զբոսաշրջիկ դառնալու համար, ես դարձա նախագահ։ Սակայն ես շարունակում եմ երազել և գուցե լինեմ առաջին նախագահը, որ կթռչի տիեզերք»:

Բոլոր հիմարությունները դեմքի խելոք արտահայտությամբ են արվում, կամ Մյունխհաուզենի սինդրոմը

0
թեմա:
5 րոպե Դուլյանի հետ