ԵՐԵՎԱՆ, 30 մարտի –Sputnik. Հայտնի ամերիկացի դերասանուհի Անջելինա Ջոլին խախտել է կարանտինի կանոնները նախկին ամուսնու` Բրեդ Փիթի պատճառով։
Անջելինա Ջոլին անկեղծ էսսե է գրել. նա ուզում է տեսնել թոռներին
Կորոնավիրուսի համավարակի հետ կապված ինքնամեկուսացման կանոնների համաձայն` ԱՄՆ բոլոր քաղաքացիները պարտավոր են հրաժարվել բարեկամներին այցելելուց և կարող են տնից դուրս գալ միայն ծայրահեղ անհրաժեշտության դեպքում։
Միևնույն ժամանակ, նախկին ամուսինները, կարանտինը խախտելով, շարունակում են պայքարել իրենց երեխաների ուշադրությունը գրավելու համար։
E!News պարբերականը, հղում անելով սեփական աղբյուրներին, հայտնել է, որ Ջոլին թույլ է տվել երեխաներին այցելել հորը` մի առանձնատնից մյուսը գնալով։
«Երեխաներն ապրում են Անջելինայի հետ, սակայն նրանք սովորական ռեժիմով տեսնվում են Փիթի հետ։ Նրանք միասին ժամանակ են անցկացնում, կինո դիտում և պարզապես հաղորդակցվում», – գրված է հաղորդագրության մեջ։
Նշվում է նաև, որ Ջոլիի և Փիթի երեխաներն անցել են հեռավար ուսուցման։
Թեև Ջոլին գոհ չէ այս իրավիճակից, սակայն նա չի կարող փոխել դատարանի որոշումը, որով Փիթին թույլատրված է հանդիպել երեխաների հետ։
Հիշեցնենք, որ Ջոլին վերջերս խոստովանել էր, որ իր երկու դուստրերը` 15-ամյա Զախարան և 13-ամյա Շայլոն, բարդ վիրահատություն են տարել և վերականգնման գործընթաց են անցնում։ Վերջին երկու ամիսը նա երեխաների հետ հիվանդանոցներում է անցկացրել։
