Պլասիդո Դոմինգո

Կորոնավիրուսի պատճառով հիվանդանոց տեղափոխված Դոմինգոն սկսել է կազդուրվել

84
(Թարմացված է 10:34 30.03.2020)
Աշխարհահռչակ երգիչը, որը հայտնվել էր Մեքսիկայի հիվանդանոցներից մեկում, ապաքինվում է։ Նա դուրս է գրվել հիվանդանոցից։

ԵՐԵՎԱՆ, 30 մարտի – Sputnik. Լեգենդար տենոր Պլասիդո Դոմինգոն, որը հոսպիտալացվել էր COVID-19 կորոնավիրուսի առաջացրած բարդությունների պատճառով, դուրս է գրվել հիվանդանոցից: Տեղեկությունը հայտնում է ՌԻԱ Նովոստին։

79-ամյա երգիչը գտնվում է Ակապուլկոյի իր տանը։ Բժիշկները տուժածի առողջական վիճակը գնահատել են կայուն:

Ավելի վաղ CNN-ը, վկայակոչելով երգչի ներկայացուցչին, հայտնել էր, որ Պլասիդո Դոմինգոն Մեքսիկայում հոսպիտալացվել է կորոնավիրուսի հետևանքով ի հայտ եկած բարդությունների պատճառով:

Հիշեցնենք` մարտի 22-ին իսպանացի  տենոր, դաշնակահար, դիրիժոր Պլասիդո Դոմինգոն ինքն էր հայտնել, որ վարակվել է կորոնավիրուսով։

Կորոնավիրուսի հետևանքով գործազուրկ դարձածներին աջակցություն կտրամադրվի

Հիշեցնենք` Առողջապահության համաշխարհային կազմակերպությունը (ԱՀԿ) մարտի 11-ին հայտարարել է, որ COVID-19–ը համավարակի է վերածվել։ Կազմակերպությունը կոչ է արել պետություններին միանալ վարակի դեմ ակտիվ պայքարին:

84
թեգերը:
հիվանդանոց, կորոնավիրուս, Պլասիդո Դոմինգո
թեմա:
Կորոնավիրուսը աշխարհում (937)
Ըստ թեմայի
«Ցնցված եմ». Փաշինյանը ցավակցել է Պատրիկ Դևեջյանի մահվան կապակցությամբ
«Նորք» ԲԿ–ին կից կառուցվող նոր մեկուսարանների բոլոր մոդուլներն արդեն տեղում են
Օնլայն տեղեկություն կստանանք կորոնավիրուսով վարակվածների հետ շփվածների մասին. նոր նախագիծ
Ստեփանակերտի օդանավակայան

Ինքնաթիռները Ռուսաստանից կարող են Արցախ թռչել արդեն դեկտեմբերին

276
(Թարմացված է 19:48 04.12.2020)
Օդանավակայանը սպասարկելու է նաև մարդատար չվերթեր ոչ միայն Մոսկվայից, այլև ՌԴ այլ շրջաններից։

ԵՐԵՎԱՆ, 4 դեկտեմբերի – Sputnik. Արցախի ու Ռուսաստանի իշխանությունները քննարկում են օդային հաղորդակցության հարցը։ Առաջին ինքնաթիռները Ռուսաստանից կարող են վայրէջք կատարել Ստեփանակերտի օդանավակայանում արդեն դեկտեմբերին։ Տեղեկությունը հայտնում է ՌԻԱ Նովոստին՝ հղում անելով Արցախի վարչակազմում ունեցած իր աղբյուրներին։

«Երկու կողմն էլ՝ մեր ու ռուսականը, ջանքեր են գործադրում, որ դա տեղի ունենա», -  ասել է գործակալության զրուցակիցը՝ պատասխանելով մինչ տարեվերջ Ստեփանակերտի օդանավակայանի աշխատանքի վերականգման մասին հարցին։

Նա ավելացրել է, որ օդանավակայանը սպասարկելու է նաև մարդատար չվերթեր ոչ միայն Մոսկվայից, այլև ՌԴ այլ շրջաններից։

Մեկ այլ աղբյուր հաստատել է այդ ծրագրերի հավաստիությունը։ Նրա խոսքով՝ «հավանաբար մինչ այս ամսվա մեջ մենք կտեսնենք՝ ինչպես են ռուսական առաջին ինքնաթիռները վայրէջք կատարում Լեռնային Ղարաբաղում»։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Ինչ տվեց Արցախի վերաբերյալ եռակողմ հայտարարությունը․ քարտեզ

 

276
թեգերը:
օդանավակայան, Ռուսաստան, Արցախ
Բաքու

Բաքվում Ֆրանսիայի դեսպանին բողոքի նոտա է հանձնվել Ղարաբաղի վերաբերյալ բանաձևի պատճառով

51
(Թարմացված է 19:07 04.12.2020)
Ադրբեջանում Ֆրանսիայի դեսպանին Ադրբեջանի արտգործնախարարություն էին կանչել դեկտեմբերի 4-ի առավոտյան։

ԵՐԵՎԱՆ, 4 դեկտեմբերի – Sputnik. Ադրբեջանի ԱԳՆ-ն Բաքվում Ֆրանսիայի դեսպան Զաքարի Գրոսին բողոքի նոտա է հանձնել Լեռնային Ղարաբաղի վերաբերյալ բանաձևի կապակցությամբ։ Տեղեկությունը հայտնում են ռուսական լրատվամիջոցները` հղում անելով Ադրբեջանի արտգործնախարարությանը։

Հիշեցնենք` Ֆրանսիայի խորհրդարանը երեկ` դեկտեմբերի 3-ին, ընդունեց մի բանաձև, որում ընդգծվում է Լեռնային Ղարաբաղի ճանաչման անհրաժեշտությունը։

188 կողմ և 3 դեմ ձայնով ընդունված բանաձևը խորհրդատվական բնույթ ունի Ֆրանսիայի կառավարության համար։

Այսօր առավոտյան հայտնի դարձավ, որ Ազգային ժողովի ընդունած բանաձևից հետո Բաքվում Ֆրանսիայի դեսպան Զաքարի Գրոսին Ադրբեջանի ԱԳՆ են կանչել։

Ավելի վաղ` նոյեմբերի 25-ին Ֆրանսիայի Սենատը 305 կողմ, 1 դեմ ձայնով ընդունել էր Արցախի անկախության մասին բանաձևի նախագիծ, որով դատապարտում էր Արցախի դեմ սեպտեմբերի 27-ին սանձազերծված ադրբեջանա-թուրքական ռազմական ագրեսիան՝ ահաբեկիչ վարձկանների մասնակցությամբ, և կոչ էր անում Ֆրանսիայի իշխանություններին գործադրել հնարավոր բոլոր միջոցները՝ ապահովելու 1994 թ. հաստատված սահմանների վերականգնումը, որոնք, ըստ էության, ամրագրվել են Արցախի Հանրապետության, Հայաստանի և Ադրբեջանի կողմից ստորագրված հրադադարի մասին եռակողմ անժամկետ համաձայնագրով։

51
թեգերը:
Դեսպան, բանաձև, Ֆրանսիա, Ադրբեջան
Ըստ թեմայի
«Հայկական հարցը»՝ Ֆրանսիայի ներքին ու արտաքին քաղաքականության ելևէջներում
Էրդողանը Ֆրանսիային կոչ է արել ազատվել Մակրոնից
Ինչ ուժ կարող են ունենալ Արցախի վերաբերյալ բանաձևերը. Ֆրանսիայի խորհրդարանի պարզաբանումը
Հայփոստ

Հայաստանում կզարգանան փոստային ծառայությունները

0
(Թարմացված է 21:11 04.12.2020)
Հայաստանի, Ռուսաստանի, Ղրղզստանի և ԵԱԶԲ փոստային օպերատորները կզարգացնեն փոստային ծառայությունները։

ԵՐԵՎԱՆ, 4 դեկտեմբերի - Sputnik. Եվրասիական զարգացման բանկը, Հայաստանի, Ղրղզստանի և Ռուսաստանի փոստային օպերատորները ՝ «Հայփոստը», «Կիրգիզ փոստը» և «Ռուսաստանի փոստը» կզարգացնեն իրենց ծառայությունները բաժանորդների և ընկերությունների համար: Տեղեկությունը հայտնում է «Ռուսաստանի փոստի» մամուլի ծառայությունը։

«Նպատակը բոլոր երեք երկրների տարածքում փոստային-լոգիստիկ ծառայություններ պատվիրող հաճախորդների համար միասնական պատուհանի ստեղծումն է։ Սա մեր երկրների փոստային օպերատորների միջև առաջին նման համագործակցությունն է։ Նման նախագծերը կոչված են առավելագույնս դյուրացնելու երեք երկրների տարածքում էլեկտրոնային առևտրի միջազգային բիզնեսի վարումը և հեշտացնելու տեղական խաղացողների համար արտասահմանյան շուկաներ դուրս գալը», - ասված է հաղորդագրության մեջ:

Կողմերը պայմանավորվել են երկրների միջև միջազգային փոստային առաքանիների առաքման լոգիստիկ ծառայություններ ստեղծել։ Ինչպես նաև քննարկվել է Ասիա – Եվրոպա, Եվրոպա – ԵԱՏՄ երկրներ, Ամերիկայի Միացյալ Նահանգներ – ԵԱՏՄ ուղղություններով առաքումների տարանցման կազմակերպման համար ապրանքների մշակումն ու այս ոլորտում ջանքերի համակարգումը։

ԵԱԶԲ-ն և Հայաստանի, Ռուսաստանի ու Ղրղզստանի փոստային օպերատորները մտադիր են զարգացնել համագործակցությունը միջազգային փոստային առաքանիների միասնական տեխնոլոգիայի մշակման և ներդրման, մաքսային պահեստների կազմակերպման ժամանակ առցանց առևտրի լիազորված օպերատորի տեխնոլոգիայի կիրառման և այլ ուղղություններով։

«Հայփոստը» դուստր կազմակերպություն կհիմնի Չինաստանում. Արշակյան

0
թեգերը:
Եվրասիական զարգացման բանկ (ԵԱԶԲ), Ղրղզստան, Ռուսաստան, Հայաստան