Մեծ Բրիտանիայի թագավորական ընտանիքը

Արքայազն Ուիլյամի երեխաները շնորհակալություն են հայտնել բժիշկներին. տեսանյութ

246
(Թարմացված է 20:15 27.03.2020)
Արքայազն Ջորջը, արքայադուստրը Շառլոտան և արքայազն Լուին տեսանյութում սատարում են բոլոր բուժաշխատողներին, որոնց համար ծանր ժամանակներ են։

ԵՐԵՎԱՆ, 27 մարտի –Sputnik. Արքայազն Ուիլյամի և Քեյթ Միդլթոնի փոքրիկները հուզիչ ձևով շնորհակալություն են հայտնել կորոնավիրուսի դեմ պայքարող բժիշկներին։ Քենսինգթոնյան պալատի Instagram պաշտոնական էջում տեսանյութ է հայտնվել, որտեղ երեխաները դիմում են բուժաշխատողներին, որոնց համար ծանր ժամանակներ են սկսվել։

Նշենք, որ Քենսինգթոնյան պալատմ արքայազն Ուիլյամի և նրա կնոջ լոնդոնյան պաշտոնական նստավայրն է։

Տեսանյութում թագավորական ժառանգներ` 6 տարեկան արքայազն Ջորջը, 4 տարեկան արքայադուստր Շառլոտան և 2 տարեկան արքայազն Լուին, ծափահարում են` հայտնելով իրենց համերաշխությունն ու շնորհակալությունը բժիշկներին։

«Շնորհակալություն  բոլոր բժիշկներին, բուժքույրներին, հիվանդապահներին, դեղագործներին, կամավորներին և մյուս բուժաշխատողներին, որոնք անդադար աշխատում են կորոնավիրուսով բոլոր հիվանդներին օգնելու համար», – գրված է տեսանյութին կից գրառման մեջ։

Արքայազներն ու արքայադուստրը բավական համեստ են հագնված, առանց ավելորդությունների։ Եթե Ջորջը, որպես ավագ, շատ լուրջ է վերաբերվում իր առաքելությանը և ջանասիրաբար ծափահարում է, ապա Շառլոտան ժպտում է և ինչ–որ մեկին նայում, ով կադրից դուրս է։ Դե իսկ փոքրիկ Լուին նայում է մե՛կ ավագ եղբորը, մե՛կ քրոջը` հասկանալու համար, թե արդյոք ճիշտ է հասկացել առաջադրանքը։

Թագավորական ընտանիքն այս տեսանյութով միացել է #ClapForOurCares ֆլեշմոբին, որը թարգմանվում է «ծափահարում ենք նրանց, ովքեր հոգ են տանում մեր մասին»։

Ավելի վաղ կորոնավիրուս էր հայտնաբերվել Բրիտանիայի թագաժառանգ, արքայազն Չարլզի մոտ։ Նրա կնոջ` Կամիլայի COVID-19–ի թեստի արդյունքները բացասական են եղել։ Այժմ Չարլզն ու Կամիլան գտնվում են Շոտլանդիայի իրենց նստավայրում։

Լոնդոնը դարձել է Բրիտանիայում կորոնավիրուսի համաճարակի էպիկենտրոն։ Ավելի վաղ հայտնի էր դարձել, որ հիվանդացել է Մեծ Բրիտանիայի առողջապահության փոխնախարար Նադին Դորիսը, սակայն հիմա նա արդեն առողջացել է և վերադարձել իր պարտականություններին։ Այսօր կորոնավիրուս են հայտնաբերել Մեծ Բրիտանիայի վարչապետ Բորիս Ջոնսոնի մոտ:

«Իգորին մի՛ զանգեք». Նիկոլաևը կորոնավիրուսի ախտորոշման թեստ է հանձնել, կինը նյարդային է

Երեքշաբթի օրվանից Մեծ Բրիտանիայում կարանտին է գործում. բնակիչներին արգելված է առանց ծայրահեղ անհրաժեշտության դուրս գալ տնից, 2 անձանցից ավելի մարդկանցով հավաքվել։ Բացառություն են կազմում միայն համատեղ ապրող ընտանիքները։

ԱՀԿ–ի վերջին տվյալներով` աշխարհում կորոնավիրուսով վարակվածների թիվն արդեն հասել է ավելի քան 465 հազարի, ավելի քան 21 հազարը մահացել են։

246
թեգերը:
արքայազն, երեխա, Անգլիա, կորոնավիրուս
Ըստ թեմայի
Դժվար է չվարակվել Cor UNO virus պարով, երբ բոլորը կարանտինում են. տեսանյութ
Որ մարզում կորոնավիրուսով վարակման քանի դեպք է գրանցվել. քարտեզը պատրաստ է
«Ռոսիա սեգոդնյա» ՄՏԳ–ն միացել է COVID-19–ի դեմ պայքարի դաշինքին
Անատոլի Չուբայսը

Պետրոսյանի մակարդակին չեմ հասնի․ Չուբայսը պատասխանել է «ասեղի վրա չնստելու» մասին հարցին

16
(Թարմացված է 17:29 27.05.2020)
Շատերը, իմանալով Չուբայսի կենսագրությունը, նրան հրաշագործ են համարում, բայց «Ռոսնանո» ընկերության նախագահն այդ մտքի հետ համաձայն չէ։

ԵՐԵՎԱՆ, 27 մայիսի – Sputnik. «Ռոսնանո» ԲԲԸ-ի նախագահ Անատոլի Չուբայսը հայտարարել է, որ հրաշագործ դառնալ «չի ձգի», ինչպես նաև չի հասնի հումորիստ Եվգենի Պետրոսյանի մակարդակին, փոխանցում է ՌԻԱ Նովոստին։

Այդպես նա արձագանքել է «Իննոպրոմ» ֆորումի շրջանակում առցանց բանավեճի մոդերատորի հարցին, թե արդյո՞ք ինքը չի զգում, որ «ասեղին չնստելու» իր կոչն «արդեն ոչ թե բարձրաստիճան պաշտոնյայի հռետորաբանություն է, այլ Եվգենի Պետրոսյանի նմանակում»։ Մոդերատորն ավելացրել է նաև, որ շատերը, իմանալով Չուբայսի կենսագրությունը, նրան «հրաշագործ» են համարում։

«Հրաշագործի հաստատ չեմ ձգի, Պետրոսյանի մակարդակին էլ հաստատ չեմ հասնի, բայց քանի որ հարցնում եք, փորձեմ պատասխանել։ Կերպար կա, որն օգտագործվում է հանրային արտահայտման համար, բայց այսօր այստեղ մասնակիցների այնպիսի բացառիկ կազմ է, որ մի տեսակ հրապարակախոսություն չեմ ուզում, այլ հակառակը՝ բովանդակալից զրույց»,-պատասխանել է Չուբայսը։

Նախորդ շաբաթ Forbes ամսագրին տված հարցազրույցում նա հայտարարել է, որ Ռուսաստանը պետք է ձերբազատվի «ասեղի» կախվածությունից` ավելացնելով, որ եթե ձին սատկել է, ուրեմն պետք է իջնել ձիուց։

16
թեգերը:
Եվգենի Պետրոսյան, Ռուսաստան
Ըստ թեմայի
«Աստված մի արասցե». Ելենա Ստեպանենկոն խոսել է Եվգենի Պետրոսյանի հետ վերամիավորվելու մասին
«Իհարկե օրիգինալն է»․ Եվգենի Պետրոսյանի երիտասարդ կինը պարծեցել է Dior-ի գլխարկով
Եվգենի Պետրոսյանն առաջին ընտանեկան լուսանկարն է հրապարակել Տատյանա Բրուխունովայի հետ
Վլադիրմի Պուտին

Պուտինը խորհրդակցության ժամանակ զայրացել է և գրիչը սեղանին է նետել. տեսանյութ

76
(Թարմացված է 16:59 27.05.2020)
Խոսելով այնպիսի իրավիճակների մասին, երբ մարդկանց վտանգ է սպառնում կամ նրանք զրկվում են տանիքից, պետության ղեկավարը չի զսպել զգացմունքները։

ԵՐԵՎԱՆ, 27 մայիսի -  Sputnik. ՌԴ նախագահ Վլադիմիր Պուտինը մարզերում ջրհեղեղների և հրդեհների թեմայով  տեսախորհրդակցության ընթացքում չի զսպել զայրույթն ու գրիչը սեղանին է շպրտել։ Տեսագրության հատվածը տեղադրվել է @Kremlinpool_RIA թվիթերյան էջում։

Ռուսաստանում COVID-19–ի տարածման պիկն անցել է. Պուտին

ՌԴ նախագահն ընդգծել է, որ հազարավոր քաղաքացիների համար առաջին պլանում են հայտնվել արտակարգ դրության հետ կապված իրավիճակները։ Մարդիկ կարող են առանց տանիքի մնալ, իսկ նրանց կյանքը վտանգված է։ Դրանից հետո Պուտինը գրիչը շպրտել է սեղանին։

Տեսակոնֆերանսի ֆորմատով կայացած խորհրդակցությանը մասնակցել են Ռուսաստանի ԱԻՆ-ի ղեկավար Եվգենի Զինիչևը, տրանսպորտի նախարար Եվգենի Դիտրիխը, բնապահպանության նախարար Դմիտրի Կոբիլկինը և մի շարք մարզպետներ։

Պուտինը հայտարարել է, որ Հաղթանակի օրվան նվիրված զորահանդեսը կանցկացվի հունիսին

Արտակարգ դրության ռեժիմ է հայտարարված Ռուսաստանի չորս մարզերի անտառներում`Անդրբայկալյան երկրամասի ողջ տարածքում և Տիվայի Հանրապետության որոշ մարզերում, Իրկուտսկի մարզում և Խակասիայի Հանրապետությունում։ Եվս 49 մարզերում հատուկ հակահրդեհային ռեժիմ է գործում, որի ընթացքում քաղաքացիներին արգելված է զբոսնել անտառում, կրակ վառել և այրել չոր թփերը։

76
թեգերը:
տեսանյութ, Վլադիմիր Պուտին, Ռուսաստան
Ըստ թեմայի
Ինչպես են ռուսաստանցիներին օգնելու դուրս գալ կարանտինից. Պուտինի ուղերձի առանցքային կետերը
Ասադի «հրաժարականի» լուրերի ֆոնին․ Պուտինն ու Էրդողանը քննարկել են իրավիճակը Սիրիայում
Ինչո՞ւ գազի միասնական գին չի սահմանվում. Պուտինը պատասխանեց Փաշինյանին ու Լուկաշենկոյին
Զոհրաբ Մնացականյան

Արցախ չգնալը Գերմանիայի դիրքորոշումը չէ. ԱԳ նախարարը հիշեցնում է Մերկելի հայտարարությունը

0
(Թարմացված է 18:21 27.05.2020)
Գերմանիան իր քաղաքացիներին հորդորում է ԼՂ չայցելել: ՀՀ ԱԳՆ-ն կարծում է, որ ԼՂ-ի վերաբերյալ խորհուրդը պաշտոնական Գերմանիայի դիրքորոշումը չէ:

ԵՐԵՎԱՆ, 27 մայիսի - Sputnik. Ադրբեջանի հակահայկական քարոզչությունը միջազգային ասպարեզում չի ավելացել, այն մշտապես եղել է տարիների ընթացքում ու այսօր էլ շարունակվում է:
ՀՀ ԱԳ նախարար Զոհրաբ Մնացականյանն այսօր ԱԺ-ում, կառավարության հետ հարցուպատասխանի ժամանակ այսկերպ արձագանքեց «Լուսավոր Հայաստան» խմբակցության պատգամավոր Տարոն Սիմոնյանի հարցին:

Սիմոնյանը նշեց նաև, որ Գերմանիայի արտաքին գերատեսչությունն իր երկրի քաղաքացիներին զգուշացրել էր Արցախ այցելության համար Ադրբեջանի կողմից հնարավոր պատժամիջոցների արժանանալու մասին՝ Հայաստանի արտգործնախարարից հետաքրքրվելով, թե ինչ համարժեք պատասխան է հայկական կողմը տալիս նման զգուշացումներին:

«Ես ձեզ խորհուրդ եմ տալիս չդատել մեր տարբեր գործընկերների դիրքորոշումները ԼՂ-ի հարցով այդ ճանապարհորդական խորհուրդների միջոցով: Դուք նշեցիք Գերմանիան, Գերմանիայի դիրքորոշումը ԼՂ հարցում բավական հստակ արտահայտված է, այդ թվում՝ ամենաբարձր մակարդակով»,- ասաց Մնացականյանը:

Նա հիշեցրեց նաև, որ մինչ կորոնավիրուսի համավարակը ՀՀ վարչապետ Նիկոլ Փաշինյանի այցի ու Գերմանիայի կանցլերի հետ հանդիպման ժամանակ, այդ երկիրն իր դիրքորոշումն արտահայտել է:

Մնացականյանը տեսակոնֆերանս է ունեցել ԵԱՀԿ Մինսկի խմբի համանախագահների հետ. ինչ են քննարկել

0
թեգերը:
Արցախ, Նախարար, Ադրբեջան, Գերմանիա, Անգելա Մերկել, ՀՀ Արտաքին գործերի նախարարություն. ԱԳՆ, Զոհրաբ Մնացականյան
Ըստ թեմայի
Զոհրաբ Մնացականյանը խոսել է Արցախում կայացած ընտրությունների արդյունքների մասին
Զոհրաբ Մնացականյանը հանդիպել է ԵԱՀԿ քարտուղարին. անդրադարձել են նաև ԼՂ հիմնահարցին
«Բժի՛շկ, բժշկեա՛ զանձն քո». Զոհրաբ Մնացականյանը պատասխանել է Չավուշօղլուին
Զոհրաբ Մնացականյանը ցավակցել է «Վանի ավերիչ երկրաշարժի զոհերի ընտանիքներին և հարազատներին»