Արքայազն Չարլզ

Արքայազն Չարլզը վարակվել է կորոնավիրուսով. հայտարարություն

206
(Թարմացված է 15:41 25.03.2020)
71-ամյա արքայազնը կնոջ հետ մեկուսացել է Շոտլանդիայում գտնվող իր առանձնատանը:

ԵՐԵՎԱՆ, 25 մարտի – Sputnik. Մեծ Բրիտանիայի և Հյուսիսային Իռլանդիայի Միացյալ Թագավորության միապետ Եղիսաբեթ Երկրորդի որդին՝ արքայազն Չարլզը, վարակվել է կորոնավիրուսով։ Տեղեկությունը հայտնել է Մեծ Բրիտանիայի թագավորական ընտանիքի պաշտոնական ներկայացուցիչը: Ավելի վաղ այս մասին գրել էին նաև բրիտանական լրատվամիջոցները։ 

Հաղորդագրության մեջ նշված է, որ արքայազն Չարլզի մոտ առկա են հիվանդության «միջին ախտանշաններ», բայց նա իրեն լավ է զգում:

Արքայազն Չարլզը տիկնոջ` Քորնուելի դքսուհի Կամիլայի հետ ինքնամեկուսացել է Շոտլանդիայի իր առանձնատանը:

Կորոնավիրուսը մարդկանց մենության է մատնել․ կադրեր ամբողջ աշխարհից

Անցյալ տարվա կեսին տեղեկություններ տարածվեցին, որ Մեծ Բրիտանիայի թագուհի Եղիսաբեթ Երկրորդը պատրաստվում էր իր պարտականությունների մեծ մասը փոխանցել որդուն ՝ արքայազն Չարլզին: Արքայազնը 71 տարեկան է։

Ռուսաստանը կօգնի Իտալիային պայքարել կորոնավիրուսի դեմ

206
թեգերը:
արքայազն, Մեծ Բրիտանիա
թեմա:
Կորոնավիրուսը Չինաստանում և աշխարհում (790)
Ըստ թեմայի
Հաղթել կորոնավիրուսին. «Ռոսիա սեգոդնյան» Չինաստանի փորձի մասին գիրք կթողարկի
Փողոց դուրս եկար՝ մահակով հարված կստանաս․ Հնդկաստանում ոստիկանները ցրում են մարդկանց
Սինգապուրցի գիտնականները կորոնավիրուսի ախտորոշման 5 րոպեանոց թեստ են ստեղծել
Արքայազն Չարլզը վարակվել է կորոնավիրուսով. հայտարարություն
Գագիկ Ծառուկյան. արխիվային լուսանկար

«Կանխելու եմ հակառուսական տրամադրությունները»․ Գագիկ Ծառուկյան

21
(Թարմացված է 23:16 02.07.2020)
ԲՀԿ առաջնորդը կարծում է, որ հակառուսական տրամադրությունները երկրում տարածում են հակահայկական և հակապետական ուժեր։

ԵՐԵՎԱն, 2 հուլիսի - Sputnik. «Բարգավաճ Հայաստան» կուսակցության առաջնորդ Գագիկ Ծառուկյանը Facebook-ում հայտարարություն է տարածել, որով արտահայտել է իր անհանգստությունը՝ կապված երկրում տիրող հակառուսական տրամադրությունների հետ։

«Որպես օրինակ՝ հարկ է նշել, որ հայ հասարակության մեջ ներմուծվում է այն թեզը, որ անհրաժեշտ է վերանայել Ռուսաստանի հետ ռազմական համաձայնագիրը, ինչը կհանգեցնի ռուսական 102-րդ ռազմական բազայի` մեր երկրից դուրս բերմանը: Կարծում եմ՝ բոլորս քաջ գիտակցում ենք, որ սա Թուրքիայի և Ադրբեջանի երազանքն է, որոնք անդադար սպառնում են մեզ պատերազմով և ոչնչացմամբ», - գրել է Ծառուկյանը։

ԲՀԿ առաջնորդը կարծում է, որ հակառուսական տրամադրությունները երկրում տարածում են հակահայկական և հակապետական ուժեր և խոստանում է անձամբ զբաղվել նրանցով։

«Ես՝ որպես ՀՀ ամենամեծ ընդդիմադիր քաղաքական ուժի կուսակցության նախագահ, որպես քաղաքական գործիչ, որպես քաղաքացի, կանեմ ամեն ինչ՝ կանխելու մեր երկրում հակառուսական տրամադրությունների ստեղծմանը նպատակաուղղված սադրանքները: Վստահ եմ, որ Հայաստանի զարգացման և մեր երկրի անվտանգության ու անկախության ամրապնդման համար մենք պետք է էլ ավելի խորացնենք և ամրապնդենք Ռուսաստանի Դաշնության հետ հարաբերությունները», - գրել է Ծառուկյանը։

Գագիկ Ծառուկյանի բացակայությունը չի խանգարի. ե՞րբ կլինի կալանքի մասին որոշումը

Նա հավելել է, որ հայ-ռուսական հարաբերությունները պետք է զարգանան ոչ միայն երկկողմ ձևաչափով, այնպես էլ ԱՊՀ, ԵԱՏՄ, ՀԱՊԿ և այլ քաղաքական, տնտեսական, ռազմական ձևաչափերով։

Նշենք, որ «հակառուսական տրամադրությունների» մասին երեկ և այսօր սոցցանցերում ակտիվ քննարկումներ են ծավալվել։

21
թեգերը:
Ռուսաստան, Հայաստան, Գագիկ Ծառուկյան
Ըստ թեմայի
ՀՅԴ ներկայացուցիչը հանդիպել է Վանեցյանի ու Ծառուկյանի հետ
Ծառուկյանի՝ բռնաբարության վերաբերյալ գործի նյութերը հրապարակելու փաստով քրգործ է հարուցվել
Ծառուկյանն իր ամառանոցում իրականությունից հեռու է. Ալեն Սիմոնյանը` սով սկսվելու մասին
Գագիկ Ծառուկյանը կաթիլային է ստանում
Մաքսիմ Գալկինն ու Ալլա Պուգաչովան. արխիվային լուսանկար

Ինչպես են սպասում տանը. Գալկինը ցույց է տվել, թե ինչ անակնկալ է պատրաստել իր համար կինը

51
(Թարմացված է 20:43 02.07.2020)
71-ամյա պրիմադոննան գործուղումից վերադարձող ամուսնուն դիմավորելու համար յուրահատուկ անակնկալ է պատրաստել։ Երկար սպասված հանդիպման «տեսահաշվետվությունը» հայտնվել է Instargam-ում։

ԵՐԵՎԱՆ, 2 հուլիսի - Sputnik. Ռուսական շոու բիզնեսի թագուհի Ալլա Պուգաչովան հաճելի անակնկալ է պատրաստել ամուսնու` Մաքսիմ Գալկինի վերադարձի առթիվ․ երգչուհին որոշել է ուշադրություն չդարձնել համավարակին և ամուսնու պատվին երեկույթ է կազմակերպել։

Հայտնի հաղորդավարն աշխատանքի բերումով մի քանի օրով քաղաք էր գնացել։ Այդ ընթացքում Պուգաչովան և նրանց երկվորյակները՝ Գարին ու Լիզան, ժամանակը զուր չեն վատնել և պատրաստվել են հայրիկի վերադարձին։ Պուգաչովան ընդհատել է ինքնամեկուսացումը և հրավիրել Գալկինի ընկերներին և բարեկամներին։

Պրիմադոննան գործուղումից վերադարձող ամուսնու համար հատուկ հրավերք է կազմակերպել։ Ընտանեկան հավաքի տեսահաշվետվությունը հայտնվել է Գալկինի ինստագրամյան էջում։

Հավերժ գեղեցիկ ու երջանիկ Պուգաչովան․ Գալկինը կնոջ մասնակցությամբ տեսանյութ է հրապարակել

View this post on Instagram

A post shared by Максим Галкин (@maxgalkinru) on

Տեսանյութում երևում է, որ հյուրերն աստղերի դղյակի տարածքում հավաքվել են խարույկի շուրջ և սպասում են հավաքույթի «մեղավորին»։

Գալկինը հիացած է մտերիմների ուշադրությամբ և շտապել է ուրախությունը հայտնել երկրպագուներին։ Հաղորդավարի հետևորդները գնահատել են նրա տիկնոջ ջանքերը և նշել են, որ Պուգաչովան է՛լ ավելի է գեղեցկացել և իր տարիքից շատ ավելի երիտասարդ է երևում։

Ռուս հումորիստ Մաքսիմ Գալկինը և երգչուհի Ալլա Պուգաչովան, հոգնելով չորս պատի մեջ գտնվելուց, հաճախ են հետաքրքրացնում իրենց առօրյան։ Վերջերս նրանք ընտանեկան կյանքի բեմադրություն էին կազմակերպել կորոնավիրուսի համավարակի հետ կապված։ «Ինքնամեկուսացման հիմնը» զվարճացրել էր հայտնի զույգի երկրպագուներին։

Օրբելյան, Մանուկյան և Ալլա․ մի հայն ուղի բացեց Պուգաչովայի համար, մյուսն ուզում էր «փակել»

Գալկինի և Պուգաչովային երեխաները գործուն մասնակցություն ունեն ծնողների «տարօրինակություններին»։ Վերջերս Գարին և Լիզան պատմում էին, թե ինչպես է պետք պաշտպանվել COVID-19-ից, ինչպես նաև շնորհավորում էին պրիմադոննային՝ ծննդյան օրվա առթիվ։

51
թեգերը:
Ալլա Պուգաչովա, Մաքսիմ Գալկին
Ըստ թեմայի
Հրապարակվել է Ալլա Պուգաչովայի «վուլգար» տեսահոլովակը
Պուգաչովան հպարտանում է իր երեխաներով. նրանք արդեն սահում են անվաչմուշկով. տեսանյութ
Գալկինն առաջին անգամ ասել է` ինչպես է ծանոթացել Պուգաչովայի հետ
Ծիրան

Վնասատուներ, եղանակ, թե գյուղացու սխալ մոտեցում. ինչու է ծիրանի բերքը քիչ ու անորակ

0
Հայաստանում ծիրանի բերքը սովորականից քիչ է։ Sputnik Արմենիան մասնագետի օգնությամբ փորձել է պարզել խնդրի պատճառներն ու ելքեր առաջարկել։

ԵՐԵՎԱՆ, 1 հուլիսի –Sputnik, Արամ Գարեգինյան. Այս տարի կեռասի և ծիրանի բերքատվությունը Հայաստանում ավելի ցածր է, քան անցած տարի։ Փորձագետներն առավելագույնը 55 հազար տոննա են ակնկալում, երբ Հայաստանի համար նորման 65-70 հազարն է։ Արտահանել կլինի առավելագույնը 20 հազար տոնան։

Բերքի քանակի վրա ազդել են տարեսկզբի ցրտահարությունները, իսկ որակի վրա` բարձր խոնավությունը` առատ անձրևներից սնկային հիվանդություններ են առաջացել։ Սակայն կա ևս մեկ պատճառ, որն ամեն տարի խանգարում է բերքին և գյուղացու եկամտին, այդ մասին էլ մենք կխոսենք ստորև։

«Ցրտերն ու սնկային հիվանդությունները կրճատել են բերքի քանակը և ազդել են որակի վրա։ Արտահանման ենթակա ծիրան շատ դժվար է գտնել, և մեր ներկայացուցիչները փորձում են նույնիսկ ոչ այնքան որակով բերք գնել, միայն թե այն չմնա գյուղացու վրա», –Sputnik Արմենիայի հետ զրույցում ասաց «Սպայկա» ընկերության նախագծերի կառավարման բաժնի պետ Կարեն Բաղդասարյանը։

Որքան բերքը քիչ է, այնքան ռուսական սուպերմարկետների ցանցերի հետ բանակցային դիրքերը թույլ են, և խանութների փեղկերում տեղեր գրավելու մրցակցությունը` մեծ։ Առավել ևս, որ Ուզբեկստանում և Տաջիկստանում բերքի հետ կապված խնդիրներ չեն եղել, ինչպես նաև Թուրքիայում և Իրանում. այս երկրները ևս Ռուսաստան ծիրան ու այլ մրգեր են մատակարարում։

«Այս տարի մտադիր էինք արտահանել 7-8 հազար տոննա, սակայն միանշանակ այդ ծավալը չենք կարողանա ստանալ, լավագույն դեպքում կունենանք կեսը», – նշեց Բաղդասարյանը։

Խնդիրը նաև այն է, որ ոչ բոլոր գյուղացիներն են վնասատուների դեմ անհրաժեշտ միջոցառումներն իրականացրել, այդ պատճառով նույնիսկ այն բերքը, որը ստացել են, հիմա դժվար է վաճառել։

Գյուղատնտեսության նախկին փոխնախարար, ճանաչված փորձագետ Գառնիկ Պետրոսյանն ասում է, որ այգեգործները միշտ չէ որ ճիշտ ու ժամանակին են մշակում ծառերը։ Սնկային հիվանդությունները նորություն չեն, թե ինչպես պայքարել դրանց դեմ` վաղուց է հայտնի։ Բայց, նրա խոսքով, ցավոք, շատերը մոռանում են կամ հնարավորություն չեն ունենում ժամանակին իրականացնել ծառերի մշակումը։

Խաղողի առատ բերքը լուրջ խնդիր կառաջացնի. Հարությունյանը գնդակն ուղղում է գործադիրի դաշտ

«Եթե տարին չոր է լինում, մեկ–երկու սրսկումը բավական է, որ սունկը չզարգանա։ Սակայն եթե տարին խոնավ է, ապա պետք է սրսկել մի քանի անգամ ավելի», – ընդգծեց Պետրոսյանը։

Մասնագետն ընդգծում է, որ ծառերի մշակումը պետք է սկսել նախապես։ Նախորդ աշնանը, երբ ծիրրանի տերևները թափվում են, պետք է պղնձի մեծ պարունակությամբ պաշտպանիչ դեղամիջոցներ կիրառել, իսկ գարնանն արդեն մի քանի սրսկում իրականացնել. սկզբում մինչև բողբոջելը, այնուհետև` ծաղկելուց հետո։ Սակայն եթե տարին խոնավ է եղել, ապա դա էլ բավարար չէ. 10-12 օրը մեկ պետք է սրսկել։

Заместитель министра сельского хозяйства Армении Гарник Петросян
© Sputnik / Asatur Yesayants
Գառնիկ Պետրոսյան

Պետրոսյանը հիշեցնում է, որ ինքը նորություն չի ասում, սրանք վաղուց հայտնի բաներ են։ Այդ պատճառով ավելորդ չէ ևս մեկ անգամ գյուղատնտեսության գրքերը վերընթերցել, որտեղ մանրամասն նկարագրված են բոլոր վնասատուներն ու հիվանդությունները և նրանց դեմ պայքարի եղանակները։ Եթե անձամբ ընթերցելու հնարավորություն չկա, կարելի է գոնե հարցնել մասնագետին։

«Չի կարելի հիմք ընդունել այստեղից այնտեղից, հարևանից ու ծանոթից լսածը։ Թունաքիմիկատների խանութներում էլ բարեխիղճ մասնագետներ կան, սակայն կան նաև այնպիսիք որոնց գիտելիքները կիսատ են և որևէ բան խորհուրդ են տալիս հենց այնպես, միայն թե վաճառեն իրենց ապրանքը», – նշեց Պետրոսյանը։

Այստեղ ի հայտ է գալիս հայ հասարակության թույլ կողմը. ցավոք, բոլորին թվում է, որ իրենք ամեն ինչ բոլորից լավ գիտեն, և որևէ մեկից սովորելու կարիք չունեն։ Պետրոսյանը հիշեցնում է, որ նման մարդիկ այս տարի խնդրի առաջ կկանգնեն, իսկ նրանք, ովքեր պաշտպանությունն իրականացրել են գյուղատնտեսության կանոններով, լավ բերք են կստանան ։

Գյուղատնտեսական գիտելիքների դերը գյուղատնտեսության մեջ թերագնահատում են նույնիսկ գյուղապետարանները։ Տխուր է, բայց փաստ. Արարատյան դաշտավայրում, որը Հայաստանն ապահովում է (և ոչ միայն Հայաստանը) միրգ ու բանջարեղենով, ոչ բոլոր գյուղապետարաններում գյուղատնտեսի հաստիք կա։ Պետրոսյանը հավելում է, որ ցավոք, վերջին երկու տարվա ընթացքում ևս ընդհանուր համակարգային փոփոխությունների բարելավում չի նկատվում։

«Իհարկե կան լավ մասնագետներ, բայց նրանք դեռ մեծ թիվ չեն կազմում։ Այդ պատճառով գյուղացին կամ պարզապես պետք է գտնի նրանց, կամ անձամբ գյուղատնտեսական գրքեր կարդա։ Դա այդքան էլ բարդ չէ», – ընդգծեց Պետրոսյանը։

Կորիզավոր պտուղների բերքը միջինից շատ ցածր կլինի. Պետրոսյանը` տեղումների հետևանքների մասին

Նշենք, որ գյուղատնտեսի մասնագիտությունը  գյուղերի երիտասարդության շրջանում շարունակում է չպահանջված մնալ։ Ընդամենը մի քանի խոշոր ընկերություններում և գյուղացիական տնտեսություններում  կարելի է բարձր աշխատավարձի հույս ունենալ, այդ պատճառով գյուղատնտեսի աշխատանքը շարունակում է ամենաանշնորհակալ գործը մնալ։

0
թեգերը:
եղանակ, Անձրև, գյուղմթերք, գյուղացի, Գյուղ, բերքահավաք, բերք, ծիրան, Հայաստան
Ըստ թեմայի
Ծիրանը կշատանա, գյուղացին լավ կապրի. Հայաստանում նոր տեխնոլոգիա են փորձարկում
Ալկոգել ծիրանով, կամ ինչ փոփոխություններ է կրել երկրում ախտահանող միջոցների արտադրությունը
Պետրոսյան. «Եթե մինչև ապրիլի 10 ցրտահարություններ չլինեն, ծիրանի բերքը կփրկվի»