Թեստ

Սինգապուրցի գիտնականները կորոնավիրուսի ախտորոշման 5 րոպեանոց թեստ են ստեղծել

389
(Թարմացված է 13:30 25.03.2020)
Մեկ ամսվա ընթացքում կսկսվի Cepat թեստի զանգվածային կիրառումը։ Կլինիկական փորձարկումներն ավարտվել են, դրանք ցույց են տվել ախտորոշման բավականին բարձր ճշգրտություն։

ԵՐԵՎԱՆ, 25 մարտի – Sputnik. Սինգապուրցի գիտնականները COVID-19 կորոնավիրուսի թեստ են մշակել, որը թույլ է տալիս ընդամենը 5 րոպեում ստանալ հետազոտության պատասխանը։ The Straits Times պարբերականն հայտնում է, որ նոր թեստերը հայտնագործել են Գիտության, տեխնոլոգիաների ու հետազոտությունների գործակալության աշխատակիցները։

Գիտական լաբորատորիայի ղեկավար, պրոֆեսոր Ջեկի Ինը հույս է հայտնել, որ մեկ ամսվա ընթացքում կսկսվի Cepat թեստի զանգվածային կիրառումը։ Կլինիկական փորձարկումներն ավարտվել են, դրանք ախտորոժման բավականին բարձր ճշգրտություն են ցույց տվել։

 «Նոր թեստերը կմատակարարվեն սովորական հիվանդանոցներ ու գրեթե բոլոր պոլիկլինիկաներ հենց որ դրանք կիրառելու թույլտվություն ստանանք», - ասել է  նա։

Նրա խոսքով՝ այժմ ստուգումն անցկացնելու համար մոտ երեք ժամ է պահանջվում, ժամանակը հիմնականում գնում է ջերմությունը չափելու վրա։ Նոր միջոցը թույլ է տալիս պատճենել ԴՆԹ-ի հատվածներն առանց ջերմային ազդեցության։ Այս պահին տեղական լաբորատորիաները կարող են օրական 2000  նման թեստ մշակել։

Սինգապուրում կորոնավիրուսով վարակվածենրի թիվը 558 է, ընդհանուր առմամբ, ավելի քան 150 մարդ է ապաքինվել, երկուսը մահացել են։

Չինացի գիտնականները կորոնավիրուսի կլինիկական ախտանիշների փոփոխություններ են հայտնաբերել

Մարտի 11-ին ԱՀԿ–ն կորոնավիրուսի բռնկումը համավարակ էր հայտարարել։ Կազմակերպությունը կոչ էր արել պետություններին միանալ վարակի դեմ ակտիվ պայքարին։

389
թեգերը:
կորոնավիրուս, թեստ, Սինգապուր
թեմա:
Կորոնավիրուսը Չինաստանում և աշխարհում (502)
Ըստ թեմայի
Արցախում կորոնավիրուսի կասկածով 3 քաղաքացի է մեկուսացվել
Կորոնավիրուսը մարդկանց մենության է մատնել․ կադրեր ամբողջ աշխարհից
Կորոնավիրուսը շարունակում է տարածվել․ Հայաստանում վարակվածների թիվը հասավ 265-ի
Լավ լուր նախարարից. Հայաստանում 14 քաղաքացի բուժվել է կորոնավիրուսից