Լուվր

Ինչպես անվտանգ ու անվճար շրջել Վերսալում կամ Սպիտակ տանը, տեսնել Լուվրն ու Էրմիտաժը

373
(Թարմացված է 17:24 23.03.2020)
Ժամանակակից տեխնոլոգիաների արագ զարգացումը թույլ է տալիս հեռավար հարթակներ ստեղծել աշխատանքի, կրթության համար, ինչպես նաև հնարավորություններ` ինքնամեկուսացումը մշակութային անցկացնելու։

Մարիաննա Փայտյան. Sputnik Արմենիա 

Կորոնավիրուսի համավարակը փոխեց ամբողջ աշխարհը։ Դրա տարածումը կանխելու համար տարբեր երկրներում կտրուկ քայլերի գնացին՝ արտակարգ դրության հայտարարումից մինչև մշակութային, կրթական, ժամանցային հաստատությունների աշխատանքների դադարեցում։ Տարբեր երկրներում իշխանությունները քաղաքացիներին ինքնամեկուսանալու կոչեր արեցին։ Թվային տեխնոլոգիաների զարգացումը հնարավորություն է տալիս նույնիսկ տանն ինքնամեկուսանալով՝ շարունակել աշխատել, սովորել, ապրել մշակութային կյանքով։

Հակադեպրեսանտ գրքերի և ֆիլմերի ընտրանի. ինչ կարդալ ու դիտել այս օրերին

Առցանց ֆիլմեր նայելը նոր բան չէ. կինոթատրոններին չի փոխարինում, բայց թույլ է տալիս երեկոյան տանը նստած չձանձրանալ։ Տեխնոլոգիական զարգացումը հնարավորություններ է ստեղծել արվեստի մյուս ճյուղերի հետ էլ առցանց առնչվել։ Այս շրջանում ճամփորդելը խելամիտ որոշում չէ, բայց աշխարհի լավագույն թանգարանները, պատկերասրահներն ու տեսարժան վայրերը հրավիրում են առցանց շրջագայելու։ Sputnik Արմենիան ներկայացնում է, թե ուր կարող եք «գնալ» առանց տանից դուրս գալու։

Լուվր, Վերսալ և նույնիսկ Փարիզյան օպերա

Երևակայեք, որ դուք Փարիզում եք. Էյֆելյան աշտարակը տեսնելուց հետո ու՞ր կգնայիք։ Իհարկե, Փարիզն անհնար է պատկերացնել առանց Լուվրի, որը համարվում է ոչ միայն Ֆրանսիայի, այլև աշխարհի ամենահայտնի թանգարաններից մեկը։ Լուվրի մուտքի մոտ միշտ հերթեր են, մարդիկ պատրաստ են ժամեր շարունակ արևին, ցրտին հերթ կանգնել՝ ներսում պահվող արվեստի գլուխգործոցները տեսնելու համար։ Դուք կարող եք դա անել առցանց, իհարկե, ամբողջ Լուվրով մեկ շրջել չի հաջողվի այս տարբերակով, բայց գոնե ամենակարևոր նմուշների մի մասը կտեսնեք։

Ու քանի որ հասել եք Ֆրանսիա, թեկուզ երևակայական կամ օնլայն ռեժիմով, արժե նաև շրջել Փարիզի արվարձաններում, լինել ֆրանսիական թագավորների նստավայր Վերսալում։

Կարանտինի օրերին ժամանակավորապես փակվել է նաև Փարիզի օպերային թատրոնը։ Սակայն հանդիսատեսի հետ կապը չկորցնելու համար որոշում է կայացվել, որ օպերային թատրոնի խաղացանկի ներկայացումներն անվճար օնլայն կհեռարձակվեն։ Այսպիսով, օպերային արվեստի սիրահարները կարող են Ռոսինիի «Սևիլյան սափրիչը», Մոցարտի «Դոն Ժուան» օպերան կամ էլ «Կարապի լիճ» բալետը դիտել թատրոնի պաշտոնական էջում։

Էրմիտաժ և Տրետյակովյան պատկերասրահ

Առցանց շրջագայության հնարավորություն է տալիս Սանկտ Պետերբուրգի հայտնի արվեստի թանգարանը՝ Էրմիտաժը։ Ցանկից կարող եք ընտրել, թե որ հարկի որ սրահում եք ցանկանում շրջել. միայն մեկ քլիք և դուք արդեն Էրմիտաժում եք։

Իսկ եթե հյուսիսային մայրաքաղաք Սանկտ Պետերբուրգից տեղափոխվեք մայրաքաղաք Մոսկվա, այստեղ էլ կարող եք առցանց շրջել Տրետյակովյան պատկերասրահում։

Բրիտանական թանգարան

Լոնդոնի գտնվող այս թանգարանում գրեթե ութ միլիոն ցուցանմուշ կա, իսկ դա նշանակում է՝ մի ամբողջ օրն էլ բավական չէ ամեն ինչ տեսնելու համար։ Օնլայն գիդը կօգնի մանրամասն ուսումնասիրել դրանց մի մասը։

Ու քանի որ վիրտուալ տուրի շրջանակներում Լոնդոն եք հասել, առաջարկում ենք նաև տեսնել աշխարհում դեկորատիվ-կիրառական արվեստի և դիզայնի խոշորագույն՝ Վիկտորիայի և Ալբերտի թանգարանը։

Վան Գոգի թանգարան

Նիդեռլանդների մայրաքաղաք Ամստերդամում գտնվող Վան Գոգի թանգարանում կարող եք ծանոթանալ աշխարհի ամենահայտի նկարիչներից մեկի կյանքին ու գործունեությանը։ Այս թանգարանում պահվում է նրա կտավների ամենամեծ հավաքածուն, որի մի մասը կարող եք տեսնել առցանց։

Դալիի թատրոն-թանգարան

Մեկ այլ աշխարհահռչակ նկարչի՝ Սալվադոր Դալիի թատրոն-թանգարանում էլ կարող եք շրջել իսպանական Ֆիգերաս քաղաք վիրտուալ այցելության ընթացքում։

Թանգարանի պաշտոնական կայքում կարող եք տեսնել նկարչի ստեղծագործությունների ամենամեծ հավաքածուն։ Եվ թեկուզ վիրտուալ, բայց չի կարելի Իսպանիայից հեռանալ առանց մայրաքաղաք Մադրիդում գտնվող աշխարհի ամենանշանակալի ու հարուստ արվեստի թանգարաններից մեկը` Պրադոն այցելելու։ Այն համարվում է  իսպանական գեղանկարչության ամենամեծ հավաքածուն։

Բելվեդերի պատկերասրահ ու Վիեննայի օպերա

Բավականին շատ առցանց անելիքներ կան Ավստրիայում, ավելի կոնկրետ՝ մայրաքաղաք Վիեննայում։ Առաջին հերթին արժե վիրտուալ շրջագայություն կատարել Բելվեդեր պալատում գտնվող նույնանուն պատկերասրահում։

Ի դեպ, այստեղ է ներկայացվում Գուստավ Կլիմտի հայտնի «Համբույր» կտավը, հետո կարող եք ավելին իմանալ Արվեստի պատմության թանգարանում։

Վիեննայի օպերային թատրոնն էլ, փարիզյան օպերայի նման, նույնպես արվեստի սիրահարներին թույլ չի տա ձանձրանալ ինքնամեկուսացման այս օրերին։ Մարտի 15-ից սկսած՝օպերային ներկայացումներն ուղիղ հեռարձակվում են կայքում։

Մետրոպոլիտեն թանգարան ու Սպիտակ տուն

ԱՄՆ-ի մի շարք թանգարաններ ու պատկերասրահներ վիրտուալ շրջագայությունների սիրահարների համար հրաշալի հնարավորություններ են ստեղծել։ Աշխարհի ամենահայտնի թանգարաններից մեկը՝ Նյու Յորքի Մետրոպոլիտենն առաջարկում է օնլայն տեսնել գրեթե երկու հարյուր հազար ցուցանմուշ, դրանց թվում են նաև Վան Գոգի, Պաբլո Պիկասոյի գործերը։

Նյու Յորքում է ժամանակակից արվեստի ամենահին և ամենամեծ թանգարաններից մեկը, որը կրում է հիմնադիր բարերարի՝ Սողոմոն Գուգենհայմի անունը։ 

Սեքս, թմրադեղեր, ռոքնռոլից մինչև «Նեմեսիս» գործողություն. պատմություն մի հայի մասին

Ամերիկացի և եվրոպացի վարպետների գործերի աշխարհում լավագույն հավաքածուներից մեկը կարող եք տեսնել մայրաքաղաք Վաշինգտոնում գտնվող Արվեստի ազգային պատկերասրահում։

Թվային գործիքները թույլ են տալիս նույնիսկ Սպիտակ տանը վիրտուալ շրջագայություն կազմակերպել։

Ներկայացված ցանկը շատ փոքր մասն է այն թանգարանների, պատկերասրահների, թատրոնների, որոնք կարելի է տեսնել առցանց։ Իհարկե, վիրտուալ շրջագայությունները չեն փոխարինում իրականներին. հեռախոսով կամ մոնիտորով տեսնելը իրականում տեսածից տարբեր է, բայց, այնուամենայնիվ, թվային տեխնոլոգիաները թույլ են տալիս նույնիսկ ինքնամեկուսացումը մշակութային անցկացնել։

Առողջ եղեք։

373
թեգերը:
Էրմիտաժ, Լուվր, Մոսկվա, Սանկտ Պետերբուրգ, Սպիտակ տուն, ԱՄՆ, համացանց, օպերա, Ավստրիա, Իսպանիա, Թանգարան, Ֆրանսիա
թեմա:
Կորոնավիրուսը աշխարհում (904)
Ըստ թեմայի
Թոշակառուները և հաշմանդամություն ունեցող անձինք անվճար կայցելեն թատրոններ և թանգարաններ
Ինչպես ռուսական արվեստի թանգարանը չվերածվեց սրճարանի կամ գարեջրատան. «Շեշտադրումներ»
ԱՄՆ նախագահ Դոնալդ Թրամփ

Թրամփը չի ցանկանում խառնվել Նավալնու հետ կապված «մութ պատմությանը»

20
Ամերիկյան սենատորների խումբը Ռուսաստանի դեմ պատժամիջոցների վերաբերյալ օրինագիծ է շրջանառության մեջ դրել Նավալնու հետ կապված միջադեպի պատճառով։ Sputnik ռադիոկայանի եթերում քաղաքագետ Վլադիմիր Մոժեգովը այդ նախաձեռնությունն «օդի տատանում» է անվանել և պարզաբանել` ինչու։

Ալեքսեյ Նավալնու հետ կապված միջադեպի պատճառով ամերիկացի սենատորների խումբը Ռուսաստանի դեմ պատժամիջոցների վերաբերյալ օրինագիծ է շրջանառության մեջ դրել, գրված է հանրապետական սենատոր Մարկո Ռուբիոյի կայքում։

Փաստաթուղթը սահմանափակումներ է ենթադրում ռուսաստանյան այն պաշտոնյաների նկատմամբ, որոնք, ըստ հեղինակների, «առնչություն ունեն միջազգային իրավունքի բացահայտ խախտման», այդ թվում՝ Նավալնու «թունավորման» հետ։

Օրինագիծը ամերիկյան իշխանություններից պահանջում է կոնգրեսին հաշվետվություն ներկայացնել այն մասին, թե ինչ է իրենց հայտնի ՌԴ նախագահ Վլադիմիր Պուտինի և նրա մերձավոր շրջապատի ֆինանսների մասին։ Բացի այդ, այն պարտավորեցնում է Սպիտակ տանը պատասխանել այն հարցին, թե արդյո՞ք Ռուսաստանը խախտել է քիմիական և կենսաբանական զենքի կիրառումն արգելող ԱՄՆ օրենքները։

Մարկո Ռուբիոյից բացի՝ փաստաթուղթը հավանության են արժանացրել հանրապետական սենատոր Միթ Ռոմնին, ինչպես նաև դեմոկրատներ Քրիս Քունսը, Բեն Քարդինն ու Քրիս Վան Հոլենը։

Գերմանիան Նավալնուն կստիպի լռել, քանի որ նրա վերադարձը հղի է կանխատեսելի հետևանքներով

Որպեսզի օրինագիծն ընդունվի այն պետք է հաստատվի սենատի ու ներկայացուցիչների պալատի կողմից, ապա պետք է ստորագրի ԱՄՆ նախագահը։

Sputnik ռադիոկայանի եթերում քաղաքագետ Վլադիմիր Մոժեգովը մեկնաբանել է սենատորների նախաձեռնությունը։

 «Սա զուտ հրապարակային աշխատանք է։ Ինչ հաշվետվությունների մասին է խոսքը։ Դրանք բացարձակապես անիրական բաներ են։ Այդ ամենը խոսակցություններ են հօգուտ աղքատների, նախընտրական հիստերիան սրող հռետորաբանություն։ Եվ հետո. Նավալնու գործը ավելի շուտ դեմոկրատների օրակարգն է։ Հանրապետականներն դժկամությամբ են այդ ամենին միջամտել։ Եվ ինչպես ինձ է թվում՝ չեն շարունակի աջակցել դրան։ Համենայն դեպս, Թրամփը բավական զգուշորեն ու հեռավորություն պահպանելով այդ ամենը տեղ հասցրեց։ Եվ (պետքարտուղար Մայք) Պոմպեոն ասում էր, որ արձագանքել պետք է, երբ հայտնի դառնան բոլոր փաստերը, և որ դեռ այդքան էլ հայտնի չէ, ինչ է կատարվում», – ասել է Վլադիմիր Մոժեգովը։

Ըստ նրա` ամերիկացիները կարող էին գերմանացիներից Նավալնու մասին տեղեկություն ստանալ, սակայն այդպիսի հարցում չեն արել։

«Դա պատժամիջոցների համար որոշակի հիմք կլիներ, սակայն դեռ նման հարցումներ չեն ստացվել։ Այդ պատճառով ինձ թվում է, որ այդ ամենը օդի տատանում է... Ինչ–որ մութ պատմություն է, այդ պատճառով Թրամփը չի ցանկանում խառնվել, դեմոկրատների խարդախություն է, որին պարզապես խառնվելու ցանկություն չկա։ Ինչպես ինձ է թվում, դեմոկրատներն այդ օրակարգը գովազդելու են, իսկ Թրամփն այդ ամենից փոքր-ինչ հեռու կանգնած է մնալու», – կարծում է քաղաքագետը։

Հիշեցնենք, որ Նավալնուն հիվանդանոց էին տեղափոխել օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել են նյութափոխանակության խանգարումը, որն առաջացրել է արյան մեջ շաքարի մակարդակի կտրուկի անկում։ Խանգարման պատճառը դեռ պարզ չէ, բայց Նավալնու արյան և մեզի մեջ թույնի հետքեր, Օմսկի բժիշկների տվյալներով, չեն հայտնաբերվել։

Ալեքսեյ Նավալնին կոմայի մեջ է. նրան հոսպիտալացրել են Օմսկում

Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:

Ընդ որում հայտնի է, որ Գերմանիայի Հետախուզության դաշնային ծառայությունը (BND) 1990-ականներից հասանելիություն է ունեցել «Նովիչոկին»։ Բացի այդ, այն ուսումնասիրել է մոտ 20 արևմտյան պետություն, այդ թվում Մեծ Բրիտանիան, ԱՄՆ–ը, Շվեդիան, Չեխիան։

Ռուսաստանը 1992 թվականի նախագահի հրամանագրի համաձայն, դադարեցրել է քիմիական զենքի ոլորտում իր մշակումները, իսկ 2017-ին ոչնչացրել նման նյութերի առկա ողջ պաշարը, ինչը հաստատել է Քիմիական զենքի արգելման կազմակերպությունը։

20
թեգերը:
Նովիչոկ, Դոնալդ Թրամփ, ԱՄՆ սենատ, ԱՄՆ, Ալեքսեյ Նավալնի
Ըստ թեմայի
«Նավալնու գործն» ու Եվրոպայի քայլերը. Արևմուտքը հայտնվել է թակարդում
«Բեռլինը բլեֆ է անում». Զախարովան մեկնաբանել է Նավալնու գործը
ՌԴ–ն ապակառուցողական է համարում Նավալնու գործի վերաբերյալ Գերմանիայի մոտեցումը
Ֆրանսիայի վարչապետ Ժան Կաստեքսը (կենտրոնում) և Ֆրանսիայի ներքին գործերի նախարար Ժերալդ Դարմանենը «Charlie Hebdo» ամսագրի նախկին գրասենյակի մոտ դանակով զինված տղամարդու հարձակումից հետո: Սեպտեմբերի 25, Փարիզ

Փարիզում անհայտ անձինք հարձակվել են անցորդների վրա, կան տուժածներ. տեսանյութ

36
(Թարմացված է 18:28 25.09.2020)
Քաղաքի այն շրջանը, որտեղ տեղի է ունեցել հարձակումը, շրջափակված է, տեղում աշխատում են իրավապահները։ Կան ձերբակալվածներ։

ԵՐԵՎԱՆ, 25 սեպտեմբերի – Sputnik. Փարիզում`«Charlie Hebdo» ամսագրի նախկին խմբագրության մոտ, անհայտ անձինք հարձակվել են անցորդների վրա, կա 4 տուժած, երկուսի վիճակը ծանր է։

Տարածքը շրջափակված է, տեղում աշխատում են ոստիկանները։ Ձերբակալվել են հարձակման մեջ կասկածվող երկու անձինք։

ԱԴԾ հատուկ գործողությունը. Ռուսաստանում ահաբեկիչների խումբ են ձերբակալել. տեսանյութ

Ինչպես հաղորդում են ֆրանսիական ԶԼՄ-ները, հետաքննություն է սկսվել ահաբեկչության և ահաբեկչական կազմակերպության հետ կապված մահափորձի գործով:

«Գորշ գայլեր» խմբավորման 4 անդամները ձերբակալված են. մանրամասներ Դեսինի անկարգություններից

Հիշեցնենք` 2015-ի հունվարին ահաբեկիչները հարձակվել էին «Charlie Hebdo»–ի խմբագրության վրա։ Հարձակման հետևանքով 17 մարդ էր մահացել, այդ թվում ՝ երեք ոստիկան ։ Դրանից հետո խմբագրությունը տեղափոխվել էր։

Հարձակումներ Բրիտանիայի Բիրմինգհեմ քաղաքում․ կա 1 զոհ և 7 վիրավոր

36
թեգերը:
Փարիզ, Ֆրանսիա
Ըստ թեմայի
Ինչպես են Ռուսաստանում կանխել ահաբեկչությունը. ձերբակալման կադրերը հայտնվել են համացանցում
ԱԴԾ–ն Աստրախանում մի տղամարդու է ձերբակալել, որը պատրաստվում էր ահաբեկչություն իրագործել
Ամերիկացիները «ռուսական հետք» են գտել համաշխարհային ահաբեկչության մեջ. ինչ են առաջարկում
Մոսկվայում ահաբեկչություն է կանխվել. տեսանյութ
Տիգրան Հակոբյան

Տեսակամուրջ. «ԱՊՀ վավերագրական կինոյի «Eurasia.DOC» հինգերորդ փառատոնը»

0
Սեպտեմբերի 28-ին` ժամը 15: 00-ին, Sputnik Արմենիա մուլտիմեդիոն մամուլի կենտրոնում Մինսկ-Սմոլենսկ- Երևան տեսակամուրջի ձևաչափով կկայանա ԱՊՀ երկրների «Եվրասիա.DOC» վավերագրական ֆիլմերի հինգերորդ փառատոնի բացման մասնակիցների առցանց ասուլիսը:

2020-ին փառատոնին ներկայացվել է 152 ֆիլմ 18 երկրից: Կարճ ծրագրում ընդգրկված է 28 ֆիլմ 9 երկրից:

Փառատոնը կանցկացվի Սմոլենսկում և Մինսկում սեպտեմբերի 28-ից հոկտեմբերի 2-ը: Ցուցադրվելու են եզրափակիչ փուլի 28 ֆիլմեր Ռուսաստանից, Բելառուսից, ԱՊՀ այլ երկրներից, ինչպես նաև Սերբիայից և Լատվիայից:

Փառատոնի, այս և այլ միջոցառումների մասին կպատմեն ասուլիսի մասնակիցները՝

Մինսկում.

փառատոնի գործադիր տնօրեն, Բելառուսի Հանրապետության լրագրողների միության նախագահ Անդրեյ Կրիվոշեևը,

Sputnik Բելառուս լրատվական գործակալության ղեկավար Անդրեյ Կաչուրան։

Սմոլենսկում.

Մոսկվայի պետական համալսարանի հեռուստատեսության բարձրագույն դպրոցի դեկան Վիտալի Տրետյակովը,

Ռուսաստան-Բելառուս միության հեռուստատեսության և ռադիոյի հեռարձակման կազմակերպություն պետական հիմնարկի նախագահ Նիկոլայ Էֆիմովիչը,

ռեժիսոր, սցենարիստ, Եվրասիա. DOC-2019 փառատոնի հաղթող Մարի Ռենոն,

Format A-3 մեդիա ակումբի նախագահ Գալինա Սապոժնիկովան,

Eurasia.DOC փառատոնի ծրագրերի տնօրեն, Ստուդիո երրորդ Հռոմ պրոդյուսերական կենտրոնի նախագահ Վալերի Շեխովցովը,

փառատոնի ժյուրիի անդամ, «Բելայա Ռուս» հանրապետական հասարակական միավորման նախագահ Գենադի Դավիդկոն։

Երևանում.

Հեռուստատեսության և ռադիոյի հանձնաժողովի նախագահ Տիգրան Հակոբյանը։

Հարգելի գործընկերներ, այժմ դուք արդեն կարող եք գալ Sputnik Արմենիա մուլտիմեդիոն մամուլի կենտրոն և ինքներդ հարցեր ուղղել բանախոսներին: Միակ պայմանը դիմակ դնելն է, իսկ մենք մեր հերթին երաշխավորում ենք սոցիալական հեռավորության պահպանումը և անհրաժեշտ քանակությամբ ախտահանիչ նյութերի առկայությունը:

Բացի այդ, ասուլիսը ավանդաբար հեռարձակվելու է Facebook և Youtube սոցիալական ցանցերի մեր էջերում:

Հեռ.` +374(98)180-626, +374(91)42-12-35։

Հասցե` Երևան, Ամիրյան 4/7, «Իմպերիում պլազա» բիզնես կենտրոն, 4-րդ հարկ։

Մամուլի կենտրոնի ծանուցումները ստանալու համար կարելի է բաժանորդագրվել՝ հայտ ուղարկելով v.aloyan@sputniknews.com էլ. հասցեով:

0
թեգերը:
փառատոն, կինո