ԵՐԵՎԱՆ, 21 մարտի – Sputnik. Առողջապահության համաշխարհային կազմակերպության (ԱՀԿ) ղեկավար Թեդրոս Ադանոմ Գեբրեիսուսը ուղերձ է հղել երիտասարդներին և կոչ արել սահմանափակել շփման շրջանակը, քանի որ դրա հետևանքով COVID-19–ը կարող է փոխանցվել մեծահասակներին։

«Չկարծեք, թե դուք խոցելի չեք կորոնավիրուսի հանդեպ։ Թեև տարեցները մյուսներից ավելի խոցելի են, բայց երիտասարդները ևս իմունիտետ չունեն այդ վիրուսի նկատմամբ։ Ես ուղերձ ունեմ երիտասարդներին։ Դուք այդ վիրուսի պատճառով կարող եք մեկ շաբաթով հիվանդանոցում հայտնվել կամ նույնիսկ մահանալ դրանից: Նույնիսկ եթե դուք չհիվանդանաք, ձեր` ինչ–որ տեղ գնալու որոշումը կարող է կյանքի ու մահվան հարց դառնալ մեկ ուրիշի համար», – ասել է Գեբրեիսուսը։

Նա ամբողջ աշխարհի մարդկանց հորդորել է հրաժարվել վատ սովորություններից COVID-19 կորոնավիրուսի համավարակը բարեհաջող հաղթահարելու համար։

© Photo : National Center for Disease Control and Prevention

Հայաստանում կորոնավիրուսով վարակվածների թիվը 1 օրում ավելացավ 24–ով. նոր տվյալներ

«Այս բարդ ժամանակահատվածում շատ կարևոր է շարունակել հոգ տանել սեփական ֆիզիկական և հոգեկան առողջության մասին։ Դա ոչ միայն կօգնի ձեզ երկարաժամկետ հեռանկարում, այլև կօգնի հաղթահարել COVID-19–ը, եթե արդեն վարակվել եք», – հայտարարել է Գեբրեիսուսը։

Ինչպե՞ս են անցկացնում ժամանակը կորոնավիրուսով վարակված աշակերտի մեկուսացած դասընկերները

Նախևառաջ, ԱՀԿ ղեկավարի խոսքով, պետք է հրաժարվել ծխելուց և ոգելից խմիչքների չարաշահումից։ Բժիշկներն արդեն պարզել են, որ ծխող մարդկանց մոտ բարդություններ ավելի շատ կարող են առաջանալ կորոնավիրուսով վարակվելու դեպքում, նույնը կարելի է ասել խմիչքի հանդեպ սեր ունեցողների մասին։ Բացի այդ, պետք է հնարավորինս հրաժարվել քաղցրավենիքից, գազավորված ըմպելիքներից, որոնք բաղադրության մեջ շաքարի մեծ տոկոս կա, և անցնել առողջ սննդի։

«Մեծահասակաները թող օրական առնվազն 30 րոպե ֆիզիկական վարժություններ անեն, երեխաները` մեկ ժամ։ Օրական մեկ ժամ զբոսնեք, բայց մյուսներից հեռավորություն պահեք», – խորհուրդ է տվել Գեբրեիսուսը։

Ներկա պահին աշխարհում կորոնավիրուսով վարակվելու 275 932 դեպք է արձանագրվել։ 11 398 մարդ մահացել է, 91 912–ը` բուժվել։

Կորոնավիրուսն ընդդեմ երևանյան տրանսպորտի. վարակը նաև վարորդի գրպանին է հարվածել

ԵՐԵՎԱՆ, 5 մարտի – Sputnik. Հայաստանի ազգային հավաքականի նախկին կիսապաշտպան Մարկոս Պիզելին նշանակվել է Հարավային Ամերիկայում ՀՖՖ դեսպան: Տեղեկությունը հայտնում է Հայաստանի ֆուտբոլի ֆեդերացիայի մամուլի ծառայությունը։

ՀՖՖ պաշտոնական կայքի հետ զրույցում Մարկոս Պիզելին խոսել է իր զգացողությունների, ծրագրերի և նպատակների մասին։

«Շատ երջանիկ եմ կրկին հայկական ֆուտբոլում ներգրավված լինելու հնարավորության համար: Կանեմ առավելագույնը՝ Հայաստանին վերադարձնելու այն ամենը, ինչ այդ երկիրն է տվել ինձ: Իմ գործառույթներից մեկը կլինի տարբեր միջոցառումների ժամանակ Հայաստանը ներկայացնելը: Բացի այդ, ես պետք է ավելի սերտ հարաբերություններ հաստատեմ Հարավային Ամերիկայում հայկական սփյուռքի հետ: Հնարավոր է՝ կարողանամ նոր ֆուտբոլիստներ հայտնաբերել, որոնք ապագայում կհամալրեն Հայաստանի ազգային հավաքականը: Ես մեծ ցանկություն ունեմ սովորելու: Վստահ եմ՝ ՀՖՖ-ն կաջակցի ինձ այդ հարցում, իսկ ես կփորձեմ իմ ներդրումն ունենալ հայկական ֆուտբոլի զարգացման գործում»,– ասել է նա:

ՀՖՖ նախագահ Արմեն Մելիքբեկյանը ևս անդրադարձել է Մարկոս Պիզելիի նշանակմանը:

«Մոտ մեկ ամիս առաջ արդեն հայտարարել էինք Յուրա Մովսիսյանի՝ Հյուսիսային Ամերիկայում ՀՖՖ դեսպան նշանակվելու մասին: Այժմ որոշել ենք, որ նմանատիպ գործառույթներով Հարավային Ամերիկայում կզբաղվի մեր նշանավոր ֆուտբոլիստներից ևս մեկը՝ Մարկոս Պիզելին: Մենք շարունակում ենք հավատարիմ մնալ մեր որդեգրած քաղաքականությանը. մեզ համար շատ կարևոր է, որպեսզի Հայաստանի ազգային հավաքականում մեծ ներդրում ունեցած ֆուտբոլիստները շարունակեն ներգրավված մնալ հայկական ֆուտբոլում, իրենց փորձն ու գիտելիքները ծառայեցնեն հայկական ֆուտբոլի զարգացմանը: Հարավային Ամերիկան շատ կարևոր տարածաշրջան է մեզ համար: Այստեղ կան հայկական մեծաքանակ համայնքներ, որոնցում շատ են ֆուտբոլով զբաղվող երիտասարդները: Վստահ եմ, որ Մարկոս Պիզելին հենց այն անձնավորությունն է, որը կարող է գտնել հայազգի ֆուտբոլիստներ, որոնք կարող են համալրել Հայաստանի տարբեր տարիքային հավաքականները»,– ասել է Մելիքբեկյանը:

Հիշեցնենք` հունվարի 11-ին հայտնի դարձավ, որ Բրազիլիայում անհատական պարապմունքների ժամանակ ստացած վնասվածքի պատճառով ֆուտբոլիստը հավելյալ բուժզննում է անցել Հայաստանում, և պարզ է դարձել, որ նրան անհրաժեշտ է վիրահատություն, որից, սակայն, Պիզելին հրաժարվել է և որոշել է ավարտել իր կարիերան:

Հայաստանի ազգային հավաքականի կազմում Պիզելին անցկացրել է 66 խաղ ու դարձել 11 գոլի հեղինակ: Բրազիլացի ֆուտբոլիստը 35 տարեկան է։