Կորոնավիրուսն Իտալիայում

PornHub-ն օգնության ձեռք է մեկնել իտալացիներին. երկրի բնակիչներին անակնկալ է սպասում

452
(Թարմացված է 13:55 13.03.2020)
Կայքը դուստր ձեռնարկության եկամտի մի մասը կտրամադրի հիվանդանոցին։ Ինչպես նաև պրեմիում հասանելիություն կտա մեկուսացված իտալացիներին։

ԵՐԵՎԱՆ, 13 մարտի — Sputnik. Աշխարհի խոշորագույն PornHub պոռնոկայքը որոշել է «ընկերակցել» մեկուսացված իտալացիներին և Իտալիայի բնակիչներին կայքի պրեմիում–հաշիվների անվճար հասանելիություն տրամադրել։

Իտալիայում կորոնավիրուսի պատճառով արտակարգ ռեժիմ է գործում։ Իշխանությունները սահմանափակել են տեղաշարժը, փակել են ուսումնական և հանրային հաստատությունները։

Երկրի բնակիչներին անակնկալ է սպասում. կայքը բացելիս հաղորդագրություն է հայտնվում այն մասին, որ նրանք կարող են մեկ ամսվա ընթացքում օգտվել պրեմիում–հաշվից։ Բացի այդ, կայքը կզբաղվի բարեգործությամբ` Իտալիայի հիվանդանոցներին ուղղելով Modelhub դուստր ձեռնարկության ամսական եկամտի մի մասը։

Առնվազն մինչև մարտի 23-ը կրթական հաստատությունների աշխատանքը կդադարեցվի. Փաշինյան

Նշենք, որ մարտի 13-ի դրությամբ, ԱՀԿ–ի տվյալներով, նոր COVID-19 կորոնավիրուսով վարակվածների թիվն աշխարհում 134 829 է, մահացել է 4 984 մարդ։ Ամենածանր իրավիճակն Իտալիայում է. հաստատված է վարակման ավելի քան 15 113 դեպք, իսկ զոհերի թիվը կազմել է 1153 մարդ։

452
թեգերը:
Իտալիա, կայք, պոռնիկ, կորոնավիրուս
թեմա:
Կորոնավիրուսը աշխարհում (851)
Ըստ թեմայի
Կանադայի վարչապետ Ջասթին Թրյուդոյի կինը կորոնավիրուսով է վարակվել
Մեծ քանակով հիվանդների դեպքում ծանր կլինի, և ԱՀԿ–ի օգնության կարիքը կունենանք. «Հրապարակ»
Քաղավիացիայի ոլորտում ստեղծված վիճակը համեմատում են 2–րդ համաշխարհայինի հետ

Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին

38
(Թարմացված է 23:46 04.08.2020)
Լիբանանում կարծել են, թե տեղի ունեցած պայթյունն ահաբեկչություն է, քանի որ օգոստոսի 7-ին միջազգային դատարանը պետք է հրապարակի նախկին վարչապետ Րաֆիկ Հարիրիի սպանության գործով որոշումը:

Երևան, 4 օգոստոսի - Sputnik. Լիբանանի նավահանգստում այսօր երեկոյան որոտացած հզոր պայթյունի մասին Sputnik Արմենիայի հետ զրույցում մանրամասներ է հաղորդել Լիբանանի «Օ TV» հեռուստաընկերության և «Վանա ձայն» ռադիոյի հաղորդավար Լորիկ Սապունջյանը:

Նրա խոսքով՝ պայթյունն այնքան ուժգին է եղել, որ ցնցումը զգացվել է ավելի քան 10 կիլոմետր շառավղով: Սապունջյանը նշեց, որ մարդիկ, որոնք հիշում են 15 տարի առաջ տեղի ունեցած պայթյունը, ինչի հետևանքով զոհվեց Լիբանանի վարչապետ Րաֆիկ Հարիրին, փաստում են, որ այսօր տեղի ունեցածն ավելի ուժգին էր:

«Առաջին րոպեներին բոլորս կարծեցինք, թե տեղի ունեցածն ահաբեկչություն է, քանի որ օգոստոսի 7-ին միջազգային դատարանը պետք է հրապարակի նախկին վարչապետ Րաֆիկ Հարիրիի սպանության հարցով որոշումը, և շատերը կարծում էին, որ պայթյունը ահաբեկչական գործողություն է՝ վճռի հրապարակումից առաջ, սակայն ավելի ուշ լրատվամիջոցները հաղորդեցին, որ տեղի ունեցածը պարզապես դժբախտ պատահար է»,- պատմեց Սապուջյանը:

«Ցնցված եմ». Փաշինյանը ցավակցություն է հայտնել Բեյրութում զոհվածների հարազատներին

Ըստ լրագրողի՝ նախնական տեղեկություններով, Բեյրութի նավահանգստի թիվ 12 պահեստում եղած պայթուցիկ ու դյուրավառ նյութերն են պայթել: Անվտանգության մարմինների նախնական վարկածով՝ պայթուցիկներն անցյալ տարի Լիբանան են ներկրվել ապօրինի և առգրավվել էին նավերից մեկից ու մինչ օրս պահվում էին պահեստում:

«Պայթյունն այնքան հզոր էր, որ մեծ թվով, այդ թվում՝ հայահոծ շրջաններ են տուժել: Կոտրվել են բնակարանների և տների ապակիներ, քանդվել են մեծ թվով շինություններ: Հայերով բնակեցված շրջաններում կան վիրավորներ, որոնց մի մասը վիրահատվել են: Զոհերի թվի մասին հստակ տեղեկություններ չկան, բայց նյութական վնասն ահռելի է»,- փաստում է ականատեսը:

Սապունջյանը հայտնեց է, որ պայթյունից տուժել են նաև հայկական Բուրջ Համուդ թաղամասում գտնվող «Վանա ձայն» ռադիոկայանը, «Ազդակ» օրաթերթի խմբագրատունը, «Համազգային հայ կրթական և մշակութային միության» հրատարակչատունը:

Լիբանանի նախագահ Միշել Աունը երկրում համազգային սուգ է հայտարարել:

Հիշեցնենք` Լիբանանի մայրաքաղաք Բեյրութում` նավահանգստի շրջանում, այսօր երեկոյան ուժգին պայթյուն է որոտացել։ Ինչպես պարզվեց պայթյունը որոտացել է Բեյրութի Բուրջհամուդ հայկական թաղամասի մոտ. վնասները շատ մեծ են։

Սկզբում կրակոց է լսվել, որից հինգ րոպե անց սև ու սպիտակ ծուխ է տարածվել։ Այնուհետև հզոր պայթյուն է որոտացել, և կարմիր ծուխ է բարձրացել երկինք։ Բազմաթիվ օգտատերեր պայթյունի կադրերն արդեն սկսել են հրապարակել համացանցում։

38
թեգերը:
Վիրավոր, Տուժածներ, պայթյուն, Ահաբեկչություն, Բեյրութ, Լիբանան

«Ցնցված եմ». Փաշինյանը ցավակցություն է հայտնել Բեյրութում զոհվածների հարազատներին

10
(Թարմացված է 23:39 04.08.2020)
Նիկոլ Փաշինյանը խորապես ցավակցել է զոհվածների ընտանիքներին, իսկ տուժածներին` շուտափույթ ապաքինում մաղթել:

ԵՐԵՎԱՆ, 4 օգոստոսի- Sputnik. ՀՀ վարչապետ Նիկոլ Փաշինյանը ցավակցություն է հայտնել Լիբանանին` Բեյրութում տեղի ունեցած պայթյունի համար։
«Ցնցված եմ Բեյրութում տեղի ունեցած պայթյունից։ Խորին ցավակցություն եմ հայտնում զոհվածների ընտանիքներին, իսկ տուժածներին՝ շուտափույթ ապաքինում եմ մաղթում: Մենք հայտնում ենք մեր համերաշխությունն ու աջակցությունը Լիբանանի մեր եղբայրական ժողովրդին»,– գրել է նա։

Հիշեցնենք` Լիբանանի մայրաքաղաք Բեյրութում` նավահանգստի շրջանում, այսօր ուժգին պայթյուն է որոտացել։ Ինչպես պարզվեց պայթյունը որոտացել է Բեյրութի Բուրջհամուդ հայկական թաղամասի մոտ. վնասները շատ մեծ են։

Սկզբում կրակոց է լսվել, որից հինգ րոպե անց սև ու սպիտակ ծուխ է տարածվել։ Այնուհետև հզոր պայթյուն է որոտացել, և կարմիր ծուխ է բարձրացել երկինք։ Բազմաթիվ օգտատերեր պայթյունի կադրերն արդեն սկսել են հրապարակել համացանցում։

10
թեգերը:
Վիրավոր, Զոհ, պայթյուն, ցավակցություն, Նիկոլ Փաշինյան, Լիբանան, Բեյրութ