ԵՐԵՎԱՆ, 12 մարտի — Sputnik. Աշխարհում կորոնավիրուսի նոր տեսակով` COVID-19–ով հիվանդացած մարդկանց թիվը հասել է 126 258–ի, 4638 մարդ մահացել է։
Չինաստանը պաշտոնապես հայտարարեց մահացու վիրուսի հետ կապված իրավիճակի բեկումնային լինելու մասին։ Կորոնավիրուսն անցած օրվա ընթացքում ՉԺՀ–ում 11 մարդու կյանք է խլել։ Այս երկրում զոհերի ընդհանուր թիվը հասել է 3169–ի։ Վարակի տարածման ամբողջ ընթացքում 80,7 հազար մարդ է հիվանդացել, որոնցից 62,7 հազարն առողջացել են։
Ճապոնիայում դպրոցների մի մասը բացվել է։ Այդ երկրում վարակվածների թիվը 639 է, նրանցից 16-ը մահացել են։
Իտալիայում 12462 մարդ է վարակվել, 827-ը մահացել են։
Իրանում 9000 մարդ է վարակվել, մահացել է` 354–ը։ Հարավային Կորեայում 7869 մարդ վարակվել է կորոնավիրուսով, մահացել են 66–ը։
Հայաստանում կորոնավիրուսով վարակվածների ընդհանուր թիվը 4 է։
Օլիմպիական խաղերը կչեղարկվե՞ն. պատասխանել է Տոկիոյի նահանգապետը
Չինաստանի իշխանությունը Ուհան քաղաքում անհայտ ծագման թոքաբորբի բռնկման մասին Առողջապահության համաշխարհային կազմակերպությանը (ԱՀԿ) տեղեկացրել էր 2019 թվականի դեկտեմբերի 31-ին։
Կորոնավիրուսով վարակվածների հետ շփվածներից 10-ին մեկուսացրել են «Գոլդեն փելեսում»
Մասնագետները պարզել են, որ հիվանդության հարուցիչը կորոնավիրուսն է։ ԱՀԿ–ն միջազգային նշանակության արտակարգ իրավիճակ է հայտարարել և հիվանդությանը տվել COVID-2019 պաշտոնական անվանումը։
