Օլիմպիական խաղեր

Օլիմպիական խաղերը կչեղարկվե՞ն. պատասխանել է Տոկիոյի նահանգապետը

61
(Թարմացված է 12:13 12.03.2020)
Ճապոնիան կշարունակի օլիմպիադային պատրաստվելու աշխատանքները, սակայն չի բացառվում, որ խաղերն իսկապես հետաձգվեն։

ԵՐԵՎԱՆ, 12 մարտի — Sputnik. Աշխարհում կորոնավիրուսի համավարակի ֆոնին Ճապոնիայում կայանալիք օլիմպիական խաղերի չեղարկման հարցը չի քննարկվում։ Ըստ Kyodo գործակալության` այս հայտարարությունն արել է Տոկիոյի նահանգապետ Յուրիկո Կոիկեն։

Նա ասել է, որ Ճապոնիան պատրաստվելու է օլիմպիական և պարալիմպիկ խաղերի անցկացմանը, ինչպես և նախատեսված էր, սակայն չի բացառել մրցումների հետաձգման տարբերակը։

«Մեծ աշխատանք ենք արել։ Միջազգային օլիմպիական կոմիտեն կուսումնասիրի ընդհանուր իրավիճակն ու որոշում կկայացնի», – նշել է նահանգապետը։

Կորոնավիրուսը Հայաստանին արդեն միլիոնների վնաս է տվել. Նովրուզը գալիս է, իրանցիները` ոչ

Ավելի վաղ տեղեկություն էր տարածվել, որ Տոկիոյում նախատեսված օլիմպիադան կարող է մեկ կամ երկու տարով հետաձգվել կորոնավիրուսի պատճառով։ Հարցի վերաբերյալ վերջնական որոշում կկայացվի 2020 թվականի մայիսին։

Վերջին տվյալներով` աշխարհում COVID-19–ի ավելի քան 124 հազար դեպք է գրանցվել։ Վարակվածներից 4589–ը մահացել են, 66,7 հազարը` բուժվել։ ԱՀԿ–ն հայտարարել է, որ COVID-19–ի բռնկումը կարելի է համավարակ համարել։

Թրամփը կորոնավիրուսի թեմայով դիմել է մարդկանց ու արգելք սահմանել Եվրոպայի համար

61
թեգերը:
կորոնավիրուս, Տոկիո, Օլիմպիական խաղեր, օլիմպիադա, Ճապոնիա
թեմա:
Կորոնավիրուսը Չինաստանում և աշխարհում (493)
Ըստ թեմայի
Կորոնավիրուսի պատճառով դիմակ են «հագել» Մոնա Լիզան ու Մայր Թերեզան
Վրաստանում 12 տարեկան երեխա է վարակվել կորոնավիրուսով
Կրակոտ պար կորոնավիրուսի դեմ. «Դոմոդեդովոյում» կինը խուճապ է ցրում. տեսանյութ
Google ընկերությունը կորոնավիրուսի պատճառով խորհուրդ է տվել իր աշխատակիցներին տնից աշխատել