Թուրքիայում Sputnik–ի աշխատակիցներին ձերբակալել են ուժային կառույցները. Ռուսաստանի ԱԳՆ

237
(Թարմացված է 16:47 01.03.2020)
Թուրք լրագրողները ձերբակալվել են գործակալության կայքում հրապարակված «Գողացված գավառ․ ինչո՞ւ 80 տարի առաջ Ֆրանսիան Հաթայը փոխանցեց Թուրքիային» հոդվածի համար։

ԵՐԵՎԱՆ – 1 մարտի – Sputnik. Sputnik Թուրքիայի երեք աշխատակից երեկվանից խմբագրության հետ կապի դուրս չեն եկել։ Ռուսաստանի ԱԳՆ-ի տվյալներով՝ նրանք գտնվում են Թուրքիայի ուժային կառույցներում։ 

Անկարայում հարձակվել են Sputnik Թուրքիայի աշխատակիցների վրա

Ավելի վաղ հայտնի էր դարձել, որ Sputnik Թուրքիայի աշխատակիցները հարձակման են ենթարկվել։ Երևանի ժամանակով մոտ կեսգիշերին անհայտ անձինք փորձել են ներխուժել նրանց բնակարաններ՝ ազգայնական կոչեր հնչեցնելով։ Չարագործները թաքնվել են նախքան ոստիկանության ժամանելը, հետո Sputnik Թուրքիայի աշխատակիցներն ուղևորվել են բաժանմունք՝ ցուցմունք տալու։ Երեկվանից խմբագրությանը չի հաջողվում նրանց հետ կապ հաստատել։   

«Արդեն 9 ժամ է՝ չենք կարողանում կապ հաստատել Անկարայի մեր աշխատակիցների հետ, այն բանից հետո, երբ նրանք ոստիկանություն են դիմել իրենց բնակարանների վրա հարձակված ազգայնական-ջարդարարների դեմ հայցով»,-գրել է «Ռոսսիա Սեգոդնյա» ՄՏԳ-ի և RT հեռուստաընկերության գլխավոր խմբագիր Մարգարիտա Սիմոնյանը իր Telegram-ալիքում։

Դաշնային խորհրդի միջազգային հանձնաժողովի անդամ Օլեգ Մորոզովը РИА Նովոստիին հայտնել է, որ Մոսկվան կպատասխանի Թուրքիայում ռուս լրագրողների հետապնդումներին։

РИА Նովոստին` հղում անելով թուրքական Sözcü թերթին, հայտնում է, որ Sputnik գործակալության երեք աշխատակից ձերբակալվել է դատախազությունում հարցաքննությունից հետո։ Թերթի տվյալներով՝ թուրք լրագրողները ձերբակալվել են գործակալության կայքում հրապարակված «Գողացված գավառ․ ինչո՞ւ 80 տարի առաջ Ֆրանսիան Հաթայը փոխանցեց Թուրքիային» հոդվածի համար։

Այդ ընթացքում Sputnik Թուրքիա գործակալության խմբագրությունը շարունակում է սոցցանցերի իր էջերին սպառնալիքներ ստանալ, այն բանից հետո, երբ Անկարայում անհայտ անձինք ներխուժել էին գործակալության երեք աշխատակիցների բնակարաններ և մեղադրել նրանց Հայրենիքին դավաճանելու համար, Telegram-ալիքում հայտնում է գործակալության մամուլի ծառայությունը։

ՌԴ ԱԳՆ–ն պահանջում է դադարեցնել Sputnik Էստոնիայի նկատմամբ ռեպրեսիվ քաղաքականությունը

Փետրվարի 28-ի գիշերը Ստամբուլում Ռուսաստանի գլխավոր հյուպատոսության առջև հակառուսական բողոքի ակցիա է անցկացվել՝ սիրիական Իդլիբ գավառում իրավիճակի սրման ֆոնին։ Դիվանագիտական առաքելության աշխատակիցների տեղեկություններով՝ ցուցարարները Մոսկվայի հասցեին մեղադրական լոզունգներ են հնչեցրել՝ Սիրիայի հյուսիսում թուրք զինծառայողների զոհվելու առնչությամբ։ Բացի այդ, սոցցանցերում գլխավոր հյուպատոսության էջերում ուղղակի սպառնալիքներ պարունակող մեկնաբանություններ են հայտնվել Թուրքիայում ռուսական հաստատությունների հասցեին։ Ռուսաստանի դեսպանատան պահակախումբն ուժեղացվել է, անվտանգությունն ապահովվում է ոստիկանության հատուկ նշանակության ջոկատի ուժերով։

237
թեգերը:
Լրագրող, դեսպանատուն, Թուրքիա
Ըստ թեմայի
«Մտադրությունների համար քննադատելը տարօրինակ է». ՌԴ–ն լիազորությունները պահպանեց ԵԽԽՎ–ում
Ինչ գնահատական են տալիս էստոնացիները Sputnik Էստոնիայի գործունեությունը դադարեցնելուն
ՌԴ ԱԳՆ–ն պահանջում է դադարեցնել Sputnik Էստոնիայի նկատմամբ ռեպրեսիվ քաղաքականությունը
Պետդումայի փոխխոսնակն ու Չերիշևան ԵԽԽՎ-ում կխոսեն Sputnik Էստոնիայի վրա ճնշումների մասին
Պուտինը Իվանովայում. արխիվային լուսանկար

«Ցավոք, նա ինձ չի զանգել»․ Պուտինին առաջարկություն արած աղջիկը դեռ չի ամուսնացել

25
(Թարմացված է 18:34 07.03.2021)
Աղջիկը խոստովանել է, որ ՌԴ նախագահին ամուսնության առաջարկ անելուց հետո շատ երկրպագուներ է ունեցել, սակայն տղամարդկանցից ոչ մեկը չի կարողացել գրավել իր սիրտը։

ԵՐԵՎԱՆ, 7 մարտի - Sputnik. ՌԴ Իվանովո քաղաքի բնակչուհի Յուլիա Շիլովան, որն անցյալ տարի ամուսնության առաջարկություն էր արել Ռուսաստանի նախագահ Վլադիմիր Պուտինին, այդպես էլ չի ամուսնացել: Այս մասին նա այսօր ասել է «Ռոսիա 1»հեռուստաալիքի եթերում։

Աղջիկը Պուտինին ամուսնության առաջարկ էր արել մարտի 6-ին, երբ ՌԴ նախագահն այցելել էր Իվանովո և շփվել տեղի բնակիչների հետ:

«Նա, ցավոք, ինձ չի զանգահարել», - ասել է Շիլովան մեկ տարի անց:

Նրա խոսքով՝ նախագահին ամուսնության առաջարկ անելուց հետո նա շատ երկրպագուներ է ունեցել, սակայն նրանցից ոչ ոք չի կարողացել նվաճել իր սիրտը։

Նշենք, որ աղջիկը բազմության միջից դիմել էր Պուտինի ու բղավել․«Ամուսնացե՛ք ինձ հետ, խնդրում եմ»: Պուտինը շփոթվել էր, բայց մի քանի բառ փոխանակել էր աղջկա հետ։

Նա փոխանցել էր Վլադիմիր Պուտինին իր երկու լուսանկարները, որոնցում նշել էր իր հեռախոսահամարն ու պատմել իր մասին:

«Ամուսնացե՛ք ինձ հետ, խնդրում եմ: Ես ունեմ բարձրագույն կրթություն, 28 տարեկան եմ, երեխաներ և նյութական խնդիրներ չունեմ»,- նկարներից մեկի հետևում գրել էր Շիլովան։

Պուտինը պատմել է օտարերկրացի ընկերոջ հետ Կրեմլում հանդիպելու մասին

Շիլովան պատմել էր, որ դերասանուհի է մանկական թատրոնում: Նա իր խոսքում նշել էր, որ կկարողանա դառնալ Պուտինին արժանի առաջին տիկին:

25
թեգերը:
ամուսնություն, աղջիկ, Ռուսաստան, Նախագահ, Վլադիմիր Պուտին
Երկիր մոլորակ

Գիտնականները Երկրի ևս մեկ շերտ են բացահայտել. դասագրքերի վերաշարադրո՞ւմ կպահանջվի

26
(Թարմացված է 18:09 07.03.2021)
Ուսումնասիրության հեղինակ Ջոան Սթիվենսոնը կարծում է, որ գիտնականների նոր եզրահանգումները կարող են փոխել մեր պատկերացումները մոլորակների կառուցվածքի մասին։

ԵՐԵՎԱՆ, 7 մարտի - Sputnik. Դպրոցական տարիներից բոլորին հայտնի է, որ Երկիրը բաղկացած է 4 շերտից՝ երկրակեղևից, մանթիայից, արտաքին ու ներքին միջուկներից։ Սակայն վերջին ուսումնասիրությունները կասկածներ մտցրին այս հարցում։

Ավստրիացի երկրաբանները հանդես են եկել սենսացիոն հայտարարությամբ։ Ըստ նրանց, իրականում Երկիր մոլորակը կարող է 5 շերտ ունենալ։

Մասնագետները նշում են, որ ամենայն հավանականությամբ, Երկրի ներքին միջուկում ևս մեկ կառուցվածք կա, որն անհնար է տեսնել և դժվար է բացահայտել։

Այդ դեպքում ինչպե՞ս են գիտնականներն իմացել այդ մասին։ Նրանք ուսումնասիրել են մեր մոլորակի ներսում սեյսմիկ ալիքների անցման ժամանակի վերաբերյալ տվյալներն ու զգացել միջուկում առկա տատանումները։

Պարզվել է նաև, որ ներքին միջուկում երկաթը փոխել է իր կառուցվածքը։ Դա խոսում է նոր «սահմանային գծի» ձևավորման մասին, որն անցնում է Երկրի կենտրոնից շուրջ 650 կմ հեռավորության վրա։

ՆԱՍԱ-ի սարքը վայրէջքից հետո Կարմիր մոլորակի առաջին լուսանկարներն է արել

Ինչպես կարծում է ուսումնասիրության հեղինակ Ջոան Սթիվենսոնը, այդ գիտելիքները կարող են արմատապես փոխել մեր պատկերացումները մոլորակի կառուցվածքի մասին, իսկ դա նշանակում է, որ հավանականություն կա, որ շուտով դասագրքերը վերաշարադրելու կարիք կլինի։

26
թեգերը:
դասագիրք, գիտնական, Երկիր մոլորակ
Ըստ թեմայի
Իլոն Մասկն առաջին անգամ հայտնվել է մոլորակի 5 ամենահարուստ մարդկանց շարքում
Վտանգավո՞ր է. Երկիր մոլորակին մոտ 190 մետր տրամագծով աստերոիդ կմոտենա
Երկիր մոլորակի բնակիչներն ամանորյա հզոր աստղաթափի ականատես կլինեն
Վերնիսաժ

Ամենևին ոչ տոնական Վերնիսաժ, կամ ինչով է ապրում Երևանի ամենակոլորիտային տոնավաճառը

23
Կանանց միջազգային տոնի՝ մարտի 8-ի նախօրեին Sputnik Արմենիայի թղթակիցն այցելել է երևանցիների սիրած տոնավաճառն ու զրուցել վաճառողների հետ

Վերնիսաժում նախատոնական իրարանցում չի նկատվում։ Անցորդները թռուցիկ նայում են վաճառասեղաններին ու գրեթե կանգ չեն առնում։ Վաճառողներն էլ հավաքվում են խմբերով՝ ջերմանալով գարնանային արևի ճառագայթների տակ ու տարբեր թեմաներ քննարկում։ Վաճառասեղանին մոտեցող գնորդին տեսնելով՝ անմիջապես գալիս ու սկսում են ներկայացնել ապրանքը։

Кожаные сумки на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

«Առանց զբոսաշրջիկների Վերնիսաժն իրեն նման չէ։ Տեղացիներն ամեն ինչի գինը գիտեն, պատկերացնում են, թե ինչ են ուզում, րոպեների ընթացքում գնում ու հեռանում են։ Իսկ զբոսաշրջիկները երկար են ընտրում, գեղեցիկ առևտուր են անում, փորձում խորամանկել, իսկ եթե նրանց թվում է, թե ստացվել է, թեյավճար են թողնում։ Նրանց շնորհիվ մենք մարքեթինգային հնարքներ ու մի քանի լեզու ենք սովորել», - ասում է պայուսակներ վաճառող տղամարդը։

Ювелирные украшения на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Այստեղ կարելի է արծաթյա զարդեր, կաշվե իրեր, հյուսած պայուսակներ, մետաքսյա շարֆեր, խեցեղեն, կավից ու փայտից պատրաստված հուշանվերներ և շատ այլ բաներ գտնել։ Մարտի 8-ի նախօրեին առավել մարդաշատ են, այսպես կոչված, «կանանց» շարքերը։ Ընդ որում այստեղ գնորդները ոչ միայն տղամարդիկ են, այլև կանայք։ Ճիշտ է, գնման ձևն ակնհայտ տարբերվում է։  Կանայք հիմնականում ըստ գնի են նվեր ընտրում, 6-30 դոլար միջին արժողությամբ, իսկ տղամարդիկ փորձում են որևէ օրիգինալ բան գտնել, տոն օրերին էլ գինը նրանց համար էական չէ։ 

«Հավանաբար միայն հայ կանայք են միմյանց նվեր գնում մարտի 8-ին։ Նրանք ընտրում են այնպիսի իրեր, որոնք իրենց գնից ավելի թանկ տեսք ունեն։ Տղամարդիկ էլ մեծ զարդեր, բնական քարեր ու ձեռագործ հավաքածուներ են նախընտրում», - պատմում է ոսկերչական իրեր վաճառողը։

Кулоны Древо жизни на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Նա բացահայտում է վաճառողների գաղտնիքը․ սկզբում առաջարկում են ամենաթանկ ապրանքը, այնուհետև աստիճանաբար անցնում էժանին։ Եթե մարդը գործի գիտակ է, նախևառաջ նրան վարպետների գործեր են առաջարկում։ Նման հաճախորդներին դեմքով են ճանաչում և փոքր զեղչեր անում։ Իսկ եթե հաճախորդը խորհրդի կարիք ունի՝ ինչ ընտրել զարդի հետ, նրան խորհուրդ են տալիս այցելել ձեռագործ պայուսակների և շարֆերի տաղավար։

Текстиль с разнообразным принтом на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Շարֆեր վաճառող կինը պատմում է, որ հիմնականում դրանք նախընտրում են կանայք։ Նրանք երկար ընտրում են, հարցնում պատրաստման տեխնոլոգիան, երբեմն նույնիսկ զանգահարում ու խորհուրդ են հարցնում ընկերուհիներից։ Իսկ տղամարդիկ պայուսակներ ու դրամապանակներ են նախընտրում, բերում են կնոջը, որպեսզի նա անձամբ իր համար որևէ բան ընտրի։ Շատ դեպքեր են եղել, երբ ընտանեկան զույգը սկսել է վիճել և արդյունքում ոչինչ չի գնել։ Եղել են նաև դեպքեր, երբ տղամարդը զայրացել ու միանգամից մի քանի պայուսակ է գնել՝ ծանոթ բոլոր կանանց համար, բացի կնոջից։

- Իսկ ձեզ կանանց տոնին նվերներ նվիրո՞ւմ են։

- Շարֆեր՝ ոչ բայց զարդեր երբեմն նվիրում են։

- Այստեղի վարպետների՞ գործեր են։

- Այո, երբ կրում եմ, նրանք ճանաչում են իրենց գործերը։

Ювелирные украшения на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Իսկ Անահիտը, որը իր պատրաստած զարդերն է վաճառում, պատմում է, որ հաճախ իրեն ծաղիկներ էին նվիրում, և նա որոշեց դրանք օգտագործել իր աշխատանքներում։  Նրա հաճախորդները հիմնականում կանայք են։ Աղջիկներն իրենց մայրիկներին ու տատիկներին մեծ կախազարդեր են նվիրում, իսկ իրենց՝ նուրբ ծաղիկներով ականջօղեր։ Հայ կանայք նախընտրում են նուրբ գույներ ու իրենց հայտնի ծաղիկներ։

«Այս ծաղիկները երբեք չեն թոռոմի։ Ամեն անգամ կանայք այս զարդերը կրելիս կհիշեն ինձ և նրան, ով  իրենց նվիրել է։ Մի՞թե հրաշք չէ», - ասում է նա ժպիտով։

Глиняная посуда на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Հարևան վաճառասեղանի վաճառողն արագ միանում է զրույցին ու ասում, որ հրաշքն այն է, երբ կավի փոքր կտորից թեթև բաժակ է ստացվում, որից ամեն առավոտ կարելի է համեղ սուրճ խմել ու դրական հույզեր ստանալ։ Նա անմիջապես հիշում է, որ իր բաժակները գնել են տասնյակ երկրներից զբոսաշրջիկներ ու դրանցից սուրճ են խմում աշխարհի տարբեր քաղաքների բնակիչներ՝ Մոսկվայից մինչև Լոս Անջելես։ Տղամարդը պատմում է, թե ինչ սիրով է պատրաստում բաժակները, և ակամայից ուզում ես գնել նրա գոնե մեկ արտադրանք։

-Վաճառեք ինձ այդ բաժակը։

- Ինչ ես ասում, քույրիկ ջան, նվիրում եմ, շուտով մարտի 8 է։

- Չէ, այդպես չեմ վերցնի։

Торговые ларьки с ювелирными укоашениями на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

- Էդ դեպքում թող քո տղամարդը քեզ համար գնի, ես քեզ ոչինչ չեմ վաճառի։

-Մի՛ նեղացեք։

- Չեմ նեղանում, դա մարքեթինգ է, եթե այն քեզ դուր է եկել, ուրեմն դու այն կվերցնես, կգաս ու երկու հատ էլ նույնից կգնես, - ծիծաղելով ասում է վաճառողը։

- Իսկ ի՞նչ եք ձեր կնոջը նվիրելու։

- Ծաղիկներ, այսօր ադամանդի գին ունեն դրանք։

Հանկարծ տղամարդը մատնացույց է անում հուշանվերների վաճառասեղանին՝ խորհուրդ տալով անպայման այցելել ։ Նա գործընկերոջը ձայն է տալիս՝ ասելով, որ ցույց տա ինձ «այս շուկայի ամենագեղեցիկ բանը», ու աչքով անում նրան։

Сувениры и безделушки на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Մոտենում ենք ու նկատում ծածկի տակ կախված հրեշտակներին։ Մինչդեռ հիանում ենք նրանցով՝ վաճառողը գտնում ու մեզ է պարզում կանաչ զգեստով գանգրահեր հրեշտակին։

- Ձեզ է նման, - ասում է վաճառողը։

Մենք սկսում ենք ծիծաղել, իսկ տղամարդիկ պահը բաց չեն թողնում ու շնորհավորում են գալիք տոնի կապակցությամբ։ Մենք հեռանում ենք։ Բայց թվում է, թե տոնավաճառը բազմամարդ ու ավելի ուրախ է դառնում։

  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Andranik Ghazaryan
1 / 10
© Sputnik / Aram Nersesyan
Վերնիսաժը մարտի 8-ի նախօրեին
23
թեգերը:
Մարտի 8, Վերնիսաժ, տոնավաճառ