Քիմ Քարդաշյանն ու Քանյե Ուեսթը Օսկարին

Ինչպես է Ֆիլիպ Կիրկորովը հետևում Քիմ Քարդաշյանի և նրա ամուսնու «սիրախաղին». լուսանկար

663
(Թարմացված է 01:49 15.02.2020)
Օսկարյան ոչ մի երեկույթ առանց զավեշտների ու կատակների չի անցնում։ Այս տարվանն էլ բացառություն չէր։

ԵՐԵՎԱՆ, 14 փետրվարի — Sputnik. «Օսկարի» այս տարվա մրցանակաբաշխությանը հաջորդող երեկույթին` aftepati–ին, լուսանկարիչները բավականին հետաքրքիր կադր են որսացել։ Մինչ աշխարհահռչակ ամերիկահայ հեռուստաաստղ Քիմ Քարդաշյանը շոյում է իր ոչ պակաս հայտնի ամուսնու՝ ամերիկացի ռեփեր Քանյե Ուեսթի դեմքը, հետին պլանում ռուսական էստրադայի արքա Ֆիլիպ Կիրկորովը հետևում է նրանց «սիրախաղին»:

Առաջին անգամ «Օսկարի» պատմության մեջ. հարավկորեական «Մակաբույծները» գլխավոր օսկարակիրն է

«Օսկարի» կարմիր գորգին ինչպես ամեն տարի, այս տարի ևս փայլեցին կինոարդյունաբերության ամենանշանավոր, գեղեցիկ և տաղանդավոր ներկայացուցիչները։ Բայց տրամադրություն պարգևող նրանց լուսանկարն ու կադրերը միայն բուն «Օսկարի» երեկոյից չէին։ Կինոաստղերն ու շոու բիզնեսի հայտնի դեմքերը երեկոյից հետո տեղափոխվեցին Vanity Fair, որտեղ էլ տեղի ունեցավ պաշտոնական aftepati արարողությանը:

Հենց այնտեղ էլ նկարել են Քիմ Քարդաշյանին և Քանյե Ուեսթին, որոնց հետևում երևում է Ֆիլիպ Կիրկորովը:

Լուսանկարը ծիծաղելի է ստացվել, քանի որ Քիմին ու Քանյեին շքահանդեսային կոստյումով ու տագնապալի լարված կեցվածքով ուշադիր հետևող Կիրկորովն ավելի շատ սովորական թիկնապահի է նման, քան «արքայի։

«Քանյեն նոր և շատ լուրջ թիկնապահ ունի», - գրել է պորտալը։

Հայտնի են տարվա լավագույն դերասանն ու դերասանուհին. կայացել է «Օսկար» մրցանակաբաշխությունը

Պետք է ասել, որ լուսանկարն, իրոք, շատ զվարճալի է, իսկ այս կադրը որսած լուսանկարիչն էլ, ամենայն հավանականությամբ, հումորի հրաշալի զգացում ունի։

Նշենք, որ ամերիկյան «Օսկար» մրցանակաբաշխությունն այս տարի տեղի ունեցավ փետրվարի 9–ի լույս 10-ի գիշերը, Լոս Անջելեսի «Դոլբի» թատրոնում։

663
թեգերը:
«Օսկար» մրցանակաբաշխություն, Ֆիլիպ Կիրկորով, Քանյե Ուեսթ, Քիմ Քարդաշյան
թեմա:
Ամերիկահայ հեռուստաաստղ Քիմ Քարդաշյան (219)
Ըստ թեմայի
Աստղային դուետ. Քիմ Քարդաշյանի ավագ դուստրը երգել է ռեփեր հոր հետ. տեսանյութ
Քանյե Ուեսթը շքեղ ու հուզիչ նվեր է մատուցել Քիմ Քարդաշյանին
Արամ քեռու բարություն. ինչո՞ւ պիտի Քիմ Քարդաշյանը Երևանում ապրի
Վերին Լարս

Վերին Լարսում 730 բեռնատար ավտոմեքենա կա կուտակված. Հայաստանում որոշ ճանապարհներ փակ են

25
(Թարմացված է 13:51 19.01.2021)
Դիլիջանի ոլորանները փակ են բեռնատարների համար։ Վարորդներին խորհուրդ է տրվում երթևեկել բացառապես ձմեռային անվադողերով։

ԵՐԵՎԱՆ, 19 հունվարի – Sputnik. Արտակարգ իրավիճակների նախարարությունը տեղեկացնում է, որ Հայաստանի տարածքում կան փակ ավտոճանապարհներ։

Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները փակ են։

Վարդենյաց լեռնանցքը փակ է բոլոր տրանսպորտային միջոցների համար։ Տավուշի մարզի Դիլիջանի ոլորանները փակ են բեռնատարների համար։ 

Երևան-Սևան ավտոճանապարհի 16-39-րդ կմ-երին, Գեղարքունիքի մարզի բոլոր ճանապարհներին, Սյունիքի մարզի Սիսիան-«Զանգեր» կոչվող հատվածում տեղ-տեղ առկա է մերկասառույց:

Սյունիքի մարզի Գորիս և Մեղրի քաղաքներում մառախուղ է։

Արագածոտնի, Արարատի, Սյունիքի, Կոտայքի, Վայոց ձորի, Արմավիրի, Գեղարքունիքի, Տավուշի մարզերում, Սարավան-«Զանգեր» կոչվող հատվածում (մերկասառույց), Շիրակի մարզում տեղում է ձյուն։

Ամուլսարի հարևանությամբ պատմական հուշարձաններ կան. հանքի շահագործումն անթույլատրելի է

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը ձնահյուսի վտանգի պատճառով փակ է բոլոր տիպի տրանսպորտային միջոցների համար, ինչպես նաև ռուսական կողմում կա կուտակված 730 բեռնատար ավտոմեքենա:

ՀՀ ԱԳՆ-ից ստացված տեղեկատվության համաձայն՝ օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Արգելքը չի վերաբերում բեռնափոխադրումներին:

Վարորդներին խորհուրդ է տրվում երթևեկել բացառապես ձմեռային անվադողերով։

25
թեգերը:
սառույց, մառախուղ, ձյուն, Ճանապարհ, Վերին Լարս, Հայաստան, եղանակ
թեմա:
Եղանակը Հայաստանում
Դավիթ Բաբայան

Դավիթ Բաբայանը գերիների հարցով դիմել է միջազգային կառույցներին

25
(Թարմացված է 13:26 19.01.2021)
Ադրբեջանի իշխանությունները հայտարարել են ռազմագերիների նկատմամբ քրեական գործեր հարուցելու իրենց մտադրության մասին, ինչը միջազգային մարդասիրական իրավունքի կոպիտ խախտում է:

ԵՐԵՎԱՆ, 19 հունվարի – Sputnik. Արցախի Հանրապետության արտաքին գործերի նախարար Դավիթ Բաբայանն այսօր նամակներ է հղել ՄԱԿ-ի և Եվրոպայի խորհրդի մասնագիտացված մարմիններին, ինչպես նաև ԵԱՀԿ Մինսկի խմբի համանախագահներին և ԵԱՀԿ գործող նախագահի անձնական ներկայացուցչին՝ Ադրբեջանի կողմից ապօրինի պահվող հայ զինծառայողների և քաղաքացիական անձանց հետ կապված իրավիճակի վերաբերյալ: Տեղեկությունը հայտնում են Արցախի ԱԳՆ մամուլի ծառայությունից։

Նամակներում, մասնավորապես, նշվում է, որ Ադրբեջանը, խախտելով Հայաստանի, Ռուսաստանի և Ադրբեջանի ղեկավարների՝ 2020 թ. նոյեմբերի 9-ի եռակողմ հայտարարությունը, նույն տարվա դեկտեմբերին հարձակվել և օկուպացրել է Արցախի Հանրապետության Հադրութի շրջանի Խծաբերդ և Հին Թաղեր գյուղերը և գերեվարել Արցախի Հանրապետության պաշտպանության բանակի 64 զինծառայողների: Այնուհետև Ադրբեջանի իշխանությունները հայտարարել են ռազմագերիների նկատմամբ քրեական գործեր հարուցելու իրենց մտադրության մասին, ինչը միջազգային մարդասիրական իրավունքի կոպիտ խախտում է:

Նամակներում ընդգծվում է, որ միջազգային մարդասիրական իրավունքը, մասնավորապես՝ Ժնևյան կոնվենցիաները, չեն դադարում կիրառվել հրադադարի մասին հայտարարության ստորագրումից հետո, հետևաբար՝ գերեվարված զինծառայողները ռազմագերիներ են՝ համաձայն Ռազմագերիների հետ վարվելակերպի մասին Ժնևյան կոնվենցիայի (III) 4-րդ հոդվածի, և ռազմական գործողությունների ավարտից հետո պետք է հայրենադարձվեն: Ադրբեջանի կողմից ռազմագերիների քրեական հետապնդումը միայն նրա համար, որ նրանք մասնակցել են ռազմական գործողություններին, Ժնևյան երրորդ կոնվենցիայի կոպիտ խախտում է:

Գերիների վերադարձ և այլ թեմաներ․ Այվազյանն ու Լավրովը հեռախոսազրույց են ունեցել

Նամակներում նշվում է, որ Ադրբեջանը ձգձգում է իր մոտ պահվող այլ զինծառայողների և քաղաքացիական անձանց վերադարձը, ովքեր գերեվարվել էին Ադրբեջանի կողմից 2020 թ. սեպտեմբերի 27-ին Արցախի Հանրապետության դեմ զինված ագրեսիայի ընթացքում և դրանից հետո: Ընդգծվում է, որ Ադրբեջանի նման դիրքորոշումը հակասում է եռակողմ հայտարարությունն իր տառին և ոգուն համապատասխան լիակատար իրականացնելու իր իսկ ստանձնած պարտավորություններին՝ արյունալի հակամարտության թողած վերքերը բուժելու նպատակով:

Հարցը գերզգայուն է․ ինչո՞ւ չեն հրապարակում գերիների թիվը

Արցախի Հանրապետության արտաքին գործերի նախարարը կոչ է անում հրատապ միջոցներ ձեռնարկել՝ ապահովելու Ադրբեջանի կողմից Ժնևյան կոնվենցիաների իրագործումը և նշված պայմանագրերով ստանձնած պարտավորությունների կատարումը՝ նրա կողմից պահվող ռազմագերիների և քաղաքացիական անձանց բոլոր իրավունքները պաշտպանելու նպատակով:

25
թեգերը:
Արցախ, միջազգային կառույցներ, ԵԱՀԿ, Ադրբեջան, ռազմագերի, գերի, Դավիթ Բաբայան
Ըստ թեմայի
Արման Թաթոյանը գերիների հարցով դիմել է ԵԱՀԿ ՄԽ համանախագահներին
Հարցը գերզգայուն է․ ինչո՞ւ չեն հրապարակում գերիների թիվը
Գերիների վերադարձ և այլ թեմաներ․ Այվազյանն ու Լավրովը հեռախոսազրույց են ունեցել
Տիգրան Քեյան

«Բալային համակարգը կմնա թղթի վրա». «Վարորդի ընկեր» ՀԿ նախագահն ասել է` ինչու

0
«Վարորդի ընկեր» ՀԿ նախագահ Տիգրան Քեյանը Sputnik Արմենիայի եթերում անդրադարձել է Հայաստանի հանրապետությունում մեկ տարուց ավել գործող տուգանային միավորների համակարգի արդյունավետության խնդրին։  
Քեյան. «Քանի որ չկա պատշաճ վերահսկողություն, բալային համակարգը կմնա թղթի վրա»

Տիգրան Քեյանի դիտարկմամբ` ինչ պլանավորված էր նախապես, այդ առումով համակարգն իրեն ամբողջությամբ չի արդարացրել, լիարժեքորեն չի վերահսկել, որպեսզի վարորդներին բերի օրինական դաշտ, բայց երթևեկության անվտանգության առումով որոշակիորեն իրավիճակը մեղմել է և այդ տեսանկյունից կա դրական միտում։ 

«Ինչպես ասել եմ նախկինում, այժմ էլ կրկնում եմ, որ վերահսկող մարմինը պետք է լիարժեք իրականացնի իր գործառույթներն ու ավելի շատ աշխատի այդ ուղղությամբ, մինչդեռ նշված մարմինը տարեցտարի թուլացնում է իր վերահսկողական ֆունկցիան։ Հույս ունենք, որ այս տարվա աշնանից գործունեության մեջ դրվող պարեկային ծառայությունը կշտկի իրավիճակը, բայց եթե այդ ծառայությունն էլ աշխատի նույն ինտենսիվությամբ, ինչ ճանապարհային ոստիկանությունը, ապա ցանկացած ներդրվող համակարգ այստեղ չի աշխատի»,– նշեց «Վարորդի ընկեր» ՀԿ նախագահը։

Քեյանի տեղեկացմամբ` նախորդ տարվա ընթացքում տուգանային 9 բալը գերազանցած վարորդների թավաքանակը եղել է մոտ 2000։ Ըստ նրա`շուրջ 10 հազար հոգի վարորդական իրավունք ստանալու համար մասնակցել են համապատասխան քննության, և համեմատելով վկայական ստացողների քանակը վարորդական իրավունքից զրկվածների քանակի հետ` Քեյանը տեսնում է դրական միտում և ընդգծում, որ ներդրված նոր համակարգը նույնպես ցույց կտա, թե ինչ խնդիրներ կարող են ծագել քննական պրոցեսի ընթացքում։

«Եթե գործնական քննությունը հանձնեն երթևեկության մեջ, ապա ավելի դժվար կլինի, քան եթե մեքենան վարեն անգիր արած որևէ երթուղով։ Այդ դեպքում կպակասի անփորձ վարորդների քանակը և երթևեկությունն էլ այդ մասով որոշակիորեն կկարգավորվի։ Կարծում եմ, որ վարորդական իրավունք ստանալու համար նախատեսված քննությունը պետք է բարդացվի, որ տեսականն անգիր արած դիմորդների քանակը պակասի»,– նշեց «Վարորդի ընկեր» ՀԿ նախագահը։

Անդրադառնալով կարգազանց վարորդների համար նախատեսված տուգանքների համաչափության խնդրին` Քեյանն ընդգծեց, որ առանց վարորդական իրավունքի մեքենա վարողները ոչ թե պետք է տուգանվեն թեկուզ 200 հազար դրամով, այլ ենթարկվեն լուրջ պատասխանատվության։ Ըստ նրա` պատասխանատվության շեմը շատ մեղմ էր, հետևաբար ուզում են բարձրացնել տուգանքի չափը, բայցևայնպես, պետք է հաշվի առնել, որ գործ ունենք մարդկանց անվտանգության, նրանց կյանքի հետ։ 

Ղահրամանյան. «Բալային համակարգի ներդրումից հետո երթևեկության մեջ լարվածությունը նվազել է»

«Վարորդի ընկեր» ՀԿ նախագահի համոզմամբ` հնարավոր չէ ստեղծել մի համակարգ, որում տուգանքների համաչափությունն ընդունելի լինի բոլորի համար, որովհետև յուրաքանչյուր մարդ ունի տարբեր մոտեցում։ Ըստ նրա` տուգանքները ոչ այնքան մարդու անվտանգության ու երթևեկության հարցերն են կարգավորում, որքան սոցիալական հարց են լուծում։ Քեյանի կարծիքով` քանի որ չկա պատշաճ վերահսկողություն, բալային համակարգը կմնա թղթի վրա։

Չենք կարող եվրոպական երկրներից վերցնել միայն մուրճը. բալային համակարգը Հայաստանին չի օգնի

0
թեգերը:
Բալային համակարգ, Հայաստան, Տուգանք, վարորդ, Տիգրան Քեյան
Ըստ թեմայի
Էլեկտրաշարժիչով ավտոմեքենաների ներմուծումը շատ ավելի ձեռնտու է դառնալու. Տիգրան Քեյան
Որ դեպքում կարող են վարորդները հաշտվել Հայաստանում ճանապարհները վճարովի դարձնելու մտքի հետ
Ինչ է պետք անել Երևանում խցանումներից խուսափելու համար. Քեյանը լուծում է առաջարկում
Խցանված Երևանն ու դիմակավոր ուղևորները. ինչպե՞ս փրկել կորոնավիրուսից փրկվածներին