ԵՐԵՎԱՆ, 13 փետրվարի — Sputnik. Չինաստանի Հուբեյ նահանգում գրանցվել է կորոնավիրուսից մահվան դեպքերի ռեկորդային թիվ։ Մի գիշերվա ընթացքում մահացել է 242 մարդ, մահվան դեպքերի ընդհանուր թիվը հասել է 1369-ի։ Տեղեկությունը հաղորդում է Չինաստանի Կենտրոնական հեռուստատեսությունը։
Մի գիշերում արձանագրվել է նաև վարակի 14800 նոր դեպք, բայց տեղի պաշտոնյաները դա բացատրում են նրանով, որ վարակվածների ցուցակում ներառում են ոչ միայն մարդկանց, որոնք չեն անցել թեստ համակարգերը, այլ նաև վիրուսի ախտանիշներով հիվանդներին։ Մի գիշերում հիվանդանոցներից դուրս գրված մարդկանց թիվն ավելացել է 802-ով, ընդհանուր առմամբ դուրս է գրվել 3441 մարդ։
Իշխանություններն արդեն նոր միջոցներ են ձեռնարկել հիվանդության տարածումը կանխելու համար։ Եվս 2600 բուժաշխատողներ ուղարկվել են Ուհան քաղաք՝ կորոնավիրուսի դեմ պայքարելու։
Կորոնավիրուսն ու Չինաստանի վիճակը Հայաստանի տնտեսության վրա թույլ են ազդում. նախարար
Հուբեյ նահանգի տարածքում ընդհանուր առմամբ հիվանդացել է 48 206 մարդ։ Բժիշկները փետրվարի 13-ի առավոտյան գրանցել են նոր կորոնավիրուսով վարակման 48 206 դեպք։ Բուժում է անցնում 33 693 պացիենտ, նրանցից 5647-ի վիճակը գնահատվում է ծայրահեղ։
Չինաստանում կորոնավիրուսի հետևանքով մահացածների թիվը հասել է 1113–ի
Նշենք, որ վերջին տվյալներով` կորոնավիրուսից մահացել է 1,3 հազար մարդ, ապաքինվել են 4 հազարը։ Վարակվածների ընդհանուր թիվը գերազանցել է 48200-ը, նրանցից 8200-ը ծանր վիճակում են։
