Ոստիկանություն

Իսպանիայում ռուսաստանցի երկու գործարարի դիակ է հայտնաբերվել

30
(Թարմացված է 15:58 12.02.2020)
Մահացածները 62 տարեկան են։ Նրանք քնած են եղել տարբեր սենյակներում։ Բարսելոնայում ՌԴ գլխավոր հյուպատոսությունը կապ է հաստատել մահացածների բարեկամների ու ապահովագրական ընկերությունների հետ։

ԵՐԵՎԱՆ, 12 փետրվարի — Sputnik. Իսպանիայի Դենիա քաղաքում ռուսաստանցի 2 գործարարի մահացած են հայտնաբերել։ Տեղեկությունը հայտնում է Información–ը։

Ըստ կայքի` մահացածները 62 տարեկան են։ Նրանք տարբեր սենյակներում են քնած եղել, երբ թունավորվել են շմոլ գազից։ Դժբախտ պատահարը տեղի է ունեցել տղամարդկանցից մեկին պատկանող տանը անսարք գազի կաթսայի պատճառով։

Իրավապահները դեպքի վայր են մեկնել, երբ մահացածներից մեկի ազգականները չեն կարողացել կապ հաստատել նրա հետ ու ահազանգել են ոստիկանություն։ Դատաբժշկական փորձաքննությունը հաստատել է, որ բռնի մահվան նշաններ չկան։ Քննիչները տունը թալանելու ոչ մի նշան չեն հայտնաբերել։

ՌԻԱ Նովոստին հայտնում է, որ մահվան պատճառը վերջնականապես հայտնի կդառնա դիահերձումից հետո, սակայն ոստիկանությունը դեռ չի ստացել դիահերձման եզրակացությունը։

Մադրիդում Ռուսաստանի դեսպանատունը հայտնել է, որ Բարսելոնայում ՌԴ գլխավոր հյուպատոսությունը կապ է հաստատել մահացածների բարեկամների ու ապահովագրական ընկերությունների հետ։ «Բարսելոնայում ՌԴ գլխավոր հյուպատոսությունը հետևում է այդ հարցին. ոստիկանությանը հարցում է ուղարկվել, ազգականների ու ապահովագրական ընկերությունների հետ կապ է հաստատվել», – ասել են դեսպանատանը։

Դեսպանատունը հրաժարվել է մահացածների մասին տեղեկություն հրապարակել` հղում անելով անձնական տվյալների մասին օրենքին։

30
թեգերը:
Դիակ, շմոլ գազ, Մահ, գործարար, Իսպանիա
Ըստ թեմայի
Թունավորում շմոլ գազից. ընտանիքի 4 երեխաները հիվանդանոցում են
Քանի մարդ է Հայաստանում թունավորվել շմոլ գազից
Նոյակերտ գյուղում շմոլ գազից մի ամբողջ ընտանիք է թունավորվել