Խոակին Ֆենիքս

Հայտնի են տարվա լավագույն դերասանն ու դերասանուհին. կայացել է «Օսկար» մրցանակաբաշխությունը

178
(Թարմացված է 10:49 10.02.2020)
Այդ մրցանակին հավակնում էին են նաև Լեոնարդո Դի Կապրիոն, Անտոնիո Բանդերասը, Ադամ Դրայվերը և Ջոնաթան Փրայսը։

ԵՐԵՎԱՆ, փետրվարի — Sputnik. Ամերիկյան դերասան Խոակին Ֆենիքսը «Լավագույն դերասան» անվանակարգում «Օսկար» մրցանակ է ստացել «Ջոկեր» ֆիլմի համար։

Այդ մրցանակին հավակնում էին են նաև Լեոնարդո Դի Կապրիոն «Մեկ անգամ... Հոլիվուդում» ֆիլմի, Անտոնիո Բանդերասը «Փառքն ու ցավը» ֆիլմի, Ադամ Դրայվերը «Ամուսնական պատմություն» ֆիլմի և Ջոնաթան Փրայսը «Երկու Պապերը» ֆիլմի համար։

«Այս պարգևը ձայնի իրավունքից զրկվածների փոխարեն խոսելու համար է», - ընդգծել է Ֆենիքսը բեմից։ Դերասանը նաև բնապահպանական կոչեր է արել։

Ավելի վաղ Խոակին Ֆենիքսը երկու անգամ «Ոսկե գլոբուս» մրցանակ է ստացել, նա նաև Վենետիկի ու Կաննի փառատոներում հաղթել է լավագույն դերասան անվանակարգում։ Ֆենիքսը նաև BAFTA ու Grammy մրցանակիր է։

Իսկ «Լավագույն կանացի դեր» անվանակարգում «Օսկարի» դափնեկիր է դարձել Ռենե Զելվեգերը «Ջուդի» ֆիլմում խաղացած դերի համար:

Рене Зеллвегер получает Оскар за Лучшую женскую роль в фильме Джуди на 92-й церемонии Оскар (9 февраля 2020). Голливуд
© REUTERS / MARIO ANZUONI
Ռենե Զելվեգերը

Անվանակարգում ներկայացված էին նաև Սքարլեթ Յոհանսոնը, Սիրշա Ռոնանը, Սինտիա Էրիվոն և Շարլիզ Թերոնը:

Զելվեգերն արդեն "Օսկար", BAFTA, չորս "Ոսկե գլոբուս" եւ երեք "ԱՄՆ կինոդերասանների գիլդիայի մրցանակներ" մրցանակների դափնեկիր է, ինչպես նաեւ հոլիվուդյան "Փառքի ծառուղում"աստղի դափնեկիր:

Նշենք, որ «Օսկարի» 92-րդ հեղինակավոր մրցանակաբախությունը կայացել է փետրվարի 10-ի գիշերը Լոս Անջելեսի Dolby թատրոնում։ Ամերիկյան կինոակադեմիայի մրցանակը հանձնվում է 24 անվանակարգերում։

«Ջոկերն» առաջատար է «Օսկարի» անվանակարգերի թվով

178
թեգերը:
ֆիլմ, Լոս Անջելես, Ամերիկայի Միացյալ Նահանգներ, «Օսկար» մրցանակաբաշխություն