Airbus A320

Ինչու ՀՀ քաղաքացիներին թույլ չեն տվել Չինաստանում օդանավ նստել. ավիաընկերության պատասխանը

78
(Թարմացված է 15:50 04.02.2020)
ԱՊՀ երկրների ուղևորները գումարն առանց տուգանքի և միջնորդավճարների վերադարձնելու համար կարող են դիմել ավիաընկերության ուղևորների աջակցման ծառայություն։

ԵՐԵՎԱՆ, 4 փետրվարի – Sputnik. «Ուրալյան ավիաուղիներ» ավիաընկերությունը պարզաբանել է, թե ինչու է հրաժարվել չարտերային չվերթերով Չինաստանից տեղափոխել ՀՀ քաղաքացիներին։

Ավելի վաղ Չինաստանի Սիան–Սյանյան օդանավակայանում ավիաընկերության ներկայացուցիչները ԱՊՀ երկրների շուրջ 70 քաղաքացու թույլ չէին տվել բարձրանալ Եկատերինբուրգ մեկնող օդանավ։ ՀՀ ԱԳՆ–ն պարզաբանել է, որ ՀՀ քաղաքացիները չեն կարողացել Չինաստանից մեկնել, քանի որ նրանց չեն գրանցել, սակայն տոմսի գումարը փոխհատուցել են։ Գերատեսչությունը չի նշել, թե որ քաղաքից չեն կարողացել մեկնել ՀՀ քաղաքացիները և ինչ ուղղությամբ էր չվերթը։

ՀՀ քաղաքացիներից 9–ը կմնան Չինաստանի կարանտինի գոտում 

«ՌԴ կառավարության 30.01.2020թ. № 140-р կարգադրության համաձայն` «Ուրալյան ավիաուղիներ» ավիաընկերությունը 01.02.2020թ.–ից դադարեցրել է Չինաստանից և դեպի Չինաստան կանոնավոր չվերթերի իրականացումը։ Այդ օրվանից ընկերությունը միայն չարտերային չվերթեր է իրականացնում։ Չարտերային չվերթերի իրականացման թույլտվություն ստանալու համար հայտերն ուղարկվել էին ՉԺՀ ավիացիոն ղեկավարությանը։ Ստացած թույլտվության համաձայն` ավիաընկերությունն իրավունք ունի տեղափոխելու բացառապես Ռուսաստանի քաղաքացիներին»,–հայտնել են փոխադրողի մամուլի ծառայությունից։

ԱԳՆ–ում Sputnik Արմենիայի աղբյուրը նշում է, որ դիվանագիտական գերատեսչությունը բանակցել է ավիաուղիների հետ, սակայն քանի որ այն մասնավոր ընկերություն է, անձամբ է որոշում` ում օդանավ նստեցնել, ում` մերժել։ Միևնույն ժամանակ, ընկերությունում ասել են, որ բոլոր ուղևորներին կփոխհատուցեն ծախսերը, սակայն հաշվի առնելով, որ կարգադրություն է եղել ինքնաթիռ թողնել բացառապես ՌԴ քաղաքացիների` ՀՀ քաղաքացիներին նրանք չեն տեղափոխի։

Չինաստանում կորոնավիրուսից մահացածների թիվն ավելանում է, Հայաստանում վարակվածներ չկան

78
թեգերը:
հայ, չվերթ, Հայաստան, Չինաստան
թեմա:
Կորոնավիրուսը Չինաստանում և աշխարհում (62)
Ըստ թեմայի
Արտակարգ դեպք Բարնաուլի օդանավակայանում. ուղևորներն ընկել են օդանավասանդուղքից. տեսանյութ
Ինչու է «Ուրալյան ավիաուղիները» հետ կանչել Երևանի ուղղությամբ 9 թռիչքների թույլտվությունը
Գյումրու օդանավակայանն էլ կօգտագործվի. ինչպես կլրացվի ռուս–վրացական կոնֆլիկտից բխած բացը