ԵՐԵՎԱՆ, 4 փետրվարի – Sputnik. «ՌԻԱ Նովոստի» գործակալությունը,` հղում անելով թագավորության առողջապահության նախարարությանը, հայտնում է, որ Չինաստանի Ուհան քաղաքից տարհանված Բելգիայի քաղաքացիներից մեկի մոտ կորոնավիրուս է հայտնաբերվել:
«Բոլոր ինը հայրենակիցները, որոնք փետրվարի 2-ին վերադարձել են Ուհանից, զինվորական հոսպիտալում մանրակրկիտ հետազոտություն են անցել: Նրանցից մեկի մոտ կորոնավիրուս է հայտնաբերվել»,- նշված է նախարարության հաղորդագրության մեջ:
Չինաստանում կորոնավիրուսից մահացածների թիվն ավելանում է, Հայաստանում վարակվածներ չկան
Նշվում է, որ կնոջ վիճակը կայուն է: Վիրուսակիր քաղաքացուն հետագա բուժման համար տեղափոխել են Բրյուսելի հիվանդանոցներից մեկը:
Չինաստանից վերադարձած մյուս բելգիացիների մոտ վտանգավոր վիրուս չի հայտնաբերվել: