Ղրիմ

Ժայռափոր պատմություն. ինչով են հայտնի Ղրիմի եկեղեցիները

57
(Թարմացված է 16:04 03.02.2020)
Հենց Ղրիմում է գտնվում այն վանքը, որի աղբյուրում սուզել են Ռոմանովների տոհմի վերջին կայսեր որդուն` Ալեքսեյին։ Ասում են` դրանից հետո տղայի ինքնազգացողությունը լավացել է։

ԵՐԵՎԱՆ, 3 փետրվարի — Sputnik, Գալինա Սոկոլովա. Ղրիմի եկեղեցիներից շատերն անսովոր տեսք ունեն, քանի որ կառուցվել են ժայռերի վրա կամ ժայռերի մեջ։ Մի շարք եկեղեցիներ տուժել են հեղափոխության, պատերազմների և խորհրդային իշխանության տարիներին, բայց պահպանվել են ու վերականգնել։ ՌԻԱ Նովոստին պատմում է թերակղզու առավել հետաքրքիր եկեղեցիների ու վանքերի մասին։

Ստորգետնյա դամբարան–եկեղեցի Խերսոնեսում

Այս եկեղեցին քրիստոնեական ամենահին հուշարձանն է Խերսոնեսում` Ղրիմի հարավարևմտյան ափի հին հունական պոլիսում։ Հնագետները դժվարանում են նշել ստույգ տարիքը, բայց հակված են այն կարծիքին, որ կառուցվել է ոչ շուտ, քան V դարում։

Ղրիմի Սուրբ Խաչ վանքի «Թարթող Հիսուսը». ինչպես է սրբապատկերը հրապուրում զբոսաշրջիկներին

Գիտնականները պարզել են, որ այնտեղ ստորգետնյա (VI–VII դարեր) և վերգետնյա (XII–XV դարեր) եկեղեցիներ են եղել։ Մասամբ պահպանվել են դրանք միացնող աստիճաններն ու վերին շինության հիմքը։

Խորհրդային հնագետ Անատոլի Յակոբսոնը կարծել է, որ ստորգետնյա հարկը կարող էր լինել նշանավոր քաղաքացուն հուղարկավորելու վայր։

Капелла-мартирий с подземным мавзолеем
Ստորգետնյա դամբարան–եկեղեցի Խերսոնեսում

Հին եկեղեցին գտնվում է «Խերսոնես Տավրիկյան» թանգարան–արգելոցի տարածքում։ Այստեղ էքսկուրսիաներ են կազմակերպվում, բայց կարելի է նաև ինքնուրույն գալ։ Փորձառու ճանապարհորդները խորհուրդ են տալիս մի ամբողջ օր հատկացնել դրան։

Աստվածածնի վերափոխման վանքը Բախչիսարայում

Մարիամ–Դերե կիրճի լանջին վեր խոյացող վանքը Ռուսաստանի ամենահին և Ղրիմի ամենահայտնի քրիստոնեական շինություններից է։ Պատմությունը տանում է IX դար, երբ վանականները հենց ժայռի մեջ վանք են կառուցել (պահպանվում է մինչև հիմա)։

XX դարի սկզբին վանքի մոտ կառուցել են մի քանի շինություններ և բնակելի մասնաշենք, այդ թվում` տուն քահանայի և ուխտագնացների համար։ Բայց 1921թ–ին իշխանությունն ամեն ինչ փակել է, քահանաներից շատերին գնդակահարել են։

Հայրենական մեծ պատերազմի ժամանակ այստեղ հոսպիտալ են բացել, դրանից հետո` հոգենյարդաբանական դիսպանսեր։ 1993թ–ին շենքը վերադարձրել են եկեղեցուն։

Церковь Свято-Успенского мужского пещерного монастыря в Бахчисарае в Крыму
© Sputnik / Дмитрий Коробейников
Աստվածածնի վերափոխման վանքը Բախչիսարայում

Սուրբ Կոնստանտինի և Սուրբ Ելենայի եկեղեցին Սիմֆերոպոլում

Սիմֆերոպոլի առաջին ուղղափառ եկեղեցին կառուցվել է 1787թ–ին, երբ Ղրիմն արդեն եղել է Ռուսական կայսրության կազմում։

Դրանից մեկ տարի առաջ գնդի հրամանատար Բորիս Տատիշչևը թաթարական տուն է գնել, որի տեղում մինչև Եկատերինա 2–րդի ժամանելը եկեղեցի են կառուցել։ Կայսրուհին այցելել է այդ եկեղեցի, այնուհետև սպասք և հանդերձանք նվիրել հոգևորականներին։

Церковь Святых Константина и Елены в Симферополе
Սուրբ Կոնստանտինի և Սուրբ Ելենայի եկեղեցին Սիմֆերոպոլում

Խորհրդային իշխանության օրոք մասամբ քանդված եկեղեցում աերոակումբ է եղել ու այնտեղ է պահվել ՔԿԱԳ–ի արխիվը։ Երկար ժամանակ շենքը դատարկ է մնացել։ 1991թ–ից կրկին գործել է որպես ուղղափառ եկեղեցի։

Կոսմո–Դամիանովյան վանքն ու արքայորդի Ալեքսեյի մկրտության ավազանը Ալուշտայի մոտ

Վանքը կառուցվել է 1856թ–ին Ալուշտայից 20 կմ հեռավորության վրա։ Ցարական ընտանիքը հաճախ է այստեղ եղել։ Ալեքսանդր III–ը կնոջ` Մարիա Ֆյոդորովնայի հետ երկու անգամ մնացել է անտառի տնակում. ցարը սիրել է այստեղ որս անել։

Ռոմանովների տոհմի վերջին կայսրը մեկնել է այնտեղ, որպեսզի որդուն` Ալեքսեյին, սուզի սուրբ աղբյուրի ջրում։ Դրանից հետո տղայի ինքնազգացողությունը լավացել է։

Ասում են, որ աղբյուրի ջուրը բուժիչ հատկություններ ունի սրբեր Կոսմայի և Դամիանի աղոթքների շնորհիվ։

Мужской монастырь Святых Космы и Дамиана в Крыму
Կոսմո–Դամիանովյան վանքն ու արքայորդի Ալեքսեյի մկրտության ավազանը

Ռոմանովների տոհմը միշտ հովանավորել և օգնել է վանքին։ Օրինակ` կայսեր հրամանով անտառում տրամադրել են 40 հեկտար տարածք` տնտեսություն վարելու համար։

Այնտեղ մարգագետին և այգի է եղել։ Տանձենիները դեռ բերք են տալիս, թեպետ դրանք արդեն 100 տարեկան են։

Խորհրդային իշխանության օրոք վանքը շատ է տուժել։ Կառույցի մեծ մասը վերականգնել են XIX դարի հիմքի վրա։ Նախնական տեսքով պահպանվել է մատուռը, որը կառուցվել է 1913թ–ին Ռոմանովների տան 300–ամյակի առթիվ։

Քրիստոսի Հարության եկեղեցին Ֆորոսում

Առաջին գիլդիայի վաճառական Ալեքսանդր Կուզնեցովը 1892թ–ին կառուցել է Ալեքսանդր III–ի և ամբողջ ցարական ընտանիքի փրկության պատվին, որոնք հրաշքով ողջ են մնացել գնացքի վթարի ժամանակ։

Երբ Կուզնեցովը կառուցել է եկեղեցին, նա արդեն թոքախտով հիվանդ է եղել, բայց հասցրել է պատվիրել և իրագործել նախագիծը։ Դրանից հետո ապրել է ևս մի քանի տարի։

Խորհրդային իշխանության օրոք եկեղեցին քանդել են ու տեղում ռեստորան բացել։ 1960–ականներին շենքն ընդհանրապես մոռացության է մատնվել 30 տարով։ Վերականգնվել է 1988թ–ին։

Սա Ղրիմի Հարավային ափի ամենագեղեցիկ եկեղեցիներից է։ Վեր է խոյանում 400–մետրանոց ժայռի վրա, և այդտեղից հիանալի տեսարան է բացվում ծովի և քաղաքի վրա։

Церковь Воскресения Христова в поселке городского типа Форос, Крым
© Sputnik / Алексей Павлишак
Քրիստոսի Հարության եկեղեցին Ֆորոսում
57
թեգերը:
Վանք, Եկեղեցի, Ղրիմ
Ըստ թեմայի
Օգնելու փոխարեն խոչընդոտում են. ի՞նչն է խանգարում Ջրառատի 7-րդ դարի եկեղեցու վերականգնմանը
2020 թվականի եկեղեցական տոներն ու հիշատակության օրերը
Քարե «ինստագրամ», կիսալուսին խաչի վրա և Օձունի եկեղեցու այլ գաղտնիքները
Խաչատրյանը` եկեղեցու ղողանջների ներքո. ամերիկյան քառյակը ապշեցրել է իր «Սուսերով պարով»
Միշուստինն ու Փաշինյանը, արխիվային լուսանկար

Համատեղ ջանքերով կբացահայտենք տնտեսական ինտեգրման մեծ ներուժը. Միշուստինը՝ Փաշինյանին

20
(Թարմացված է 12:33 01.06.2020)
Ռուաստանի կառավարության ղեկավարն ընդգծել է Եվրասիական տնտեսական միության շրջանակում երկու երկրների սերտ համագործակցության կարևոր նշանակությունը:

ԵՐԵՎԱՆ, 1 հունիսի- Sputnik. ՀՀ վարչապետ Նիկոլ Փաշինյանը շարունակում է շնորհավորանքներ ստանալ ծննդյան օրվա առիթով։ Կառավարության ղեկավարին 45-րդ տարեդարձի առիթով շնորհավորել է նաև ռուսաստանցի պաշտոնակիցը՝ ՌԴ վարչապետ Միխայիլ Միշուստինը։

«Կցանկանայի առանձնահատուկ ընդգծել այն մշտական ուշադրությունը, որը Դուք ցուցաբերում եք ռուս-հայկական բարեկամական, գործընկերային և դաշնակցային հարաբերությունների ամրապնդման ուղղությամբ: Կառավարության գծով ընդունվում են արդյունավետ որոշումներ, որոնք ուղղված են առևտրի, տնտեսական և ներդրումային ոլորտներում համագործակցության զարգացմանը, ստեղծվում են պայմաններ գիտատեխնիկական, հումանիտար և այլ բնագավառներում նոր համատեղ նախագծերի իրականացման համար»,- նշված է ՌԴ վարչապետի շնորհավորական ուղերձում։

Պարետ Տիգրան Ավինյանը կորոնավիրուսի թեստ չի հանձնի և չի փոխարինի Փաշինյանին. խոսնակ

Ռուաստանի կառավարության ղեկավարն ընդգծել է Եվրասիական տնտեսական միության շրջանակում երկու երկրների սերտ համագործակցության կարևոր նշանակությունը: Նա համոզմունք է հայտնել, որ համատեղ ջանքերով կկարողանան լիովին բացահայտել տնտեսական ինտեգրման մեծ ներուժը:

Միշուստինը Փաշինյանին մաղթել է քաջառողջություն, բարգավաճում և հաջողություններ իր պատասխանատու պետական գործունեության մեջ։

Ծննդյան օրվա առիթով Նիկոլ Փաշինյանին շնորհավորական ուղերձ էր հղել նաև ՌԴ նախագահ Վլադիմիր Պուտինը։

Վարչապետ Փաշինյանն իր ծննդյան օրը նշելու է տանը՝ ընտանիքի հետ մեկուսացած։ Այսօր առավոտյան Facebook-ի ուղիղ եթերի ընթացքում նա հայտնեց, որ իր և ընտանիքի անդամների մոտ կորոնավիրուս է հաստատվել։ Նրա խոսքով` որևէ ախտանիշ չեն ունեցել և հետևել են հակահամաճարակային կանոններին։

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 210–ով և դարձել 9492–ի։

20
թեգերը:
թեստ, շնորհավորանք, կորոնավիրուս, Միխայիլ Միշուստին, Նիկոլ Փաշինյան, Ռուսաստան, Հայաստան
Ըստ թեմայի
Փաշինյանն ասաց` երբ կորոնվիրուսի հարցով կդիմեն Վրաստանին
Ուշադրություն, խոսում է ՀՀ կառավարությունը. Նիկոլ Փաշինյանը տեսանյութ է հրապարակել
Մի քանի օրից ՀՀ–ում կսկսվի կորոնավիրուսն ախտորոշող թեստերի արտադրությունը. Փաշինյան
Նիկոլ Փաշինյանն ու Վլադիմիր Պուտինը, արխիվային լուսանկար

«Հարգելի Նիկոլ Վովայի...». Պուտինը շնորհավորել է Փաշինյանի տարեդարձը

121
(Թարմացված է 12:16 01.06.2020)
ՌԴ նախագահն իր շնորհավորական ուղերձում նշել է, որ բարձր է գնահատում հաստատված կառուցողական երկխոսությունը։

ԵՐԵՎԱՆ, 1 հունիսի- Sputnik. Այսօր ՀՀ վարչապետ Նիկոլ Փաշինյանի ծննդյան օրն է։ Տարեդարձի առիթով նրան շնորհավորել է ՌԴ նախագահ Վլադիմիր Պուտինը։ 

«Հարգելի Նիկոլ Վովայի, ընդունեք անկեղծ շնորհավորանքներս Ձեր ծննդյան 45-ամյակի առթիվ: Բարձր եմ գնահատում մեր միջև հաստատված կառուցողական երկխոսությունը: Կցանկանայի հաստատել սերտ համատեղ աշխատանքը շարունակելու պատրաստակամությունը՝ ռուս-հայկական դաշնակցային հարաբերությունների, ինչպես նաև ԵԱՏՄ-ի, ՀԱՊԿ-ի և ԱՊՀ-ի շրջանակում գործընկերության ամրապնդման ուղղությամբ»,- նշված է ՌԴ նախագահի շնորհավորական ուղերձում։

Պուտինը Փաշինյանին մաղթել է քաջառողջություն, երջանկություն, բարգավաճում և հաջողություններ պետական գործունեության մեջ։

Պարետ Տիգրան Ավինյանը կորոնավիրուսի թեստ չի հանձնի և չի փոխարինի Փաշինյանին. խոսնակ

Վարչապետ Փաշինյանն իր ծննդյան օրը նշելու է տանը՝ ընտանիքի հետ մեկուսացած։ Այսօր առավոտյան Facebook-ի ուղիղ եթերի ընթացքում նա հայտնեց, որ իր և ընտանիքի անդամների մոտ կորոնավիրուս է հաստատվել։ Նրա խոսքով` որևէ ախտանիշ չեն ունեցել և հետևել են հակահամաճարակային կանոններին։

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 210–ով և դարձել 9492–ի։

121
թեգերը:
կորոնավիրուս, ուղերձ, շնորհավորանք, Վլադիմիր Պուտին, Նիկոլ Փաշինյան, Ռուսաստան, Հայաստան
Ըստ թեմայի
Արայիկ Հարությունյանը կորոնավիրուսի թեստ է հանձնել
Հայաստանում վերջին մեկ օրում կորոնավիրուսից 8 մարդ է մահացել. մանրամասներ
Չինաստանում ասել են` երբ պատրաստ կլինի կորոնավիրուսի դեմ պատվաստանյութը
Կորոնավիրուսի բուժման մեթոդները պետք է նույնականացնել. Արսեն Թորոսյան
Գազամուղ. արխիվային լուսանկար

Հայաստանին բնական գազի մատակարարումը 4 օրով կդադարեցվի

0
(Թարմացված է 13:44 01.06.2020)
Շուրջ 28 տարի հնարավոր չի եղել Կարմիր կամուրջ-Բերդ մայրուղային գազատարի զննման և անհրաժեշտ շահագործման ու տեխնիկական սպասարկման աշխատանքներ իրականացնել։

ԵՐԵՎԱՆ, 1 հունիսի- Sputnik. Հունիսի 2-ից 96 ժամով կդադարեցվի Հայաստան բնական գազի մատակարարումը։ «Գազպրոմ Արմենիա» ընկերության լրատվական ծառայությունը տեղեկացնում է, որ դադարեցումը Հյուսիսային Կովկաս-Անդրկովկաս մայրուղային գազատարի և Կարմիր կամուրջ- Բերդ մայրուղային գազատարի նորոգման աշխատանքներ իրականացնելու նպատակով է:

«Նշված ժամանակահատվածում հանրապետության սպառողների գազամատակարարումը կիրականացվի առանց սահմանափակումների: 1992 թվականին շահագործման հանձնելուց ի վեր՝ շուրջ 28 տարի, Կարմիր կամուրջ-Բերդ մայրուղային գազատարի զննման և անհրաժեշտ շահագործման ու տեխնիկական սպասարկման աշխատանքներ հնարավոր չի եղել իրականացնել»,- նշված է ընկերության տարածած պաշտոնական հաղորդագրության մեջ։

Ընկերությունից տեղեկացնում են, որ նշված ժամանակահատվածում մայրուղային գազատարների վրա կկատարվեն մասնակի վերանորոգման աշխատանքներ։ Դրանք իրականացվում են հայ-վրացական միջկառավարական պայմանավորվածությունների ադյունքում։

Հայաստանը պնդում է, Ռուսաստանը` պարզաբանում. հնարավո՞ր է ԵԱՏՄ–ում գազի միասնական շուկան

0
թեգերը:
«Գազպրոմ Արմենիա» ընկերություն, Հայաստան, գազ
Ըստ թեմայի
Նիկոլ Փաշինյանը խոսեց գազի գնի ու «Գազպրոմի» մղումների մասին
Այս պահին գազի գնի բարձրացման մասին խոսելու լավագույն ժամանակաշրջանը չէ. Փաշինյան
Փաշինյանը ԵԱՏՄ գագաթնաժողովում վերահաստատեց՝ գազի միասնական շուկան անհրաժեշտություն է