ԵՐԵՎԱՆ, 30 հունվարի — Sputnik. Ժնևում ավարտվել է Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումը։ Facebook-ի իր էջում այս տեղեկությունը հրապարակել է ՀՀ ԱԳՆ մամուլի խոսնակ Աննա Նաղդալյանը։
Նշենք, որ հանդիպումը կայացել է ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ստեֆան Վիսկոնտիի (Ֆրանսիա), Էնդրյու Շոֆերի (ԱՄՆ) և ԵԱՀԿ գործող նախագահի անձնական ներկայացուցիչ Անջեյ Կասպրչիկի միջնորդությամբ և մասնակցությամբ:
Հիշեցնենք` Հայաստանիև Ադրբեջանի արտգործնախարարներ Զոհրաբ Մնացականյանի և Էլմար Մամեդյարովի հանդիպումը մեկնարկել էր երեկ` հունվարի 29–ին։ Նաղդալյանը ուշ երեկոյան հայտնել էր, որ այն շարունակվելու է նաև այսօր։
ՄԻԵԴ–ն Ադրբեջանի բանտում մահացած հայ հովվի գործով որոշում է կայացրել
Հանդիպման օրակարգում ԼՂ խնդրի խաղաղ կարգավորման գործընթացին առնչվող հարցերի լայն շրջանակ է:
Նախորդ անգամ Հայաստանիև Ադրբեջանի արտգործնախարարները հանդիպել էին դեկտեմբերի 4–ին Բրատիսլավայում կայացած ԵԱՀԿ 26-րդ նախարարական խորհրդի շրջանակում։
