Ելենա Չերիշևա,  Sputnik Էստոնիայի ղեկավար

Պետդումայի փոխխոսնակն ու Չերիշևան ԵԽԽՎ-ում կխոսեն Sputnik Էստոնիայի վրա ճնշումների մասին

29
(Թարմացված է 17:31 28.01.2020)
ՌԴ պետական դումայի փոխխոսնակն ու Sputnik Էստոնայի ղեկավարը ԵԽԽՎ ամբիոնից կհնչեցնեն Եվրոպայում մամուլի ազատության ու Sputnik Էստոնիայի շուրջ ստեղծված իրավիճակի մասին իրենց մտահոգությունները։

ԵՐԵՎԱՆ, 28 հունվարի - Sputnik. Sputnik Էստոնիայի ղեկավար Ելենա Չերիշևան Եվրոպայի խորհրդի խորհրդարանական վեհաժողովի ձմեռային նստաշրջանի ժամանակ հնարավոր ամեն բան կանի «Ռոսիա Սեգոդնյա» ՄԳՏ-ի վրա էստոնական իշխանության գործած ճնշման մասին պատմելու համար։

ՌԴ Պետական դումայի փոխխոսնակ Պյոտր Տոլստոյն ավելի վաղ հայտնել էր, որ ԵԽԽՎ ձմեռային  նիստում կխոսի Եվրոպայում մամուլի ազատության ու Sputnik Էստոնիայի շուրջ ստեղծված  իրավիճակի մասին։ Երեկ «Ռոսիա սեգոդնյա» ՄՏԳ-ի մամուլի ծառայությունը հայտնել էր, որ գործակալության գործադիր տնօրեն Կիրիլ Վիշինսկին ու Sputnik Էստոնիա հարթակի ղեկավար Ելենա Չերիշևան հունվարի 27-31 մասնակցելու են Ստրասբուրգում անցկացվող ԵԽԽՎ ձմեռային նստաշրջանին։

«Ես կանեմ հնարավորն ու անհնարինը, որ ամբողջ աշխարհը, եվրոպական միջազգային իրավապաշտպան կազմակերպությունները, այլ լուրջ կառույցներն իմանան այն ամենաթողության մասին, որը Էստոնիայի իշխանությունը կիրառում է ռուս լրագրողների նկատմամբ։ Ուզում եմ, որ իմանան՝ իրեն ժողովրդավարական համարող եվրոպական երկրու իշխանությունն ու ոստիկանությունը լրագրողներին սպառնում են քրեական գործերով միայն այն բանի համար, որ նրանք աշխատում են «Ռոսիա սեգոդնյա» ՄՏԳ-ում», - ասել է Չերիշևան։

Sputnik Էստոնիայի շուրջ ստեղծված իրավիճակը կեղտաբիծ է Եվրոպայի հեղինակության վրա. Լավրով

Նա նշել է, որ պատրաստ է մեկնաբանել ու ներկայացնել տեղի ուենցածի մանրամասները։

Հունվարի 1–ից Sputnik Էստոնիայի խմբագրության աշխատակիցները քրեական հետապնդման սպառնալիքի պատճառով ստիպված են եղել

դադարեցնել աշխատանքային հարաբերությունները Sputnik Էստոնիայի և «Ռոսիա սեգոդնյա» ՄՏԳ–ի հետ։ Այդ գործողությունները հիմնավորվում են պատժամիջոցներով, որոնք ԵՄ–ն կիրառել է 2014 թվականի մարտի 17-ին մի քանի իրավաբանական և ֆիզիկական անձանց դեմ ուկրաինական իրադարձությունների ֆոնին։ Սակայն ԵՄ պատժամիջոցներն ընդունվել են «Ռոսիա սեգոդնյա» ՄԳՏ–ի գլխավոր տնօրեն Դմիտրի Կիսելյովի դեմ։

Ավելի վաղ ԵԱՀԿ ԶԼՄ-ների ազատության գծով կոմիտեի նախագահ Առլեմ Դեզիրը կարծում է, որ Sputnik Էստոնիայի լրագրողների վրա գործած ճնշումը խնդիրներ է առաջացնում մամուլի ազատ զարգացման հարցում։

29
թեգերը:
Լրագրող, Եվրախորհրդի խորհրդարանական վեհաժողով (ԵԽԽՎ), Էստոնիա
Ըստ թեմայի
Ի՞նչ սկանդալ. Էստոնիայի վարչապետը չգիտի` Sputnik–ի շուրջ ինչ պատմություն է ծավալվել
Պատժամիջոցները Sputnik Էստոնիայի դեմ կարող են վտանգավոր նախադեպ դառնալ․ Կիսելյով
«Պետք է ներողություն խնդրել». Զախարովան` Sputnik Էստոնիայի շուրջ ստեղծված իրավիճակի մասին
Մարիա Զախարովան Sputnik–ի «համազգեստով» է ճեպազրույցի գնացել
Երկիր մոլորակ

Գիտնականները Երկրի ևս մեկ շերտ են բացահայտել. դասագրքերի վերաշարադրո՞ւմ կպահանջվի

11
(Թարմացված է 18:09 07.03.2021)
Ուսումնասիրության հեղինակ Ջոան Սթիվենսոնը կարծում է, որ գիտնականների նոր եզրահանգումները կարող են փոխել մեր պատկերացումները մոլորակների կառուցվածքի մասին։

ԵՐԵՎԱՆ, 7 մարտի - Sputnik. Դպրոցական տարիներից բոլորին հայտնի է, որ Երկիրը բաղկացած է 4 շերտից՝ երկրակեղևից, մանթիայից, արտաքին ու ներքին միջուկներից։ Սակայն վերջին ուսումնասիրությունները կասկածներ մտցրին այս հարցում։

Ավստրիացի երկրաբանները հանդես են եկել սենսացիոն հայտարարությամբ։ Ըստ նրանց, իրականում Երկիր մոլորակը կարող է 5 շերտ ունենալ։

Մասնագետները նշում են, որ ամենայն հավանականությամբ, Երկրի ներքին միջուկում ևս մեկ կառուցվածք կա, որն անհնար է տեսնել և դժվար է բացահայտել։

Այդ դեպքում ինչպե՞ս են գիտնականներն իմացել այդ մասին։ Նրանք ուսումնասիրել են մեր մոլորակի ներսում սեյսմիկ ալիքների անցման ժամանակի վերաբերյալ տվյալներն ու զգացել միջուկում առկա տատանումները։

Պարզվել է նաև, որ ներքին միջուկում երկաթը փոխել է իր կառուցվածքը։ Դա խոսում է նոր «սահմանային գծի» ձևավորման մասին, որն անցնում է Երկրի կենտրոնից շուրջ 650 կմ հեռավորության վրա։

ՆԱՍԱ-ի սարքը վայրէջքից հետո Կարմիր մոլորակի առաջին լուսանկարներն է արել

Ինչպես կարծում է ուսումնասիրության հեղինակ Ջոան Սթիվենսոնը, այդ գիտելիքները կարող են արմատապես փոխել մեր պատկերացումները մոլորակի կառուցվածքի մասին, իսկ դա նշանակում է, որ հավանականություն կա, որ շուտով դասագրքերը վերաշարադրելու կարիք կլինի։

11
թեգերը:
դասագիրք, գիտնական, Երկիր մոլորակ
Ըստ թեմայի
Իլոն Մասկն առաջին անգամ հայտնվել է մոլորակի 5 ամենահարուստ մարդկանց շարքում
Վտանգավո՞ր է. Երկիր մոլորակին մոտ 190 մետր տրամագծով աստերոիդ կմոտենա
Երկիր մոլորակի բնակիչներն ամանորյա հզոր աստղաթափի ականատես կլինեն
Ծաղիկներ

Ինչպես ծաղկեփնջի օգնությամբ Մարտի 8-ին աղջկան սեր խոստովանել

23
(Թարմացված է 17:53 07.03.2021)
Որ ծաղիկներն ավելի լավ կբացահայտեն նվիրողի զգացմունքները, և ինչ ծաղիկ չի կարելի նվիրել. կանանց տոնին ընդառաջ հետևենք ֆլորիստի խորհուրդներին։

Կարմիր վարդերով ծաղկեփունջը սիրո և հուզականության նշան է, այն մեծ սեր է խորհրդանշում, բաց գույնի վարդերը` դեկորատիվ բաղեղանման խոտով զարդարած, ընկերական կապվածության, հարգանքի, համակրանքի նշան են, մուգ կարմիր վարդերը կարող են ակնարկել խորը և կայուն զգացմունքների մասին, խառը ծաղիկներով ծաղկեփնջերը կպատմեն ընտրյալի նկատմամբ հույզերի բազմակողմանիության մասին, ՌԻԱ Նովոստիի հարցախույզի ժամանակ ասել են էթիկետի գծով փորձագետները։
Կանանց միջազգային օրն ամեն տարի նշվում է մարտի 8-ին։ Այն համարվում է գարնան, կանացի գեղեցկության, նրբության և կնոջ նկատմամբ ուշադրության օր, անկախ նրա կարգավիճակից ու տարիքից։

«Ծաղկեփունջն անկասկած կարող է արտահայտել նվիրողի զգացմունքները։ Օրինակ` կարմիր վարդերը սիրո խորհրդանիշ են։ Բաղեղանման դեկորատիվ խոտով զարդարված նուրբ վարդերը` ընկերական կապվածություն ու սեր են։ Որքան վարդերը մուգ են, այնքան տղամարդու զգացմունքն ավելի կրքոտ է», - ասել է էթիկետի մասնագետ, պատմաբան, գրող Էլեոնորա Բասմանովան։

Միևնույն ժամանակ նա նշել է, որ աղջիկներից շատերը սիրում են Մարտի 8-ին որպես նվեր գարնանային ծաղիկներ ստանալ՝ կակաչ, հակինթ, մանուշակ, քանի որ այդ ծաղիկները խորհրդանշում են անցում ցրտաշունչ ձմռանից դեպի թարմ ու ջերմ գարուն։ «Այդ ծաղիկները ևս քնքշություն են խորհրդանշում ընտրայլի նկատմամբ», - հավելել է Բասմանովան։

Ժամանակակից էթիկետի մասնագետ Տատյանա Բարանովան իր հերթին համաձայնել է, որ ուժեղ զգացմունքները կարելի է փոխանցել կարմիր վարդերի օգնությամբ, կամ կարմիր գույնը ծաղկեփնջի ձևավորման ժամանակ պետք է գերակշռի։ «Քանի որ մեզ համար, մեր մշակույթի համար, այն հուզականության, կրքի, ուժեղ զգացմունքների նշան է», - ասել է Բարանովան` նշելով, որ նման ծաղկեփնջեր գործընկեր կնոջը (նույնիսկ մեծ համակրանքի դեպքում) նվիրելը կոռեկտ չէ։

Միայն կվնասի. նիհարելու ո՞ր եղանակներն է սննդաբանն անիմաստ համարել

Փորձագետի կարծիքով՝ ցուցադրել սիրահարվածությունը, միաժամանակ այնպես անել, որ աղջիկը չկարծի, որ դա պարզապես ունիվերսալ բաց գույնի ծաղկեփունջ է, բավական դժվար է։ Շատ բան կախված է տղամարդու երևակայությունից, չէ՞ որ ծաղկեփունջը պետք է նաև նրան դուր գա։

«Թող այդ ծաղկեփնջի հիմնական գույները լինեն բաց-նուրբ-վարդագույն` մի քանի կարմիր վարդերով համեմված։ Այսինքն` շեշտը չդնել նրա վրա, որ ծաղկեփնջում միայն կարմիր կամ վարդագույն վարդեր են, թող տարբեր լինեն», - եզրափակել է Բարանովան։

 Միևնույն ժամանակ, նրա խոսքով, տղամարդը պետք է հստակ գիտակցի, որ այդ ծաղկեփունջը խոսում է իր զգացմունքների մասին։

23
թեգերը:
սեր, Կին, Ծաղիկ, Մարտի 8
Ըստ թեմայի
Գերեզմանին ծաղիկ դնելու հնարավորություն չկա․ հադրութցիները պահանջում են չզրկել իրենց տնից
«Ասաց՝ մամ, ծաղկեպսակը դու սարքի». Եռաբլուրում ծաղիկները ձյունից շատ էին ու անիմաստ թանկ