Վլադիմիր Զելենսկի, արխիվային լուսանկար

Ինչու էր Զելենսկին այցելել Իսրայել և ինչու Հոլոքոստին նվիրված միջոցառմանը չմասնակցեց

64
(Թարմացված է 15:31 28.01.2020)
Ուկրաինայի նախագահը Իսրայելը լքեց իր և իր երկրի հեղինակության վրա հետք թողնելով, մինչդեռ Օսվենցիմ համակենտրոնացման ճամբարի ազատման 75-ամյակին նվիրված լեհական միջոցառումներին Զելենսկին ամեն ինչ արել է միջադեպերից զերծ մնալու համար։

Ուկրաինայի նախագահ Վլադիմիր Զելենսկին մասնակցել է Օսվենցիմ համակենտրոնացման ճամբարի ազատման 75-ամյակին նվիրված լեհական միջոցառումներին։ Նա ամեն ինչ արել է, որ այս անգամ ամեն ինչ հարթ անցնի։

«Այս անգամ»-ը սկզբունքային է, քանի որ նախորդ շաբաթն Ուկրաինայի առաջնորդի համար ակնհայտորեն վատն էր։ Ամեն ինչ սկսվեց Դավոսում անցկացնող Համաշխարհային տնտեսական համաժողովում  նրա անհաջող ելույթից, Ռումինիայի հետ դիվանագիտական թյուրիմացությունից և ավարտվեց Իսրայելում տեղի ունեցած անհեթեթությամբ։

Օսվենցիմի ազատման  75-ամյակը դարձավ հակամարտության մի մասը, որտեղ բարիկադների արանքում հայտնվեցին մի կողմից Լեհաստանը, մյուս կողմից՝ Իսրայելն ու Ռուսաստանը։ Երուսաղեմում անցկացրած միջոցառումները շատ ավելի տպավորիչ էին, քան Լեհաստանինը։

Ամենաազդեցիկ տերությունները ծագած հակամարտության մասին վերաբերմունք են արտահայտել իրենց ներկայությամբ։ Եթե Իսրայելում Ռուսաստանը, Գերմանիան, Ֆրանսիան, Մեծ Բրիտանիան ու ՄԱՆ-ն ներկայացել էին ամենաբարձր մակարդակով, ապա Լեհաստանում ամեն ինչ շատ ավելի համեստ էր։

Միաժամանակ Վարշավայի կողմն էին բռնել արևլաեվրոպական երկրները, մասնավորապես՝ Լիտվան։

Պուտինը պատմել է Ռուսաստանի և Ուկրաինայի հարաբերությունների ջերմացման մասին. տեսանյութ

Ուկրաինան միակ երկիրն էր, որ հաջողացրել է սկանդալի մեջ հայտնվել իր առաջնորդի գործողությունների հետևանքով, որն իրեն պահում էր այնպես, ասես` փիղը ապակեղենի խանությունում։

Հայտնի է՝ Վլադիմիր Զելենսկին Երուսաղեմ էր ժամանել Հոլոքոստի թեմայով համաժողովին մասնակցելու համար, սակայն հանկարծակի նա հրաժարվեց այցելել հիմնական միջոցառումը։ Ոչինչ չի կարող հերքել այն, որ Զելենսկու պահվածքը վիրավորական էր, ընդ որում՝ ոչ այդքան կազմակերպիչների հանդեպ, որքան այն մարդկանց, որոնց նվիրված էր այդ միջոցառումը։

Միաժամանակ ուկրաինական կողմը Վլադիմիր Պուտինի հետ հանդիպման հարցում է ուղարկել ու տպավորություն է ստեղծվել, որ հենց դա էր Իսրայել գալու Զելենսկու հիմնական նպատակը։ Կիևի ներկայացուցիչները վստահաբար հույս ունեին, որ ՌԴ նախագահի ժամանակացույցում իրենց համար ժամանակ կգտնվի։

Զելենսկին Հայաստանում նոր դեսպան է նշանակել

Ուկրաինայի նախագահը ստիպված էր լքել Իսրայելը` իր երկրի և անձամբ իր հեղինակության վրա հետք թողնելով։

Սխալ կլիներ ամեն ինչում մեղադրել բացառապես Վլադիմիր Զելենսկուն։ Նախկին նախագահ Պյոտր Պորոշենկոն նույնպես բազմիցս քննադատության ու ծաղրի առարկա էր դառնում միջազգային մակարդակի միջոցառումների ժամանակ անտեղի պահվածքի համար։ Դա կարծես Ուկրաինայի խնդիրն է։

Անկասկած, նման իրադրության պատճառը պաշտոնական Կիևի տգիտությունն է, որը չի տիրապետում միջազգային շփման նուրբ լեզվին։  Ռումինիայի հետ տեղի ունեցած վիճաբանությունը, որն առաջացել էր նրա համար, որ նախագահի խոսքի անգլերեն թարգմանության մեջ անհաջող բայ էր կիրառվել (որը կարելի է «սխալ» մեկնաբանել), դրա վառ օրինակն է։

Ամենայն հավանականությամբ, երբ Վլադիմիր Զելենսկին հրաժարվում էր մասնակցել Երուսաղեմում կայանալիք համաժողովին, ուզում էր ուշադրություն գրավել, ու անկեղծորեն չէր գիտակցում՝ որքան իմիջային վնաս կբերի դա իրեն ու իր երկրին։ 

Ուկրաինան ամեն տեղ տեսնում է, որ այդ երկրները, այդ թվում՝ Ռուսաստանը, Իսրայել կամ  նույն Լեհաստանը շատ ավել մեծ հնարավորություններ ունեն։ Կիևում չեն հասկանում՝ ինչու Լեհաստանի նախագահի` Երուսաղեմ գնալուց հրաժարվելը քաղաքական դեմարշ դարձավ, իսկ Զելենսկու շատ ավելի մեղմ քայլն ընկալվեց որպես խայտառակ անհեթեթություն։

Պուտինը մեկնաբանել է WADA–ի` Ռուսաստանի վերաբերյալ որոշումը. տեսանյութ

Ուկրաինան չի կարող համակերպվել, որ իր տեղը ոչ թե գլոբալ ու տարածաշրջանային տերությունների շարքում է, այլ երրորդ կարգի արևելաեվրոպական պետությունների, որոնց հիմնական խնդիրը իրենց տեղում սուսուփուս  նստելն է։

Մեծամասամբ հենց այդպես են ծագում միջազգային մակարդակով անհարմար դրությունները, որոնց մեջ հայտնվում է Ուկրաինան։

Այնպես որ, Վլադիմիր Զելենսկու արժանապատիվ ու ադեկվատ մասնակցությունն ընթացիկ լեհական միջոցառումներին ավելի շատ կվնասի Վարշավային, քան օգուտ կտա, թեև այնտեղ Ուկրաինան ներկայացնում է  բարձրագույն պաշտոնատար անձը։

64
թեգերը:
Վլադիմիր Պուտին, Պյոտր Պորոշենկո, Իսրայել, Երուսաղեմ, Վլադիմիր Զելենսկի, Ուկրաինա
Ըստ թեմայի
Զելենսկին պահանջել է, որ Իրանը ներողություն խնդրի Boeing-ի կործանման համար
Վլադիմիր Զելենսկու կնոջ` Ելենայի հանդերձանքը ուկրաինացիներն ամոթալի են համարել
Հասան Ռոհանին ինքնաթիռի կործանման թեման քննարկել է Զելենսկու հետ
Ռոհանին խոստացել է դատի տալ Իրանում ուկրաինական ինքնաթիռի կործանման մեղավորներին
Մևլութ Չավուշօղլուն

Հայաստանի նոր ղեկավարությունը պետք է դասեր քաղի անցյալից. Թուրքիայի արտգործնախարար

261
(Թարմացված է 14:21 20.06.2021)
Թուրքիայի արտաքին գործերի նախարարն ընդգծել է, որ Անկարան արտահերթ ընտրությունները Հայաստանի ներքին գործն է համարում։

ԵՐԵՎԱՆ, 20 հունիսի -Sputnik. Թուրքիան հույս ունի, որ Հայաստանի նոր ղեկավարությունը դասեր կքաղի անցյալից։ ՌԻԱ Նովոստիի փոխանցմամբ՝ Թուրքիայի արտգործնախարար Մևլութ Չավուշօղլուն նման կարծիք է հայտնել՝ մեկնաբանելով Հայաստանում ընթացող խորհրդարանական ընտրությունները։

«Մենք Հայաստանում ընտրությունները համարում ենք այդ երկրի ներքին գործը։ Հայաստանի նոր ղեկավարությունը պետք է դասեր քաղի անցյալից», - ասել է Չավուշօղլուն՝ ելույթ ունենալով Անթալիայում կայացած դիվանագիտական համաժողովում, որը հեռարձակել է նրա Twitter-ում։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

261
թեգերը:
Ազգային ժողովի ընտրություններ, Թուրքիա, Հայաստան
թեմա:
ԱԺ արտահերթ ընտրություններ 2021
Ըստ թեմայի
Արզաքանցյանն ահազանգում է, որ ընտրատեղամասերից մեկում բացակայում են ՀԴԿ ընտրաթերթիկները
Ոստիկանությունը նյութեր է նախապատրաստում Հայկ Սարգսյանի հրապարակած լուսանկարի փաստով
Ամենայն հայոց կաթողիկոսը կատարեց իր ընտրությունը
Կանադայում հայերն ու հույները բողոքի ակցիա են արել

Կանադայում հայերն ու հույները բողոքի ակցիա են արել` պահանջելով վերադարձնել հայ գերիներին

30
(Թարմացված է 12:16 20.06.2021)
Ցուցարարները Տորոնտոյի կենտրոնական փողոցներ են դուրս եկել «Ադրբեջան, դուրս բեր զորքերը» պաստառներով։

ԵՐԵՎԱՆ, 20 հունիսի - Sputnik․ Ադրբեջանում պահվող հայ գերիները պետք է անհապաղ ազատ արձակվեն, իսկ ադրբեջանական զորքերը՝ դուրս բերվեն Հայաստանի տարածքից։ Նման պահանջներով ցույց են անցկացրել Տորոնտոյի հայ և հույն համայնքների ներկայացուցիչները, հայտնում է Free Armenian POWs Global network-ը Facebook-ի իր էջում։

Ցուցարարները կոչ են անում Կանադայի վարչապետ Ջասթին Թրյուդոյին և արտգործնախարար Մարկ Գարնոյին ճնշում գործադրել Ադրբեջանի վրա ՝ գերիներին ազատ արձակելու համար:

«Ադրբեջան, դուրս բերիր զորքերը», «Հարգեք միջազգային իրավունքը!» և նման այլ ցուցապաստառներով ցուցարարները դուրս են եկել քաղաքի կենտրոնում գտնվող փողոցներ։

Հիշեցնենք, որ Ադրբեջանը շարունակում է 200-ից ավելի հայ ռազմագերիների և քաղաքացիական անձանց պահել՝ խախտելով 2020-ի նոյեմբերի 9-ի եռակողմ հայտարարությունը։

ՊՆ–ն մայիսի 12-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 13-ից ադրբեջանցիների հետ բանակցություններ են անցկացվում։

Մայիսի 20-ին էլ Սյունիքի մարզի Խոզնավար գյուղի հատվածում ՀՀ և ԱՀ ԶՈւ-երի զինծառայողների միջև ծեծկռտուք է տեղի ունեցել։ 11 հայ զինծառայող տեղափոխվել է հիվանդանոց։

Նշենք, որ Հայաստանում արտահերթ խորհրդարանական ընտրությունները կկայանան հունիսի 20–ին։ Դրանց մասնակցում է 21 կուսակցություն և 4 դաշինք։

30
թեգերը:
Սահման, Հայաստան, Ադրբեջան, ռազմագերի, գերի, հույն, հայ, Կանադա
թեմա:
Հայ գերիներ, անհետ կորածներ
20 06 2021թ.

Զենքով ընտրատեղամաս մուտք գործելու ու բռնություն գործադրելու փաստով քրգործ է հարուցվել

0
(Թարմացված է 17:32 20.06.2021)
ՔԿ–ում գրանցված ընդհանուր 15 դեպքերից 3–ը տեղի են ունեցել Արմավիրի, 1-ը` Արարատի, 3-ը` Կոտայքի, 1-ը` Շիրակի, 1-ը` Լոռու, 2-ը` Տավուշի, 2-ը` Գեղարքունիքի և 1-ական դեպք` Երևանի Ավան Նոր Նորք և Մալաթիա–Սեբաստիա վարչական շրջաններում։

ԵՐԵՎԱՆ, 20 հունիսի – Sputnik. Այսօր` հունիսի 20-ին, մինչև ժամը 15։00, ՀՀ քննչական կոմիտեում ստացվել են նյութեր` ընտրախախտումներին վերաբերող 15 դեպքերով։ Այս մասին այսօր ԿԸՀ–ում կայացած ասուլիսում հայտարարեց ՀՀ քննչական կոմիտեի ՀԿԳ քննության գլխավոր վարչության պետի տեղակալ Կամո Սահակյանը։

«15 դեպքերից 10–ը վերաբերում են 1–ից ավելի կամ այլ անձի փոխարեն քվեարկելուն, 4-ը` քվեարկության գաղտնիությունը խախտելուն, 1-ը` զենքով տեղամասային կենտրոն մուտք գործելուն ու տեղամասային կենտրոնում կամ դրան հարակից տարածքում բռնություն գործադրելուն»,– ասաց Սահակյանը։

15 դեպքերից միայն 1-ով` զենքով տեղամասային կենտրոն մուտք գործելու կամ տեղամասային կենտրոնում ու դրան հարակից տարածքում բռնություն գործադրելու դեպքով հարուցվել է քրեական գործ, մյուսներով նյութեր են նախապատրաստվում։

Կամո Սահակյանը նաև նշեց, որ հիշյալ 15 դեպքերից 3–ը տեղի է ունեցել Արմավիրի, 1-ը` Արարատի, 3-ը` Կոտայքի, 1-ը` Շիրակի, 1-ը` Լոռու, 2-ը` Տավուշի, 2-ը` Գեղարքունիքի և 1-կան դեպք` Երևանի Ավան, Նոր Նորք, և Մլաթիա–Սեբաստիա վարչական շրջաններում։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

0
թեգերը:
Հայաստան, Քրեական գործ, Բռնություն, Ընտրություններ
Ըստ թեմայի
Աբովյանի ընտրատեղամասերից մեկում ընտրողը փորձել է դուրս հանել քվեաթերթիկը
Ընտրողների 26.82 տոկոսն արդեն իսկ մասնակցել է ընտրություններին
ՄԻՊ աշխատակազմն ուսումնասիրել է ընտրություններին վերաբերող 59 ահազանգ ու 570 հրապարակում