Մեգան Մարքլ

Մեգան Մարքլը որոշել է նորաձևությամբ զբաղվել․ The Sun

88
(Թարմացված է 22:19 11.01.2020)
Մի շարք խոշոր ապրանքանիշներ պատրաստ են աշխատել Մարքլի հետ։ Գործարքներից շատերն արդեն մի քանի միլիոն ֆունտ ստեռլինգ են գնահատվում։

ԵՐԵՎԱՆ, 11 հունվարի — Sputnik. Թագավորական լիազորությունները վայր դնելու հայտարարությունից հետո արքայազն Հարրիի 38-ամյա կինը` Մեգան Մարքլը, նոր հայտարարություն է արել. նա մտադիր է մտնել նորաձևության աշխարհ և համագործակցելու է Givenchy հանրահայտ ապրանքանիշի հետ։ The Sun պարբերականը գրում է, որ հիմա ամուսինները ստիպված են լինելու ինքնուրույն գումար վաստակել, քանի որ թագավորական ընտանիքի եկամտի աղբյուրից ֆինանսավորում չեն ստանալու։

Մեգան Մարքլն արդեն սկսել է բանակցել նորաձևության ոլորտի առաջատար ապրանքանիշների հետ, որոնք պատրաստ են նոր նախագծեր սկսել նրա հետ։ Ակնկալվող գործարքներից շատերն արդեն մի քանի միլիոն ֆունտ ստեռլինգ են գնահատվում։

Մեգան Մարքլը միշտ է հետաքրքրվել է նորաձևության աշխարհով։ Օրինակ` նախորդ տարվա սեպտեմբերին նա դարձել էր բրիտանական Vogue ամսագրի խմբագիրը։ Նա նաև Smart Works գրասենյակային հագուստի հավաքածու է ստեղծել` համագործակցելով John Lewis, Marks & Spencer, Jigsaw ապրանքանիշների հետ։

Ջենիֆեր Լոպեսի զգեստը ծաղրել են սոցցանցերում

Ավելի վաղ հայտնել էինք, որ Մեծ Բրիտանիայի թագուհի Եղիսաբեթ 2–րդին դուր չէր եկել, որ արքայազն Հարրին և Մեգան Մարքլը որոշել են հրաժարվել արքայական ընտանիքի անդամների լիազորություններից` առանց Բուքինգեմյան պալատի հետ նախապես համաձայնեցնելու։

Ամուսինների հայտարարությունը որակվել էր որպես ընտանիքի դեմ պատերազմ, և նրանց որոշումը զայրացրել էր Ուելսի արքայազնին և արքայազն Ուիլյամին։

Հրաժեշտ սևին. հայտնի է` որն է 2020–ի ամենանորաձև գույնը

88
թեգերը:
նորաձևություն, Մեգան Մարքլ
Ըստ թեմայի
«Ասես հայի աչքեր ունենա». Սինդի Քրոուֆորդի դստեր լուսանկարը հիացրել է օգտատերերին
«Ես առաջին հերթին հայ եմ»․ ռուսական աստղերի դիզայները` ամենակարևորի մասին
Հարրիի և Մեգանի արձանները հանել են Տյուսոյի թագավորական ընտանիքի ցուցադրությունից
Դոլար

Հեռուստամարաթոն 2020-ի արդյունքում 22 միլիոն դոլարից ավելի գումար է հանգանակվել

46
(Թարմացված է 11:38 27.11.2020)
Շուրջ 100 000 արցախցի աջակցություն կստանա` կապահովվեն բնակարաններով և 1 տարվա համար անհրաժեշտ կենցաղային պարագաներով։

ԵՐԵՎԱՆ, 27 նոյեմբերի – Sputnik. Նոյեմբերի 26-ին` Գոհաբանության օրը, Լոս Անջելեսում տեղի է ունեցել 23–րդ ամենամյա հեռուստամարաթոնը, որի կարգախոսն էր «Համախմբվածություն, ուժ, հավատ»: ԱՄՆ հայ համայնքի համախմբվածության շնորհիվ հանգանակվել է 22 990 898 դոլար։

«Արցախում և Հայաստանում տիրող իրավիճակով պայմանավորված՝ հանգանակություններն ուղղվելու են Արցախից տեղահանված և զինվորների ընտանիքների աջակցմանը։ Շուրջ 100 000 մարդ աջակցություն կստանան` կապահովվեն բնակարաններով և 1 տարվա համար անհրաժեշտ կենցաղային պարագաներով, ինչպես նաև կկազմակերպվի տեղահանված երեխաների պատշաճ կրթությունը»,– նշել է ԱՄՆ–ի «Հայաստան» հիմնադրամի ատենապետ Մարիա Մեհրանյանը:

Սեպտեմբերի 27–ից ԱՄՆ հայ համայնքն ամենաակտիվ մասնակցությունն է ունեցել հայրենիքի փրկության համար կազմակերպված դրամահավաքին և մինչև հեռուստամարաթոնն արդեն իսկ 80 մլն ԱՄՆ դոլարի նվիրաբերություն էր արել:

Հիշեցնենք, որ նոյեմբերի 22–ին սկսված Ֆրանսիական հեռախոսամարաթոնի շրջանակներում արդեն հանգանակվել էր շուրջ 3.132.000 դոլար:

«Ինձ պատերազմ չեն տանում, բայց ես ձեռքերս ծալած չեմ նստում». հանգանակություն բանակի համար

Նշենք, որ նախորդ տարի հեռուստամարաթոնի շրջանակներում ավելի քան 2.5 անգամ ավելի քիչ գումար էր հավաքվել` շուրջ 9 մլն դոլար։

46
թեգերը:
Արցախյան պատերազմ, Արցախ, ԱՄՆ, Հայաստան, դոլար, Հեռուստամարաթոն
Ըստ թեմայի
Որքան գումար է «Հայաստան» հիմնադրամից ուղղվել «նոր ի հայտ եկած ծախսերի» ֆինանսավորմանը
Արմավիրցի փոքրիկն ավելի քան 4 մլն դրամ է փոխանցել «Հայաստան» հիմնադրամ՝ ընկույզ վաճառելով
Ստեփանակերտում էլեկտրամատակարարումը 95-97 տոկոսով վերականգնվել է
ՄիԳ-29

Հնդկաստանում ՄիԳ-29 ինքնաթիռ է կործանվել

47
(Թարմացված է 09:44 27.11.2020)
Օդաչուներից մեկը հայտնաբերվել և տեղափոխվել է հիվանդանոց, երկրորդի որոնումները շարունակվում են:

ԵՐԵՎԱՆ, 27 նոյեմբերի -Sputnik. Հնդկաստանի ռազմածովային ուժերի ՄիԳ-29Կ ուսումնավարժական ինքնաթիռը կործանվել է Արաբական ծովի վրա։ Օդաչուներից մեկն անհայտ կորել է, հայտնում է Times of India-ն ՝ վկայակոչելով ՌԾՈՒ ներկայացուցչին:

Ավիավթարը տեղի է ունեցել նոյեմբերի 26-ին տեղական ժամանակով ժամը 17: 00-ին (Երևանի ժամանակով ժամը 14: 30-ին):

Ինքնաթիռը թռիչքի դուրս եկել «Վիկրամադիտիա» օդանավակայանից։ Օդաչուներից մեկին հայտնաբերել և տեղափոխել են հիվանդանոց։  Երկրորդի որոնումները շարունակվում են։

Հնդկաստանի ՌԾՈՒ-ն հետաքննություն է սկսել։

Ղարաբաղի համար ռազմական բժիշկներ են ուղարկում. Ռուսաստանից երկու Իլ-76 ինքնաթիռ է թռել

Նշենք, որ հնդկական սպառազինության մաս են կազմում ռուսական արտադրության 36 ՄիԳ-29Կ կործանիչները, որոնք շահագործվում են «Վիկրամադիտյա» ավիակրի վրա (նախկին Խորհրդային «Ադմիրալ Գորշկով» հածանավը): Եվս 65 ՄիԳ-29-ը գտնվում են Հնդկաստանի ռազմաօդային ուժերի սպառազինության մեջ։

47
թեգերը:
Օդաչու, Զոհ, Հնդկաստան, ինքնաթիռ, ՄիԳ
թեմա:
Վթար, պատահար, սպանություն, գողություն
Ըստ թեմայի
Պակիստանում կործանված ինքնաթիռի անձնակազմի զրույցն ու կադրերը հայտնվել են համացանցում
Շվեյցարիայի լեռներում ինքնաթիռ է կործանվել, կա չորս զոհ
Հարավային Սուդանում բեռնատար ինքնաթիռ է կործանվել. տեսանյութ
Գյումրու 102–րդ ռազմաբազա

ՔԿ–ն նյութեր է նախապատրաստում ռուս զինծառայողի հանկարծամահ լինելու փաստի առթիվ

0
(Թարմացված է 12:52 27.11.2020)
Ռուսաստանի Հարավային ռազմական օկրուգի ռուսական ռազմակայանի հրամանատարության հանձնաժողովը հետաքննություն է անցկացնում իրավապահների հետ համատեղ։

ԵՐԵՎԱՆ, 27 նոյեմբերի - Sputnik. Քննչական կոմիտեի Շիրակի մարզային քննչական վարչությունում նյութեր են նախապատրաստվում Գյումրու 102-րդ ռուսական ռազմաբազայում ծառայող ռուս զինվորականի հանկարծամահ լինելու փաստի առթիվ։ Այս մասին Sputnik Արմենիայի հետ զրույցում ասաց ՀՀ քննչական կոմիտեի մամուլի խոսնակ Ռիմա Եգանյանը։

Հիշեցնենք, որ Գյումրու 102-րդ ռուսական ռազմաբազայում հայտնաբերվել էր զինվորականի մարմին։

Մարմինը հայտնաբերել էր զինվորականի ծառայակիցը։ Sputnik Արմենիայի հետ զրույցում ՌԴ Հարավային ռազմական օկրուգի մամուլի ծառայությունից փոխանցել են, որ Ռուսաստանի Հարավային ռազմական օկրուգի ռուսական ռազմակայանի հրամանատարության հանձնաժողովը իրավապահների հետ համատեղ հետաքննություն է անցկացնում պայմանագրային զինծառայողի մահվան փաստով։

Զինծառայողի մարմնի վրա բռնության հետքեր չեն հայտնաբերվել։

102-րդ ռազմաբազայի զինծառայողի մահվան մեջ կրիմինալ տարրեր չկան. ՌԴ դեսպանատուն

0
թեգերը:
Մահ, զինծառայող, Գյումրու 102–րդ ռազմաբազա
Ըստ թեմայի
Գյումրիում տեղակայված ռուսական 102-րդ ռազմաբազան արդիականացվում է. նախարար
Հայաստան ժամանած նորակոչիկները կփոխարինեն Գյումրու 102-րդ ռազմաբազայի անձնակազմին
Ռուսական ռազմաբազան Հայաստանի անվտանգության կարևոր բաղադրիչ է․ Փաշինյան