Դաջվածք

Կիևում ձերբակալել են օրենքով գող Կամո Մոսկովսկիին

164
(Թարմացված է 10:36 10.01.2020)
Ոստիկանությունը պնդում է, որ Կամո Մոսկովսկին անօրինական ճանապարհով է Ուկրաինայում հայտնվել, որպեսզի Ռուսաստանում նրան պատասխանատվության չենթարկեն «օրենքով գող» կարգավիճակի համար։

ԵՐԵՎԱՆ, 10 հունվարի — Sputnik. Կիևում ձերբակալվել է Կամո Մոսկովսկի մականունով քրեական հեղինակությունը։ Այս մասին հայտնում են ուկրաինական ԶԼՄ–ները` հղում անելով երկրի Ներքին գործերի նախարարությանը։

Ոստիկանությունը պնդում է, որ Կամո Մոսկովսկին անօրինական ճանապարհով է Ուկրաինայում հայտնվել, որպեսզի «օրենքով գող» կարգավիճակի համար Ռուսաստանում խուսափի քրեական պատասխանատվությունից և վերահսկողություն սահմանի Ուկրաինայի հանցավոր խմբավորումների նկատմամբ։

Օրենքով գողը ձերբակալվել է դեռ դեկտեմբերի 5-ին։ Այժմ որոշում են նրան արտաքսելու և Ուկրաինա մուտք գործելու արգելքի հետ կապված հարցերը։

Կամո Մոսկովսկին (իսկական անունը` Կամո Եղիազարով) ծնվել է Վրաստանում, ՌԴ քաղաքացի է, «թագադրվել է» 1983 թվականին Թբիլիսիում։ Ազգային ոստիկանության տեղեկության համաձայն` ավելի քան 30 տարի անցկացրել է բանտերում։

Վերջին անգամ ազատ է արձակվել 2019 թվականի հոկտեմբերին։

«Օրենքով գողի հանցավոր ծրագրերի իրականացում թույլ չտալու համար իրավապահները պարզել են նրա գտնվելու վայրը և կիրակի` հունվարի 5-ին, ձերբակալել», – նշել են ՆԳՆ–ում։

Հայաստանի իշխանությունը հաշվառել է քրեական հեղինակություններին ու «օրենքով գողերին»

Այժմ Կամո Մոսկովսկիին 6 ամսով տեղավորել են օտարերկրացիների և քաղաքացիություն չունեցող անձանց համար նախատեսված ժամանակավոր կացարանում։ Որոշվում է նրան երկրից հարկադրաբար դուրս բերելու և 5 տարի ժամկետով Ուկրաինա մուտք գործելու արգելք սահմանելու հարցը։

Կտրված թաթիկներ, «օրենքով գողեր», սատանայի հետ կապ. Փաշինյանի` 2019թ-ի հայտարարությունները

Հիշեցնենք, որ 2019 թվականին ՌԴ քրեական օրենսգրքում նոր հոդված է ավելացել` «Բարձր դիրքի զբաղեցում հանցավոր հիերարխիայում»։ Դրա համար 8-15 տարվա ազատազրկում է նախատեսվում ` մինչև 5 մլն ռուբլի հնարավոր տուգանքով։

Հանցավոր խումբ ղեկավարելու կամ ստեղծելու, ինչպես նաև հանցավոր խմբի հավաքներին մասնակցելու համար մինչև 20 տարվա ազատազրկում է սպառնում։

«Օրենքով գողերի» դեմ պայքարը նոր չէ, կամ կանոններ` հազարավոր կալանավորների կյանքի գնով

164
թեգերը:
օրենքով գող, Ռուսաստան, Ուկրաինա
Ըստ թեմայի
Երկու հայ «օրենքով գող» դուրս են եկել ռուսական բանտից
Օրենքով գող Արսեն Երևանսկին գաղութում բանկետ է կազմակերպել․ տեսանյութ
Ինքնասպան է եղել «օրենքով գող» Դեդ Հասանի հայտնի համախոհներից մեկը
Միշուստինն ու Փաշինյանը, արխիվային լուսանկար

Համատեղ ջանքերով կբացահայտենք տնտեսական ինտեգրման մեծ ներուժը. Միշուստինը՝ Փաշինյանին

20
(Թարմացված է 12:33 01.06.2020)
Ռուաստանի կառավարության ղեկավարն ընդգծել է Եվրասիական տնտեսական միության շրջանակում երկու երկրների սերտ համագործակցության կարևոր նշանակությունը:

ԵՐԵՎԱՆ, 1 հունիսի- Sputnik. ՀՀ վարչապետ Նիկոլ Փաշինյանը շարունակում է շնորհավորանքներ ստանալ ծննդյան օրվա առիթով։ Կառավարության ղեկավարին 45-րդ տարեդարձի առիթով շնորհավորել է նաև ռուսաստանցի պաշտոնակիցը՝ ՌԴ վարչապետ Միխայիլ Միշուստինը։

«Կցանկանայի առանձնահատուկ ընդգծել այն մշտական ուշադրությունը, որը Դուք ցուցաբերում եք ռուս-հայկական բարեկամական, գործընկերային և դաշնակցային հարաբերությունների ամրապնդման ուղղությամբ: Կառավարության գծով ընդունվում են արդյունավետ որոշումներ, որոնք ուղղված են առևտրի, տնտեսական և ներդրումային ոլորտներում համագործակցության զարգացմանը, ստեղծվում են պայմաններ գիտատեխնիկական, հումանիտար և այլ բնագավառներում նոր համատեղ նախագծերի իրականացման համար»,- նշված է ՌԴ վարչապետի շնորհավորական ուղերձում։

Պարետ Տիգրան Ավինյանը կորոնավիրուսի թեստ չի հանձնի և չի փոխարինի Փաշինյանին. խոսնակ

Ռուաստանի կառավարության ղեկավարն ընդգծել է Եվրասիական տնտեսական միության շրջանակում երկու երկրների սերտ համագործակցության կարևոր նշանակությունը: Նա համոզմունք է հայտնել, որ համատեղ ջանքերով կկարողանան լիովին բացահայտել տնտեսական ինտեգրման մեծ ներուժը:

Միշուստինը Փաշինյանին մաղթել է քաջառողջություն, բարգավաճում և հաջողություններ իր պատասխանատու պետական գործունեության մեջ։

Ծննդյան օրվա առիթով Նիկոլ Փաշինյանին շնորհավորական ուղերձ էր հղել նաև ՌԴ նախագահ Վլադիմիր Պուտինը։

Վարչապետ Փաշինյանն իր ծննդյան օրը նշելու է տանը՝ ընտանիքի հետ մեկուսացած։ Այսօր առավոտյան Facebook-ի ուղիղ եթերի ընթացքում նա հայտնեց, որ իր և ընտանիքի անդամների մոտ կորոնավիրուս է հաստատվել։ Նրա խոսքով` որևէ ախտանիշ չեն ունեցել և հետևել են հակահամաճարակային կանոններին։

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 210–ով և դարձել 9492–ի։

20
թեգերը:
թեստ, շնորհավորանք, կորոնավիրուս, Միխայիլ Միշուստին, Նիկոլ Փաշինյան, Ռուսաստան, Հայաստան
Ըստ թեմայի
Փաշինյանն ասաց` երբ կորոնվիրուսի հարցով կդիմեն Վրաստանին
Ուշադրություն, խոսում է ՀՀ կառավարությունը. Նիկոլ Փաշինյանը տեսանյութ է հրապարակել
Մի քանի օրից ՀՀ–ում կսկսվի կորոնավիրուսն ախտորոշող թեստերի արտադրությունը. Փաշինյան
Նիկոլ Փաշինյանն ու Վլադիմիր Պուտինը, արխիվային լուսանկար

«Հարգելի Նիկոլ Վովայի...». Պուտինը շնորհավորել է Փաշինյանի տարեդարձը

124
(Թարմացված է 12:16 01.06.2020)
ՌԴ նախագահն իր շնորհավորական ուղերձում նշել է, որ բարձր է գնահատում հաստատված կառուցողական երկխոսությունը։

ԵՐԵՎԱՆ, 1 հունիսի- Sputnik. Այսօր ՀՀ վարչապետ Նիկոլ Փաշինյանի ծննդյան օրն է։ Տարեդարձի առիթով նրան շնորհավորել է ՌԴ նախագահ Վլադիմիր Պուտինը։ 

«Հարգելի Նիկոլ Վովայի, ընդունեք անկեղծ շնորհավորանքներս Ձեր ծննդյան 45-ամյակի առթիվ: Բարձր եմ գնահատում մեր միջև հաստատված կառուցողական երկխոսությունը: Կցանկանայի հաստատել սերտ համատեղ աշխատանքը շարունակելու պատրաստակամությունը՝ ռուս-հայկական դաշնակցային հարաբերությունների, ինչպես նաև ԵԱՏՄ-ի, ՀԱՊԿ-ի և ԱՊՀ-ի շրջանակում գործընկերության ամրապնդման ուղղությամբ»,- նշված է ՌԴ նախագահի շնորհավորական ուղերձում։

Պուտինը Փաշինյանին մաղթել է քաջառողջություն, երջանկություն, բարգավաճում և հաջողություններ պետական գործունեության մեջ։

Պարետ Տիգրան Ավինյանը կորոնավիրուսի թեստ չի հանձնի և չի փոխարինի Փաշինյանին. խոսնակ

Վարչապետ Փաշինյանն իր ծննդյան օրը նշելու է տանը՝ ընտանիքի հետ մեկուսացած։ Այսօր առավոտյան Facebook-ի ուղիղ եթերի ընթացքում նա հայտնեց, որ իր և ընտանիքի անդամների մոտ կորոնավիրուս է հաստատվել։ Նրա խոսքով` որևէ ախտանիշ չեն ունեցել և հետևել են հակահամաճարակային կանոններին։

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 210–ով և դարձել 9492–ի։

124
թեգերը:
կորոնավիրուս, ուղերձ, շնորհավորանք, Վլադիմիր Պուտին, Նիկոլ Փաշինյան, Ռուսաստան, Հայաստան
Ըստ թեմայի
Արայիկ Հարությունյանը կորոնավիրուսի թեստ է հանձնել
Հայաստանում վերջին մեկ օրում կորոնավիրուսից 8 մարդ է մահացել. մանրամասներ
Չինաստանում ասել են` երբ պատրաստ կլինի կորոնավիրուսի դեմ պատվաստանյութը
Կորոնավիրուսի բուժման մեթոդները պետք է նույնականացնել. Արսեն Թորոսյան
Արթուր Դավթյան

Զինծառայության հետ անմիջականորեն կապված մահվան դեպքերը 47 %-ով նվազել են. դատախազ

0
2018-ի համեմատ, նախորդ տարի գրեթե կիսով չափ նվազել են հակառակորդի կրակոցներից մե զինծառայողների զոհվելու դեպքերը։

ԵՐԵՎԱՆ, 1 հունիսի - Sputnik. ՀՀ–ում և Արցախում 2019–ին արձանագրվել է 49 զինծառայողի մահվան դեպք, 2018–ին` 63 դեպք։ Վիճակագրությունը Ազգային ժողովի նիստի ժամանակ ներկայացրեց ՀՀ գլխավոր դատախազ Արթուր Դավթյանը։

«Նախորդ տարի արձանագրված 49 մահվան դեպքերից 20-ը կապված են եղել զինվորական ծառայություն անցնելու հետ, իսկ 29-ը զինվորական ծառայության հետ չկապված հանգամանքներիով են պայմանավորված եղել։ Իսկ 2018–ին աարձանագրված մահերից 38-ն է կապված եղել զինծառայության հետ, այսինքն` 2019-ին զինծառայության հետ անմիջականորեն կապված մահվան դեպքերը 47 %-ով նվազել են»,–ասաց նա։

ՀՀ գլխավոր դատախազի խոսքով` հատկանշական է, որ 2018-ի համեմատ, նախորդ տարի գրեթե կիսով չափ նվազել են հակառակորդի կրակոցից մեր զինծառայողների մահվան դեպքերը։ Բացի այդ, 36.4 տոկոսով էլ նվազել են ինքնասպանության կամ ինքնասպանության հասցնելու դեպքերը։ Իսկ սպաների շրջանում 33 տոկոսով նվազել են հանցավորության մակարդակը։

Դավթյանը նշեց, որ չնայած հանցագործությունների նվազմանը, 2020-ի հիմնական առաջնահերթություններից է բանակում քրեական ենթամշակույթի դեմ պայքարը։

Նա հայտնեց նաև, որ ԶՈՒ–ում կոռուպցիայի դեմ պայքարը նույնպես շարունակվում է` 2019-ին դատախազական ներգործության կիրառմամբ վերականգնվել է պետությանը պատճառված վնասի 1.2 մլրդ դրամ։

Հիշեցնենք, որ 2020թ.–ի հունվարի 1-ից մինչև փետրվարի 16–ն ընկած ժամանակահատվածում ՀՀ զինված ուժերում և ԱՀ պաշտպանության բանակում գրանցվել է 13 զոհ: Ընդ որում՝ զինծառայողները չեն զոհվել հակառակորդի կրակոցի հետևանքով: Պաշտոնական տեղեկության համաձայն՝ մահացության դեպքերը եղել են հիվանդության կամ դժբախտ պատահարի հետևանք։ Ըստ պաշտոնական վարկածի` եղել են նաև ինքնասպանություններ։

Դրանից հետ ՀՀ վարչապետ Նիկոլ Փաշինյանն Անվտանգության խորհրդի նիստ էր հրավիրել` քննարկելով մահվան դեպքերի պատճառներն ու նման դեպքերի կանխման հնարավոր եղանակները։

0