ԵՐԵՎԱՆ, 25 դեկտեմբերի - Sputnik. Ամերիկացի երգիչ Մայքլ Ջեքսոնի երկրպագուները նրա նմանակին՝ Սերխիո Կորտեսին խնդրել են ԴՆԹ թեստ հանձնել։ Նրանք կարծում են, որ Սերխիոն հենց ինքը Ջեքսոնն է, հայտնում է Mirror-ը։
Ինչպես հաղորդվում է, սոցցանցերում ԴՆԹ թեստ անցկացնելու հորդորները սկսվել են այն բանից հետո, երբ Կորտեսը Instagram-ի իր էջում տեսանյութ է հրապարակել, որում պատմում է Թաիլանդում անցկացված համերգի մասին։
Նրա արտաքին տեսքը երկրպագուների մոտ կասկած է հարուցել․արտիստը շատ նման է լեգենդար փոփ-երաժիշտին։
«Ինձ թվաց, որ Մայքլ Ջեքսոնն է նայում։ Դու շատ նման ես նրան», «նա Մայքլ Ջեքսոնն է», «դու հավանաբար միակ մարդն ես, որ այսքան նման է Մայքլ Ջեքսոնին»,- գրել են օգտատերերը։
Չնայած գրառումներին, մի քանի նշաններ կան, որոնք առանց ԴՆԹ թեստի էլ փաստում են, որ Սերխիոն Մայքլ Ջեքսոնը չէ։
«Նա լրիվ խելքը թռցրել էր». Էլթոն Ջոնը բացահայտել է Մայքլ Ջեքսոնի գաղտնիքները
Նա խոսում է իսպանական ակցենտով և շատ ավելի երիտասարդ է երաժիշտից, եթե նույնիսկ նա կենդանի լիներ։
Մայքլ Ջեքսոնը մահացել է 2009 թվականին։