Վլադիմիր Պուտին

Պետք է վերջ տալ Ղրիմի կամրջի շուրջ քաղաքական խաղերին. Եվրամիության բողոքի պատասխանը

104
(Թարմացված է 19:41 24.12.2019)
Ղրիմի խորհրդարանի փոխխոսնակը համոզված է, որ ԵՄ–ի հայտարարությունը թելադրված է միայն ու միայն չար դիտավորությամբ։

ԵՐԵՎԱՆ, 24 դեկտեմբերի – Sputnik. Ժամանակն է, որ Եվրամիությունը դադարեցնի Կերչի նեղուցով անցնող կամրջի կառուցման շուրջ քաղաքական խաղը և վերջ տա երկակի ստանդարտների քաղաքականությանը։ Այս մասին հայտարարել է Ղրիմի խորհրդարանի փոխխոսնակ Վլադիմիր Բոբկովը։

Ռուսաստանի նախագահ Վլադիմիր Պուտինը երեկ պաշտոնապես բացեց Ղրիմի կամրջով անցնող ուղևորատար գնացքների երկաթուղային հատվածը (բեռնատար շարժակազմի հատվածը նախատեսվում է բացել 2020 թվականի հուլիսի 1–ին)։ Դրանից հետո ԵՄ–ի արտաքին կապերի եվրոպական ծառայության պաշտոնական կայքում հայտարարություն հրապարակվեց, ըստ որի` երկաթուղային հաղորդակցության բացումը «Ռուսաստանի կողմից Ուկրաինայի ինքնիշխանության ու տարածքային ամբողջականության ևս մեկ խախտում է»։

«Ժամանակն է դադարեցնել Ղրիմյան կամրջի շուրջ քաղաքական ու դիվանագիտական խաղերը` միավորներ ու բոնուսներ ստանալու նպատակով։ Կերչի նեղուցով անցնող կամրջի շինարարությունը պատմական իրադարձություն է, և դա պետք է ընդունել։ Ռուսաստանը ենթակառուցվածքային առաջընթացի ևս մեկ քայլ է կատարել»,– ՌԻԱ Նովոստիի հետ զրույցում ասել է Բոբկովը։

Նրա խոսքով` ԵՄ–ն իր դիրքորոշմամբ երկակի ստանդարտների քաղաքականություն է ցուցադրում։

Ռոմանովների տան ղեկավարը Ղրիմի կամուրջը հատեց Lada մակնիշի ավտոմեքենայով. տեսանյութ

«Օրինակներ կան, երբ եվրոպացիներն ուրախանում էին ենթակառուցվածքային նման առաջընթացների կապակցությամբ (Էրեսունդի կամրջի կառուցումը Դանիայի ու Շվեդիայի միջև), իսկ այսօր նրանք, չգիտես ինչու, նեղսրտում են։ Այս ամենը երկակի ստանդարտների քաղաքականություն է։ Դժվար է կամրջի կառուցման պես առաջադեմ քայլերին բացասական գնահատական տալ, այնպես որ ԵՄ–ի հայտարարությունը թելադրված է միայն ու միայն չար դիտավորությամբ», –ընդգծել է տարածաշրջանային խորհրդարանի փոխխոսնակը։

Ղրիմի կամրջի գեղեցկությունը․ մայրամուտից մինչև արևածագ

104
թեգերը:
Եվրամիություն, Վլադիմիր Պուտին, կամուրջ, Ղրիմ, Ռուսաստան
Ըստ թեմայի
Ղրիմյան կամրջի կամարների տակով անցավ առաջին նավը
Ուկրաինան հուսահատության մեջ է Ղրիմի կամրջի բացումից հետո. Ռուսաստանի ԱԳՆ
Միշուստինն ու Փաշինյանը, արխիվային լուսանկար

Համատեղ ջանքերով կբացահայտենք տնտեսական ինտեգրման մեծ ներուժը. Միշուստինը՝ Փաշինյանին

19
(Թարմացված է 12:33 01.06.2020)
Ռուաստանի կառավարության ղեկավարն ընդգծել է Եվրասիական տնտեսական միության շրջանակում երկու երկրների սերտ համագործակցության կարևոր նշանակությունը:

ԵՐԵՎԱՆ, 1 հունիսի- Sputnik. ՀՀ վարչապետ Նիկոլ Փաշինյանը շարունակում է շնորհավորանքներ ստանալ ծննդյան օրվա առիթով։ Կառավարության ղեկավարին 45-րդ տարեդարձի առիթով շնորհավորել է նաև ռուսաստանցի պաշտոնակիցը՝ ՌԴ վարչապետ Միխայիլ Միշուստինը։

«Կցանկանայի առանձնահատուկ ընդգծել այն մշտական ուշադրությունը, որը Դուք ցուցաբերում եք ռուս-հայկական բարեկամական, գործընկերային և դաշնակցային հարաբերությունների ամրապնդման ուղղությամբ: Կառավարության գծով ընդունվում են արդյունավետ որոշումներ, որոնք ուղղված են առևտրի, տնտեսական և ներդրումային ոլորտներում համագործակցության զարգացմանը, ստեղծվում են պայմաններ գիտատեխնիկական, հումանիտար և այլ բնագավառներում նոր համատեղ նախագծերի իրականացման համար»,- նշված է ՌԴ վարչապետի շնորհավորական ուղերձում։

Պարետ Տիգրան Ավինյանը կորոնավիրուսի թեստ չի հանձնի և չի փոխարինի Փաշինյանին. խոսնակ

Ռուաստանի կառավարության ղեկավարն ընդգծել է Եվրասիական տնտեսական միության շրջանակում երկու երկրների սերտ համագործակցության կարևոր նշանակությունը: Նա համոզմունք է հայտնել, որ համատեղ ջանքերով կկարողանան լիովին բացահայտել տնտեսական ինտեգրման մեծ ներուժը:

Միշուստինը Փաշինյանին մաղթել է քաջառողջություն, բարգավաճում և հաջողություններ իր պատասխանատու պետական գործունեության մեջ։

Ծննդյան օրվա առիթով Նիկոլ Փաշինյանին շնորհավորական ուղերձ էր հղել նաև ՌԴ նախագահ Վլադիմիր Պուտինը։

Վարչապետ Փաշինյանն իր ծննդյան օրը նշելու է տանը՝ ընտանիքի հետ մեկուսացած։ Այսօր առավոտյան Facebook-ի ուղիղ եթերի ընթացքում նա հայտնեց, որ իր և ընտանիքի անդամների մոտ կորոնավիրուս է հաստատվել։ Նրա խոսքով` որևէ ախտանիշ չեն ունեցել և հետևել են հակահամաճարակային կանոններին։

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 210–ով և դարձել 9492–ի։

19
թեգերը:
թեստ, շնորհավորանք, կորոնավիրուս, Միխայիլ Միշուստին, Նիկոլ Փաշինյան, Ռուսաստան, Հայաստան
Ըստ թեմայի
Փաշինյանն ասաց` երբ կորոնվիրուսի հարցով կդիմեն Վրաստանին
Ուշադրություն, խոսում է ՀՀ կառավարությունը. Նիկոլ Փաշինյանը տեսանյութ է հրապարակել
Մի քանի օրից ՀՀ–ում կսկսվի կորոնավիրուսն ախտորոշող թեստերի արտադրությունը. Փաշինյան
Նիկոլ Փաշինյանն ու Վլադիմիր Պուտինը, արխիվային լուսանկար

«Հարգելի Նիկոլ Վովայի...». Պուտինը շնորհավորել է Փաշինյանի տարեդարձը

111
(Թարմացված է 12:16 01.06.2020)
ՌԴ նախագահն իր շնորհավորական ուղերձում նշել է, որ բարձր է գնահատում հաստատված կառուցողական երկխոսությունը։

ԵՐԵՎԱՆ, 1 հունիսի- Sputnik. Այսօր ՀՀ վարչապետ Նիկոլ Փաշինյանի ծննդյան օրն է։ Տարեդարձի առիթով նրան շնորհավորել է ՌԴ նախագահ Վլադիմիր Պուտինը։ 

«Հարգելի Նիկոլ Վովայի, ընդունեք անկեղծ շնորհավորանքներս Ձեր ծննդյան 45-ամյակի առթիվ: Բարձր եմ գնահատում մեր միջև հաստատված կառուցողական երկխոսությունը: Կցանկանայի հաստատել սերտ համատեղ աշխատանքը շարունակելու պատրաստակամությունը՝ ռուս-հայկական դաշնակցային հարաբերությունների, ինչպես նաև ԵԱՏՄ-ի, ՀԱՊԿ-ի և ԱՊՀ-ի շրջանակում գործընկերության ամրապնդման ուղղությամբ»,- նշված է ՌԴ նախագահի շնորհավորական ուղերձում։

Պուտինը Փաշինյանին մաղթել է քաջառողջություն, երջանկություն, բարգավաճում և հաջողություններ պետական գործունեության մեջ։

Պարետ Տիգրան Ավինյանը կորոնավիրուսի թեստ չի հանձնի և չի փոխարինի Փաշինյանին. խոսնակ

Վարչապետ Փաշինյանն իր ծննդյան օրը նշելու է տանը՝ ընտանիքի հետ մեկուսացած։ Այսօր առավոտյան Facebook-ի ուղիղ եթերի ընթացքում նա հայտնեց, որ իր և ընտանիքի անդամների մոտ կորոնավիրուս է հաստատվել։ Նրա խոսքով` որևէ ախտանիշ չեն ունեցել և հետևել են հակահամաճարակային կանոններին։

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 210–ով և դարձել 9492–ի։

111
թեգերը:
կորոնավիրուս, ուղերձ, շնորհավորանք, Վլադիմիր Պուտին, Նիկոլ Փաշինյան, Ռուսաստան, Հայաստան
Ըստ թեմայի
Արայիկ Հարությունյանը կորոնավիրուսի թեստ է հանձնել
Հայաստանում վերջին մեկ օրում կորոնավիրուսից 8 մարդ է մահացել. մանրամասներ
Չինաստանում ասել են` երբ պատրաստ կլինի կորոնավիրուսի դեմ պատվաստանյութը
Կորոնավիրուսի բուժման մեթոդները պետք է նույնականացնել. Արսեն Թորոսյան
Газокомпрессорная станция

Հայաստան բնական գազի մատակարարումը 4 օրով կդադարեցվի

0
Շուրջ 28 տարի հնարավոր չի եղել Կարմիր կամուրջ-Բերդ մայրուղային գազատարի զննման և անհրաժեշտ շահագործման ու տեխնիկական սպասարկման աշխատանքներ իրականացնել։

ԵՐԵՎԱՆ, 1 հունիսի- Sputnik. Հունիսի 2-ից 96 ժամով կդադարեցվի Հայաստան բնական գազի մատակարարումը։ «Գազպրոմ Արմենիա» ընկերության լրատվական ծառայությունը տեղեկացնում է, որ դադարեցումը Հյուսիսային Կովկաս-Անդրկովկաս մայրուղային գազատարի և Կարմիր կամուրջ- Բերդ մայրուղային գազատարի նորոգման աշխատանքներ իրականացնելու նպատակով է:

«Նշված ժամանակահատվածում հանրապետության սպառողների գազամատակարարումը կիրականացվի առանց սահմանափակումների: 1992 թվականին շահագործման հանձնելուց ի վեր՝ շուրջ 28 տարի, Կարմիր կամուրջ-Բերդ մայրուղային գազատարի զննման և անհրաժեշտ շահագործման ու տեխնիկական սպասարկման աշխատանքներ հնարավոր չի եղել իրականացնել»,- նշված է ընկերության տարածած պաշտոնական հաղորդագրության մեջ։

Ընկերությունից տեղեկացնում են, որ նշված ժամանակահատվածում մայրուղային գազատարների վրա կկատարվեն մասնակի վերանորոգման աշխատանքներ։ Դրանք իրականացվում են հայ-վրացական միջկառավարական պայմանավորվածությունների ադյունքում։

0