Փոթիի բողոքի ակցիան

Փոթիի բնակիչները ձկան հոտի պատճառով փակել են Թբիլիսի տանող ճանապարհը

52
(Թարմացված է 18:54 24.12.2019)
Փոթիում ձուկ վերամշակելու չորս գործարան կա, որոնց պատճառով տեղի բնակիչների խոսքով` քաղաքում շնչելու օդ չկա։

ԵՐԵՎԱՆ, 24 դեկտեմբերի — Sputnik. Ծովափնյա Փոթի քաղաքի մոտ 200 բնակիչներ փակել են Թբիլիսի տանող կենտրոնական մայրուղու կամուրջը` պահանջելով փակել քաղաքում ձկան վերամշակման գործարանները, հաղորդում է Sputnik Գրուզիան իրադարձությունների վայրից։

Ակցիան տեղի է ունենում կամրջի վրա` «Մենք պահանջում ենք մաքուր օդ» կարգախոսով։ Մասնակիցների խոսքով` գործարանների պատճառով ուշ աշնանը և ձմռանը քաղաքում շնչելու օդ չկա։ Տեղում կուտակված են ոստիկանության ուժեր։

Ցուցարարների հետ հանդիպել է Փոթիի քաղաքապետարանի ներկայացուցիչը և առաջարկել նախաձեռնող խումբ ստեղծել խնդիրը լուծելու համար, բայց նրանք հրաժարվել են։

Փոթորիկ սևծովյան բաժակում. արդյո՞ք պետք վախենալ Կովկաս–Փոթի լաստանավի շարժման դադարից

Փոթիում գործում է ձուկ վերամշակելու չորս գործարան։ Դրանք ունեն ձուկ բռնելու արտոնագիր մինչև 2026թ.–ը։ Գործարանի տերերը պնդում են, որ բոլոր գործարանները հագեցած են զտիչներով։

Քաղաքում առաջին տարին չէ, որ ձկան հոտի խնդիր կա։ Այդ խնդիրը հատկապես սրվում է եվրոպական անչոուս բռնելու շրջանում։ Դեռ 2018թ.–ին գործարանների տերերը խոստացել են լուծել խնդիրը։

Վրաստանը հայ փոխադրողների համար նվազեցրել է Փոթիից ցորեն տեղափոխելու սակագինը

52
թեգերը:
Փոթի, Թբիլիսի, ձուկ, Բողոքի ակցիա, բողոք, Վրաստանի Հանրապետություն
Ըստ թեմայի
Վրաստանից եկող մայր գազատարը հիմնանորոգման կարիք ունի. «Գազպրոմ Արմենիայի» ղեկավար
Պուտինը նպատակահարմար է համարել Չեչնիայից Վրաստան տանող ճանապարհի շինարարությունը
Թբիլիսիում Երևան բեռներ տեղափոխելու նոր շնչերակ են գտել. Անակլիան Փոթիից գրավի՞չ կդառնա
Բեյրութ

Բեյրութի պայթյունի հետևանքով 5 հայ է մահացել. Դելիա Փափազյանը 2 երեխաների մայր էր

145
(Թարմացված է 11:16 05.08.2020)
Սարսափելի պայթյունի հետևանքով մահացած հայերի վերաբերյալ նոր տեղեկություններ են հրապարակվել։

ԵՐԵՎԱՆ, 5 օգոստոսի – Sputnik. Բեյրութի պայթյունի զոհ է դարձել նաև Դելիա Փափազյանը։ Տեղեկությունը հայտնում է «Արևելքը»` նշելով, որ նա պայթյունի հետևանքով մահացած 5-րդ հայն է։

«Երկու երեխաների մայր Դելիա Փափազյանն ընտանիքով բնակվում էր նավահանգստին շատ մոտ թաղամասում»,– գրում է կայքը։

Ավելի վաղ հայտնի էր դարձել քաղաքական գործիչ Նազար Նաջարյանի, քաղաքի կենտրոնի հիվանդանոցներից մեկի բուժքույր Ջեսիկա Բեզջյանի մահվան մասին, ևս մեկ հայի՝ Ժակ Բարամաքյանի մահվան մասին հայտնել են հայկական լրատվամիջոցները: Ազգությամբ հայ է նաև զոհերից Ալինա Զաբրին:

Օգոստոսի 4-ին Բեյրութում հզոր պայթյուն է որոտացել նավահանգստի շրջանում։ Վերջին տվյալներով՝ պայթյունի հետևանքով 78 մարդ է մահացել, տուժածների թիվը հասել է 4 հազարի: Լիբանանի վարչապետ Հասան Դիաբը հանձնարարել է հետաքննել պայթյունի պատճառները և 48 ժամվա ընթացքում պատասխանատվության ենթարկել մեղավորներին:

Նշենք, որ պայթյունից հետո հիվանդանոցները լեփ-լեցուն են տուժածներով։ Վնասվել են հայկական թաղամասերը, այդ թվում՝ Սուրբ Գևորգ հայկական եկեղեցին։ Հայտնի է նաև, որ վնասվել է Լիբանանում ՀՀ դեսպանության շենքը։ Բեյրութում այսօր սուգ է հայտարարվել:

Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին

145
թեգերը:
պայթյուն, հայ, Մահ, Բեյրութ
թեմա:
Պայթյուն Բեյրութում
Ըստ թեմայի
Բեյրութում հզոր պայթյուն է որոտացել. տեսանյութեր
Պայթյունը որոտացել է Բեյրութի հայկական թաղամասի հարևանությամբ. Վարդինե Օհանյան
«Ցնցված եմ». Փաշինյանը ցավակցել է Բեյրութի պայթյունից զոհվածների հարազատներին
Մեծի Տանն Կիլիկիո կաթողիկոսարան

Ինչ վնասներ է հասցրել պայթյունը Մեծի Տանն Կիլիկիո կաթողիկոսարանին. լուսանկարներ

38
(Թարմացված է 10:23 05.08.2020)
Լուսանկարներում երևում է, թե հզոր պայթյունից հետո ինչ է կատարվել Մեծի Տանն Կիլիկիո կաթողիկոսությունում։

ԵՐԵՎԱՆ, 5 օգոստոսի – Sputnik. Լիբանանի մայրաքաղաք Բեյրութում տեղի ունեցած սարսափելի պայթյունի հետևանքով վնասվել է Մեծի Տանն Կիլիկիո կաթողիկոսարանը։

«Վնասվել են Անթիլիասի Մայր Տաճարի, Վեհարանի, հայագիտական և մանկավարժական կենտրոնների, ինչպես նաև «Կիլիկիա» թանգարանի դռները, պատուհանները, ջահերը»,- հայտնում է կաթողիկոսարանի մամուլի ծառայությունը։

Օգոստոսի 4-ին Բեյրութում հզոր պայթյուն է որոտացել նավահանգստի շրջանում։ Վերջին տվյալներով՝ պայթյունի հետևանքով 78 մարդ է մահացել, տուժածների թիվը հասել է 4 հազարի: Լիբանանի վարչապետ Հասան Դիաբը հանձնարարել է հետաքննել պայթյունի պատճառները և 48 ժամվա ընթացքում պատասխանատվության ենթարկել մեղավորներին:

Նշենք, որ պայթյունի հետևանքով քաղաքի կեսը տուժել է։ Հիվանդանոցները լեփ-լեցուն են տուժածներով։ Վնասվել են հայկական թաղամասերը, այդ թվում՝ Սուրբ Գևորգ հայկական եկեղեցին։ Հայտնի է նաև, որ վնասվել է Լիբանանում ՀՀ դեսպանության շենքը, իսկ զոհերի թվում է լիբանանյան «Քաթայիբ» կուսակցության գլխավոր քարտուղար Նիզար Նաջարյանը:

Լիբանանի պաշտպանության գերագույն խորհուրդը Բեյրութն աղետի գոտի է հայտարարել։

38
թեգերը:
պայթյուն, Բեյրութ, Լիբանան
թեմա:
Պայթյուն Բեյրութում
Ըստ թեմայի
«Ցնցված եմ». Փաշինյանը ցավակցել է Բեյրութի պայթյունից զոհվածների հարազատներին
Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին
Ամերիկացի գեներալները Բեյրութի պայթյունը հարձակում են որակել. Թրամփ
Բեյրութի պայթյունից հայ երիտասարդ բուժքույր է մահացել
Բեյրութի պայթյունից հետո շատ հայեր ուզում են տեղափոխվել Հայաստան. պատգամավոր
Արմեն Սարգսյան

«Խորապես ցնցված եմ». Արմեն Սարգսյանը ցավակցել է Լիբանանի նախագահին

4
(Թարմացված է 11:54 05.08.2020)
ՀՀ նախագահը զորակցություն է հայտնել Լիբանանի ժողովրդին և նշել, որ Հայաստանն այս ծանր պահին պատրաստ է աջակցել եղբայրական պետությանը։

ԵՐԵՎԱՆ, 5 օգոստոսի – Sputnik. Հայաստանի Հանրապետության նախագահ Արմեն Սարգսյանը ցավակցական հեռագիր է հղել Լիբանանի Հանրապետության նախագահ Միշել Աունին: Տեղեկությունը հայտնում է նախագահի մամուլի ծառայությունը։

«Խորապես ցնցված եմ Բեյրութում տեղի ունեցած պայթյունի լուրից: Այս ողբերգությունը խլեց բազում կյանքեր և դարձավ հսկայական ավերածությունների պատճառ: Իմ ցավակցությունն ու զորակցությունն եմ հայտնում Ձեզ և եղբայրական Լիբանանի ժողովրդին: Զոհվածների հարազատներին ու մերձավորներին մաղթում եմ տոկունություն և ոգու արիություն, իսկ վիրավորներին՝ շուտափույթ ապաքինում: Այս ծանր պահին պատրաստակամ ենք աջակցություն ցուցաբերել եղբայրական Լիբանանին»,-ասված է նախագահ Սարգսյանի հեռագրում:

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել։ Վերջին տվյալներով՝ պայթյունի հետևանքով տասնյակ մարդիկ են մահացել, ավելի քան 4 հազարը` տուժել: Մահացածների թվում 5 հայ կա`  լիբանանյան «Քաթայիբ» կուսակցության գլխավոր քարտուղար Նիզար Նաջարյանը, բուժքույր Ջեսիկա Բեզջյանը, Ժակ Բարամաքյանը, Ալինա Զաբրին և Դելիա Փափազյանը։

Լիբանանի վարչապետ Հասան Դիաբը կարգադրել է հետաքննել պայթյունի պատճառներն ու 48 ժամվա ընթացքում պատասխանատվության ենթարկել մեղավորներին։ Նախնական տեղեկություններով` պայթյունի պատճառը նավահանգստի պահեստներում պահվող 2700 տոննա ամոնիումի սելիտրան է եղել։

4
թեգերը:
պայթյուն, Բեյրութ, Արմեն Սարգսյան, Լիբանան, Հայաստան
թեմա:
Պայթյուն Բեյրութում
Ըստ թեմայի
«Ցնցված եմ». Փաշինյանը ցավակցել է Բեյրութի պայթյունից զոհվածների հարազատներին
Ուժգին պայթյունի հետևանքով Բեյրութում մեծ վնասներ է կրել հայկական Սուրբ Գևորգ եկեղեցին
Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին