Հրթիռ

Պատասխան «Իսկանդերին». ինչո՞վ են աշխարհին սպառնում ԱՄՆ նոր հրթիռները

207
(Թարմացված է 23:18 19.12.2019)
ՌԻԱ Նովոստիի վերլուծաբան Նիկոլայ Պրոտոպոպովն իր հոդվածում փաստարկներ է ներկայացնում այն մասին, որ ԱՄՆ–ն Միջին և փոքր հեռահարության հրթիռները ոչնչացնելու մասին պայմանագրից հրաժարվել է ավելի շուտ, քան հայտարարել է այդ մասին։

ԵՐԵՎԱՆ, 16 դեկտեմբերի – Sputnik. Դեռևս ոչ միջմայրցամաքային, բայց արդեն նաև ոչ տակտիկական. օրերս Կալիֆոռնիայի Վանդենբերգ ավիաբազայից փորձարկել են նոր բալիստիկ հրթիռի փորձանմուշը։ Շարժական ցամաքային սարքից գործարկված հրթիռն անցել է ավելի քան 500 կիլոմետր և ընկել Խաղաղ օվկիանոսը։ Ավիաբազայի ներկայացուցիչը ՌԻԱ Նովոստիին ասել է, որ դա միջին հեռահարության զենք է, որը դեռ մի քանի ամիս առաջ արգելքի տակ էր։

Անճոռնի ներկայացում

Միջին և փոքր հեռահարության հրթիռները ոչնչացնելու մասին պայմանագրի գործողությունը դադարել է օգոստոսի 2–ից` ԱՄՆ նախաձեռնությամբ։ ԱՄՆ–ն Ռուսաստանին մեղադրում է իր պայմանները խախտելու մեջ։ Վաշինգտոնը մասնակցությունը պայմանագրին ավելի վաղ է դադարեցրել` 2019թ.–ի մարտին։ Այդ ժամանակ ամերիկացիները հայտարարել են ցամաքային տեղակայման նոր հրթիռներ նախագծելու անհապաղ մեկնարկի մասին` միաժամանակ պարզաբանելով, որ համակարգը պատրաստ կլինի մի քանի տարի անց։

Սակայն առաջին նմուշը հայտնվել է մոտ 9 ամսից։ Դա առնվազն տարակուսանք է հարուցում։ Ամերիկյան կոնստրուկտորները, իհարկե, կարող էին ջանքեր գործադրել և արագացնել մշակումը, բայց ակնհայտ է, որ անհնար է նման ժամկետում զրոյից նախագծել, հավաքել և փորձարկել սպառազինության նոր տեսակի փորձնական նմուշ։

ԱՄՆ–ի կողմից ուժեղացող ճնշման ֆոնին Թուրքիան սկսել է թեստավորել С-400 -ի ռադարային սարքերը

Փորձագետները և քաղաքական գործիչները կարծում են, որ ամերիկացիները արգելված հրթիռների մշակմանը ձեռնամուխ են եղել մինչև պայմանագրից հրաժարվելը։ Փորձարկումներից անմիջապես հետո Չինաստանի ԱԳՆ–ն Պենտագոնի ղեկավար Մարկ Էսպերի բացատրությունն անվանել է «անճոռնի ներկայացում»։

«Այս տարվա օգոստոսի 2–ից, երբ ԱՄՆ–ը հայտարարել է Միջին և փոքր հեռահարության հրթիռները ոչնչացնելու մասին պայմանագրից դուրս գալու մասին, Պենտագոնը ցամաքային տեղակայման հրթիռների երկու փորձարկում է անցկացրել։ Էսպերը հպարտությամբ հաղորդել է, որ ԱՄՆ–ը փետրվարից պատրաստվել է այդ մեկնարկներին։ Խնդրում եմ ուշադրություն դարձնել. ԱՄՆ–ը պաշտոնապես տեղեկացրել է պայմանագրից դուրս գալու մասին միայն օգոստոսի 2–ին, իսկ պատրաստվել` փետրվարից։ Դա ևս մեկ անգամ հաստատում է մեր նախորդ գնահատականները, որ ԱՄՆ–ն նախօրոք պլանավորել է պայմանագրից դուրս գալը»,–ասել է Չինաստանի ԱԳՆ ներկայացուցիչը։

Միջին հեռահարություն

Իսկապես, օգոստոսին Պենտագոնն արդեն փորձարկել է թևավոր հրթիռը, որը խոցել է թիրախը ավելի քան 500 կիլոմետր հեռավորության վրա, ինչը հակասում է միջին և փոքր հեռահարության հրթիռները ոչնչացնելու մասին պայմանագրին։ Ռուսաստանի ԱԳՆ–ում այդ գործարկումները գնահատել են որպես ապացույց, որ ԱՄՆ–ն վաղուց և գիտակցված պատրաստվել է պայմանագիրը խզելուն։

Սաուդյան Արաբիան և Ռուսաստանը խիստ նեղացրել են նավթային փորձագետներին

«Այդ ընթացքում նման միջոցառումներ անցկացնելը գրեթե անհնար է, եթե դրանք նախօրոք չեն պատրաստվել։ Այսպիսով, մենք տեսանելի հաստատում ենք ստացել, որ պայմանագրից ԱՄՆ–ի դուրս գալու` ոչ միայն քաղաքական և քարոզչական, այլ նաև բարոյական, ռազմատեխնիկական նախապատրաստությունը Վաշինգոտնում անցկացվել է երկարատև ժամանակի ընթացքում»,–ասել են ԱԳՆ–ից։

«Իսկանդերի» անալոգը

Բացի դրանից, ամերիկացիները վաղուց մշակում են զենք, որը միջին և փոքր հեռահարության հրթիռները ոչնչացնելու մասին պայմանագրով դասակարգվում է որպես փոքր հեռահարության հրթիռ։ 2018թ.–ի շնորհանդեսի ժամանակ Պենտագոնը ներկայացրել է Precision Strike Missile (PrSM) օպերատիվ–մարտավարական հրթիռը` 70-499 կմ հեռահարությամբ։ Իրականում հրթիռը կարող է թիրախներ խոցել ավելի քան 700 կմ տարածության վրա։

«Թրամփը հասկանում է Ռուսաստանի հետ բարեկամություն անելու շահը». Լավրով

PrSM–ը նույնպես արդեն փորձարկել են։ Գործարկումը տեղի է ունեցել М142 HIMARS համազարկային կրակի ռեակտիվ համակարգից։ Հրթիռն անցել է 240 կիլոմետր և հաջողությամբ խոցել թիրախը։

PrSM–ը կարելի է անվանել ռուսական «Իսկանդեր-Մ» հրթիռային համալիրի անալոգ, որի բնութագրերն ԱՄՆ–ն օգտագործել է որպես հիմնական պատրվակ պայմանագրից դուրս գալու համար։ Վաշինգտոնը մեղադրել է Մոսկվային, որ 9М728 թևավոր հրթիռի ձևափոխված տարբերակը` 9М729 –ը, խախտում է պայմանագրի պահանջները. իբր նրա հեռավորությունը գերազանցում է թույլատրելի 500 կիլոմետրը։

Մոսկվայում հերքել են մեղադրանքները, իսկ Պաշտպանության նախարարությունը նույնիսկ բացահայտել է հրթիռի որոշ բնութագրեր։

Ռուսաստանը նույնիսկ գնացել է աննախադեպ քայլի և առաջարկել ԱՄՆ–ին փակ ռեժիմով ծանոթանալ 9М729–ին` համոզվելու համար, որ այն համապատասխանում է պայմանագրի պահանջներին։ Ամերիկացիները հրաժարվել են։

207
թեգերը:
Միջին և փոքր հեռահարության հրթիռների մասին պայմանագիր, հրթիռաշինություն, հրթիռակիր, Ռուսաստան, ԱՄՆ
Ըստ թեմայի
Ի՞նչ է կատարվում «Հյուսիսային հոսք-2»–ի վերջին հատվածում. ԱՄՆ–ն ուզում է տապալել նախագիծը
ԱՄՆ–ն պայքարում է ինտերնետի անկախության համար և հաղթում
ԱՄՆ–ն բորբոքում է կրքերը «Հյուսիսային հոսք 2»-ի պատճառով. Բունդեսթագը հետքայլ է անում
«Դեռ դաշնակիցներ ենք»․ Թուրքիան ԱՄՆ-ից Patriot է խնդրել ու պատասխանի է սպասում
Արխիվային լուսանկար

Իտալական ընկերությունը հերքել է Բաքվում «Հաղթանակի թանգարանի» կառուցմանը մասնակցելու լուրը

183
(Թարմացված է 21:54 18.04.2021)
Իտալական ճարտարապետական ընկերությունը հատուկ նամակ է հղել Վենետիկում Հայաստանի հյուպատոսությանը։

ԵՐԵՎԱՆ, 18 ապրիլի – Sputnik. Իտալիայի ճարտարապետական «120 grammi» ընկերությունը հերքել է իր մասնակցությունը Ադրբեջանում «Հաղթանակի թանգարանի» կառուցմանը, որտեղ ներկայացված են հայ զինվորները՝ նվաստացուցիչ կերպարներով: Facebook-ի իր էջում այս մասին տեղեկացրել է Վենետիկում ՀՀ պատվո հյուպատոսությունը։

Հատուկ հայտարարություն կլինի. Թաթոյանը` Ադրբեջանում բացված «պուրակի» մասին

«Անդրադառնալով Ադրբեջանում «Հաղթանակի թանգարանի» կառուցմանը «120 grammi» ճարտարապետական ընկերության 
ներգրավման մասին շրջանառվող լուրերին՝ հաստատում ենք, որ ստացել ենք այդ լուրի պաշտոնական հերքումը վերոհիշյալ ընկերության  կողմից: Հյուպատոսությանն ուղարկված հաղորդագրությունում «120 grammi» ճարտարապետական ընկերությունը վերահաստատում է, որ իրենք ոչ մի կերպ մասնակցություն չեն ունեցել այս նախագծին, որը հարուցել է Հայ համայնքի վրդովմունքը և ոչ միայն»,-նշված է հաղորդագրության մեջ:

Ավելի վաղ Ադրբեջանի նախագահը «Նոր հայացք դեպի Հարավային Կովկաս. զարգացում և համագործակցություն հետկոնֆլիկտային շրջանում» համաժողովին ունեցած իր ելույթում նշել էր, որ իտալական ընկերություններին արդեն հրավիրվել են մասնակցելու թանգարանների և ռազմական հուշահամալիրների կառուցման նախագծին:

Ադրբեջանում բացված «պուրակ-թանգարանը» նախատեսված է նաև երեխաների համար. ՀՀ ՄԻՊ-ի արձագանքը

183
թեգերը:
Իլհամ Ալիև, Պատերազմ, Թանգարան, Բաքու, Իտալիա
Ըստ թեմայի
Միջնորդները դռնից դուրս չեկան, կամ Ալիևը փոխե՞լ է վերաբերմունքը բանակցությունների հարցում
«Նրանք ունեն 10 000 դասալիք». Ալիևի հայտարարություններին արձագանքել է ՀՀ օմբուդսմանը
Ալիևը Լուկաշենկոյի միջոցով Երևանին առաջարկում էր փողով լուծել ղարաբաղյան հակամարտությունը
ԱԳՆ խոսնակ Աննա Նաղդալյանը պատասխանել է Ալիևի հայտարարություններին
Ալեքսանդր Լուկաշենկո. արխիվային լուսանկար

ԱՄՆ-ն հերքում է Լուկաշենկոյի սպանության և Բելառուսի հեղաշրջման ծրագրին իր մասնակցությունը

103
(Թարմացված է 20:50 18.04.2021)
Ընդվզման արդյունքում ձերբակալվածները ցանկացել են փոխել Բելառուսի սահմանադրական կարգը, լուծարել նախագահի պաշտոնը և երկրի ղեկավարումը հանձնել Ազգային հաշտեցման կոմիտեին։

ԵՐԵՎԱՆ, 18 ապրիլի – Sputnik. ԱՄՆ-ն հերքում է Բելառուսի նախագահ Ալեքսանդր Լուկաշենկոյի մահափորձին առնչություն ունենալը։ ՌԻԱ Նովոստիին այս մասին ասել է պետդեպարտամենտի ներկայացուցիչը։

«Մենք տեսել ենք ռուսական պետական ԶԼՄ-ների հաղորդագրությունները Ալեքսանդր Լուկաշենկոյի դեմ ենթադրյալ դավադրության մասին, ինչպես նաև հենց նրա հայտարարությունները։ Ցանկացած ենթադրություն, որ ԱՄՆ իշխանությունները կանգնած են եղել Լուկաշենկոյի մահափորձի հետևում կամ մասնակցել են դրան, բացարձակ սուտ է», - ասել է պետդեպարտամենտի ներկայացուցիչը։

Երեկ` ապրիլի 17–ին, Լուկաշենկոն հայտարարել է մի խումբ մարդկանց ձերբակալության մասին, որոնք մահափորձ են պատրաստել իր և իր երեխաների դեմ։ Բելառուսի Հանրապետության նախագահի տվյալներով՝ դրանում ներգրավված են ԱՄՆ-ի հատուկ ծառայությունները։ Ինչպես հաղորդել է Անվտանգության դաշնային բյուրոյի հանրային կապերի կենտրոնը, Մոսկվայում ձերբակալվել են ԱՄՆ-ի և Բելառուսի երկքաղաքացիություն ունեցող իրավաբան Յուրի Զենկովիչը և բելառուս քաղաքագետ Ալեքսանդր Ֆեդուտան, որոնք ռազմական հեղաշրջում են նախապատրաստել մայիսի 9-ին Մինսկում։

Բելառուսի Անվտանգության պետական կոմիտեի տվյալներով՝ այդ խմբի մեջ է մտել նաև ընդդիմության առաջնորդ Գրիգորի Կոստուսևը։ Նա ձերբակալվել է հանրապետության տարածքում։

Նշվել է, որ երկու ձերբակալվածները ծրագրել են ռազմական հեղաշրջում այդ երկրում գունավոր հեղափոխությունների մշակված սցենարով, ինչպես նաև նախագահ Ալեքսանդր Լուկաշենկոյին հեռացնելը։ Հատուկ ծառայությունների տվյալներով՝ նրանք ցանկացել են սպանել կամ համակենտրոնացման ճամբար ուղարկել բարձրաստիճան բելառուս պաշտոնյաներին։

ԱԴԲ-ում նշել են, որ նախազգուշացնող տեղեկությունները ստացել են բելառուս գործընկերներից։ Զենկովիչը և Ֆեդուտան մեսենջերով քննարկել են ընդվզումը, բայց ամեն դեպքում որոշել են Մոսկվայում հանդիպում կազմակերպել հանրապետության ընդդիմադիր գեներալների հետ։ Մայրաքաղաքի ռեստորաններից մեկում հայտարարել են, որ անհրաժեշտ է հեռացնել Բելառուսի բարձրագույն ղեկավարությանը, գրավել ռադիոն և հեռուստակենտրոնները, արգելափակել երկրի էներգահամակարգերը։ Զինված խռովության մեջ հատուկ դեր է հատկացվել պարտիզաններին, որոնք գտնվել են գաղտնի բազաներում։

Ո՞ր հետախուզության համար են աշխատում նրանք, ովքեր չեն համալրել ԱՄՆ–ի «սև ցուցակը»

Ընդվզման արդյունքում ձերբակալվածները ցանկացել են փոխել Բելառուսի սահմանադրական կարգը, լուծարել նախագահի պաշտոնը և երկրի ղեկավարումը հանձնել Ազգային հաշտեցման կոմիտեին։ ԱԴԲ-ին հայտնի է դարձել, որ նոր ռեժիմի օրոք Զենկովիչը պետք է համակարգեր խորհրդարանը, իսկ Ֆեդուտան՝ գաղափարախոսությունը։

Խռովությունը նախատեսվել էր մայիսի 9-ին։

Ավելի վաղ Լուկաշենկոն պատմել է իր և իր երեխաների դեմ մահափորձը կանխելու մասին, որում, նրա կարծիքով, ներգրավված են ամերիկյան իշխանությունները։ Նա շնորհակալություն է հայտնել ՌԴ նախագահ Վլադիմիր Պուտինին այդ նենգ պլանները ձախողելու հարցում օգնության համար։

Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները

103
թեգերը:
Ռուսաստան, մահափորձ, Ալեքսանդր Լուկաշենկո, ԱՄՆ
Ըստ թեմայի
Սերժ Սարգսյանը պատասխանել է Ալեքսանդր Լուկաշենկոյի հայտարարությանը
C-400–ներն ու մեծ քաղաքականությունը. կշահի՞ արդյոք Հայաստանը ԱՄՆ–Թուրքիա հակամարտությունից
ԱՄՆ-ն Աֆղանստանում ա՞յլ նպատակներ ունի
Քիմ և Քորթնի Քարդաշյան. արխիվային լուսանկար

«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ

0
Քիմ Քարդաշյանը գրել է, որ Քորթնին միշտ գիտի, թե ինչ է ուզում այս կյանքում։

ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։

«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։

Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։

Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։

Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։

«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»

0
թեգերը:
Ծննդյան օր, Քորթնի Քարդաշյան, Քիմ Քարդաշյան
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Արմենչիկ և ոչ միայն. Քորթնի Քարդաշյանը գաղտնազերծել է իր հայկական «փլեյլիստը»
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Քիմ և Քորթնի Քարդաշյանները գովազդում են ռուս գործարարի ստարտափը