Հալեպի հայկական եկեղեցին

«Երջանկություն է»․ Հալեպի վերակառուցված հայկական եկեղեցում մատուցվել է առաջին պատարագը

111
(Թարմացված է 16:03 15.12.2019)
Ահաբեկիչները չորս տարի առաջ պայթեցրել էին Հալեպի հայկական եկեղեցին։ Այժմ եկեղեցին վերակառուցվել է։

ԵՐԵՎԱՆ, 15 դեկտեմբերի — Sputnik. Սիրիայի Հալեպ քաղաքի «Քառասուն նահատակների» հայկական եկեղեցում յոթ տարվա ընթացքում առաջին անգամ մատուցվել է պատարագ, հաղորդում է ՌԻԱ Նովոստին։

XV դարում կառուցված եկեղեցին պայթեցրել էին «Իսլամական պետության» գրոհայինները 2015թ-ի ապրիլին։ Պայթյունի հետևանքով քանդվել էր շենքի մոտ 70 տոկոսը։

Քաղաքը գրոհայիններից ազատ արձակելուց հետո սկսվել են վերականգնման աշխատանքները, որոնք ֆինանսավորել է Հալեպի հայ համայնքը։ Եկեղեցին 2019թ-ի մարտին օծել է Մեծի տանն Կիլիկիո կաթողիկոս Արամ Առաջինը։

«Այս եկեղեցին հատուկ տեղ է զբաղեցնում մեր սրտերում։ Այն, ինչ տեղի է ունեցել այսօր, իսկական երջանկություն է մեզ համար», - լրագրողներին ասել է Հալեպի բնակիչ Լառան։

Պայթյուն Հալեպում. ռուսաստանցի զինծառայողներ են տուժել

Տեղի հայուհիներից մեկը՝ Թագուհի Սահակյանը, պատմել է, որ այդ եկեղեցում ծառայել են իր ամուսինն ու կնքվել են իրենց երեխաները։

Հայաստանը կշարունակի մարդասիրական օգնություն ցուցաբերել Սիրիայի ժողովրդին. Փաշինյան

Սիրիայի հայ համայնքը համարվում էր աշխարհի ամենահզոր համայնքներից մեկը և շուրջ 110 հազար մարդ էր ընդգրկում իր կազմում։ Սիրիական ճգնաժամից հետո, տարբեր գնահատականների համաձայն, ավելի քան 90 հազար հայ լքել է Սիրիան։ Սիրիայի Հալեպ քաղաքում շուրջ 60 հազար հայ էր բնակվում:

111
թեգերը:
Եկեղեցի, պատարագ, Հալեպ, Սիրիա
Ըստ թեմայի
Նույն թուրքն անմխիթար վիճակում է թողել մեր հազարավոր եկեղեցիները. հայոց թեմը վրդովված է
Հայ բժիշկը Սիրիայում փրկել է ծննդկանի ու նորածնի կյանքը
«Այժմ ավելի հանգիստ է». ինչպես են հայ սակրավորները օգնում Հալեպի բնակիչներին
Ռազմաբազաների զինում. ԱՄՆ–ն բեռնատարներ է ուղարկել Սիրիա