Սերժ Թանկյան

«Շնորհակալ եմ` նախնիներիս հիշատակը հարգելու համար». Սերժ Թանկյան

134
(Թարմացված է 09:58 13.12.2019)
Հայտնի ամերիկահայ երաժիշտի կարծիքով` ամերիկյան սենատորները հարգանք են ցուցաբերել հայ ժողովրդի պատմության նկատմամբ։

ԵՐԵՎԱՆ, 13 դեկտեմբերի — Sputnik. System of a Down հայտնի ռոք խմբի մենակատար Սերժ Թանկյանը շնորհակալություն է հայտնել բոլոր նրանց, ովքեր առնչություն ունեն ԱՄՆ սենատի կողմից Հայոց ցեղասպանության բանաձևի ընդունման հետ։ Այս մասին նա գրել է Instagram–ի իր էջում։

Հինգշաբթի ԱՄՆ Սենատում կայացավ S.Res.150 բանաձևի քվեարկությունը։ Հայոց ցեղասպանության ճանաչման մասին բանաձևն ընդունվեց միաձայն։

«Սենատը միաձայն ընդունեց Հայոց ցեղասպանության ճանաչման մասին բանաձևը։ Ուզում եմ շնորհակալություն հայտնել բոլոր նրանց, ովքեր պայքարում էին փաստաթղթի ընդունման համար։ Սա պատմական օր է ԱՄՆ Սենատի համար։ Շնորհակալ եմ բոլորին նախնիներիս հիշատակը հարգելու համար», – նշել է նա։

Սենատորն արտասվել է Ցեղասպանության բանաձևի համար շնորհակալություն հայտնելիս. տեսանյութ

Հիշեցնենք` ԱՄՆ Սենատն երեկ` դեկտեմբերի 12–ին, միաձայն ընդունեց Հայոց ցեղասպանության ճանաչման բանաձևը։ Այն 4-րդ անգամ ներկայացրել էին սենատորներ Ռոբերտ Մենենդեսն ու Թեդ Քրուզը։

Շնորհակալություն ենք հայտնում Մենենդեսին, Քրուզին և Սենատի բոլոր անդամներին. Մնացականյան

Հայոց ցեղասպանության մասին բանաձևը (S.Res.150) սահմանում է հրաժարվել Հայոց ցեղասպանությունը ժխտելուց, ԱՄՆ–ի կառավարության կողմից պաշտոնապես ճանաչել Հայոց ցեղասպանությունը և հարգել Ցեղասպանության զոհերի հիշատակը, իրազեկել Հայոց ցեղասպանության մասին` ապագայում նման հանցագործությունները կանխելու նպատակով։

134
թեգերը:
ԱՄՆ սենատ, Հայոց ցեղասպանություն, Սերժ Թանկյան
թեմա:
Հայոց ցեղասպանություն (239)
Ըստ թեմայի
Սենատն ամենայն հավանականությամբ կընդունի Հայոց ցեղասպանության ճանաչման բանաձևը. սենատոր
«Թուրքիայի քիթը տրորեցին». Պոզները` ցեղասպանության ճանաչման վերաբերյալ ԱՄՆ քայլերի մասին
«Իրականում». Ցեղասպանության բանաձևը ԱՄՆ-ի ու Թուրքիայի միջև պատնեշ է դառնում
Թուրքիայի նախագահ

Էրդողանը դատի է տվել ֆրանսիական «Charlie Hebdo» երգիծական ամսագրին

46
(Թարմացված է 17:15 28.10.2020)
Թուրքիայի նախագահ Ռեջեփ Թայիփ Էրդողանի անունից հայց է ներկայացրել նրա փաստաբան Հուսեյն Այդինը։

ԵՐԵՎԱՆ, 28 հոկտեմբերի - Sputnik. Թուրքիայի նախագահ Ռեջեփ Թայիփ Էրդողանը ֆրանսիական «Charlie Hebdo» երգիծական ամսագրին դատի է տվել ծաղրանկարի համար, որը նա վիրավորական է համարել։ Տեղեկությունը հայտնում է ՌԻԱ Նովոստին՝ հղում անելով TRT հեռուստաալիքին։

Ծաղրանկարը կհայտնվի Փարիզի և Անկարայի հարաբերությունների ճգնաժամի ֆոնին։ «Charlie Hebdo-ի շապիկի մակետը, որը վաճառքի կհանվի չորեքշաբթի, հրապարակվել է երգիծական ամսագրի Twitter-յան էջում: Ծաղրանկարում Էրդողանը կիսամերկ նստած է բազկաթոռին։ Նրա մի ձեռքում խմիչք է, իսկ մյուսով բարձրացնում է կնոջ զգեստը։ Ծաղրանկարի տակ գրված է. «Անձնական կյանքում Էրդողանը լավ էլ ցանցառի մեկն է»` նկատի ունենալով, որ թուրքական ղեկավարի` իսլամի և հավատքի մասին ասածը զուտ խոսքեր են։

Էրդողանը, մեկնաբանելով ծաղրանկարը, հայտարարել է, որ իսլամի թշնամիները, որոնք իր ծաղրանկարը հրապարակել են «Charlie Hebdo»-ում, խեղդվելու են ատելության և թշնամանքի ճահճում:

Հեռուստաալիքը նշում է, որ նրա փաստաբան Հուսեյն Այդինը ամսագրի ղեկավարության դեմ հայց է ներկայացրել Անկարայի դատախազություն։ Նրա հայտարարության մեջ ասվում է, որ ամսագրի հրապարակումը չի համապատասխանում լրագրության բարոյական և էթիկական սկզբունքներին, «խոսքի ազատություն» հասկացությանը, ինչպես նաև խախտում է թուրք առաջնորդի պատիվն ու արժանապատվությունը:

Ֆրանսիայի և Թուրքիայի հարաբերությունները հերթական անգամ սրվեցին Փարիզի արվարձանում տեղի ունեցած ողբերգության ֆոնին, երբ մի ծայրահեղական սպանել էր դպրոցի ուսուցչին։ Մեկնաբանելով Փարիզի արվարձանում տեղի ունեցած ողբերգությունը ՝ Ֆրանսիայի նախագահ Էմանուել Մակրոնը հայտարարեց, որ Ֆրանսիայում իսլամը պետք է ազատվի օտարերկրյա ազդեցությունից, երկրում պետք է ուժեղացվի մզկիթների ֆինանսավորման վերահսկողությունը։

Դրան ի պատասխան Էրդողանը հայտարարեց, որ իր ֆրանսիացի գործընկերը պետք է հոգեբույժի մոտ գնա։ Թուրքիայի նախագահի խոսքերից հետո Ֆրանսիան խորհրդակցությունների համար Անկարայից հետ կանչեց իր դեսպանին։ Դրան հաջորդեց Էրդողանի կոչը, նա իր երկրի քաղաքացիներին հորդորեց հրաժարվել ֆրանսիական ապրանքներ գնելուց։

Էրդողանի հայտարարությունը Մակրոնի հասցեին անընդունելի է Եվրամիության համար. Ժոզեպ Բորել

46
թեգերը:
ծաղրանկար, Ռեջեփ Թայիփ Էրդողան, Թուրքիա
Ըստ թեմայի
Մակրոնը քնում ու արթնանում է իմ մասին մտածելով` նա ստուգվելու կարիք ունի. Էրդողան
Էրդողանի տնտեսական նկրտումները. Արցախը չի տեղավորվում թուրքական գազային խողովակներում
«Բա ո՞ւմ եք սպասում». Էրդողանն ամերիկյան պատժամիջոցներից չի վախենում

Ստեփանակերտի ծննդատունը ադրբեջանական հրետակոծությունից հետո

94
(Թարմացված է 17:32 28.10.2020)
  • Ստեփանակերտի ծննդատունը ադրբեջանական հրետակոծությունից հետո
  • Ստեփանակերտի ծննդատունը ադրբեջանական հրետակոծությունից հետո
  • Ստեփանակերտի ծննդատունը ադրբեջանական հրետակոծությունից հետո
  • Ստեփանակերտի ծննդատունը ադրբեջանական հրետակոծությունից հետո
  • Ստեփանակերտի ծննդատունը ադրբեջանական հրետակոծությունից հետո
  • Ստեփանակերտի ծննդատունը ադրբեջանական հրետակոծությունից հետո
  • Ստեփանակերտի ծննդատունը ադրբեջանական հրետակոծությունից հետո
  • Ստեփանակերտի ծննդատունը ադրբեջանական հրետակոծությունից հետո
  • Ստեփանակերտի ծննդատունը ադրբեջանական հրետակոծությունից հետո
  • Ստեփանակերտի ծննդատունը ադրբեջանական հրետակոծությունից հետո
  • Ստեփանակերտի ծննդատունը ադրբեջանական հրետակոծությունից հետո
  • Ստեփանակերտի ծննդատունը ադրբեջանական հրետակոծությունից հետո
  • Ստեփանակերտի ծննդատունը ադրբեջանական հրետակոծությունից հետո
  • Ստեփանակերտի ծննդատունը ադրբեջանական հրետակոծությունից հետո
Լուսանկարներում երևում են թշնամու թիրախի տակ հայտնված ծննդատան փլված պատերը, քարուքանդ եղած առաստաղները, կոտրված ապակիները...

Ադրբեջանի զինված ուժերն այսօր ռազմական ավիացիայի կիրառմամբ ռմբակոծել են Ստեփանակերտի մոր և մանկան առողջության պահպանման կենտրոնը։

Հակառակորդի թիրախավորված հարձակման հետևանքով ծննդատունն ամբողջովին ավերվել է։ Քանդված պատեր, փլված առաստաղներ, կոտրված ապակիներ. լուսանկարներն ավելի քան խոսուն են։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1068 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 223 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 618 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

94
թեգերը:
Լուսանկար, Ստեփանակերտ, Ադրբեջան, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Թշնամու հերթական խոցված անօդաչուն. ՊԲ–ն լուսանկար է հրապարակել
Հայերի ցավը ռուս լուսանկարչի աչքերով
Հայտնի նկարի հերոս Ալբերտի հայրն անձնական մեքենան նվիրում է բանակին. լուսանկարներ
Հումանիտար օգնություն

Ռազմական դրության ժամանակ պետությունը կօգնի իրեն աջակցող գործարարներին

0
(Թարմացված է 17:35 28.10.2020)
ՊԵԿ-ը մանրամասնել է, թե ինչ կարգով և որ դեպքում են Հայաստանին ու Արցախին աջակցություն տրամադրող գործարարներն ազատվում հարկային պարտավորությունից:

ԵՐԵՎԱՆ, 28 հոկտեմբերի – Sputnik. Պատերազմի օրերին հաղթանակի շուրջ համախմբված անհատներն ու կազմակերպությունները Հայաստան օժանդակություն ուղարկելիս կարող են չմտածել հարկեր վճարելու մասին: ՀՀ պետեկամուտների կոմիտեն հիշեցնում է, որ հոկտեմբերի 23-ից ուժի մեջ է մտել «Ռազմական դրության ժամանակահատվածում հարկային արտոնություններ սահմանելու մասին» օրենքը, որով սահմանված արտոնությունները վերաբերելու են սեպտեմբերի 27-ից հետո կատարված աջակցություններին:

Ըստ օրենքի`նվիրատվությունը պետք է կատարվի 5 գերատեսչություններից որևէ մեկին` պաշտպանության, արտակարգ իրավիճակների, տարածքային կառավարման և ենթակառուցվածքների, բարձր տեխնոլոգիական արդյունաբերության կամ առողջապահության նախարարությանը, և վերաբերում է Եվրասիական տնտեսական միությունից կատարված ներկրումներին: Իսկ երրորդ երկրներից ներմուծումների պարագայում արդեն վաղուց հարկային արտոնություն է գործում՝ հրաժարում հօգուտ պետությանը ընթացակարգի դեպքում:

Որպեսզի արտոնությունը կիրառվի, ԵԱՏՄ միասնական օրենսդրության պահանջով պետք է, այնուամենայնիվ, ներկայացնել ներմուծման հարկային հայտարարագիր և անուղղակի հարկերը վճարված լինելու վերաբերյալ հայտարարություն: Կազմակերպությունները, անհատ ձեռնարկատերերը և նոտարները պետք է նաև հաշվարկային փաստաթղթեր դուրս գրեն ստացող նախարարություններին, որոնք էլ պետք է վավերացնեն փաստաթուղթը:

Պատերազմի պատճառով հանրության ֆինանսական վարքագծում խուճապային տրամադրություն չկա

Ֆիզիկական անձանց դեպքում արտոնությունից օգտվելու կարգն այլ է: Եթե ռազմական դրության օրերին անձը սահմանված չափաքանակներից շատ ապրանք ներմուծի Հայաստան և նվիրաբերի պետությանը, ապա այդ գերազանցող մասի համար ստիպված չի լինի հարկեր վճարել:

Հարկային արտոնության մյուս խումբը վերաբերում է պարտադիր դրոշմավորման ենթակա ապրանքներին: Օրինակ` շշալցված և հանքային ջրերը կամ այլ ապրանքատեսակներ այս օրերին հնարավոր է պետությանն անհատույց օտարել` առանց պիտակավորման:

Պետությանն անհատույց տրամադրելու դեպքում հարկերից ազատվող ապրանքների ցանկը սահմանված է կառավարության որոշմամբ:

0
թեգերը:
հարկեր, գործարար, Պետական եկամուտների կոմիտե (ՊԵԿ), Հայաստան
Ըստ թեմայի
Ինչո՞ւ են որոշ ապրանքներ թանկացել, ու ինչ անել առանց թուրքական արտադրանքի
Պատերազմն ու կորոնավիրուսն ազդել են. տնտեսական ակտիվության ցուցանիշը նվազել է 7.5%–ով
Պատերազմ գնացողները գումարը հանում ու թողնում են ընտանիքի անդամներին. ավանդները նվազել են