ԵՐԵՎԱՆ, 12 դեկտեմբերի – Sputnik. Դեմոկրատ սենատոր Ռոբերտ Մենենդեսը՝ Հայոց ցեղասպանության բանաձևի հեղինակներից մեկը, շատ էմոցիոնալ է արձագանքել քվեարկությանը և շնորհակալական խոսքի ավարտին չի կարողացել զսպել արցունքները։
«Ես շնորհակալ եմ, որ բանաձևն ընդունվել է, քանի դեռ Ցեղասպանության որոշ ականատեսներ ողջ են և հասցրին սա տեսնել»,- ասել է նա:
Այնուհետև սենատորի ձայնը դողացել է ու «դավաճանել» նրան։ Մենենդեսը երկար դադար է վերցրել ելույթը վերսկսելուց առաջ, բայց այլևս չի կարողացել հանգիստ խոսել:
Շնորհակալություն ենք հայտնում Մենենդեսին, Քրուզին և Սենատի բոլոր անդամներին. Մնացականյան
Վերջին խոսքերը նա արտաբերել է արտասվելով.
«Եվ մենք դեռ կհամոզվենք, որ սա արժեքավոր որոշում էր»,- ասել է նա:
Հիշեցնենք` ԱՄՆ Սենատն այսօր միաձայն ընդունեց Հայոց ցեղասպանության ճանաչման բանաձևը։ Այն 4-րդ անգամ ներկայացրել էին սենատորներ Ռոբերտ Մենենդեսն ու Թեդ Քրուզը։
Փաշինյանը շնորհակալություն հայտնեց Ցեղասպանության բանաձևին կողմ քվեարկած կոնգրեսականներին
Հայոց ցեղասպանության մասին բանաձևը (S.Res.150) սահմանում է հրաժարվել Հայոց ցեղասպանությունը ժխտելուց, ԱՄՆ–ի կառավարության կողմից պաշտոնապես ճանաչել Հայոց ցեղասպանությունը և հարգել Ցեղասպանության զոհերի հիշատակը, իրազեկել Հայոց ցեղասպանության մասին` ապագայում նման հանցագործությունները կանխելու նպատակով։
