ԱՄՆ սենատ

«Առողջ դատողությունը սպառվել է». ԱՄՆ սենատի համար Ռուսաստանն «ահաբեկչության հովանավոր» է

74
(Թարմացված է 14:55 12.12.2019)
ԱՄՆ սենատը պետդեպին կոչ է արել Ռուսաստանը ներառել «ահաբեկչությունը հովանավորող» երկրների ցանկում։ Ինչո՞ւ է սենատորը հիմա այդ կոչով դիմել` Sputnik ռադիոկայանի եթերում պարզաբանել է փորձագետ Վլադիմիր Օլենչենկոն։

ԵՐԵՎԱՆ, 12 դեկտեմբերի — Sputnik. Ամերիկյան սենատորները Ռուսաստանին «ահաբեկչության հովանավոր» են համարում, այս մասին գրված է ԱՄՆ սենատի միջազգային կոմիտեի հաստատած օրինագծում։ Այդ ձևակերպումը պաշտոնապես ճանաչելու մասին որոշումը պետք է ընդունի պետքարտուղարը, հայտնում է ՌԻԱ Նովոստին` հղում անելով կոմիտեի մամուլի ծառայությանը։

Փաստաթուղթը սահմանում է, որ պետդեպի ղեկավարը, այն ուժի մեջ մտնելուց հետո 90 օրվա ընթացքում, պետք է այդ հարցի վերաբերյալ եզրակացություն տա Կոնգրեսի համապատասխան կոմիտեներին։ Նույն ժամկետներում նա պետք է կողմնորոշվի` արդյոք Ռուսաստանը վերահսկում է զինված խմբավորումները Դոնբասում և արդյոք դրանք ինքնահռչակ ԼԺՀ–ի և ԴԺՀ–ի զինված խմբավորումների հետ մտնում են «օտարերկրյա ահաբեկչական կազմակերպություններ» հասկացության տակ։

Ներկա պահին պետդեպի «ահաբեկչության հովանավորների» ցանկում են Իրանը, Հյուսիսային Կորեան, Սիրիան և Սուդանը։

Անցած շաբաթ ԱՄՆ պետքարտուղարի տեղակալ Դևիդ Հեյլը նշել էր, որ պետդեպը Ռուսաստանին ահաբեկչության հովանավոր չի համարում։ Ռուսաստանը, ըստ նրա, ինքն է ահաբեկչական հարձակումների զոհ։

«Թրամփը հասկանում է Ռուսաստանի հետ բարեկամություն անելու շահը». Լավրով

Պրիմակովի անվան Համաշխարհային տնտեսության և միջազգային հարաբերությունների ինստիտուտի եվրոպական հետազոտությունների կենտրոնի ավագ գիտաշխատող Վլադիմիր Օլենչենկոն կարծում է, որ պատահական չէ, որ այդ հարցը հենց այսօր է դրվել։

Սենատն ամենայն հավանականությամբ կընդունի Հայոց ցեղասպանության ճանաչման բանաձևը. սենատոր

«Հավանաբար, դեմոկրատների և հանրապետականների դիմակայումն ամենաանսպասելի, էքստրավագանտ հանգուցալուծումն է ստանում, սպառվել է առողջ դատողության ողջ ներուժը։ Հավանաբար, մտահոգության տեղիք է տվել Թրամփ-Լավրով հանդիպումը, քանի որ զրույցը կոնստրուկտիվ բնույթ է կրել և ցույց տվել, որ անհաղթահարելի խոչընդոտներ չկան։ Հետևաբար, դա մտահոգել է Թրամփի հակառակորդներին։ Առավել ևս, որ հաջորդ տարի ԱՄՆ–ում նախագահական ընտրություններ են կայանալու։

Եվ ահա միտք է հղացել Ռուսաստանին վերագրել ահաբեկչության աջակցումը։ Պարզվում է` առողջ դատողությունը բացարձակ չի համադրվում ամերիկյան ներկայիս քաղաքականության հետ», – Sputnik ռադիոկայանի եթերում ասել է Վլադիմիր Օլենչենկոն։

74
թեգերը:
Ահաբեկչություն, ԱՄՆ սենատ, Ամերիկայի Միացյալ Նահանգներ, Ռուսաստան
Ըստ թեմայի
Ի՞նչ է կատարվում «Հյուսիսային հոսք-2»–ի վերջին հատվածում. ԱՄՆ–ն ուզում է տապալել նախագիծը
ԱՄՆ–ն պայքարում է ինտերնետի անկախության համար և հաղթում
«Արդեն չեն կարողանում կանգ առնել». փորձագետը` ԱՄՆ–ի հրահրած «վիզային պատերազմի» մասին
Ջերմաչափ

Ինչու պետք չէ վախենալ 37 աստիճան ջերմությունից. բժիշկը հետաքրքիր մանրամասներ է ներկայացրել

2
(Թարմացված է 21:41 19.09.2020)
37 աստիճան ջերմությունը դեռ բժիշկին դիմելու առիթ չէ։ Իսկ եթե այն պահպանվում է մի քանի օր շարունակ, արդեն մտահոգվելու առիթ է կա։

ԵՐԵՎԱՆ, 20 սեպտեմբերի – Sputnik. Երբ մարմնի ջերմաստիճանը բարձրանում է մինչև 37 և ավելի աստիճան միշտ չէ, որ դա վկայում հիվանդության մասին. Sputnik ռադիոկայանի եթերում ասել է ՌԴ բժշկական գիտությունների դոկտոր Անդրեյ Պրոդեուսը։

Ընդունված է համարել, որ 37 աստիճանից բարձր ջերմության դեպքում մարդը հիվանդ է։ Բժիշկի խոսքով` սա փոքր–ինչ պարզունակ մոտեցում է, որն այդքան էլ կոռեկտ չէ։

Ըստ նրա, նույնիսկ եթե ջերմաչափին տեսնում եք 37 աստիճան, սակայն դուք ձեզ լավ եք զգում, խուճապի մատնվելու կարիք չկա։

«Նման ջերմաստիճանն ինքնին վտանգավոր չէ։ Առավել կարևոր է մարդու ինքնազգացողությունը։ Եթե առկա են  թունավորման ախտանշաններ, մարդն իրեն լավ չի զգում, նույնիսկ եթե նա, պայմանականորեն նորմալ ջերմություն ունի։ 37.1 ջերմաստիճանը, որը նորմալ սարքով ջերմաչափվել է թևատակից, մտահոգություն չպետք է առաջացնի», – վստահեցրել է մասնագետը։

Նա նշել է, որ նման ջերմաստիճանը միշտ չէ, որ վկայում է հիվանդության մասին։

«Մարդու մարմնի նորմալ ջերմաստիճանը տատանվում է 36.2-37.2 աստիճանի սահմաններում։ Առավելագույն ջերմաստիճանը լինում է 20:00, նվազագույնը` 03:00, երբ քնած ենք։ Սրանք թևատակի մակերեսի ջերմաստիճաններն են, քանի որ մարդու ջերմություն հասկացությունը հարաբերական է և կախված է, թե որ մասից են ջերմաչափում։

Նուբար Աֆեյանի ընկերությունը Covid 19-ի դեմ պատվաստանյութի 20 միլիոն դեղաչափ կարտադրի

Ջերմաչափել կարելի է նաև բերանի խոռոչում, հետանցքում և այլն։ Իսկ եթե խոսում ենք 36,2-37,2 աստիճանի նորմալ ջերմության մասին, ապա դա թևատակի ջերմաչափման դեպքում է», – պարզաբանել է Պրոդեուսը։

Միևնույն ժամանակ բժիշկը նշել է, որ 37 աստիճանից բարձր ջերմությունը չպետք է հաճախակի երևույթ լինի։  Եթե այդպիսի ջերմությունը երկար է պահպանվում, անհրաժեշտ է խորհրդակցել բժիշկի հետ։

2
թեգերը:
բժիշկ, հիվանդություն, հիվանդ, ջերմաչափ, կորոնավիրուս
Ըստ թեմայի
Ռուսաստանից ժամանած հայ բժիշկը փրկել է էպիլեպսիայով հիվանդ երեխային
Ռուսաստանցի բժիշկը հայտնել է համավարակը վերջնական հաղթահարելու հավանական ժամկետները
Ինչպես օգտագործել խնձորը, որ ավելի օգտակար լինի․ բժիշկների բացահայտումը
Ալեքսանդր Գինցբուրգը

Կորոնավիրուսի պատվաստանյութը կարո՞ղ է պաշտպանել գրիպից. պատասխանում է մասնագետը

47
(Թարմացված է 21:36 19.09.2020)
Հատկապես աշունն ակտիվ գրիպային սեզոն է, այնպես որ, հետաքրքրիր է`արդյոք կորոնավիրուսի դեմ պատվաստումը կօգնի գրիպին։

ԵՐԵՎԱՆ, 20 սեպտեմբերի — Sputnik. Կորոնավիրուսի դեմ պատվաստանյութը չի կարող պաշտպանել նաև սեզոնային գրիպներից։ Տեղեկությունը ՌԻԱ Նովոստիի հետ զրույցում հայտնել է Գամալեայի կենտրոնի տնօրեն Ալեքսանդր Գինցբուրգը:

«Ոչ, չի կարող»,- հստակ նշել է Գինցբուրգը ՝ պատասխանելով հարցին, թե կորոնավիրուսի դեմ պատվաստանյութը կարո՞ղ է պաշտպանել նաև գրիպից:

ՌԴ առողջապահության նախարարությունը ավելի վաղ տեղեկացրել էր, որ այս տարի բնակչության շրջանում ակտիվություն է նկատվում գրիպի դեմ պատվաստումներում և հորդորել էր դեռ չպատվաստվածներին պատվաստվել ու պաշտպանել իրենց և իրենց հարազատներին գրիպից:

Ռուսաստանի առողջապահության նախարարությունը օգոստոսին գրանցել է COVID-19-ի կանխարգելման համար աշխարհում առաջին պատվաստանյութը, որը մշակվել է Գամալեայի անվան ինստիտուտի կողմից և արտադրվում է Ուղղակի ներդրումների ռուսական հիմնադրամի հետ համատեղ:

Նուբար Աֆեյանի ընկերությունը Covid 19-ի դեմ պատվաստանյութի 20 միլիոն դեղաչափ կարտադրի

47
թեգերը:
գրիպ, պատվաստանյութ, պատվաստումներ, կորոնավիրուս
թեմա:
Կորոնավիրուսը աշխարհում
Ըստ թեմայի
ԱԺ–ն կուսումնասիրի կորոնավիրուսի դեմ կառավարության պայքարի արդյունավետությունը
Խցանված Երևանն ու դիմակավոր ուղևորները. ինչպե՞ս փրկել կորոնավիրուսից փրկվածներին
Կորոնավիրուսի թվերն ավելանում են. վարչապետն անհանգստացած է