Թինա Կանդելակի

Կանդելակին պրոդյուսեր Դավիթ Քոչարովի հետ կստեղծի Netflix–ի ռուսական անալոգը

204
Հայ- ռուս-վրացական միությունը մտադիր է ուրախացնել իր հանդիսատեսին` ներկայացնելով աստղերի մասնակցությամբ լիամետրաժ ֆիլմեր և սերիալներ։

ԵՐԵՎԱՆ, 6 դեկտեմբերի — Sputnik. Հայ-վրացական արմատներ ունեցող հայտնի ռուսաստանցի հաղորդավարուհի Թինա Կանդելակին «ivi» առցանց կինոթատրոնի գլխավոր տնօրեն Օլեգ Տումանովի և առցանց կինոթատրոնի պրոդյուսեր Դավիթ Քոչարովի հետ մտադիր են Netflix–ի ռուսական անալոգ ստեղծել։

Հայկական հումորը ռուսական մշակույթի մաս է դարձել, իսկ որտե՞ղ է Վրաստանը. Թինա Կանդելակի

Ռուսական խոշորագույն «ivi» առցանց կինոթատրոնի համար սերիալների ստեղծմամբ զբաղվող «Carbon Production» ընկերության գործարկման մասին Կանդելակին հայտնել է իր պաշտոնական Telegram ալիքով։

«Դավիթ Քոչարովը, ձեր խոնարհ ծառան և Օլեգ Տումանովը։ Ահա այսպիսի տեսք ունի Carbon Production–ի ապագայի նկատմամբ վստահ հայացքը, և միևնույն ժամանակ, հայացք այնպիսի կոնտենտ ստեղծելու հեռանկարին, որը հավասարապես պահանջված կլինի և՛ մեզ մոտ, և՛ արտասահմանում», – սոցցանցում հրապարակած լուսանկարին կից գրել է Կանդելակին։

«17 տարեկանում ամբողջ Թբիլիսին դեմքով գիտեր ինձ». Կանդելակին անկեղծացել է. տեսանյութ

Կանդելակին համոզված է, որ Դավիթ Քոչարովի հետ համագործակցությունն ավելի լուրջ արդյունքներ կտա։ Հեռուստահաղորդավարը մտադիր է ստեղծել հասարակությանը հուզող և սուր թեմաներ արծարծող սերիալներ, միևնույն ժամանակ նոր տաղանդներ բացահայտել։

Կինոգործիչները մտադիր են նաև իրենց հանդիսատեսին ուրախացնել աստղերի մասնակցությամբ լիամետրաժ ֆիլմերով։

204
թեգերը:
ֆիլմ, սերիալ, մուլտֆիլմ, Թինա Կանդելակի, Վրաստանի Հանրապետություն, Ռուսաստան
Ըստ թեմայի
Վրաստանի ղեկավարությունը պետք է ներողություն խնդրի. Թինա Կանդելակին` սկանդալի մասին
Մարգարիտա Սիմոնյանը հայտնել է նորածին դստեր անունը
Տիգրան Քեոսայանն ու Մարգարիտա Սիմոնյանը «Զարթիր, լաո» են երգում. վերադարձ դեպի արմատներ