ԵՐԵՎԱՆ, 2 դեկտեմբերի — Sputnik. Երկրորդ ժամկետին իր թեկնածությունն առաջադրած ԱՄՆ նախագահ Դոնալդ Թրամփի նախընտրական շտաբը որոշել է մերժել Bloomberg News խոշորագույն լրատվական գործակալության լրագրողների հավատարմագրումը` այդ քայլը բացատրելով տվյալ ԶԼՄ–ի կանխակալ լինելով, փոխանցում է ՌԻԱ Նովոստին։
Bloomberg. Հայաստանը ամենաառողջ երկրների ցանկում 79-րդ տեղում է
Bloomberg News գործակալության սեփականատեր, միլիարդատեր Մայքլ Բլումբերգը անցած հանգստյան օրերին Թրափի հետ նախընտրական մրցապայքարի մեջ է մտել, սակայն քաղաքական գործչի վարկանիշը դեռ զգալիորեն զիջում է մրցակցի վարկանիշին։
Թրամփի շտաբը Bloomberg News գործակալության ներկայացուցիչներին այլևս չի հավատարմագրելու հանրահավաքներին և այլ միջոցառումներին, քանի որ գործակալությունը հրաժարվել է իր սեփականատիրոջ գործունեության հետ կապված հետաքննություն անցկացնել։
Bloomberg. Արցախը համալրել է անկախության համար մղվող խոշոր հակամարտությունների հնգյակը
«Թրամփի շտաբի այս քաղաքականությունն անփոփոխ է, քանի դեռ Bloomberg News–ն իր որոշումը չի փոխել»,–գրված է հայտարարության մեջ։
ԱՄՆ նախագահի ընտրությունները կկայանան 2020 թվականի նոյեմբերի 3-ին։
