Նիկոլ Փաշինյան, Վլադիմիր Պուտին. արխիվային լուսանկար

Պեսկովը խոսել է Ռոբերտ Քոչարյանի և Պուտին–Փաշինյան հարաբերությունների մասին

1199
(Թարմացված է 13:06 28.11.2019)
ՌԴ նախագահի մամուլի քարտուղարն ասել է, որ Հայաստանի և Ռուսաստանի հարաբերությունները նորմալ զարգանում են, ինչպես և պետք է լինի երկու երկրների դեպքում։

ԵՐԵՎԱՆ, 28 նոյեմբերի — Sputnik. ՌԴ նախագահ Վլադիմիր Պուտինն ու ՀՀ 2–րդ նախագահ Ռոբերտ Քոչարյանն ընկերական հարաբերություններ ունեն, իսկ ՀՀ վարչապետ Նիկոլ Փաշինյանի հետ շփումը կառուցողական է։ Այս մասին Բիշքեկում Sputnik Արմենիայի հետ զրույցում ասաց Պուտինի մամուլի քարտուղար Դմիտրի Պեսկովը։

«Ձեզ մեկ բան կարող եմ ասել` վերջին այցի ժամանակ Պուտինը հանդիպել էր Քոչարյանի տիկնոջը` Բելլա Քոչարյանին։ Նրանք կապը պահպանում են։ Պուտինն ու Քոչարյանն ընկերական հարաբերություններ ունեն»,–ասաց ՌԴ նախագահի մամուլի քարտուղարը։

Դմիտրի Պեսկովը չմեկնաբանեց Քոչարյանին կալանավորելու փաստը։ Նա նշեց նաև, որ Հայաստանում տեղի ունեցած իշխանափոխությունից հետո բավական ժամանակ է անցել, և հայ–ռուսական հարաբերություններում դադարը լրացվել է։

Փաշինյանը «գաղտնազերծել» է Պուտինի հետ գազի սակագնի մասին բանակցությունների մանրամասները

Բացի այդ, Պեսկովի խոսքով` Փաշինյանը հաճախ է շփվում ՌԴ նախագահի հետ։ «Փաշինյանն ու Պուտինն աշխատանքային կառուցողական հարաբերություններ են ստեղծել։ Այդ հարաբերությունները հիանալիորեն զարգանում են, ինչպես և դա պետք է լիներ մեր երկու երկրների միջև»,–ասաց նա։

Պեսկովը հավելեց նաև, որ 2020–ին Փաշինյանի` ՌԴ պաշտոնական այցի շուրջ աշխատանքներ են տարվում, դեռ հստակ ժամկետներ չկան, սակայն դա շատ արագ կարող է կազմակերպվել։

Լավրովն արձանագրեց Արցախի ժողովրդի իրավունքը. Փաշինյանը մեկնաբանել է ՌԴ ԱԳ նախարարի խոսքը

Հիշեցնենք, որ հոկտեմբերի 2–ին Եվրասիական տնտեսական բարձրագույն խորհրդի նիստին մասնակցելու նպատակով ՀՀ-ում գտնվող ՌԴ նախագահ Վլադիմիր Պուտինն իր աշխատանքային այցի ավարտին ՀՀ-ում ՌԴ դեսպանատանը հանդիպել էր Քոչարյանի տիկնոջը` Բելլա Քոչարյանին։

1199
թեգերը:
Դմիտրի Պեսկով, Ռոբերտ Քոչարյան, Բելլա Քոչարյան, Նիկոլ Փաշինյան, Հայաստան, Ռուսաստան, Վլադիմիր Պուտին
թեմա:
Հայաստան-Ռուսաստան համագործակցություն (163)
Ըստ թեմայի
Հայ բիզնեսը ՌԴ առևտրային ցանցերում խնդիրներ չունի. Երևանում մեկնարկել է ԵԱՏՄ համաժողովը
Հայ վարորդները քննությո՞ւն կհանձնեն Ռուսաստանում. մեկնաբանում է Ռուսաստանի օմբուդսմանը
Բադալյան. «ՌԴ պետական տարածքում ՌԴ նախագահը աջակցել է ՀՀ երկրորդ նախագահին»
Սուրբ Սոֆիայի տաճար

Սպառնալիք է քրիստոնեական աշխարհի համար. Կիրիլ Առաջինը դեմ է Թուրքիայի ծրագրերին

2
(Թարմացված է 13:46 06.07.2020)
Մոսկվայի և Համայն Ռուսիո Կիրիլ Ա Պատրիարքը Սուրբ Սոֆիայի տաճարի վերաբերյալ հայտարարություն է արել։

ԵՐԵՎԱՆ, 6 հուլիսի — Sputnik. Մոսկվայի և Համայն Ռուսիո պատրիարք Կիրիլ Առաջինին խիստ մտահոգել են Սուրբ Սոֆիայի տաճարի վերաբերյալ հայտարարությունները։

Հայտնի է, որ Թուրքիայի նախագահ Ռեջեփ Թայիփ Էրդողանն իր օգնականերին հանձնարարել է ուսումնասիրություն անցկացնել Սուրբ Սոֆիայի տաճարը մզկիթի վերածելու գործընթացը սկսելու համար։

Պատրիարքի հայտարարության մեջ նշված է, որ Սուրբ Սոֆիայի տաճարը քրիստոնեական մշակույթի մեծագույն հուշարձաններից է, որը կառուցվել է VI դարում Քրիստոս Փրկիչի պատվին։ Նա ընդգծել է, որ այդ տաճարը մեծ նշանակություն ունի ամբողջ ուղղափառ աշխարհի համար։

«Սուրբ Սոֆիայի սպառնալիքը քրիստոնեական ողջ քաղաքակրթության համար է սպառնալիք, այսինքն՝ մեր հոգևորականության ու պատմության համար։ Մինչև օրս էլ յուրաքանչյուր ռուս ուղղափառի համար Սուրբ Սոֆիան քրիստոնեական մեծ սրբավայր է», - նշված է Մոսկվայի Պատրիարքարանի պաշտոնական կայքում հրապարակված հաղորդագրության մեջ։

Հոգևոր առաջնորդը վստահ է, որ ցանկացած քաղաքակիրթ պետության պարտքն է պահպանել հավասարակշռությունը, հաշտեցնել հասարակության շրջանում եղած հակասությունները, ոչ թե սրել դրանք, նպաստել մարդկանց միավորմանը, ոչ թե բաժանմանը։

Նրա խոսքով՝ Թուրքիայի ու Ռուսաստանի հարաբերությունները դինամիկ զարգանում են, բայց պետք է հաշվի առնել, որ այն, ինչ կարող է կատարվել Սուրբ Սոֆիայի հետ, մեծ ցավ կլինի ռուս ժողովրդի համար։

Պատրիարքը հուսով է, որ Թուրքիայի ղեկավարությունը խոհեմ կգտնվի։

Թուրքիայում ավերում են հայկական կոթողները, իսկ ի՞նչ է անում թուրքական իշխանությունը

Հիշեցնենք՝ հուլիսի 2-ին Թուրքիայի բարձրագույն վարչական խորհուրդը՝ Պետխորհուրդը, քննել է Սուրբ Սոֆիայի կարգավիճակը փոխելու և այն մզկիթի վերածելու հարցը։ Պետխորհուրդը կարծում է, որ տաճարի կարգավիճակը փոխելու համար նախագահի հրամանագիրը բավարար է։ Որոշումը կհրապարակվի 15 օրվա ընթացքում։

Ֆրանսիայի ու ԱՄՆ-ի արտաքին գործերի գերատեսչություններն արդեն կոչ են արել Թուրքիային հրաժարվել Սուրբ Սոֆիայի տաճարը մզկիթի վերածելու գաղափարից։

Հայերի ստեղծած գլուխգործոցները Թուրքիայում. ինչի՞ մասին զբոսաշրջիկներին չեն պատմում

2
թեգերը:
Մոսկվայի և Համայն Ռուսիո պատրիարք Կիրիլ Ա, Սուրբ Սոֆիայի տաճար, Թուրքիա, Ռուսաստան
Ըստ թեմայի
Պոմպեոսի ժամանակների քաղաքը. ովքե՞ր հայտնի դարձրեցին Շապին Գարահիսարը
Մշակութային վանդալիզմ. թուրք երգչուհին երգում է Անիի Մայր տաճարում. տեսանյութ
Ինչպես Ուդի Երվանդը ԱՄՆ-ից վերադարձավ ու սկսեց հայկական երգը տարածել Արևմտյան Հայաստանում
Մերիլին Մոնրո. արխիվային լուսանկար

Ինչպես է Մոնրոյի կորցրած թաշկինակը Փարիզի թատրոնը փրկել կորոնավիրուսի պատճառով սննկանալուց

8
(Թարմացված է 13:16 06.07.2020)
1960 թվականին՝ մահանալուց երկու տարի առաջ, Մոնրոն փղոսկրի գույնի ժանյակներով մետաքսե թաշկինակը մոռացել է Նյու Յորքի Waldorf Astoria հյուրանոցի զուգարանում։

ԵՐԵՎԱՆ, 6 հուլիսի – Sputnik.  Մերիլին Մոնրոյի մոռացկոտությունը սնանկությունից փրկել է Փարիզի La Comédie-Italienne իտալական կոմեդիայի թատրոնը։ Տեղեկությունը հայտնում է Le Figaro ֆրանսիական պարբերականը։

Կորոնավիրուսի համավարակի հետևանքով թատրոնը սնանկության եզրին էր հայտնվել։ Պարտքերը մարելու ու դերասանների աշխատավարձը վճարելու համար թատրոնի սեփականատեր ու ռեժիսոր Ատիլիո Մագիլին ստիպված վաճառել է լեգենդար դերասանուհու թաշկինակը։  

Платок Мерилин Монро
© Photo :
Մերիլին Մոնրոյի թաշկինակը

Բանն այն է, որ 1960 թվականին՝ մահանալուց երկու տարի առաջ, Մոնրոն փղոսկրի գույնի ժանյակներով մետաքսե թաշկինակը մոռացել է Նյու Յորքի Waldorf Astoria հյուրանոցի զուգարանում։ Հետո թաշկինակը հայտնվել է հայտնի նկարիչ Էնդի Ուորհոլի մոտ, որն այն նվիրել է հավաքածուատեր Լեո Կաստելիին, վերջինս էլ իր հերթին` Անտիլիո Մագիլիին։

View this post on Instagram

A post shared by Lucio Italy (@travellucius) on

Վերջին տարիների ընթացքում թաշկինակը ցուցադրվում էր փարիզյան թատրոնի ճեմասրահում ու որպես թալիսման էր պահվում։ Մասնավոր հավաքածուատերը գնել է այն 300 հազար եվրոյով։

La Comédie-Italienne թատրոնը Փարիզում միակն է, որը դել արտե ոճի կատակերգություններ է բեմադրում։ Այն հիմնվել է 1974 թվականին։

«Այդ Մոնրոն ինձ կաթվածի հասցրեց», - ասաց դերասան Կլարկ Գեյբլն ու մահացավ

Մերիլին Մոնրոն ամերիկացի դերասանուհի էր, 1950-ականների սեքս-խորհրդանիշ, երգչուհի ու մոդել։ Նա ամերիկյան ու ամբողջ համաշխարհային կինեմատոգրաֆի կարևորագույն կերպարներից է դարձել։ Հայտնի է «Նիագարա», «Ջենտլմենները նախընտրում են շիկահերներին», «Ջազում միայն աղջիկներ են» ֆիլմերով։

8
թեգերը:
թաշկինակ, կորոնավիրուս, Թատրոն, Մերիլին Մոնրո
թեմա:
Կորոնավիրուսը Չինաստանում և աշխարհում
Ըստ թեմայի
«Միակ բանը, որն ինձ անհանգստացնում է...». ինչպե՞ս են ապրում հղիները կարանտինի մեջ
Ինչ է պետք անել կորոնավիրուսի դեմն առնելու համար. վարակաբանության պրոֆեսորի կարծիքը
Ինչ է փոխել ՀՀ քաղաքացիների կյանքում արտակարգ դրությունը