Սմարթֆոն

Վայրկյանը մեկ` նոր սմարթֆոն․ չինական ընկերությունը նոր գործարան է բացում

142
(Թարմացված է 21:46 21.11.2019)
Xiaomi ընկերության նոր գործարանում կիրառվելու են նորագույն տեխնոլոգիաները, շինարարությունն արդեն ընթացքի մեջ է։

ԵՐԵՎԱՆ, 21 նոյեմբերի – Sputnik. Xiaomi չինական ընկերությունը տեղեկացրել է, որ կառուցում է առաջադեմ 5G գործարան, որը վայրկյանում մեկ սմարթֆոն կթողարկի։ 3Dnews-ը տեղեկացնում է, որ ընկերությունն այս մասին հայտարարել է Պեկինում կայացած «2019 World 5G Convention» միջոցառման ժամանակ։

Հայտարարության համաձայն՝ ինովացիոն ձեռնարկությունն արդեն կառուցվում է։ Այն գտնվելու է Պեկինի տնտեսական և տեխնոլոգիական զարգացման գոտու տարածքում։

Նոր գործարանում Xiaomi-ն օգտագործելու է գերժամանակակից տեխնոլոգիաներ` 5-րդ սերնդի կապի ցանցեր, ավտոմատացված արտադրողական գծեր, համակարգեր՝ հիմնված հսկայական տվյալների վերլուծության վրա և այլն։

Սկզբում ձեռնարկությունում կարտադրվի տարեկան 1 մլն սմարթֆոն։ Իսկ արդեն ապագայում արտադրության արագությունը կհասնի վայրկյանում մեկ սմարթֆոնի։ Այս ցուցանիշը 60 տոկոսով բարձր է ավանդական գործարաններից։

Սովորական «ծալովի» հեռախոսն այլևս սովորական չէ. Motorola–ն ցուցադրել է իր նոր սարքը

Xiaomi կորպորացիան ակտիվորեն զարգացնելու է 5G սմարթֆոնների արտադրությունը։ Մյուս տարի բոլոր բջջային հեռախոսները, որոնց արժեքը կգերազանցի 300 դոլարը, կաշխատեն 5-րդ սերնդի ցանցում։

Իսկ 2020 թվականին ընկերությունը մտադիր է թողարկել 5G սմարթֆոնների մոտավորապես 10 սերիա։

Ռուսական ընկերությունը հիմա էլ ականջակալներն է ոսկով պատել

142
թեգերը:
սմարթֆոն, Xiaomi ընկերություն, Չինաստան
թեմա:
Տեխնիկա և նորարարություններ (170)
Ըստ թեմայի
Արհեստական բանականությունն արդեն խոսում է Վլադիմիր Պուտինի ձայնով․ տեսանյութ
Փոքրիկ ռոբոտիկը քայլում ու թռչկոտում է մարդու պես. տեսանյութ
Հաքերները 60 հազար դոլար են ստացել Amazon–ի արտադրանքը կոտրելու համար
Վլադիմիր Պուտին

ՌԴ–ն ու ԱՄՆ-ն պայմանավորվել են երկարացնել պայմանագիրը. Պուտինն ու Բայդենը զրուցել են

56
(Թարմացված է 23:59 26.01.2021)
Զրույցի ընթացքում քննարկվել են կորոնավիրուսի համավարակի դեմ պայքարի, ինչպես նաև այլ ոլորտներում, այդ թվում ՝ առևտրատնտեսական համագործակցության հնարավորությունները:

ԵՐԵՎԱՆ, 26 հունվարի - Sputnik. Ռուսաստանի նախագահ Վլադիմիր Պուտինն այսօր հեռախոսազրույց է ունեցել ԱՄՆ նախագահ Ջո Բայդենի հետ։ Տեղեկությունը հայտնում է Կրեմլի մամուլի ծառայությունը։

Պուտինը Ջո Բայդենին շնորհավորել է ԱՄՆ նախագահի պաշտոնը ստանձնելու կապակցությամբ:

«Վլադիմիր Պուտինը նշել է, որ Ռուսաստանի և ԱՄՆ–ի հարաբերությունների կարգավորումը կհամապատասխաներ երկու երկրների և ողջ միջազգային հանրության շահերին` հաշվի առնելով աշխարհում անվտանգության և կայունության պահպանման համար իրենց երկրների հատուկ պատասխանատվությունը», – ասված է հաղորդագրության մեջ:

Ռուսաստանի և ԱՄՆ-ի ղեկավարները պայմանավորվել են երկարաձգել Ռազմավարական հարձակողական սպառազինությունների մասին պայմանագիրը։

«Նախագահները գոհունակություն են հայտնել Ռազմավարական հարձակողական սպառազինությունների կրճատման մասին պայմանագրի երկարաձգման շուրջ պայմանավորվածության հասնելու վերաբերյալ այսօր դիվանագիտական նոտաների փոխանակման կապակցությամբ», - ասված է հաղորդագրության մեջ:

«Հարվածենք ռուսների խոցելի տեղին»․ ի՞նչ կա ՆԱՏՕ-ի մտքին

Զրույցի ընթացքում քննարկվել են կորոնավիրուսի համավարակի դեմ պայքարի, ինչպես նաև այլ ոլորտներում, այդ թվում ՝ առևտրատնտեսական համագործակցության հնարավորությունները:

Քննարկվել են նաև երկկողմ և միջազգային օրակարգի հրատապ հարցեր:

56
թեգերը:
Ջո Բայդեն, Վլադիմիր Պուտին, Ռուսաստան, ԱՄՆ
Ըստ թեմայի
«Չի կարելի ժամանակ կորցնել». Բայդենն առաջին գրառումն է արել ԱՄՆ նախագահի Twitter-յան էջում
Բայդենը չեղարկել է Թրամփի հրամանները
Բայդենն ասել է, որ Թրամփը «մեծահոգի» գրություն է թողել
Դավիթ Զալկալիանի

Վրաստանի արտգործնախարարը վարակվել է կորոնավիրուսով

6
(Թարմացված է 23:27 26.01.2021)
Ընդամենը օրեր առաջ` հունվարի 22-ին, Զալկալիանին հանդիպում էր ունեցել ՀՀ ԱԳՆ ղեկավար Արա Այվազյանի հետ։

ԵՐԵՎԱՆ, 26 հունվարի - Sputnik. Վրաստանի արտաքին գործերի նախարար Դավիթ Զալկալիանին վարակվել է կորոնավիրուսով։ Տեղեկությունը հայտնում է Sputnik Գրուզիան` հղում անելով Զալկալիանիի Facebook-յան էջին։

«Վարակվածների հետ շփումից հետո ես հունվարի 23-ից անցել եմ ինքնամեկուսացման։ Թեստ եմ հանձնել, ինձ մոտ կորոնավիրուսը հաստատվել է», - գրել է Զալկալիանին։

Վրաստանի արտգործնախարարը նշել է, որ հիվանդությունն ընթանում է թեթև ձևով, բուժումը ստանում է տանը։

«Կաթվածաբեր» պատվաստանյութը. Հայաստանը պատրաստվո՞ւմ է կորոնավիրուսի դեմ պայքարել Pfizer–ով

Հիշեցնենք` ընդամենը օրեր առաջ` հունվարի 22-ին, Զալկալիանին հանդիպում էր ունեցել ՀՀ ԱԳՆ ղեկավար Արա Այվազյանի հետ։

138 նոր դեպք, 5 մահ` մեկ օրում. կորոնավիրուսային հիվանդության ընթացքը Հայաստանում

6
թեգերը:
կորոնավիրուս, Վրաստանի Հանրապետություն
թեմա:
Կորոնավիրուսը աշխարհում
Ըստ թեմայի
Էրդողանը պատվաստվել է կորոնավիրուսի դեմ
Հայաստանում ովքեր ու երբ առաջնահերթ կպատվաստվեն կորոնավիրուսի դեմ. ԱՆ-ն տեղեկացնում է
Նիդեռլանդներում կորոնավիրուսային միջոցառումների դեմ բողոքի հետևանքները` լուսանկարներում
Ձնապատ ճանապարհ, արխիվային լուսանկար

Հայաստանի ո՞ր ճանապարհներն են փակ. վերջին տվյալներ

0
(Թարմացված է 00:18 27.01.2021)
Ստեփանծմինդա-Լարս ավտոճանապարհը բաց է , բայց ռուսական կողմում հարյուրավոր բեռնատարներ են կուտակված։

ԵՐԵՎԱՆ, 27 հունվարի – Sputnik. ՀՀ արտակարգ իրավիճակների նախարարությունը տեղեկացնում է, որ ժամը 00։00-ի դրությամբ ՀՀ տարածքում կան փակ և դժվարանցանելի ավտոճանապարհներ։

«Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները: Վարդենյաց լեռնանցքը և Սյունիքի մարզի Գորիս-Սիսիան ավտոճանապարհը դժվարանցանելի է կցորդիչով բեռնատարների համար»,– նշված է հաղորդագրության մեջ։

Վայոց Ձորի մարզի Ջերմուկ-Սարավան-«Զանգեր» և Սյունիքի մարզի բոլոր ավտոճանապարհներին տեղ-տեղ առկա է մերկասառույց։

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար․ ռուսական կողմում կա մոտ 600 կուտակված բեռնատար ավտոմեքենա:

Գազի բալոններով մեքենաների վարորդներին նոր «փորձություն» է սպասում

ՀՀ ԱԳՆ-ից ստացված տեղեկատվության համաձայն՝ օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Արգելքը չի վերաբերում բեռնափոխադրումներին:

Վարորդներին խորհուրդ է տրվում երթևեկել բացառապես ձմեռային անվադողերով։

Կոտայքում ավտոմեքենան ընկել է կամրջից. վարորդը հիվանդանոցում մահացել է

0
թեգերը:
վարորդ, Ճանապարհ, Հայաստան
Ըստ թեմայի
Վարորդների նկատմամբ տուգանային միավորներ չեն կիրառվի մինչև 2022-ի հուլիսի 1-ը
Քանի՞ վարորդ է 2020 թվականին 6 ամսով զրկվել մեքենա վարելու իրավունքից. «Հայկական ժամանակ»
Վթար Երևանում. «Infinity»–ի վարորդն ու ուղևորը 15 տարեկան են