NASA –ի տիեզերագնաց

Ռուսաստանը չպետք է ներքաշվի ԱՄՆ–ի տիեզերական սպառազինության մրցավազքում

79
(Թարմացված է 10:06 21.11.2019)
ՆԱՏՕ–ում մտադիր են տիեզերքն իրենց գործունեության ոլորտ ճանաչել։ Այդ քայլի հետևանքների և Ռուսաստանի հավանական պատասխանի մասին Sputnik ռադիոյի եթերում պատմել է Պաշտպանության գծով պետդումայի կոմիտեի նախագահի տեղակալ Յուրի Շվիտկինը։

ԵՐԵՎԱՆ, 20 նոյեմբերի – Sputnik. ՆԱՏՕ–ի գլխավոր քարտուղար Յենս Ստոլտենբերգը տեղեկացրել է, որ Հյուսիսատլանտյան դաշինքը ծրագրում է տիեզերական տարածքն իր գործունեության ոլորտներից մեկը հայտարարել։

Համապատասխան հայտարարությունը հնչել է Բրյուսելում կայացած ասուլիսում` ՆԱՏՕ–ի անդամ–երկրների պաշտպանական գերատեսչությունների ղեկավարների հանդիպումից առաջ։ Ելույթի հեռարձակումը հրապարակվել է Twitter–ում։

Դաշինքի ղեկավարի կարծիքով` տիեզերական տարածքն օպերատիվ ոլորտ ճանաչելը կօգնի կապի միջոցների, նավիգացիայի և վաղաժամ իրազեկման համակարգի զարգացմանը։ Միևնույն ժամանակ նա ընդգծել է, որ հարձակողական զենքի տեղակայում տիեզերքում չի նախատեսվում։

Դաշինքի ղեկավարության նման հայտարարությունները իրականությանը չեն համապատասխանում, Sputnik ռադիոյի եթերում նշել է Պաշտպանության գծով պետդումայի կոմիտեի նախագահի տեղակալ Յուրի Շվիտկինը։

«Ստոլտենբերգի հայտարարությունը տարակուսանք է առաջացնում և ակնհայտ ագրեսիվ, դեստրուկտիվ գործողություններ ենթադրում այլ պետությունների նկատմամբ... Դաշինքը` որպես ռազմական կազմակերպություն, տիեզերքի ռազմականացում է ենթադրում, և ՆԱՏՕ–ի երկրները բազմաթիվ փորձեր են ձեռնարկելու։ Իմ կարծիքով` դա կարող է միջազգային հանրությանը աղետի հանգեցնել», – իր կարծիքն է հայտնել Շվիտկինը։

Ի՞նչ խնդիր են լուծում ռուսական «Պանցիրն» ու «Իսկանդերը». հայ-սերբական ընդհանրություններ

Նրա խոսքով` Ռուսաստանը պետք է համապատասխան ջանքեր գործադրի` թույլ չտալու համար, որ ՆԱՏՕ–ն ռազմականացնի տիեզերքը։

«Պատասխանը պետք է լինի հայելային, բայց միևնույն ժամանակ չպետք է թույլ տա մեր երկրին ներքաշել տիեզերքում սպառազինության մրցավազքի մեջ», – ասել է Շվիտկինը։

Ֆրանսիայի նախագահ Էմանուել Մակրոնը նոյեմբերի սկզբին Economist ամսագրին տված հարցազրույցում հայտարարել էր, որ Հյուսիսատլանտյան դաշինքն «ամբողջությամբ կորցրել է հավասարակշռությունը դաշնակիցների միջև, ինչը կարելի է բնութագրել որպես «ուղեղի մահ»»։

Այս արտահայտությունը քննադատել էր ինչպես Յենս Ստոլտենբերգը, այնպես էլ ԳԴՀ կանցլեր Անգելա Մերկելը։ Նրանք հայտարարել էին, որ համաձայն չեն Մակրոնի` ՆԱՏՕ–ի վերաբերյալ կտրուկ գնահատականների հետ։

Ավելի վաղ Sputnik ռադիոկայանը հայտնել էր, որ Ռուսաստանը մասնակցում է միջին և փոքր հեռահարության հրթիռների մշակմանը` որպես հայելային պատասխան ԱՄՆ գործողություններին։

Միևնույն ժամանակ հրթիռային ոլորտում գլոբալ առումով կանխատեսելիություն պահպանելու համար Ռուսաստանը ոչ մի վայրում չի տեղակայի ցամաքային միջին և փոքր հեռահարության հրթիռներն այնքան ժամանակ, մինչև դրանք չհայտնվեն այս կամ այն տարածաշրջանում։

Տանկեր, Սիրիա և ՀԱՊԿ. հայ–ռուսական գործընկերության ժամանակակից միտումները

79
թեգերը:
Ռուսաստան, ԱՄՆ, տիեզերք, ՆԱՏՕ
Կորոնավիրուս

Բժիշկը զգուշացրել է` կորոնավիրուսի «դելտա» շտամի դեպքում հիվանդությունը երկար է տևում

58
(Թարմացված է 20:55 30.07.2021)
Գորելովը կարևորել է հիվանդությունից պաշտպանվելու համար COVID-19-ի պատվաստումները ժամանակին անցնելը:

ԵՐԵՎԱՆ, 31 հուլիսի – Sputnik. COVID-19 հիվանդության տևողությունը դելտա շտամի դեպքում ավելի երկար է, իսկ ինկուբացիոն շրջանը, ընդհակառակը՝ կարճ։ ՌԻԱ Նովոստիիհետ զրույցում տեղեկությունը հայտնել է «Ռոսպոտրեբնադզորի» համաճարակաբանության կենտրոնական ինստիտուտի գիտական աշխատանքի գծով փոխտնօրեն, ՌԳԱ թղթակից անդամ Ալեքսանդր Գորելովը:

 «Իսկապես, դելտա շտամի գենոտիպը բնութագրվում է վիրուսի արագ տարածմամբ ու հիվանդության ավելի ծանր ընթացքով։ Նոր շտամի ինկուբացիոն շրջանն ավելի կարճ է, իսկ հիվանդության տևողությունը, ընդհակառակը` ավելի երկար, քանի որ վարակն ավելի ծանր է ընթանում», — ասել է Գորելովը։

Դրա հետ մեկտեղ նա նշել է, որ, նաև այլ շտամերով վարակվելու դեպքում, հիվանդության ծանրությունը հիմնականում որոշվում է վիրուսային ծանրաբեռնվածությամբ, որը մարդը ստացել է վարակման ժամանակ ու վարակվելու ժամանակ մարդու իմունիտետի վիճակով:

Գորելովը նաև կարևորել է հիվանդությունից պաշտպանվելու համար COVID-19-ի պատվաստումները ժամանակին անցնելը:

58
թեգերը:
բժիշկ, կորոնավիրուս
թեմա:
Կորոնավիրուսը աշխարհում
Ըստ թեմայի
Քանի՞ մարդ է Հայաստանում պատվաստվել Covid-19-ի դեմ. նախարարությունը թվեր է հրապարակել
Երևանի հասարարական տրանսպորտում կարող են COVID-ը սպանող սարքեր հայտնվել
Կորոնավիրուսի պատճառով վերաբացվել է Միքայելյան հիվանդանոցի Covid բաժանմունքը
Դրվահ Հովհաննես Բաչկովի և Ջավիդ Չալաբիևի մենամարտից

Հովհաննես Բաչկովը Տոկիո-2020-ում փայլուն հաղթանակ տարավ ադրբեջանցու նկատմամբ

304
(Թարմացված է 08:55 31.07.2021)
Հովհաննես Բաչկովը մտավ մտավ Տոկիո-2020 32–րդ օլիմպիական խաղերի քառորդ եզրափակիչ։

ԵՐԵՎԱՆ, 31 հուլիսի – Sputnik. Հայաստանի օլիմպիական հավաքականի անդամ, Եվրոպական խաղերի չեմպիոն, 63 կգ քաշային Հովհաննես Բաչկովը Տոկիո-2020-ի բռնցքամարտի մրցաշարի 1/8 եզրափակիչում մենամարտեց ադրբեջանցի Ջավիդ Չալաբիևի հետ և փայլուն հաղթանակ տարավ։

Մրցավարների որոշեցին 4-1 հաշիվ, և մեր բռնցքամարտիկը դուրս եկավ Օլիմպիադայի բռնցքամարտի մրցաշարի քառորդ եզրափակիչ։

Այստեղ արդեն Բաչկովը կմենամարտի Ուզբեկստանի ներկայացուցիչ Էլնուր Աբդուրալինովի հետ։ Քառորդ եզրափակիչի մենամարտը կկայանա օգոստոսի 3-ին։

Նշենք, որ Ջավիդ Չալաբիևը 2013 թվականի աշխարհի չեմպիոն է: Նա նախկինում հանդես է եկել 56 կգ քաշային կարգում և 2016 թվականի օլիմպիական խաղերի վարկանիշային մրցաշարում Սամսունում հաղթել է Արամ Ավագյանին։

ՀՀ նախագահը Տոկիոյում անձամբ է շնորհավորել Հովհաննես Բաչկովին. լուսանկարներ

Հիշեցնենք՝ Հովհաննես Բաչկովը տպավորիչ հաղթանակով մեկնարկեց Տոկիոյում ընթացող օլիմպիական խաղերում։

Հայ բռնցքամարտիկը հսկայական առավելությամբ պարտության մատնեց Անտիգուան ներկայացնող Ռայան Ալստոնին։

Տոկիոյի 32–րդ օլիմպիական խաղերը մեկնարկել են հուլիսի 23–ին և կավարտվեն օգոստոսի 7–ին։

«Վաղը նավթ չենք վաճառելու, այլ...». ՀՀ նախագահը պատմել է` ում հետ ինչ է խոսել Տոկիոյում

Օլիմպիական խաղերն անցկացվում են մեկ տարի ուշացումով կորոնավիրուսի համավարակի պատճառով:

Օլիմպիադային կմասնակցի 206 երկրի 12500 մարզիկ։ Նրանք կմրցեն 33 մարզաձևում՝ պայքարելով 339 մեդալի համար։

Սպորտային այս տոնին Հայաստանը ներկայացնում են 17 մարզիկներ 8 մարզաձևերում:

Օլիմպիական հավաքական. ովքեր կներկայացնեն Հայաստանը Տոկիոյում

304
թեգերը:
Հովհաննես Բաչկով, ադրբեջանցի, Տոկիո, Օլիմպիական խաղեր, օլիմպիադա
Ըստ թեմայի
Վարսենիկ Մանուչարյանն ավարտեց ելույթը Տոկիո-2020–ում
Ինչպես Արման Դարչինյանը Տոկիոյում հաղթեց եվրոպական խաղերի փոխչեմպիոնին. լուսանկարներ
Արման Դարչինյանը հաղթեց Տոկիոյում ու դուրս եկավ քառորդ եզրափակիչ
Сурик Хачатрян

Լիսկայի տունը խուզարկել են. Սյունիքի նախկին և ներկա մարզպետների որդիները հետախուզվում են

7
(Թարմացված է 10:39 31.07.2021)
Սյունիքի մարզպետ Մելիքսեթ Պողոսյանի որդուն Գորիսի կրակոցների դեպքով փնտրում են ու փնտրում, իսկ հայրը շարունակում է մարզպետ աշխատել։

ԵՐԵՎԱՆ, 31 հուլիսի – Sputnik. Գորիսի կրակոցների գործով իրավապահները խուզարկել են Սյունիքի նախկին մարզպետ Սուրիկ Խաչատրյանի տունը: Այս մասին գրում է «Ժողովուրդ» օրաթերթը։

ԶԼՄ–ին հասած հասած տեղեկությունների համաձայն՝ քրեական գործով նախաքննական մարմինը հետախուզում է հայտարարել նախկին մարզպետի որդու՝ Տիգրան Խաչատրյանի նկատմամբ։

«Ըստ էության, կրակոցների գործով երկրորդ անձի նկատմամբ է հետախուզում հայտարարվում: Ինչպես հայտնի է, ՀՀ քննչական կոմիտեն Սյունիքի մարզպետ Մելիքսեթ Պողոսյանի որդուն՝ Կարեն Պողոսյանին կալանավորելու միջնորդություն է ներկայացրել դատարան, որը բավարարվել է, և մարզպետի որդու նկատմամբ ևս հայտարարվել է հետախուզում: Նրան փնտրում են ու փնտրում, իսկ հայրն էլ մարզպետ է աշխատում»,–գրում է թերթը:

Հիշեցնենք` հուլիսի 14-ի ուշ երեկոյան կրակոցներ էին հնչել Գորիս քաղաքում, ինչի հետևանքով նախկին մարզպետ Սուրիկ Խաչատրյանի մտերիմներից մեկը վիրավորվել էր, նրան տեղափոխել էին Երևան:

Կրակոցի կիզակետում է հայտնվել Սյունիքի մարզպետ Մելիքսեթ Պողոսյանի որդին՝ Կարեն Պողոսյանը: Նախկին մարզպետ Սուրիկ Խաչատրյանի մտերիմներն ու գործող մարզպետ Մելիքսեթ Պողոսյանի որդին հին հաշիվներ են ունեցել:

Պարզվել է Գորիսում տեղի ունեցած փոխհրաձգության մասնակիցների շրջանակը

7