Xiaomi

Չինացիները ներկայացրել են ձայնային նոր օգնականին, որի հետ կարելի է ի սրտե զրուցել

125
(Թարմացված է 17:24 19.11.2019)
Չինական ընկերության ձայնային օգնականը ոչ միայն ժամերով զրուցելու է օգտատիրոջ հետ, այլև մի շարք գործողություններ է կատարելու նրա փոխարեն։

ԵՐԵՎԱՆ, 19 նոյեմբերի – Sputnik. Xiaomi ընկերությունը պատրաստվում է թողարկել նոր ձայնային օգնական XiaoAI 3.0-ն։ Ըստ mydrivers–ի` ընկերությունն այդ մասին հայտարարել է այսօր՝ նոյեմբերի 19-ին, Չինաստանում կայացած Xiaomi Developers Conference 2019-ի ժամանակ։

Ընկերությունը վստահեցնում է, որ XiaoAI-ն լինելու է աշխարհի առաջին ձայնային օգնականը, որի հետ հնարավոր կլինի երկար խոսակցություն վարել կամ ուղղակի «չաչանակել»։ Իսկ ապագայում ընկերությունը խոստանում է, որ XiaoAI–ը կդառնա «ամենակենդանի» օգնականը։

Այս ամենից բացի նշվում է, որ զրույցն ամեն պահի հնարավոր է ընդհատել և օգնականին տալ որոշակի հրահանգներ, իսկ նա միանգամից կանցնի դրանց կատարմանը։

Ռուսական ընկերությունը հիմա էլ ականջակալներն է ոսկով պատել

Ձայնային օգնականն ամենայն հավանականությամբ ունենալու է երկու ձայն։ Վերջում էլ ընկերությունը չի մոռացել հայտնել մեկ այլ կարևոր առանձնահատկության մասին․ այն ժամանակ, երբ օգտատիրոջը հնարավոր չի լինի զանգին պատասխանել և լսել՝ ինչ է ասում զրուցակիցը, օգնականը պատասխանելու է տիրոջ փոխարեն, խոսակցությունը դարձնելու է տեքստ, իսկ օգտատիրոջը միայն կմնա կարդալ և պատասխանել արդեն նամակի միջոցով։

Հաքերները 60 հազար դոլար են ստացել Amazon–ի արտադրանքը կոտրելու համար

125
թեգերը:
սմարթֆոն, Xiaomi ընկերություն
թեմա:
Տեխնիկա և նորարարություններ (170)
Ըստ թեմայի
Այ քեզ բան․ Facebook–ը «մերժում» է սմբուկն ու դեղձը, ամերիկացիները շեղում են սմարթֆոնից
Facebook–ն արդեն փորձարկում է ֆեյքերի դեմ պայքարող նոր «գործիքը»
Tesla–ի մեքենաները սկսել են ճանաչել կոները
Կանանց համար հատուկ տաքացվող վարտիքներ են ստեղծել
Արթուր Դավթյան

Մարդկության դեմ ուղղված հանցագործություններ. Դավթյանը խոսել է Ադրբեջանի արածների մասին

19
(Թարմացված է 17:44 20.10.2020)
ՀՀ գլխավոր դատախազը պատրաստակամություն է հայտնել համագործակցելու կազմակերպության անդամ երկրների համապատասխան իրավապահ կառույցների հետ ոչ միայն տարածաշրջանային, այլ արդեն իսկ միջազգային հանրությանը սպառնացող ահաբեկչության դեմ ընդհանուր պայքար մղելու գործում։

ԵՐԵՎԱՆ, 20 հոկտեմբերի — Sputnik. ՀՀ գլխավոր դատախազ Արթուր Դավթյանը Շանհայի համագործակցության կազմակերպության շրջանակներում բարձրացրել է Ադրբեջանի Հանրապետության կողմից Հայաստանի Հանրապետության և Արցախի Հանրապետության դեմ սանձազերծված ագրեսիվ պատերազմի ընթացքում ադրբեջանական զինված ուժերի կողմից կատարված խաղաղության և մարդկության անվտանգության դեմ ուղղված հանցագործությունները:

Ինչպես տեղեկացնում են դատախազության մամուլի ծառայությունից, այսօր կայացել է Շանհայի համագործակցության կազմակերպության անդամ-պետությունների գլխավոր դատախազների հերթական տարեկան առցանց նիստը, որին մասնակցել է նաև ՀՀ գլխավոր դատախազ Արթուր Դավթյանը:

Մասնավորապես, նա նշել է, որ հայ ժողովրդի դեմ Ադրբեջանի կողմից ավելի քան 3 շաբաթ շարունակվող պատերազմական գործողությունների ընթացքում հրթիռահրետանային միջոցներից, այդ թվում նաև միջազգայնորեն արգելված զինատեսակներից, դիտավորյալ և նպատակաուղղված թիրախավորվել են նաև բնակավայրերն ու քաղաքացիական ենթակառուցվածքները։ Այդ հարվածների հետևանքով մահացել կամ վիրավորվել են ռազմական գործողությունների հետ որևէ առնչություն չունեցող բազմաթիվ խաղաղ բնակիչներ, այդ թվում նաև մանկահասակ երեխաներ, ինչպես նաև միջազգային պաշտպանության ներքո գտնվող անձինք՝ լրագրողները:

ՀՀ գլխավոր դատախազն ընդգծել է նաև արդեն իսկ միջազգային հանրության կողմից փաստված հակամարտության գոտի միջազգային ահաբեկչական խմբավորումների անդամների, վարձկանների տեղափոխման և Ադրբեջանի կողմից ռազմական գործողություններին նրանց ներգրավելու իրողությունը: «Նման հանցավոր վարքագիծը լրջագույն սպառնալիք է ինչպես տարածաշրջանի, այնպես էլ միջազգային անվտանգության համար, քանի որ ահաբեկիչների կործանարար գործունեությունն արդեն իսկ դուրս է եկել հակամատրության գոտուց և ներթափանցում է տարածաշրջանի առանձին երկրներ՝ վերածվելով խաղաղ բնակչության անվտանգության համար իրական «դամոկլյան սրի»»,–ասել է նա:

Հղում կատարելով այն հանգամանքին, որ Շանհայան համագործակցության կազմակերպության հիմնական նպատակներից մեկը այդ մեծ տարածաշրջանում խաղաղության, անվտանգության և կայունության ապահովումն է, միջազգային ահաբեկչության համատեղ հակազդումը՝ Արթուր Դավթյանն անթույլատրելի է համարել ռազմական գործողություններին ահաբեկչական տարրի ներգրավումը, խաղաղ բնակիչների, զինծառայողների նկատմամբ ահաբեկիչ ծայրահեղականներին բնորոշ վայրագությունների իրականացումը:

ՀՀ գլխավոր դատախազը պատրաստակամություն է հայտնել համագործակցելու կազմակերպության անդամ երկրների համապատասխան իրավապահ կառույցների հետ ոչ միայն տարածաշրջանային, այլ արդեն իսկ միջազգային հանրությանը սպառնացող ահաբեկչության դեմ ընդհանուր պայքար մղելու գործում։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 20-ի ժամը 14:30-ի դրությամբ` հակառակորդի կրակոցների հետևանքով զոհվել են 772 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6309 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 200 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 576 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները

19
թեգերը:
վարձկաններ, ահաբեկիչ, Ադրբեջան, Ղարաբաղյան հակամարտություն, Լեռնային Ղարաբաղ, Արցախ, դատախազ, Արթուր Դավթյան
թեմա:
Ադրբեջանական ագրեսիան Արցախում - 2020
Ըստ թեմայի
Իրանի տարածքում ԱԹՍ է ընկել. Իրանը չի ների իր անվտանգության դեմ ուղղված որևէ քայլ
Մենք աղոթում ենք խաղաղության համար. Ջորջ Քլունին աջակցություն է հայտնել հայերին
«Ուզում եմ` խաղաղություն լինի և հայրիկները գան տուն». արցախցի երեխաները` նախագահականում
Շքերթ Իրանում, արխիվային լուսանկար

Իրանը զանգվածային զորավարժություններ կանցկացնի

102
(Թարմացված է 17:33 20.10.2020)
Զորավարժությունները կկրեն «Վելայաթ երկինք 99-ի պահապաններ» անվանումը, դրանցում կներգրավվեն իրանական արտադրության հրթիռային համակարգեր և ռադարներ։

ԵՐԵՎԱՆ, 19 հոկտեմբերի - Sputnik. Իրանը հոկտեմբերի 21-ից հակաօդային պաշտպանության զանգվածային զորավարժություններ կսկսի: Տեղեկությունը հայտնում է իրանական Tasnim լրատվական գործակալությունը։

Զորավարժությունների հրամանատար գեներալ Քադեր Ռահիմզադեն գործակալությանն ասել է` զորավարժությունը, որում ներգրավված են իրանական բանակի և Իսլամական հեղափոխության պահապանների կորպուսի հակաօդային պաշտպանության ստորաբաժանումները, ուղղված է մարտական պատրաստվածության բարձրացմանը և զինված ուժերի ՀՕՊ-ի հնարավորությունների համախմբմանը:

Պատերազմը քթի տակ է, կամ ինչ անել, որ Իրանն օգնի Հայաստանին

Զորավարժությունները կկրեն «Վելայաթ երկինք 99-ի պահապաններ» անվանումը, դրանցում կներգրավվեն իրանական արտադրության հրթիռային համակարգեր, ռադարներ, էլեկտրոնային պատերազմական սարքավորումներ և կապի համակարգեր, որոնք օդային սպառնալիքներին հակազդում են փոքր, միջին և մեծ բարձրություններում: Զորավարժությունների ընթացքում նախատեսում են նաև գործարկել կործանիչներ, ռմբակոծիչներ ու անօդաչու թռչող սարքեր։ Զորավարժությունները կծածկեն երկրի տարածքի կեսից ավելին։

Իրանի հակաօդային պաշտպանությունն ամեն տարի իրականացնում է նման զորավարժություններ։

Նշենք, որ Հայաստանի և Ադրբեջանի միջև վերջին հակամարտության ողջ ընթացքում Իրանում մոտ 70 հրթիռ, ԱԹՍ և արկ է հայտնվել։

«Անտարբեր չլինենք». ում է պաշտպանում Իրանը Ղարաբաղյան հակամարտությունում

102
թեգերը:
Զորավարժություններ, Իրանի Իսլամական Հանրապետություն
Ըստ թեմայի
Ինչի կհանգեցնի Իրանի նկատմամբ զենքի էմբարգոյի վերացումը. փորձագետը փակագծեր է բացել
Հայաստանը Ռուսաստանին և Իրանին է փոխանցել ադրբեջանական հանցագործությունների ապացույցները
Մեկ օրում Իրանի տարածքում առնվազն 8 ԱԹՍ է ընկել արցախյան հակամարտության գոտուց
Արխիվային լուսանկար

Զինվորների մոտ ընդհանրապես հեռախոս չպետք է լինի. դա շատ ու շատ վտանգավոր է

0
(Թարմացված է 18:00 20.10.2020)
Փորձագետի խոսքով ՝ քաղաքացիական կյանքում օգտագործվող հեռահաղորդակցության միջոցները չի կարելի մարտի դաշտում կիրառել։

ԵՐԵՎԱՆ, 20 հոկտեմբերի - Sputnik. Զինծառայողների մոտ կոմունիկացիան պետք է լինի զինվորական, ոչ թե քաղաքացիական նշանակության։ Sputnik Արմենիայի հետ զրույցում նման կարծիք հայտնեց մեդիափորձագետ Արթուր Պապյանը` մեկնաբանելով հայկական բանակի զինվորական անձնակազմի կողմից շարժական սարքերի օգտագործման փորձը և դրանից բխող հետևանքները:

Ավելի վաղ հայտնի էր դարձել ադրբեջանական զինուժի կողմից գերեվարված և սպանված հայ զինծառայողների հեռախոսներն օգտագործելու մասին: Խնդրին անդրադարձել էր նաև ՀՀ ՄԻՊ Արման Թաթոյանը:

Մեդիափորձագետ Արթուր Պապյանի խոսքով` պարզունակ (կոճակներով) հեռախոսները, որոնք երկար ժամանակ վերալիցքավորում չեն պահանջում, շատ քիչ ֆունկցիաներ ունեն, ընդհանրապես որևէ տիպի անվտանգություն չեն ապահովում։ Դրանք կարելի է գաղտնալսել, հաղորդագրությունները հնարավոր է վերծանել և այլն։ Մինչդեռ սմարթֆոնները հնարավոր է ինչ-որ կերպ պաշտպանել, սմարթֆոններով կարելի է ունենալ, օրինակ, «սիգնալ մեսենջեր», կամ այլ անվտանգ «մեսենջերի» ծրագիր և դրանով կոմունիկացիան ապահովել։

Չօգտվել հայկական անուններով ստեղծված ադրբեջանական կեղծ էջերից. ԱԱԾ

Մասնագետի խոսքով` լիարժեք թարմացված օպերացիոն համակարգով սմարթֆոնները շատ ավելի բարդ է կոտրել, եթե այն ունի գաղտնաբառ։

«Իմ կարծիքով` զինվորների մոտ ընդհանրապես հեռախոս չպետք է լինի, որովհետև հեռախոսը մատնում է մարդու տեղը։ Պարզունակ հեռախոսները ևս մատնում են մարդու գտնվելու վայրը մինչև 50-60 մետրի ճշգրտությամբ։ Հաշվի առնելով, որ Արցախը ռոումինգային գոտի է, այդտեղ շեղումները կարող են փոքր-քիչ ավելի տատանվել, բայց մեծ հաշվով դա մատնում է մարդու տեղը և միանշանակ հնարավոր է հետևել, տեսնել կուտակումններ, հասկանալ, որ դա զինվորների խումբ է, ու դա շատ ու շատ վտանգավոր է»,- հավելեց Պապյանը։

Մեկ դիտարկում ևս. ըստ մասնագետի` սմարթֆոնների գաղտնաբառը հնարավոր է այնպես կարգավորել, որ 2-3 անգամ սխալ գաղտնաբառ մուտքագրելու դեպքում հեռախոսի մեջ եղած տվյալները ջնջվեն:

Պարզունակ բջջայիննե՞ր, թե՞ սմարթֆոններ. ինչպես պաշտպանել հայ զինծառայողներին թշնամու «գրոհներից»

Հիշեցնենք` հոկտեմբերի 18-ին կեսգիշերին մոտ ՀՀ Մարդու իրավունքների պաշտպանը փաստեր ներկայացրեց ադրբեջանցիների կողմից հայ զինծառայողին գլխատելու մասին։

Հոկտեմբերի 16-ին, ժամը 13-ի սահմաններում մի ադրբեջանցի զանգահարել է հայ զինծառայողի հարազատ եղբորը և տեղեկացրել, որ նրա եղբայրը գտնվում է իրենց մոտ, իրենք կտրել են եղբոր գլուխը, իսկ լուսանկարը տեղադրելու են համացանցում:

Զանգից մի քանի ժամ անց սպանված զինծառայողի լուսանկարը եղբայրը հայտնաբերել էր նրա սոցիալական ցանցի էջում, որտեղ այն տեղադրել էին հենց ադրբեջանցիները տղային սպանելուց հետո:

Ընդ որում` զանգերը կատարվել են հենց սպանված զինծառայողի հեռախոսահամարից:

Հայ գերիներին սպանել են հենց Հադրութում. հայտնի է նրանց ինքնությունը

Մինչ այդ` հոկտեմբերի 15-ին, սոցցանցերի ադրբեջանական տիրույթում տեսանյութ հայտնվեց, որտեղ Հադրութում գերեվարված 2 հայի ադրբեջանցիները գազանաբար սպանում էին։ Արցախի և ՀՀ ՄԻՊ-երն այս խնդրով դիմել են միջազգային համապատասխան ատյաններին։

0
թեգերը:
սմարթֆոն, Զինվոր, բջջային
թեմա:
Ադրբեջանական ագրեսիան Արցախում - 2020
Ըստ թեմայի
Երկու օրում բանակում մի քանի հարյուր սմարթֆոն է հայտնաբերվել. ՊՆ
Տվյալներ չփոխանցել. հակառակորդի մոտ են հայտնվել մեր հայրենակիցների բջջային հեռախոսներ
Արցախի բջջային համարից ադրբեջանցիները զանգում և անտեղի խուճապ են տարածում. ԱԱԾ