ԵՐԵՎԱՆ, 18 նոյեմբերի — Sputnik. Կորեայի Ժողովրդադեմոկրատական Հանրապետության (ԿԺԴՀ) առաջնորդ Կիմ Չեմ Ինը հետևել է երկրի զինված ուժերի զորավարժություններին ու ակնարկել է, որ պատերազմ է սկսելու։ Այս մասին այսօր հայտնել է Կորեայի Կենտրոնական հեռագրական գործակալությունը։
Զորավարժությունների ընթացքում Հյուսիսային Կորեայի առաջնորդը կարևորել է ռազմական գործողություններին պատրաստ լինելը։ Կիմ Չեն Ինը նշել է նաև, որ անհրաժեշտ է զորավարժություններ անցկացնել առանց զգուշացման, հանպատրաստից, քանի որ դա բարձրացնում է բանակի պատրաստականությունը պատերազմին։
Նախորդ ամսվա ընթացքում Հյուսիսային Կորեան երկու հրթիռ էր բաց թողել դեպի ծով` Կորեական թերակղզու ու Ճապոնիայի միջև։ Արկերն ընկել են ջրի մեջ` երկրի տնտեսական գոտուց դուրս։
Իրանում զանգվածային ցույցեր են. ԱՄՆ–ն աջակցում է բողոքի ակցիայի մասնակիցներին
Ավելի վաղ ԿԺԴՀ–ի ժողովրդական ժողովի խոսնակ Պակ Տխե Սոն հայտարարել էր, որ ԱՄՆ–ն ու Հարավային Կորեան իրենց գործողություններով զայրացնում են Փհենյանին։ Նրա խոսքով` Հյուսիսային Կորեան փորձում է վերջ տալ Կորեական թերակղզում պատերազմի սպառնալիքներին։
Բազմահազարանոց բողոքի ակցիաներ. ինչ է կատարվում Թբիլիսիում. տեսանյութ
